Grunneigar -vedlagt adresseliste Dykkar ref.: Vår ref.: 11118356 Dato: 14.09.2011 Informasjon om endring av konsesjonssøknad for 300 (420)kV kraftleidning Mongstad Kollsnes. Uttale til søknadar om oreigning og førehandstiltreding BKK Nett AS søkte i oktober 2007 om konsesjon, løyve til oreigning og førehandstiltreding for fleire alternative trasear for ny kraftleidning Mongstad-Kollsnes. I januar 2011 la NVE fram ei innstilling til konsesjon for Olje- og energidepartementet (OED). Innstillinga har no vore på høyring. Som eit resultat av høyringsprosessen, synfaringar og diverse møte, har OED bedt oss vurdera fleire løysingar. Endringane får verknader for nye område. Brevet inneheld informasjon om dei traseendringane vi gjer framlegg om. Dersom du treng informasjon om bakgrunnen for kvifor me har søkt om å få byggja ein ny kraftleidning mellom Mongstad og Kollsnes, kan du finna informasjon om det på BKK sine heimesider på www.bkk.no eller ved å ta direkte kontakt med oss. KVA VI SØKJER OM 1. Alternativ 1.4 i Lindås kommune Vi søkjer om ein ny alternativ trasé mellom Lurefjorden og Mongstad. Den nye løysinga har fått namnet alternativ 1.4. Traseen startar på Mongstad, fylgjer eksisterande 132 kv leidning til riksvegen, fylgjer så riksvegen ca. 700 meter og vender i ca. 90 gradar vinkel ned mot Lurefjorden og går over i sjøen ca. 600 meter nord for det tidlegare omsøkte alternativ via Tytebærneset. Eksisterande 132 kv leidning må med denne løysinga leggjast om slik at også denne leidningen vil gå langs riksvegen. Alternativ 1.4 kjem som eit tillegg til dei opphavleg omsøkte alternativa. Løysinga vert vurdert til å vera betre for friluftsliv, fordi landtaket vert flytta bort frå Tytebærneset og me får samla infrastrukturen i området i større grad enn dei andre framlagte løysingane legg til rette for. Denne vert ei dyrare løysing fordi det impliserer meir sjøkabel og eit ekstra tiltak med omlegging av eksisterande 132 kv leidning. Sjå flyfoto med ulike løysingar på neste side. 1
Figur 1 Ny 420 kv trase, forslag til ny transformatorstassjon og tilhøyrande nye luftleidningstrasear. Rosa strek er eigedomsgrenser. 2 Alternativ 1.5 i Radøy kommune Vi søkjer om ny trasé for jord- og sjøkabel i Kuvågenområdet på vestsida av Radøy. Traséalternativet er i hovudsak likt den traseen som det vart søkt på i 2007, med unnatak av sjøkabeltraseen heilt yst i vågen. I opphavleg søknad gjekk traseen på nordsida av den holmen som ligg ved innløpet til vågen. Denne løysinga er teken inn igjen i søknaden fordi høyringsprosessen synte at mange vil føretrekkja ein slik trasé framfor ein jordkabel utanom vågen. Løysinga som no vert omsøkt, vil koste om lag det same som jordkabel sør for vågen. Me søkjer om begge løysingane. 2
Figur 2 Sjø- og jordkabel på vestsida av Radøy. Det alternativet som det no vert søkt på (Alt 1.5) er synt med blå stipla strek. 3 Alternativ plassering av ny transformatorstasjon i Lindås og Austrheim kommune. BKK søkjer om alternativ plassering av ny transformatorstasjon i området, og den får namnet Lindåsneset transformatorstasjon. Søknaden om utviding av eksisterande Mongstad transformatorstasjon gjeld framleis, ny stasjon er ein alternativ løysing som me meiner er betre. Endringar i omgjevnadene gjer at me ikkje treng å byggja leidningane heilt inn til eksisterande transformatorstasjon. 