Midsund kommune Møteinnkalling Utval: Formannskapet Møtestad: Kantina, Kommunehuset Dato: 29.10.2012 Tid: 12:00 Forfall må meldast til utvalssekretær på telefon 71 27 05 00 som syt for innkalling av varamedlemmer. Varamedlemmer møter etter nærare melding. SAKSLISTE Saksnr Innhald Arkivsaknr PS 12/91 Referatsaker PS 12/92 Utviklingsplan for Helse Møre og Romsdal HF - høyringsuttale 2012/503 PS 12/93 Budsjettendring - investeringsprosjekt 2012 2012/252 PS 12/94 Støttnesvegen - bygging av ny veg på eigedom - Oddbjørn Misund 50/1 PS 12/95 Innspel til planprosessar i samferdselssektoren - 2012 - Møre og Romsdal fylke. 2012/431 2012/494 Midsund, 24.10.2012 Einar Øien Ann Torill Vaksvik ordførar sekretær
PS 12/91 Referatsaker
Midsund kommune Rådmannen Arkivsak: 2012/503-1 Arkiv: 122 Saksbeh: Ketil Ugelvik Dato: 17.10.2012 Saksframlegg Utviklingsplan for Helse Møre og Romsdal HF - høyringsuttale Utvalsak Utval Møtedato 12/92 Formannskapet 29.10.2012 Kommunestyret Forslag til vedtak: Kommunestyret har følgjande merknader til forslag til utviklingsplanen frå Helse Møre og Romsdal HF: 1. Framdriftsplan for utviklingsarbeidet 1.1 Kommunane er inviterte til å gi uttale til utviklingsplanen sine sju løysingsalternativ før helseforetaket har utført ROS-analysar av det enkelte alternativ. Dette er svært uheldig, og betyr at kommunane må gi sine innspel utan å kjenne til det reelle grunnlagsmaterialet som helseforetaket vil ha ferdig om ca. 1 månad. 1.2 Med «løysingsalternativ» meiner helseforetaket alternative modellar for utbygging, ikkje alternative lokaliseringsstader. Det er uakseptabelt at beslutning om utbyggingsstad ikkje skal bli tatt før i 2015/16. Det regionale og lokale Helseforetaket har ingen rett til å halde to aktive regionar på pinebenken i mange år framover og gjennom dette «lamme» andre viktige samarbeidsprosessar.
Lokalisering må difor besluttast i same prosess som val av løysingsalternativ. Samla sett vil dette effektivisere (korte ned) framdriftsplana. 2. Petroleumsberedskapen I helseforetakets utgreiingsarbeid blir Petroleumsberedskapen tillagt stor vekt for framtidig utbygging og lokalisering av spesialisthelsetilbodet: «Alle alternative løysingsmodellar for framtidig sjukehusstruktur må risikovurderast nøye med omsyn til petroleumsverksemda på sokkelen» (s. 17). Midsund kommunestyre vil presisere følgande: a) Aktuelle installasjonar i Norskehavet («på sokkelen») vil ha ei gjennomsnittleg bemanning på om lag 80-100 personar til eikvar tid b) Nyhamna, landanlegget for gassen frå Ormen Lange, vil bli utbygd i fleire fasar fram mot 2030, og ha ei gjennomsnittleg bemanning som er 10 gonger så mange «på sokkelen» (opp mot 1000 personar til eikvar tid) Midsund kommunestyre meiner ut frå dette, i den grad omfanget av petroleumsaktivitane i regionen skal tilleggast vekt, at det er logisk at framtidig val av utbyggingsstad for nytt sjukehus må ta omsyn til dette tyngdepunktet. 3. Løysingsmodellar- og alternativ 3.1 Val av løysingsmodell må a) sikre eit godt kvalitativt og fagleg tilbod til pasientane b) vere den beste modellen m.o.t. å rekruttere og behalde fagpersonell c) vere lett tilgjengeleg for hovedtyngda av pasientar, tilsette, besøkande, m.v. 3.2 Helseforetaket har lagt fram sju alternative løysingsmodellar til høyring. Kommunestyret ser slik på desse modellane: 0 Uaktuelt: dagens to sjukehus har akuttberedskap og vaktberedskap helg/kveld, mange delte funksjonar, ikkje robuste nok fagmiljø, lite tilfredsstillande mulegheiter for fagleg utvikling, urasjonell bruk av spesialistar, for lite pasientgrunnlag for to fullverdige sjukehus, lite rasjonell modell å drifte 1A 1B 2A Lite aktuelt: krev m.a. modernisering og utbygging av sjukehuset på Lundavang (uhensiktsmessig å flikke på gamle bygg) eller i Kristiansund (ikkje utvidingsmulegheiter), og krevande å bygge ut samstundes som sjukehusa skal drivast døgnkontinuerleg. Lite aktuelt: som 1A Svært aktuelt: eitt felles sjukehus med samling av akuttfunksjonar, styrking av fagmiljø, det alternativ som samla sett truleg vil gi pasientane det beste tilbodet. Sett ut frå tyngdepunkta når det gjeld spesialistar, fagmiljø, befolkningsgrunnlag, m.v. er det naturleg at nytt sjukehus blir bygd bynært Molde. Kristiansund sjukehus får da dagbehandling og poliklinikk.
