VESTNES KOMMUNE Saksframlegg Arkiv: G00 Arkivsaksnr.: 2011/3205 Saksbehandlar: Karin Pedersen Dato: 22.12.2011 Samarbeidsavtale mellom Vestnes kommune og Helse Møre og Romsdal HF Utval Møtedato Utvalssak Formannskapet Kommunestyret Administrasjonssjefen si innstilling Vestnes kommunestyre godkjenner ikkje framlagt forslag til samarbeidsavtale mellom Vestnes kommune og Helse Møre og Romsdal HF (HMR). Manglande godkjenning skuldast uavklarte forhold som gjeld punktet om utskrivingsklare pasientar, jf vedlegg 5a, Samarbeid om utskriving av pasientar med behov for somatiske helsetenester, pkt. 6.3. SAKSUTGREIING: Bakgrunn: Stortinget vedtok ny lov om kommunale helse og omsorgstenester den 14. juni 2011. Den nye lova trår i kraft 1. januar 2012. Kommunar og helseføretak er etter lova forplikta til å inngå samarbeidsavtalar og det vert stilt minimumskrav til innhaldet i avtalane 6-1 og 6-2. Samarbeidet mellom helseføretaket og kommunane vert i dag regulert av avtalar som er inngått mellom Helse Nordmøre og Romsdal og tilhøyrande kommunar og Helse Sunnmøre og kommunane på Sunnmøre. Etter samanslåing til eitt helseføretak, heretter kalla HMR, skal no alle kommunane i Møre og Romsdal inngå ny avtale med HMR. Forslaget til ny samarbeidsavtale bygger på dei eksisterande samarbeidsavtalane og er tilpassa dei nye lovkrava. Den 10.10.2011 vart det inngått ein overordna intensjonsavtale (også kalla samarbeidsavtale) mellom Helse Midt og Kommunenes Sentralforbund (KS) i dei tre fylka i Midt-Noreg. Denne avtalen dannar eit grunnlag for arbeidet med den juridisk bindande avtalen mellom kommunane og tilhøyrande helseføretak i kvar av dei tre fylka.
Det har ikkje vore mogleg å kome til ein omforeint avtale kva gjeld varsling av utskrivningsklare pasientar. Helse- og omsorgsdepartementet er bedt om å avklare korleis kommunane i Møre og Romsdal og HMR kan kome til semje på dette punktet. Det vert arbeidd frå fleire hald, regionråd, rådmannsutval og KS for å få ei avklaring. Ein avventar no ei avklaring og avgjerd frå helse- og omsorgsdepartementet i høve varsling av utskrivningsklare pasientar. Når det gjeld dei andre punkta i avtalen er det semje mellom kommunane og HMR. Anbefaling frå kommunerepresentantane i forhandlingsdelegasjonen Kommunerepresentantane i forhandlingsdelegasjonen for ny samhandlingsavtale anbefaler som følgjer når det gjeld spørsmålet om varsling av utskrivningsklare pasientar: før problemet er avklart. Styret i ÅRU gjorde 06.01.2012 følgjande vedtak: ÅRU støtter kommunerepresentantene i forhandlingsdelegasjonen for ny samhandlingsavtale i spørsmålet om varsling av utskrivningsklare pasienter. før problemet er avklart. Problemstilling til K-styret: - Avvente med behandling av samarbeidsavtalen til det er semje om alle punkta - Behandle Samarbeidsavtalen på alle andre punkt, men vente med punktet som gjeld varsling av utskrivningsklare pasienter i vedlegg 5a og underskriving av avtalen. Økonomiske verkemiddel Kommunal medfinansiering av spesialisthelsetenesta (20%,maks kr 30.000). Kommunalt betalingsansvar for utskrivningsklare pasientar med kr 4.000 pr. døgn for fortsatt innlegging i sjukehus. Betalingsansvaret gjeld frå pasienten er definert utskrivningsklår av lege på sjukehuset. Prosess På Samhandlingsmøte med representantar frå regionråda, samhandlingsutvalet for Sunnmøre, samhandlingsutvalet for Nordmøre og Romsdal, HMR og KS den 02.09.11 vart det oppretta to arbeidsgrupper; 1. Framtidig samarbeidsstruktur: Leiar og nestleiar frå dei respektive samhandlingsutvala, assisterande direktør og konstituert samhandlingssjef HMR fekk i oppgåve å lage eit forslag til Samarbeidsstruktur mellom kommunane og HMR. Forslaget vart bearbeida og justert ut frå høringsuttala som kom frå kommunane og HMR innan 21. november. 2. Forhandlingsgruppe Samarbeidsavtale: Representantar frå regionråda, KS, HMR og brukerutvalet fekk i oppgave å lage og forhandle fram eit forslag til Samarbeidsavtale mellom kommunane i M&R og HMR. Medlemmar i Forhandlingsgruppa:
ORKIDE: Rådmann Olaug Haugen ROR: Prosjektleiar Hege Beate Stornes ÅRU: Kommuneadvokat Olav Aarøe Søre Sunnmøre regionråd: Kommuneoverlege Arne Gotteberg KS: Prosjektleiar Ann Sissel M. Nedberg HMR: Konstituert Samhandlingssjef Britt Rakvåg Roald HMR: Spesialrådgivar Robert Giske HMR: Trainee HMR Signe Sefland, sekretær Brukarutval: Kari Samdal Forhandlingsgruppa har hatt 5 dagssamlingar. Representantane har kontinuerlig henta innspel på utkastet til samarbeidsavtale frå sine grupper. Utarbeidd utkast har blitt diskutert og justert inn i avtalen. Arbeidet har vore prega av respekt, god vilje og mål om å lage ein samarbeidsavtale som kan vere likelydande og passe for alle kommunane i Møre og Romsdal. Krav til innhald i ny Samarbeidsavtale Samarbeidsavtalane som tidlegare har vore