REFERAT FRÅ MØTE I SAMARBEIDSRÅDET TORSDAG 15. JUNI 2017 KL. 13-17.00 PÅ STORD HOTEL Desse møtte: Odd Harald Hovland Bømlo kommune Siri Klokkerstuen Etne kommune (sak 14/17, sak 10/17) Wenche Tislevoll Fitjar kommune Svein Dale Soleng Fitjar kommune Peder Sjo Slettebø Kvinnherad kommune Jakob Bjelland Stord kommune Magnus Mjør Stord kommune Jorunn Skåden Sveio kommune (sak 14/17, sak 10/17) Jostein Førre Sveio kommune (frå sak 11/17) Kåre Martin Kleppe Tysnes kommune Frå administrasjonen: Gro Jensen Gjerde Reidun Rykkje Forfall: Morten Storebø, Austevoll kommune Helge Skugstad, Austevoll kommune Geir Aga, Bømlo kommune Pål Nygård, Etne kommune Odd Ivar Øvregård, Kvinnherad kommune Steinar Dalland, Tysnes kommune. Då var føre: Sak 09/17 Godkjenning av referat 10 mars d.å, sak 07/17 Uttale Marin verneplan og 08/17 Uttale Regional kystsoneplan Sak 10/17 Samferdsle i Sunnhordland Sak 11/17 Oppfølging frå felles formannskapsmøte 10. mars Sak 12/17 Regional plan for kompetanse og arbeidskraft - uttale Sak 13/17 Reiseliv - økonomi Sak 14/17 Saksgang høyringar mm Sak 15/17 Bruk av tiltakspott 2017 Sak 16/17 Sak 17/17 Skriv og meldingar a) Matfatet festival 6-7 oktober b) Landbruksdag c) Planlegging av nytt formannskapsmøte til hausten d) Felles møte med Hardangerrådet 31 oktober e) Strategisamling 7-8 september f) Digitaliseringsprosjekt g) Reiseliv og kollektiv Ymse a) Nærpolitireforma b) Fengsel på Haugalandet c) Momskompensasjon - for drift og investeringar i kommunale bustadar d) Undersøking ferjesambandet Stord-Kvinnherad e) Ungdomsrådkonferanse Regionrådet for kommunane Austevoll, Bømlo, Etne, Fitjar, Kvinnherad, Stord, Sveio og Tysnes A Postboks 444, 5403 Stord T 53 45 67 90 Orgnr. 971 492 910 E firmapost@samarbeidsraadet-sunnhordland.no W samarbeidsraadet-sunnhordland.no
f) Vannscooter lokale regler g) Strandryddedag h) Telenor - kabelbrot Sunnhordland, 19 juni 2017 Gro Jensen Gjerde dagleg leiar
REFERAT FRÅ MØTE I SAMARBEIDSRÅDET TORSDAG 15 JUNI KL 13.00-17.00 PÅ STORD HOTEL Sak 09/17 Godkjenning av referat 10 mars d.å, sak 07/17 Uttale Marin verneplan og 08/17 Uttale Regional kystsoneplan Samrøystes godkjent. Sak 14/17 Saksgang høyringar mm Saka var lagt til drøfting. På møte: Sak 14/17 vart handsama etter sak 09/17 etter ønskje frå Siri Klokkerstuen, Etne kommune. Deretter vart sakene handsama etter saklista. Det vart i møte orientert om at det har vore eit spesielt halvår, noko som har gjort at fleire av uttalane har måtta bli handsama utanom ordinært møte. I møte vart ein samde om: Saker/uttaler skal i all hovudsak drøftast i ordinære møter. Rådmenna bør drøfta viktige planar i forkant av kommunane sine handsamingar. Sak 10/17 Samferdsle i Sunnhordland Framlegg til vedtak: 1. Samarbeidsrådet set ned ei gruppa som skal ha hovudfokus på ferjer/ ferjeavløysingsmidlar, bussen i Sunnhordlandsbassenget og fylkesvegnettet. 2. Følgjande representantar vert nedsett i gruppa: 3. Administrasjonen er sekretariat for gruppa. På møte: Det vart i møte sett fram forslag om at ein ikkje set ned ei eiga arbeidsgruppa men at alle til ei kvar tid har fokus på alle fokusområda. Det vart sett fram forslag om at administrasjonen set opp «Bussen i Sunnhordland» som ei eiga sak til hausten. VEDTAK: 1. Samarbeidsrådet for Sunnhordland tek saka til orientering, men vel å ikkje setje ned eiga arbeidsgrupper. 2. «Bussen i Sunnhordland» vert sett opp som eiga sak til hausten.