2B Ikkje aktuelt: Fagleg sett som 2A, men Kristiansund har har langt mindre tyngde i fagmiljø, etc. enn Molde. 3A 3B Lite føremålsteneleg: driftsmessig og økonomisk er dette lite rasjonelt, må oppretthalde 3 driftseiningar (nytt sjukehus, samt poliklinikkar/dagbehandling i begge byane), koordineringsproblem, uoversiktleg for brukarar. Dette alternativet vil svekke viktige, framtidige kriterier for god sjukehusdrift, jfr. Pkt 3.3 Uaktuelt: det mest kostbare å bygge ut, ingen funksjonar/tilbod i byane eller bynært, alle pasientar, tilsette, pårørande, besøkande får lang reiseavstand, manglande infrastruktur. Uklart om 3B omfattar eventuell lokalisering av nytt sjukehus på Hjelset eller Frei. Truleg det verst tenkelege alternativet. 3.3 Midsund kommunestyre sitt val av løysingsalternativ Eit framtidig sjukehus må ligge bynært. Viktige omsyn som å utvikle gode fagmiljø, rekruttere og behalde nøkkelpersonell, miljøspørsmål (redusere omfanget av transport og forureining), etc. tilseier det. Poliklinisk behandling må skje i byane, eller bynært. Framtidig sjukehusstruktur må følgje hovedtrekka i og tyngdepunkta for busetting, pasientgrunnlag, talet på tilsette, talet på spesialistar, m.v. over 70% av alt dette ligg i Romsdal/Molde. Midsund kommunestyre tilrår at Møre og Romsdal HF går inn for følgjande: Lokalisering av nytt sjukehus bør skje ihht alternativ 2A «bynært Molde», d.v.s. Eikrem Hjelset området. Aktuelle fagrapportar peikar ut dette området som det beste alternativet for Nordmøre og Romsdal når nytt sjukehus skal byggast. 4. Investeringsmidlar Statlege styresmakter må garantere at nødvendige midlar til bygging av nytt sjukehus blir stilt til disposisjon seinast i 2017/2018, uavhengig av helseforetakets driftsøkonomi i forkant av ei utbygging. Bakgrunn: Styret for Helse Møre og Romsdal bad administrerande direktør om å presentere alternative løysingsmodellar for sjukehusstruktur for styret innan august/september 2012. Rapporten frå Helse Møre og Romsdal HF er sendt alle kommunane i Møre og Romsdal i form av eit høyringsdokument med frist for å gje innspel innan 7. november. I innleiinga til dokumentet skriv dei følgjande: «Helse Møre og Romsdal HF skal i løpet av 2012 utarbeide ein utviklingsplan for føretaket. Dette er ein plan for utvikling og samarbeid mellom sjukehusa for å sikre eit framtidig berekraftig (både fagleg, økonomisk og bygningsmessig) sjukehustilbod for innbyggarane i Møre og Romsdal. Dette skal bygge på overordna mål og strategiske føringar frå overordna mynde»
Utviklingsplanen vart presentert i styremøte i HF 11. september og saka har fått brei medieomtale. Det er og lagt fram ei rekkje dokument i rapporten (s 5), både interne og eksterne analysedokument er lagt ved høyringsuttalen. Det er bestemt at ROR kommunane skal kome med ein felles uttale. I tillegg legg Midsund kommune fram eiga sak til politisk behandling innan fristen. Utgreiing: Høyringsutkastet frå helseføretaket peikar på 7 ulike alternative løysingar for sjukehusstruktur i Helse Møre og Romsdal. Høyringsutkastet inneheld analyser både frå Helseforetak og frå ulike konsulentfirma. Alternative løysingsmodellar Nr. Beskriving 0 Framleis drift av dagens 4 somatiske sjukehus med funksjonsfordeling som i dag, samt psykiatrien med dagens fordeling på sjukehus og DPS. Naudsynt oppgradering i forhold til bygningsmessige utviklingsplanar held fram, og pålegg frå Statlige tilsyn vert prioritert. 