inngått, har vore utforma som intensjonsavtaler. I henhold til loven skal det gjerast avtalar som er rettsleg bindande for partane. Plikt til å inngå samarbeidsavtaler er fastsett i helse- og omsorgslova 6-1 og i spesialisthelsetjenesteloven 2-1 e. I helse- og omsorgslova 6-2 Krav til avtalens innhold vert dei områda omtala som avtalen som eit minimum skal omfatte. Helse- og omsorgsdepartementet (HOD) har utarbeida ein rettleiar (nasjonal veileder) som skal sikra at det vert ein einsarta praksis i bruken av samarbeidsavtaler. Rettleiaren legg vekt på at dei nye avtalane bør bygge vidare på dei avtalane som allereie er laga mellom partane, og er meint som eit praktisk hjelpemiddel. Fleire forskrifter som har relevans for tenesteavtalane ligg ikkje føre per dags dato. Forskrifter som fortsatt er under utarbeiding er forskrift om akuttmedisinske tenester utanfor sykehus og forskrift om fastlegeordninga. Nye reglar er også føreslått i forskrift om individuell plan og koordinator, samt forskrift om habilitering og rehabilitering. Forslaget inneber at partane er einige om at samarbeidsområde som omtales under 6-2 skal fastsetjast i ein samarbeidsavtale kor dei ulike samarbeidsområda vert tatt inn som vedlegg til Samarbeidsavtalen etter kvart som det vert utarbeidd. Dette vil også gjelde andre ikkje lovpålagte avtaler som HMR og kommunen ønsker å inngå. Tidsplan og prosess for lovpålagte tenesteavtalar Helse og omsorgsdepartementet har beslutta at det innan 31.1.2012 skal vere laga samarbeidsavtalar for desse punkta i 6-2: 1, 3, 5 og 11 (skrevet med fet skrift under). Departementet har vidare bestemt at dei lovpålagte samarbeidsområda som heile senest skal vere laga innen 1.7.2012.
Dei resterande 7 samarbeidsområda vil derfor kome som ny sak til behandling i løpet av våren 2012. Samarbeidsområda: 1. Enighet om hvilke helse- og omsorgsoppgaver forvaltningsnivåene er pålagt ansvaret for og en felles oppfatning av hvilke tiltak partene til enhver tid skal utføre 2. Retningslinjer for samarbeid i tilknytning til innleggelse, utskrivning, habilitering, rehabilitering og lærings- og mestringstilbud for å sikre helhetlige og sammenhengende helse- og omsorgstjenester til pasienter med behov for koordinerte tjenester 3. Retningslinjer for innleggelse i sykehus 4. Beskrivelse av kommunens tilbud om døgnopphold for øyeblikkelig hjelp etter 3-5 tredje ledd 5. Retningslinjer for samarbeid om utskrivningsklare pasienter som antas å ha behov for kommunale tjenester etter utskrivning fra institusjon 6. Retningslinjer for gjensidig kunnskapsoverføring og informasjonsutveksling og for faglige nettverk og hospitering 7. Samarbeid om forskning, utdanning, praksis og læretid 8. Samarbeid om jordmortjenester 9. Samarbeid om IKT- løsninger lokalt 10. Samarbeid om forebygging 11. Omforente beredskapsplaner og planer for den akuttmedisinske kjeden (Helse- og omsorgstjenesteloven 6-2) Samarbeidsavtalen må reviderast etter kvart som nye forskrifter vert ferdigstilt, og ved etablering av behandlingstilbod som krev avklaring av oppgave- og ansvarsfordeling. Vurdering/anbefaling til vidare prosess: Kommunehelsesamarbeidet sitt sekretariat har kome med forslag til saksframlegg for kommunestyret. Utarbeiding og oppfølging av avtaleverk vil kreve at helseføretaket og kommunane prioriterer og har tydeleg strategisk fokus når det gjeld vidare utvikling av samhandlinga. I tillegg vil det kreve at kommunane og helseføretaka set av ressursar som trengst til utvikling og oppfølging av avtalar. Samarbeidsavtalen må handsamast av det enkelte kommunestyre innan utgangen av januar/begynnelsen av februar. Samarbeidsavtalen med dei vedlegg som ligg føre skal inngåast mellom kvar av kommunane og HMR. Det vert avtalt møter for formell inngåing av avtale mellom HMR og kommunane i løpet av januar/februar 2012.
Kommunerepresentantane i forhandlingsdelegasjonen for ny samhandlingsavtale anbefaler som følgjer når det gjeld spørsmålet om varsling av utskrivningsklare pasientar: før problemet er avklart. Administrasjonssjefen vurderer det som mest strategisk klokt for kommunane å stå saman om kravet om at kommunane skal varslast om utskrivingsklare pasientar i kontortida måndag til fredag. Det mest verknadsfulle i denne samanheng vil vere å utsette godkjenning av heile avtalen. Særutskrift til: Helse Møre og Romsdal HF Vedlegg: 1 Samarbeidsavtale mellom Vestnes kommune og Helse Møre og Romsdal HF 2 Vedlegg 1 Partenes ansvar mht helse- og omsorgsoppgaver 3 vedlegg 3 a Samarbeid om innlegging og behandling somatikk 4 Vedlegg 5 a Samarbeid om stskriving somatikk 5 Vedlegg 3 b Samarbeid om innlegging og behandling psykiske helsetj 6 Vedlegg 5 Samarbeid om utskriving psykisk helsevern 7 Vedlegg 11 Omforente beredskapsplaner 8 Dokument 12 Samhandlingsstruktur mellom kommunene og HMR