Sak 11/17 Oppfølging frå felles formannskapsmøte 10. mars Saka var lagt fram til drøfting. På møte Det vart i møte sett fram følgjande forslag: Få til hyppigare møter med Haugalandet der ein ser på moglegheit for bedre samarbeid innan enkelte satsingsområder. Viktig å få til tettare samarbeid mot Hordaland og Byrådet i Bergen. Samarbeidsrådet tek orienteringa til følgje og følgjer innspela opp gjennom handlingsplanen. Sak 12/17 Regional plan for kompetanse og arbeidskraft - uttale Framlegg til uttale: Samarbeidsrådet for Sunnhordland meiner at Regional plan for kompetanse og arbeidskraft er ein gjennomgåande god plan som set fokus på dei utfordringane arbeidslivet står ovanfor i framtida. «Målet er å kunne møte utfordringane knytt til omstilling, tilgang til nok kvalifisert arbeidskraft, god kompetanse og målretta læring i arbeidslivet. Strategien skal bidra til å realisera regjeringa sine mål om eit meir kompetansebasert arbeids- og næringsliv.» Samarbeidsrådet er samde i dei mål og strategiar som er fremja i planen, men har følgjande innspel/ merknader: Vidaregåande skular «Nasjonale myndigheita ønskjer å styrkja regionalt folkevalt nivå sitt kompetansepolitiske ansvar og samordningsrolle. Det betyr at Hordaland fylkeskommune må ta ei koordinerande rolle i dette arbeidet.» For Sunnhordland er det avgjerande at regionen har eit utdanningstilbod som er tilpassa næringslivet sine behov. Det vert difor ikkje samsvar mellom dei gode intensjonane i planen som no er på høyring, og realitetane, når ein gjennom skulebruksplanen legg ned dei vidaregåande skulane i Rubbestadneset og i Etne. Dei vidaregåande skulane er heilt avgjerande for å leggja grunnlaget for den kompetansen arbeidslivet treng, og fleksibiliteten her må vektleggast sterkt. Det må og gjerast tiltak der regionane vert sterkare høyrt i prioritering av linjeval. Regional plan har fokus på auka samspel mellom dei ulike aktørane som kan arbeida saman for å skapa ein betre balanse mellom etterspurnad etter kompetanse og arbeidskraft. Dette vert konkretisert gjennom tiltaka i handlingsplanen.
Samarbeidsrådet vil særleg trekka fram at det er god breidde i tiltaka og at dei femner om fleire utdanningsnivå og ser at tiltak 5.10 vert svært viktig for industriregionen Sunnhordland. Stord modellen er eit godt eksempel på dette. Sunnhordland har gode erfaringar med karriererettleiing og er nøgde med at dette er omhandla i planen. Samarbeidsrådet ynskjer lukka til med gjennomføring av tiltaka, og vil gjerne vera ein aktør i dette arbeidet der dette er naturleg. Framlegg til vedtak Samarbeidsrådet godkjenner uttalen slik den ligg føre. VEDTAK: Samrøystes vedtak. Sak 13/17 Reiseliv økonomi Saka var lagt fram til drøfting. På møte: Det vart på møte sett fram forslag om at arbeidsutvalet skal sjå nærare på saka og legge den fram på nytt til Samarbeidsrådet i løpet av hausten. Sak 15/17 Bruk av tiltakspott 2017 Framlegg til vedtak: Samarbeidsrådet godkjenner at det vet nytta kr. 75 000 til Byregionprogrammet og kr. 45 000 til Merkevarebygging av Sunnhordland frå tiltakspotten 2017. VEDTAK: Samrøystes vedtak. Sak 16/17 Skriv og meldingar a) Matfatet festival 6-7 oktober b) Landbruksdag c) Planlegging av nytt formannskapsmøte til hausten d) Felles møte med Hardangerrådet 31 oktober e) Strategisamling 7-8 september f) Digitaliseringsprosjekt g) Reiseliv og kollektiv
På møte: c) Felles formannskapsmøte til hausten Arbeidsutvalet vart beden om å utarbeide eit program for felles formannskapsmøte 24 november. g) Reiseliv og kollektiv Ordførar Kåre Martin Kleppe, Tysnes kommune orienterte om at han og ordførar i Austevoll, Morten Storebø arbeider med å sjå på konsekvensane for ulike kontraktar på hurtigbåtar som går nord og sørover frå Bergen. Slik kontraktane no føreligg er det inga stimulans for å senda turistar sørover, medan det i nordgåande ruter vert finansiert pr. passasjer. Det er viktig å få til ei felles kontraktsform. I møte vart det og orientert om at det under handsaminga av Regional Transportplan kapittel 6.3.4 Reiseliv og kollektivtransport var kome inn nytt punkt: Snøggbåten i Sunnhordland er eit reiselivstilbod med unytta potensiale. Snøggbåten i Sunnhordland må marknadsførast som eit reiselivsprodukt langs heile ruta, slik andre ruter er. Sak 17/17 Ymse a) Nærpolitireforma Ordførar Siri Klokkerstuen, Etne kommune orienterte om at ho har etterspurt dokumentet frå politimeisteren til kommunestyret som seier konkret kva tilbod innbyggjarane får i den nye nærpolitireforma. Fleirtalet i Stortinget viser til kriterie for ny tenestadsstruktur, jamfør Prop. 61 (2014 2015) punkt 5.3, og meiner at det i tillegg skal leggjast til følgjande kriterie for gjennomføring av endringar i tenestestadsstrukturen: Hva innbyggerne skal få av tjenester etter endringene, og hvordan, skal legges frem skriftlig for kommunestyrene, dersom kommunen ønsker det.politimesteren skal utarbeide dokumentet. Dokumentet skal være realistisk og tydelig, med vekt på hvordan det forebyggende arbeidet skal ivaretas, hvilken beredskap innbyggerne kan forvente og hvordan politiet vil sikre tett kontakt med bl.a. lokale, frivillige beredskapsorganisasjoner. Dokumentet må være utformet presist nok til at det er mulig å evaluere sluttresultatet. Alle berørte kommuner skal gis mulighet til å komme med en uttalelse om dokumentet. Uttalelsen skal tillegges vekt ved en eventuell klage. Flertallet understreker at kriteriene er minimumskriterier. Det er rom for lokale tilpasninger utover dette. Prosessen skal gi politiet og innbyggerne forutsigbarhet og sikre et best mulig sluttresultat. b) Fengsel på Haugalandet Ordførar Wenche Tislevoll, Fitjar kommune orienterte om at ho i felles møte med Haugalandrådet fredag 16 juni ønskte å ta opp saka om nytt fengsel på Haugalandet. Det er svært viktig at desse to regionane står samla om lokasjon.