1A Trinnvis utvikling av Molde sjukehus på Lundavang som akuttsjukehuset inkludert sjukehuspsykiatrien for Nordmøre og Romsdal. Trinnvis omlegging av Kristiansund sjukehus til poliklinikk og dagbehandling. 1B Trinnvis utvikling av Kristiansund sjukehus med utgangspunkt i noverande tomt som akuttsjukehuset inkludert sjukehuspsykiatrien for Nordmøre og Romsdal. Trinnvis omlegging av Molde sjukehus til poliklinikk og dagbehandling. 2A Nytt felles akuttsjukehus inkludert sjukehuspsykiatrien for Nordmøre og Romsdal plassert på ny tomt bynært Molde. Bynært blir definert som til og med 20 minutt i bil frå bysentrum. Omlegging av Kristiansund sjukehus til poliklinikk og dagbehandling i noverande lokale. 2B Nytt felles akuttsjukehus inkludert sjukehuspsykiatrien for Nordmøre og Romsdal plassert på ny tomt bynært Kristiansund. Bynært blir definert som til og med 20 minutt i bil frå bysentrum. Omlegging av Molde sjukehus på Lundavang til poliklinikk og dagbehandling. 3A Nytt akuttsjukehus inkludert sjukehuspsykiatrien for Nordmøre og Romsdal plassert mellom 2) byane Molde og Kristiansund. Noverande tomt/bygg på Lundavang og i Kristiansund vert nytta til poliklinikk og dagbehandling. 3B Nytt akuttsjukehus inkludert sjukehuspsykiatrien for Nordmøre og Romsdal plassert mellom 2) byane Molde og Kristiansund. Molde sjukehus Lundavang og Kristiansund sjukehus vert avvikla. 2) Mellom byane er avgrensa på begge sider mot punkta 20 minutt frå respektive bysentrum.
Helseforetaket har lagt opp til følgande framdrift: SINTEF har fått i oppdrag frå Romsdal Regionråd å vurdere sentrale problemstillingar knytt til høyringsdokumentet. I sitt grunnlag har dei i tillegg gått gjennom dokument og erfaringar frå arbeid med utviklingsplanar, strategiske planar og konkrete sjukehusplanar frå ulike delar i landet. Dei har frå høyringsdokumentet vurdert dei ulike momenta og gitt ein kommentar til det som høyringsdokumentet peikar på som vesentleg. I oppsummeringa kjem SINTEF fram til at dei vurderer alternativet med sjukehus nær Molde som eit betre alternativ enn Kristiansund. Dei grunngir sin konklusjon med desse kriteria: Rekruttering og robuste fagmiljø (basert på dagens erfaringer) Kunnskapsbasert pasientbehandling (som vel er avhengig av robuste fagmiljø) Utføre lovpålagte oppgåver innan utdanning og forsking (Høgskolen ligger i Molde) Avstand ved akutt sjukdom (utredningen fra Asplan Viak) Avstand ved behandling for sjukdom som ikkje hastar (utredningen fra Asplan Viak) Midsund kommune har i si vurdering lagt vekt på at sjukehuset i Molde har det største fagmiljøet. Meir enn 70% av fagkunnskapen sit her. I høyringsutkastet frå Helseføretaket er det og lagt stor vekt på at større fagmiljø er viktig for å få til eit godt sjukehus. Dei skriv i sitt utkast: «Einsame» fagpersonar kan ha stor kunnskap og kompetanse, men fragmenterte fagmiljø aukar risikoen for lokal einsretting av tilbodet, m.a. fordi dei saknar faglege og kollegiale korrektiv i miljøet og fordi vilkåra for eigen fagutvikling kan vere dårlegare. Eit lite fagmiljø kan ha den fordelen at einskildpersonar får stort erfaringsgrunnlag, til dømes med kirurgiske inngrep eller andre prosedyrar. Men dette inneber også stor sårbarheit når personen sluttar. Det er alltid enklare å rekruttere fagpersonar til eit allereie sterkt fagmiljø, dette miljøet fins i og rundt sjukehuset i Molde. Rekruttering av fagstillingar skjer også ved at det er eit godt samarbeid mellom sjukehus og utdanningsinstitusjon. Høgskolen i Molde har fleire