420 kv leidningen mellom Modalen og Kollsnes vert då 2 km kortare. Samstundes har arealbehova endra seg sidan den opphavlege søknaden vart skriven. Ny tomt vil gjera det mogeleg å leggja til rette for ein ny 132kV/22 kv stasjon på tomta. Transformering til 22 kv er naudsynt for å kunna forsyna eksisterande og framtidig industri i området. Me vil med ei slik løysing bruke mindre areal til stasjon og leidningar. Me må gjera nokre endringar i leidningstraseane, avhengig av alternativ løysing. Alternativ 3 over Austrheim får ei litt anna linjeføring inn mot stasjonen, medan alternativ 1 ikkje vil få så store skilnader, jf figur under. Figur 3 syner ny stasjon. Mørke raude streker syner trasé for 420 kv leidning frå Kollsnes - avhengig av om alt. 3 over Austrheim eller alt. 1 over Lindås blir valt. Raud strek er trasé for 420 kv dersom eksisterande stasjon på Mongstad blir valt. Blå er omlegging av 132 kv luftleidning frå Seim. For å styrka forsyninga til Mongstad vert det behov for ein ny 132 kv forbindelse mellom dei to transformatorstasjonane. Traseen legg me heilt inntil byggegrensa for dei planlagde flammetårna. Dei to 420 kv leidningane som viser med raudt i figur 3 over vert då overflødige. 3
Vedlagt følgjer eit kartutsnitt frå konsesjonssøknadskartet, og eit eigedomskart som syner dei delane av eigedomen din som kan verta råka. Vi sender dette brevet til dei grunneigarane som eitt eller fleire av dei tiltaka me søkjer om kan få konsekvensar for. Når konsesjonsvedtaket er endeleg, vil me orientera deg om resultatet. Eventuelle avtalar som er inngått langs dei traseane me ikkje får konsesjon for, fell deretter vekk. Restriksjonar, rettar og plikter langs kraftleidningen Langs kraftleidningen vil det verta eit 40 meter breitt klausuleringsbelte, 20 meter målt horisontalt til kvar side frå senterlinja. Innafor dette beltet vert det byggjerestriksjonar: Ein kan berre få løyve til å setja opp mindre viktige bygningar på mindre enn 50 m 2, der folk berre skal opphalda seg i korte periodar. Regelen er nedfelt i Forskrift om elektriske forsyningsanlegg 6-4. På nokre strekningar kan klausuleringsbeltet verta breiare enn 40 meter, til dømes over dalar og sund. Det vert eit skogryddingsbelte langs kraftleidningen. Dette vil normalt vera samanfallande med klausuleringsbeltet. Innafor skogryddingsbeltet vil me fjerna tre der det er naudsynt. Nokre tre som står utanfor skogryddingsbeltet, kan óg verta fjerna dersom dei er så høge eller står slik til i terrenget at dei kan vera til fare for kraftleidningen. Les meir om dei praktiske sidene ved skogrydding seinare i brevet. Løypestrenger og taubanar kan kryssa under kraftleidningen, men dei krev naudsynte tryggleikstiltak og løyve frå Direktoratet for samfunnssikkerhet og beredskap (DSB). Med dei avgrensingane som er nemnde ovanfor, kan du fritt nytta grunnen under kraftleidningen til opplagsplass, garasjar, små uthus, veksthus o.l., oppdyrking, beite, produksjon av mindre tre osb., så lenge bruken ikkje er i strid med dei forskriftene som til ei kvar tid er gjeldande for elektriske forsyningsanlegg. Med unnatak for områda der det skal byggjast transformatorstasjonar, ønskjer ikkje BKK å løysa inn grunn. Me vil skaffa oss rett til å byggja, driva og fornya (byggja om) kraftleidningen, forutan rett til naudsynt