c) Momskompensasjon - for drift og investeringar i kommunale bustadar Rådmann Magnus Mjør orienterte om at Stord kommune har sendt brev til KS der ein ber om at dei tek saka vidare. Samarbeidsrådet stiller seg bak brevet og det vert sendt eit likelydande brev frå Samarbeidsrådet. Stord kommune har som mange andre kommunar i Noreg den siste tida fått brev frå skatteetaten der dei viser til pågåande kontroll av kompensasjonsmelding frå og med 2. periode 2012 til og med 2. periode 2015. Skatteetaten krev omfattande dokumentasjon på at bustadane er tilrettelagt fysisk for at den som har fått vedtak om kommunal bustad skal bu i bustaden. Skatteetaten skriv fyljande: «Det er to kumulative vilkår som må være oppfylt for at det skal foreligge kompensasjonsrett for merverdiavgift knyttet til en kommunes utleigebolig: Boligens beskaffenhet: det må foreligge spesielle forhold ved boligen, i form av særskilte tilretteleggingstiltak for spesielle helse- eller sosiale behov. Beboaren må ha spesielle helse- eller sosiale behov (jf. Vilkåret om at boligen faktisk også brukes som en bustad med helse- eller sosiale formål.)» Stord kommune har fått melding om at 163 av kommunen sine bustadar ikkje oppfyller skatteetaten sine vilkår for kompensasjon av meirverdiavgift. Skatteetaten krev dokumentasjon på at bustadene er fysisk tilrettelagt til den/dei personane som bur i bustaden. I tillegg krev skatteetaten utlevert vedtak på tildeling av kommunal bustad til einskildpersonar. Kommune stiller spørsmål ved om dette er i samsvar med kommunen si pålagde teieplikt i slike saker. Stord kommune meiner skatteetaten mistolkar regelverket med sine omfattande krav til dokumentasjon, som også medfører eit stort meirarbeid for kommunen. Ein viser til Jurist Randi Hausberg sitt innlegg på KBL sin konferanse i Stavanger den 9.-11 mai i år. Ho var tydeleg på at Skatteetaten gjekk svært langt i si tolking av regelverket og krav om å få tilsendt vedtak på den einskilde bebuar. Representantar frå Husbanken og KS var også til stades på konferansen, og dei meinte kommunane burde samla seg og sende ein felles førespurnad til KS, som kunne lage ein felles sak til Skatteetaten. I saka bør ein sjå på krava frå skatteetaten. Kva ligg det i at bebuaren må ha spesielle helse eller sosiale behov? Sosiale behov kan vera så mangt. I tillegg bør ein vurdera om det er heimel for å gje ut enkeltvedtak, jf. kommunen si lovpålagde teieplikt. Dette er ei sak som gjeld mange kommunar. Stord kommune ber med dette om at KS engasjerer seg med sikte på å få Skatteetaten til å endra praksis i denne typen saker. d) Undersøking ferjesambandet Stord-Kvinnherad Samarbeidsrådet har i sin handlingsplan sagt at ein skal arbeida for eit betre samband mellom Stord og Kvinnherad. Administrasjonen la i møte fram eit framlegg til ei spørjeundersøking blant bedrifter og institusjonar i Stord,
Kvinnherad og Bømlo, der ein får kartlagt behov og utfordringar med ferjesambandet. Samarbeidsrådet vil stå ansvarleg for undersøkinga som vert gjennomført pr telefon til eit utval bedrifter (ca 50 svar). Stord Næringsråd og Kvinnherad Næringsservice i saman med administrasjonen i Samarbeidsrådet vil gjennomføra undersøkinga. Undersøkinga vil verta gjennomført i veke 25 og 26 og resultata vert lagt fram i august. e) Ungdomsrådkonferanse Administrasjonen delte i møte ut referat frå felles ungdomsrådkonferanse som vart arrangert 9. juni. Referatet ligg og ved dette referatet. f) Vannscooter lokale regler Ordførar Wenche Tislevoll, Fitjar kommune ønskte å drøfta om det kan vera hensiktsmessig med ei lokal forskrift når det gjeld bruk at vannscooter. Friluftsrådet Vest vil ta initiativ til ein felles dag om dette temaet over sommaren. Samarbeidsrådet avventer saka. g) Strandryddedag I møte i Samarbeidsrådet 10 mars vart det orientert om at SIM, på vegne av kommunane, ville søkje departementet om midlar for å få delfinansiert kostnadane med ryddinga. SIM har fått avslag på denne søknaden. Bergen og Omland Friluftsråd har fått midlar og har gitt kr. 250 000,- til Friluftsrådet Vest. Administrasjonen stilte i møte spørsmål til korleis desse midlane vert fordelt. h) Telenor kabelbrot Ordførar Kåre Martin Kleppe, Tysnes kommune orienterte om dei utfordringane som skjer ved kabelbrot. Dette fører blant anna til svært dårleg beredskap og det tek for lang tid før feilen vert retta opp. Det vart i møte vedteke at Samarbeidsrådet skriv eit brev til Telenor om å at det vert prioritert eit arbeid for å få til dobbel sikring, slik at slike situasjonar ikkje oppstår i framtida.