studieretningar som vil gje fleire studentar moglegheit til å vere i og nær byen. Det er og eit solid samarbeid mellom høgskulen, forskingsmiljøet og helseføretaket. Det er i dokumentet peika på «kunnskapsbasert pasientbehandling». Rapporten peikar berre mot alternativ 3B, dette er Midsund kommune uenig i. I sjukehuset i Molde er det, og vil fortsatt vere store faggruppe som styrkar omgrepet «robuste fagmiljø». Når det i dag er slik at 70% av fagkunnskapen er i Molde, vil denne andelen auke med bygging av sjukehus der. Det er uråd å seie noko sikkert om korleis fagfolka er villige til å pendle til arbeid, men uttaler som har kome heilt frå planlegging av ein mogleg plassering midt mellom byane, har vore klar og eintydig. Det er ikkje eit ønske om å få lang reiseveg til arbeidsplassen. Fagfolk er bekymra for fagmiljøet og peikar på at det ikkje vert meir robust om ein byggjer sjukehus midt mellom byane. Det vert heller ei mindre søking til jobbar som vert samla langt frå ein tettstad. Det er fleire eksempel andre stader i landet kor store einingar har vore flytta og fagfolk ikkje har flytta etter. Det vert store kostnader om alle tilsette, alle pasientar og besøkjande er avhengig av transport for å nå sjukehuset. Om ein bereknar den miljømessige utfordringa ein slik transport vil innebere, vil det medføre store konsekvensar for heile regionen. Høyringsuttalen har fokus på tre hovudpunkt, Tryggleik, Respekt og Kvalitet. Løysingsmodellen 3B som er beskriven som ein modell som vil utgjere det største samla fagmiljøet og som vil vere robust og stabil for framtida, krev eit stort arbeid i forhold til kulturbygging. Når det i dokumentet kjem fram ein viss usikkerheit i om det blir entusiasme rund denne løysninga, kan dette tolkast som om det er strukturen som her skal byggje kulturen. Slik diskusjonen omkring val av løysingar på plassering av sjukehus har vore, vil det krevje svært mykje arbeid om ein skal få ein trygg og god organisasjon med ein kultur kor ein skal bygge respekt og samhandling internt og eksternt. Å bygge kultur og å endre kultur tek fleire år. Det er og nemnt at det er knytt risiko til dette prosjektet og at ein kan risikere å miste ressurspersonell i dette valet. Her er det mange «hvis», «om» og «men» og dette kan vekkje uro i regionen. Sjukehuset er ein institusjon sett saman av sterke fagmiljø som arbeider for at pasientane skal få ein best mogleg behandling før dei skal heim til eigen kommune for rehabilitering/habilitering. Det er svært viktig at kommunane sine vedtak vert teke med i denne bygginga av ein felles kulturforståing. Ikkje berre vil dette handle om eit sjukehus, men og om kommunane som har inngått forpliktande avtalar med helseføretaket. Forpliktande avtalar om at pasientane skal få den nødvendige behandlinga i sjukehus og så skal kommunen og helseføretaket samhandle om vidare pasientforløp. Investeringskostnader. Helseforetaket tek sikte på å fatte vedtak om utbygging først om nokre år. Utbyggingsvedtak avheng delvis av eigenfinansiering. Det er ikkje akseptabelt at tidspunktet for bygging av nytt sjukehus skal vere avhengig av årlege driftsresultat i helseforetaket i forkant av ei utbygging. Dagens bygningsmasse og struktur tilseier at det er svært vanskeleg å drive rasjonelt innanfor stramme rammer. Det er etter at sjukehuset er bygd at ein kan oppnå vesentlege driftsforbetringar. Økonomiske og administrative konsekvensar: Denne saka har ingen økonomiske eller administrative konsekvensar for Midsund kommune.
