INFORMASJONSBROSJYRE

Transkript

1 Øvre Bredvatnet, foto: Gunnar Bjørlykke INFORMASJONSBROSJYRE 66 kv Tomasgard - Tryggestad SFE Nett AS

2 02 SFE Nett ønskjer å orientere om planane for bygging av 66 (132) kv leidning frå Tomasgard til Tryggestad, med tilhøyrande stasjonsanlegg. Vi vil her gje ein kort presentasjon av den framlagde søknaden. Sjølve konsesjonssøknaden finn du på nve.no/konsesjonssaker. Søknaden om nytt leidningsanlegg har tilknyting til eksisterande og planlagd ny kraftproduksjon i Sunnylven. Om utbyggar SFE Nett AS er eit heileigd dotterselskap av konsernet Sogn og Fjordane Energi. SFE Nett AS eig og driv regional- og sentralnett frå Sognefjorden i sør til Ørsta i nord. I tillegg eig og driv SFE Nett AS distribusjonsnettet i kommunane Gloppen, Bremanger, Vågsøy, Eid, Flora, Askvoll, Selje og delar av Naustdal. Distribusjonsnettet forsyner rundt kundar. Mørenett sitt distribusjonsnett i Hornindal og Stranda Energi sitt nett i Sunnylven er i dag normalt forsynt gjennom SFE sitt regionale nett.

3 03 Biletet syner omsøkte trasear frå Tryggestad til Litlebø. Utbyggingsplanane Formålet med det konsesjonssøkte overføringsanlegget frå Tomasgard til Tryggestad er skaffe nettkapasitet til nye konsesjonssøkte småkraftverk i Sunnylven. Bygging av overføringsanlegget vil og betre overføringstilhøve i eksisterande nett. Konsesjonssøknaden omfattar følgjande tiltak: Bygging av 7,2-8,4 km ny 66 (132) kv luftleidning frå Støverstein til Tryggestad. Spenningsoppgradering til 66 kv av øvste trådsett på eksisterande 22 kv leidning Tomasgard Støverstein. Etablering av eit kort (ca. 0,1 km) 66 kv jordkabelanlegg inn til Tomasgard trafostasjon. Bygging av ny 66 (132)/22 kv transformatorstasjon på Tryggestad/Litlebø. Utviding av 66 kv koplingsanlegg i Tomasgard transformatorstasjon med eitt brytarfelt. Nemninga 66 (132) kv tyder at overføringsanlegget dei komande åra skal driftast med 66 kv spenning, men at dei nye delane av anlegget vert dimensjonert for framtidig drift med 132 kv spenning. Fysisk storleik på dei nye komponentane vert dermed som for eit 132 kv anlegg.

4 04 Mellom Tomasgard og Støverstein (sjå blå linje) søkjer SFE Nett om å spenningsoppgradere øvste trådsett på eksisterande 22 kv leidning til 66 kv. Dette gjer vi ved å setje inn ekstra isolatorskåler i isolatorkjedene. Samstundes vil SFE Nett utvide rettsbeltet langs eksisterande leidning frå 18 til 29 m. Dagens master og liner vert elles ståande som i dag,

5 05 Den nye 66 (132) kv luftleidningen frå Støverstein til Tryggestad vert bygd med portalmaster av tre, med eit rettsbelte på 29 m som skissert i figuren over. Forbi Tronstad/ Kjellstad er det søkt om to alternative trasear. Det er og søkt om to alternative plasseringar for transformatorstasjon på Tryggestad/Litlebø, val av stasjonsplassering påverkar òg luftleidningstraseen inn mot stasjonen. 66 kv Tomasgard - Tryggestad

6 06 Biletet syner omsøkte trasear forbi Tronstad/Kjellstad. Konsesjonssøknaden SFE har valt å søke om to alternative trasear forbi Tronstad/Kjellstad og to alternative stasjonsplasseringar ved Tryggestad/Litlebø. Prioriteringar av alternativa er vist i kartet. I arbeidet med søknaden er det vurdert fleire ulike alternativ for overordna systemløysing, stasjonsplassering og leidningstrasear. I vurderinga er det teke omsyn til ulike aspekt ved dei alternative løysingane: Korleis aktuell løysing svarer til behovet: Tilknyting av småkraft og betring av taps- og spenningstilhøve. Investeringskostnader og driftskostnader i regionalnett og lokalt 22 kv nett. Teknisk tryggleik (skred og steinsprang), beredskap, praktisk drift av anlegga og fleksibilitet for framtidig nettutvikling. Konsekvensar ved arealbruk og for grunneigarar jordbruk og skogbruksnæring. Konsekvensar for naturverdiar og kulturminne. Konsekvensar for idrett, friluftsliv og andre nærings- og samfunnsinteresser. Vi søkjer om konsesjon, ekspropriasjonsløyve og førehandstiltreding for leidning og stasjonsanlegg. Søknadsdokumentet, med tilhøyrande detaljkart, mastebileteteikningar og skisser over stasjonar er offentleg tilgjengeleg på heimesidene til NVE (nve.no/konsesjonssaker). Ved ønskje om papirkopiar av søknaden, kan de kontakte SFE Nett.

7 07 Erverv av grunn og rettar Prosess rundt kjøp av, og erverv av rettar til grunn vil starte når naudsynt konsesjon for anlegga er gjeven. For stasjonsanlegg må SFE Nett skaffe seg eigedomsrett til grunnen. For kraftleidningar må SFE Nett skaffe seg rett til å byggje og drive leidningsanlegget. SFE Nett søkjer alltid å inngå minnelege avtalar med grunneigarar. Der ein ikkje oppnår dette vert erstatning fastsett ved offentleg skjøn. Grunneigarar/rettshavarar har rett til sakkyndig (juridisk) hjelp under dette arbeidet

8 Vidare saksgang Den vidare saksgangen, som og omfattar offentleg høyring, er det NVE som står for. Fråsegner til konsesjonssøknaden for kraftleidning og stasjonsanlegg kan sendast til NVE via heimesidene (nve.no/konsesjonssaker), med epost eller per post. Høyringsfrist 5. april Vi viser elles til NVE for meir informasjon om dette. Dersom du ønskjer ein kopi av konsesjonsssøknaden, eller har spørsmål til SFE Nett, kan du ta kontakt med: Atle Isaksen Kristen Skrivarvik E-post: E-post: Tlf: Tlf: Sakshandsamar i NVE for nettanlegget er: Lars Hagvaag Seim E-post: lhs@nve.no Tlf: Informasjonsmøte NVE held offentleg folkemøte om prosjektet i Sunnylven Samfunnshus tysdag den 26. januar 2016 kl. 19:00.