lagring, tilkomst i anleggstida og seinare ved vedlikehalds- og fornyingsarbeid. Restriksjonar, rettar og plikter langs kabeltraseen Jordkabel BKK søkjer også om å etablera ein ca. 200 meter lang jordkabel frå Kuvågen til endemast vest for Kuvågen. Langs kabeltraseen må me klausulera eit belte på åtte meter, fire meter til kvar side for senter kabelgrøft. I dette beltet vert det ikkje høve til å byggja, planta eller fylla opp med massar som kan vera til skade eller hinder for å halda kabelanlegget ved like. Dersom kabelen vert liggande i vegbanen, sikrar me kabelen slik at køyrebanen kan nyttast som før. Grunneigaren sit framleis med eigedomsretten til grunnen, og kan fritt nytta han med dei avgrensingane som er nemnde over. Dersom grunneigaren seinare ønskjer å få flytta kabelanlegget, må han sjølv bera kostnadene med det. Det må dessutan vera praktisk mogeleg å gjennomføra flyttinga, i tillegg til at ei flytting vil vera avhengig av at styresmaktene gir konsesjon til flyttinga. BKK må få melding om alt sprengingsarbeid som skal finna stad i nærleiken av kabelen, og me vil få rett til å ta avgjerder om bore- og ladeplanar for alle typar sprengingsarbeid. Dersom BKK som eigar av kabelanlegget ikkje vert varsla, eller krava som er nemnde ovanfor ikkje vert følgde, kan den som har sett i verk aktiviteten, verta halden ansvarleg etter vanlege erstatningsreglar. Sjøkabel Sjøkablane vert ikkje skada av vanleg båttrafikk eller fiskereiskap. Det vert forbode å ankra i traseen. Det blir satt opp skilt der kablane blir trekte i land. Grunneigaren sit framleis med eigedomsretten til grunnen, og kan fritt nytta han med dei avgrensingane som er nemnde over. Dersom grunneigaren seinare ønskjer å få flytta kabelanlegget, må han sjølv bera kostnadene med det. Det må dessutan vera praktisk mogeleg å 4
gjennomføra flyttinga, i tillegg til at ei flytting vil vera avhengig av at styresmaktene gir konsesjon til flyttinga. BKK må få melding om alt sprengingsarbeid som skal finna stad i nærleiken av kabelen, og me vil få rett til å ta avgjerder om bore- og ladeplanar for alle typar sprengingsarbeid. Dersom BKK som eigar av kabelanlegget ikkje vert varsla, eller krava som er nemnde ovanfor ikkje vert følgde, kan den som har sett i verk aktiviteten, verta halden ansvarleg etter vanlege erstatningsreglar. Tomt til transformatorstasjon og tilhøyrande leidningsanlegg Me ønskjer å erverva grunnen der stasjonen skal stå, og treng ca. 36 mål tomt. Det er satt av plass til nedtransformering til både 132 kv og 22 kv. Nedtransformering til 22 kv kjem seinare. Det må gjerast nokre endringar av dei planlagde 420 kv traseane som resultat av den nye plasseringa av transformatorstasjonen. Me søkjer difor samstundes om løyve til å byggja om og flytta leidningar i den grad det er naudsynt. Figur 3 syner stasjonen og tilhøyrande kraftleidningar. FØRESPURNAD OM IGANGSETJING Ein vanleg måte å gå fram på ved kraftleidningsprosjekt er å nytta såkalla avtaleskjønn. Det inneber at grunneigaren gir utbyggjaren ei førehandstiltreding eller eit samtykke til å setja i gang arbeidet, på vilkår om at erstatninga skal fastsetjast i ettertid. Fastsetjing av erstatning i ettertid kan anten skje ved ein minneleg avtale eller ved eit rettsleg skjønn. Eit rettsleg skjønn vil seia at erstatninga vert fastsett ved dom. Dersom