1 Ketil Ugelvik Rådmann Vedlegg (prenta): Utviklingsplan for Helse Møre og Romsdal HF Vedlegg (uprenta): SINTEFs rapport: Vurdering av høyringsdokument for Utviklingsplan for Møre og Romsdal, datert 11.10.2012 Særutskrift går til: Helse Møre og Romsdal HF
Midsund kommune Rådmannen Arkivsak: 2012/252-7 Arkiv: 151 Saksbeh: Ketil Ugelvik Dato: 17.10.2012 Saksframlegg Budsjettendring - investeringsprosjekt 2012 Utvalsak Utval Møtedato 12/93 Formannskapet 29.10.2012 Kommunestyret Forslag til vedtak: Midsund kommunestyre vedtek følgjande endring i budsjetterte rammer på investeringsprosjekt: Investeringsbudsjett 2012 150 IKT Nye maskin- og programvarer - investeringsramme reduserast med kr 200 000,- 192 Midsund Sokn Otrøy kyrkje - kyrkjegarden grøft/dren felt H,I,J investeringsramme reduserast med kr 510 000,- 193 Midsund Sokn Otrøy kyrkje - kyrkjegard opparbeiing felt H mv investeringsramme reduserast med kr 50 000,- 194 Midsund Sokn Nord Heggdal kapell - nødutgang budsjettert ramme reduserast med kr 260 000,- 370 Midsund sjukeheim - inventar og utstyr (telefonsentral) budsjettert ramme aukast med kr 25 000,- 423 Gjerdet barnehage - nybygg/nyanlegg (84)- investeringsramme reduserast med kr 400 000,- 426 Myratun Nybygg investeringsramme reduserast med 3 000 000,- 440 Digitale kart investeringsramme reduserast med kr 160 000,- 450 Brannvesenet - utstyr - investeringsramme aukast med kr 30 000,- 470 Selvika Byggetrinn I og II - investeringsramme o Ansvar 4700 Veg - reduserast med kr 760 000,- o Ansvar 5010 Vatn aukast med kr 50 000,- o Ansvar 5020 Avløp aukast med kr 200 000,-
472 Veg og parkeringsplass ved Nord Heggdal kapell - investeringsramme reduserast med kr 1 000 000,- 478 Fjellsenden Parkeringsplass Investeringsramme reduserast med kr 450 000,- 480 Gangveg og veglys Breivikvegen investeringsramme reduserast med kr 400 000,- 490 Kommunale kaier - kai Sundsbøen investeringsramme reduserast med kr 40 000,- 500 Kommunalt vatn - Midsund Vassverk investeringsramme aukast med kr 100 000,- 520 Kommunale avløp Nyhamn investeringsramme aukast med kr 250 000,- 521 Kommunale avløp - Støttneset investeringsramme aukast med kr 100 000,- 523 Kommunale avløp - Bøen og Brokvika investeringsramme reduserast med kr 1 200 000,- 525 Kommunale avløp investeringsramme aukast med kr 100 000,- 980 Finanskostnader og inntekter Investeringsregnskap o Ansvar 9800 Overføring frå driftsregnskap momskomp- reduserast med kr 1 000 000,- o Ansvar 9100 Bruk av lån reduserast med kr 6 575 000,- Driftsbudsjett 2012: 810 (ha)ansvar 8451 Momskompensasjon frå investering reduserast med kr 1 000 000,- 980 (ha)ansvar 9800 Overføring til investering reduserast med kr 1 000 000,- Saksutgreiing: Rådmannen legg fram forslag om regulering av vedteke investeringsbudsjett 2012 for å få betre samsvar mellom budsjett og rekneskap 2012. Fleire av prosjekta kjem ikkje i gang som planlagt eller får ei anna framdriftsplan og nokre prosjekt har behov for auke i rammene. Kommentarar på prosjekt; 150 IKT Nye maskin- og programvarer - investeringsramme reduserast med kr 200 000,- til kr 0,- Budsjettramme kr 200 000,- til kjøp av ny servere og nye programvarer kjem ikkje til å bli brukt i 2012. Eininga ber om at ramma blir overført til neste år. 192 Midsund Sokn Otrøy kyrkje - kyrkjegarden grøft/dren felt H,I,J og drenering søre midøy investeringsramme reduserast med kr 510 000 til kr 0 Budsjettramme kr 510 000,- 193 Midsund Sokn Otrøy kyrkje - kyrkjegard opparbeiing felt H mv investeringsramme reduserast med kr 50 000,- til kr 50 000,- Budsjettramme kr 100 000,- 194 Midsund Sokn Nord Heggdal kapell - nødutgang budsjettert ramme reduserast med kr 260 000,- til kr 0,-
Budsjettert ramme kr 260 000,- 370 Midsund sjukeheim - inventar og utstyr (telefonsentral) budsjettert ramme aukast med kr 25 000,- til kr 235 000,- Kostnadar til kjøp av ny telefonsentral på sjukeheimen vart noko høgare enn ramme. 423 Gjerdet barnehage - nybygg/nyanlegg (84)- investeringsramme reduserast med kr 400 000,- til kr 900 000,- Budsjettert ramme kr 1 300 000 settast ned til kr 900 000,- for at samla budsjettrammene i byggeperioden skal stemme med vedteken totalramme 426 Myratun Nybygg investeringsramme reduserast med 3 000 000,- til 9 500 000,- Budsjettramme kr 12 500 000,-. Justeringa er etter framdrift. 440 Digitale kart investeringsramme reduserast med kr 160 000,- til kr 300 000,- Budsjettert ramme kr 460 000,- Nedjustering pga. for høgt budsjettert. 450 Brannvesenet - utstyr - investeringsramme aukast med kr 30 000,- til kr 200 000,- Budsjettert ramme kr 170 000. Auking pga. for lavt budsjettert. 470 Selvika Byggetrinn I og II - investeringsramme Ansvar 4700 Veg - reduserast med kr 760 000,- til kr 1 100 000,- Ansvar 5010 Vatn aukast med kr 50 000,- til kr 400 000,- Ansvar 5020 Avløp aukast med kr 200 000,- til kr 700 000,- Samla budsjettert ramme kr 2 710 000,-. Justert pga. for høgt budsjettert. 472 Veg og parkeringsplass ved Nord Heggdal kapell - investeringsramme reduserast med kr 1 000 000,- Budsjettert ramme kr 1 100 000,- 478 Fjellsenden Parkeringsplass Investeringsramme reduserast med kr 450 000,- til kr 10 000,- Budsjettert ramme kr 460 000,-. Utsett til 2013 for å få til den Statlege sikringa og få tilskot frå MR fylke. 480 Gangveg og veglys Breivikvegen investeringsramme reduserast med kr 400 000,- til kr 100 000,- Budsjettert ramme kr 500 000,-. Blir ikkje ferdigstilt før sommaren 2013. 490 Kommunale kaier - kai Sundsbøen investeringsramme reduserast med kr 40 000,- til kr 0,- Budsjettert ramme kr 40 000,- Blir ikkje aktivitet i år. 500 Kommunalt vatn - Midsund Vassverk investeringsramme aukast med kr 100 000,- til kr 200 000,- Budsjettert ramme kr 100 000,-. Justerast opp for å dekke omlegging/ nylegging av vassledningar rundt Myratun.
520 Kommunale avløp Nyhamn investeringsramme aukast med kr 250 000,- Avslutning på utbygginga. 521 Kommunale avløp - Støttneset investeringsramme aukast med kr 100 000,- Flytting av sjøledning på eks. anlegg, som kom inn i eit ankringsområde. 523 Kommunale avløp - Bøen og Brokvika investeringsramme reduserast med kr 1 200 000,- til kr 0 Budsjettert ramme 1 200 000,-. Blir ikkje oppstarta i år 525 Kommunale avløp investeringsramme aukast med kr 100 000,- til kr 200 000,- Budsjettert ramme kr 100 000,- Justerast opp for å dekke omlegging/ nylegging av avløpsledningar rundt Myratun. 980 Finanskostnader og inntekter Investeringsregnskap Ansvar 9800 Overføring frå driftsregnskap momskomp- reduserast med kr 1 000 000,- til 2 050 000,- Ansvar 9100 Bruk av lån reduserast med kr 6 575 000,- til kr 14 530 000,- Budsjettert ramme kr 21 105 000,- Økonomiske og administrative konsekvensar: Reduksjon i investeringsprosjekt som blir ferdige i 2012 medfører mindre bruk av lån og lågare finanskostnader på kort sikt. Fleire av prosjekta blir foreslått budsjettert på nytt i 2013 med tilhøyrande auke i bruk av lån og finanskostnader. Ketil Ugelvik Rådmann Vedlegg (prenta): Vedlegg (uprenta): Særutskrift går til:
Midsund kommune Teknisk Arkivsak: 2012/431-2 Arkiv: Q14 Saksbeh: Inge Rakvåg Dato: 18.10.2012 Saksframlegg Støttnesvegen - bygging av ny veg på eigedom - Oddbjørn Misund 50/1 Utvalsak Utval Møtedato 12/94 Formannskapet 29.10.2012 Kommunestyret Forslag til vedtak: 1. Midsund kommune vedtek å gjennomføre prosjektet som skissert i brev frå Oddbjørn Misund av 03.09.12, innan 2014. 2. Anleggskostnaden på kr.1.200.000 blir å innarbeide i budsjettet for 2014. 3. Rådmann får delegert fullmakt til å lage avtale i samsvar med skissa. Saksutgreiing: Oddbjørn Misund (OM) på 50/1 skal starte opp regulering av området mellom Støttnesvegen, Breivikvegen og Midsund skule. I denne samanheng ønskjer OM at det blir bygd ny veg frå Fv 668 til Breivikvegen, brev av 03.09.12. Kommunen får gratis grunn til å byggje vegen etter godkjent reguleringsplan (Midsund sentrum) før utgangen av 2014, mot at OM får tilbake eks. veggrunn som ikkje blir brukt til nyvegen.