grunneigaren ikkje vil gi førehandstiltreding, må utbyggjaren skaffa seg dei naudsynte rettane ved oreigning (ekspropriasjon). Alle grunneigarar som kjem i kontakt med utbygginga, vil verta kontakta direkte. BKK vil koma med eit framlegg om erstatningssum som byggjer på gjeldande regelverk og rettspraksis. Dersom me kjem fram til ein avtale, vert erstatninga utbetalt etter kort tid. Dersom me ikkje kjem fram til semje, vil det verta halde rettsleg skjønn. Rettsleg skjønn vert normalt halde etter at kraftleidningen er bygt. Skjønnsretten vert sett saman på same måten som ved oreigning. Det inneber at vurderinga vert den same anten erstatninga vert fastsett ved avtaleskjønn eller som ein del av eit oreigningsinngrep. Sakshandsaminga vert enklare fordi me ikkje treng å søkja om oreigning og førehandstiltreding for din eigedom, men det skal ikkje bety noko for erstatningsfastsettinga. Du kan gje BKK samtykke til å setja i gang arbeidet (førehandstiltreding) ved å skriva under på vedlagte avtaleskjema og returnera det til oss innan 24. oktober 2011. Dersom BKK ikkje får konsesjon, eller får konsesjon på eit anna trasé-alternativ, er avtalen ikkje lenger gjeldande. Dersom du ønskjer det, kan me ta ei synfaring på eigedomen din saman med deg. Sjå kontaktinformasjon i slutten av brevet. Me i BKK er opptekne av at ein minneleg avtale skal gje grunneigaren minst like god erstatning som ei rettsleg avgjerd. Meir informasjon om grunn- og rettstileigning finst på våre nettsider på www.bkk.no under menyen Om oss > Anlegg og utbygging > Strømnett. UTTALE TIL SØKNAD OM OREIGNING (EKSPROPRIASJON) Me vil samstundes søkja om å få dei rettane som er naudsynte over eigedomen din ved oreigning. Etter paragraf 12.2 i oreigningslova har du då rett til å gje ein uttale om det planlagde oreigningsinngrepet som gjeld eigedomen din. Uttalen din vil vera ein del av vår søknad om oreigning. Du må difor senda uttalen til BKK før styresmaktene skal handsama søknaden, innan 24. oktober 2011. 5
Samstundes må me gjera merksam på paragraf 28 i oreigningslova, som seier at du frå no av ikkje kan råda rettsleg over eigedomen din (dvs. selja, pantsetja o.l.) utan samtykkje frå oss. Du kan heller ikkje gjera noko med eigedomen som kan hindre, skapa vanskar for, eller fordyra inngrepet på eigedomen i samband med kraftleidningen, utan vårt samtykkje. UTTALE TIL SØKNAD OM FØREHANDSTILTREDING Det kan ta lang tid å gjennomføra ei oreigningssak. BKK søkjer difor om å få ta i bruk grunnen før det ligg føre eit rettskraftig skjønn. Det vil seia at me søkjer om å få starta anleggsarbeidet før me formelt har fått heimel til dei naudsynte rettane. For dei av grunneigarane som me eventuelt må søkja om løyve til oreigning for, vil me samstundes søkja om førehandstiltreding av rettar før det er halde skjønn. Me vil óg be om at eventuelle klagar på førehandstiltredinga ikkje må få oppsetjande verknad (dvs. at arbeidet må utsetjast). Dersom du har innvendingar til denne framgangsmåten, kan du kommentera det i samband med uttalen om oreigningsinngrepet. Juridisk bistand Før arbeidet vert sett i verk skal me registrera tilstanden på eigedomen slik han er i dag. Opplysningane vil verta nytta som utgangspunkt når erstatninga skal fastsetjast. Dersom du ønskjer juridisk bistand, har du som mottakar av dette brevet full rett til