Kart over området. Vurdering: Denne vegparsellen blir definert som offentleg veg med uavklara kven som eig veggrunnen. Dette er ein veg som har fått auka trafikk frå nye bustadar som er bygd og fleire kjem framover. Vegen er smal med ein uoversiktleg bakketopp ved løa. Vegstandarden er dårleg, med veggrunn som sviktar. OM er klar over at vegen kjem litt inn i løebrua. Framtida for løa blir avklara i reguleringsplanarbeidet. Konklusjon Rådmannen rår til at Midsund kommune går inn på denne avtalen og at nyvegen blir budsjettert og bygd innan 2014. Rådmannen ordnar med avtale i samsvar med skissa frå Oddbjørn Misund. Økonomiske / administrative konsekvensar: Nyvegen er kalkulert til kr. 1.200.000,- Ketil Ugelvik Rådmann Inge Rakvåg Teknisk sjef Vedlegg (prenta): Brev frå Oddbjørn Misund av 03.09.12
Vedlegg (uprenta): Mappe Særutskrift går til: Oddbjørn Misund
Midsund kommune Teknisk Arkivsak: 2012/494-2 Arkiv: N00 Saksbeh: Inge Rakvåg Dato: 22.10.2012 Saksframlegg Innspel til planprosessar i samferdselssektoren - 2012 - Møre og Romsdal fylke. Utvalsak Utval Møtedato 12/95 Formannskapet 29.10.2012 Kommunestyret Forslag til vedtak: Midsund kommunestyre vedtek å sende innspel til planprosessen i samferdselssektoren - 2012 Viser til vurderinga og oppsett på exel ark. Saksutgreiing: Midsund kommune er invitert av Møre og Romsdal fylke til å komme med innspel for å utforme samferdselspolitikken i Møre og Romsdal dei neste 10 åra, jfr. brev av 17.07.12. I brevet står det bla: Innspel frå kommunar må ha vore gjennom politisk handsaming. Det må visast til sak med saksnummer i det kommunale politiske systemet, og endelege vedtak må leggast ved. Innspela må settast opp systematisk i eit exel-ark med følgjande informasjon i oppgitt rekkefølgje i vannrette kolonner: Namn på kommune/organisasjon Saksnummer politisk sak Investeringsprosjekt Drifts-utfordringar Mindre utbetringar Ferjetilbod
Gang/sykkelvegar Trafikktrygging Miljø- og servicetiltak Kollektivtrafikk Diverse Fristen for å kome med skriftlege innspel er fredag 09. november 2012. ------------------ Midsund kommune har arbeidd med ein reguleringsplan for Midsund sentrum sidan 2006. Reguleringsplanen blei eigengodkjent i K sak 11/64 av 01.09.11, med stadfesting frå Fylkesmannen i Møre og Romsdal i brev av 06.06.12. Traseval for Fylkesveg 668 og 202 var sentrale tema i reguleringsplana. Fylkesveg gjennom Midsund sentrum skal gå etter dagens trase for Fv. 668 og er om lag 1900 m. Vurdering: Investeringsprosjekt Møreaksen med arm til Aukra må gå sin gang. Utbetring av Fv. 668 gjennom Midsund sentrum med gangveg. Eit viktig investeringsprosjektet for Midsund kommune er å få til Fv i samsvar med reguleringsplanen for Midsund sentrum, med ei veglengde på ca. 1900 m. Trafikkgrunnlaget er på ca. 2.200 bilar i døgnet, med mange gåande/syklande langs den smale vegen. Vegen i dag er smal ca. 4,5-5 m bredde utan gangveg/sykkelveg med dårleg asfalt og med småe grøfter på oppsida. Kvar gang det regnar kjem det vatn over Fv 668 og ned til eigedommane rundt kommunehuset. Grunnen til flaumen er for småe grøfter på oversida av vegen. Besøkande til kommunehuset og/eller går langs vegen blir skvetta våt av vatn som står i dei djupe hjulspora som har blitt etter mange års