å få dekt utlegg til juridisk bistand. Retten er fastsett i paragraf 15 i oreigningslova og paragraf 54 i skjønnsprosesslova. Dersom fleire grunneigarar ønskjer å nytta juridisk bistand og De ikkje har motstridande interesser, har De plikt til å nytta felles advokat. Du kan kontakte oss for å få informasjon om kva advokat(ar) som har meldt seg. Skogrydding BKK vil syta for å hogga og rydda det som er naudsynt av skog innafor skogryddingsbeltet. Som hovudregel kjem me ikkje til å fjerna trevirket som er felt frå området. Som grunneigar kan du sjølv ta hand om trevirket etter nærare avtale med oss. Dersom du ikkje vil nytte trevirket, vil me kutta det i mindre bitar og fordela det på bakken innafor klausuleringsbeltet. BKK tingar seg rett til å nytte felt trevirke i samband med bygginga av kraftleidningen. Dersom du ønskjer å hogge skogen sjølv, kan me avtala ein fast pris med kvar einskilde grunneigar. Me betaler erstatning for standskogen etter verdi på rot, også om du sjølv driv fram og nyttar skogen. Eigedomsdata Me baserer oss på den eigedomsinformasjonen me finn i det offentlege kartverket. Grunneigarlista kan ha feil eller manglar. Kartet gir mellom anna ikkje informasjon om rettstilhøva i Kuvågen. Me har difor tilskrive alle som har eigedom som grensar til vågen. Dersom du finn feil eller manglar ved eigedomsinformasjonen, ber me om at du tek kontakt med Per Ivar Tautra på telefon 986 60 768 eller e-post per.tautra@bkk.no. Me håpar på eit godt samarbeid med deg som grunneigar. 6
Spørsmål om søknaden Ta kontakt med Øystein Randal Berge på telefon 481 67 247 eller via e-post oystein.randal.berge@bkk.no dersom du har spørsmål eller ønskjer fleire opplysningar. Venleg helsing BKK NETT AS Thor André Berg adm. direktør Jens Skår divisjonssjef Vedlegg: Oversiktskart som syner konsesjonssøkte trasear Eigedomskart for alt. 1.4 Eigedomskart for alt. 1.5 To avtaleformular Adresseliste Frankert konvolutt 7
AVTALE mellom eigar av gnr bnr i kommune og BKK Nett AS VEDKOMANDE BYGGING AV 300(420) KV KRAFTLEIDNINGSANLEGG MELLOM MONGSTAD OG KOLLSNES 1. Underteikna grunneigar(ar) gir med dette BKK Nett ein alltidvarande rett til å byggja, driva og vedlikehalda ovannemnde høgspenningsanlegg over sin eigedom. Den delen av traseen som vedkjem eigedomen, er synt på vedlagte kartutsnitt i målestokk 10 000, datert 2011. Det kan gjerast mindre justeringar av traseen i den vidare planlegginga. 2. Løyve vert gjeve på vilkår fastsett i vedlagt brev datert 14.09.2011. 3. Det er ein føresetnad at det i anleggsfasen vert teke naudsynt omsyn til grunneigarane sine interesser slik at skadeverknadene vert så små som mogeleg. Grunneigaren skal varslast før arbeidet vert starta opp. 4. Erstatningsspørsmålet vert avgjort ved minneleg avtale eller avtaleskjønn, jfr lov og skjønn og ekspropriasjonssaker, 4. Dei skjønnsføresetnadene som vert lagde til grunn for avtaleskjønnet, er dei same som vil verta nytta ved eit eventuelt ekspropriasjonsskjønn. BKK Nett betalar rente etter sats fastsett av skjønnsretten frå eigedomen vert teken i bruk og fram til erstatninga vert utbetalt. 5. Dersom BKK Nett ikkje får konsesjon, er avtalen ugyldig. Avtalen er utarbeidd i to eksemplar, eitt til kvar av partane. Bergen, den BKK Nett AS Thor André Berg administrerande direktør grunneigar Avtale om førehandstiltreding 8