vegslitasje. Sidan vegen ligg på eksisterande trase kan det byggjast i fleire etappar. Første etappe bør vere frå Bakkebrua til kryss med Fv 202, dette pga. stor trafikk, vassproblem og at vegen er smalast. Drifts-utfordringar Midsund sentrum - småe grøfter som fører til at besøkande til kommunehuset og/eller gåande langs vegen blir skvetta våt av vatn som står i dei djupe hjulspora som har blitt etter mange års vegslitasje. Få til grøfter som tek imot alt vatnet frå oppsida av vegen. Mindre utbetringar Fv 203 - Solholmen til Nord Heggdal som har smal og bratt veg med fåe møteplassar og berghamarar ut i vegbana. Fv 668 - ved Straumsbrua i Rakvågen berghammar som stikk ut i vegbana. Store lastebilar er redd denne fjellhammaren som stikk ut i vegbana. To store lastebilar kan ikkje møtast i denne svingen. For 3 år sidan skjedde det ei ulykke med tankbil.
Fv 203 - Skotgarden. Vegen blei utbetra med Grusvegpakken. To bakketoppar vart utbetra, men eit lite stykke imellom er ekstra smal, lengde ca 30 m. Det er lett for at ein blir lurt av bred veg på begge sider. Fv 203 - enkelte av møteplassane som blei laga ved Grusvegpakken er ikkje naturleg/for kort/på feil plass må utbetrast slik at kjøremønsteret blir meir naturleg. Asfaltering Generelt er det mange plassar som har humpete asfalt pga. svikande veggrunn og telehiv. Desse enkeltpunkta burde vore utbetra. Fv 668 - Midsund sentrum - småe grøfter som fører til at besøkande til kommunehuset og/eller gåande langs vegen blir skvetta våt av vatn som står i dei djupe hjulspora som har blitt etter mange års vegslitasje. Fv 203 - mellom Opstad og Solholmen. Fv 668 - Dryna. Fv 668 - mellom Straumsbrua og Rakvåg sentrum Fv 668 - frå Fjelly til Rørset. Ved kunstgrasbana Skeidvoll/Midsundmyrane. Ferjetilbod Solholmen - beredskapsferje for ambulanse, brannbilar, politi, e-verk, dyrlegar, legar etc. Solholmen - ekstra rute, kvardag om morgon 09.30 frå Mordalsvågen som passar for forretningsreisande som kjem med fly. Solholmen - Ta bort/minske pausen mellom kl. 13.15-14.15 frå Solholmen. Dryna i dag går ferja frå Brattvåg (kvardag) kl. 20.30 og 23.15 til Dryna. Det blir for lenge mellom ferjene, det burde vere ei ferje kl. 21.30 til Dryna. Dryna - i dag går ferja frå Dryna på søndag til Brattvåg kl.14.25 og 17.25. Det blir for lenge mellom ferjene, det burde vere ei ferje kl. 16.00 til Brattvåg. Gang/sykkelvegar Fv 668 - over Midsundbrua - til Bløkrysset Fv 203 ca 750 m Fv 668 - Akslakleiva til bussgarasjen på Akselvoll veglengde på 650 m Trafikktrygging Nye veglys over Midsundbrua som stettar dagens krav til veglys. Fv 668 - ved Straumsbrua i Rakvågen - berghammar som stikk ut i vegbana. Store lastebilar er redd denne fjellhammaren som stikk ut i vegbana. To store lastebilar kan ikkje møtast i denne svingen. For 3 år sidan skjedde det ei ulykke med tankbil. Kollektivtrafikk Sjå på storleiken på bussen eller bruke taxi for å auke frekvensen med småe tilleggsmidlar. Få til korrespondering med bussane på Mordalsvågen frå Aukra og Fræna. Etter at vedtaket er gjort blir innspela sett opp i exel ark. Økonomiske / administrative konsekvensar:
Ketil Ugelvik Rådmann Inge Rakvåg Teknisk sjef Vedlegg (prenta): Ingen Vedlegg (uprenta): Mappe Særutskrift går til: Møre og Romsdal fylke