Kommune Styre, råd, utval Møtestad Møtedato Frå kl. 19.00 Til kl. 21.00 Aurland fjellstyret Fjordsenteret 28.1.14 TIL STADES PÅ MØTET Medlemar Erling Nesbø, May Britt Martinsen, John Håland, Bente Steine. Varamedlemar Ingen Andre Håkon Øydvin, Knut Fredrik Øi, Harald Skjerdal HANDSAMA SAKER Sak nr./år 1/14, 2/14, 3/14, 4/14, 5/14, 6/14, 7/14. UNDERSKRIFTER Vi stadfestar med våre underskrifter at blada i møteboka som vi har signert for er førde i samsvar med det som blei fastsett på møtet. UTSKRIFTER Hovudutskrift er sendt til Fjellstyremedlemane og -varamedlemane,.
Sak 1/14. Referat og meldingar Følgjande meldingar vart refererte: 1) Møtebok fjellstyremøte 9.12.13 2) Kart fellingsstader villrein 2013 3) Fellingsresultat og kart fellingsstader, hjortejakta i Nordheimsdalen 2013 4) Fiskesesongen 2013 oppsummering frå Aurland fiskeadministrasjon 5) ROU Hardangervidda/Nordfjella tiltaksmidlar for 2014 (søknad er send) 6) Oppsummeringsskjema arbeidstid og oppsynskontrollar, vert sendt til Statskog SF 7) E-post frå fjellstyresambandet om prøveordning med snøskuterløyper for rekreasjonskøyring fjellstyra si rolle 8) Spørsmål frå felles landbrukskontor om ekstrahjelp til sakshandsaming 9) E-post om gaupejakt, frå Terje Terum til grunneigarar 10) Oppsynssamling på Hell 29. 31. januar 11) 50-årsgåve til han Håkon
Sak 2/14. Fjellstyret si årsmelding ifor 2013 Utkast til årsmelding låg føre. Handsaming i møtet: Fjellstyret vil ha med eit avsnitt om fiskeutsetjinga i statsallmenningen i årsmeldinga. Årsmeldinga for 2013 vert godkjend. Det vert teke inn eit avsnitt om fiskeutsetjinga i 2013. Sak 3/14. Fjellstyrerekneskapen for 2013 Rekneskapen låg føre. Rekneskapen for 2013 vert godkjend. Årsoverskotet på kr. 18.063 vert lagt til den frie eigenkapitalen. Sak 4/14. Kjøp/leige av firmabil til fjellstyret Saksutgreiing låg føre. Fjellstyret går inn for å skaffa (leasa) ein tenestebil til bruk for oppsynet, i samsvar med dei kostnadsoverslag som ligg føre i saka. Bilen vert utstyrd med fjellstyret sin logo. Det skal lagast ein instruks for bruken av bilen. Fjelloppsynet får ansvar for å finna høveleg bil.
Sak 5/14. Omfanget av naudsynt kvelds- og helgearbeid for fjelloppsynet Saksutgreiing låg føre. Følgjande arbeid vert definert som naudsynt kvelds- og helgearbeid for fjelloppsynet: Vinter/vår: - planlagt oppsyn som er koordinert med politi/sno - rovviltregistrering i regi av SNO - teljingar og møte i regi av villreinutvalet og kommunen - andre tilskipingar som er lagde til kveld eller helg, der fjelloppsynet må vera med - tilsyn/stell på fiskeanlegget, utrykning ved alarm Sommar/haust: - jaktoppsyn og oppsynssamlingar i samsvar med plan eller avtale med oppsynsleiar - kadedokumentasjon for SNO - teljingar og møte i regi av villreinutvalet - anna avtalt oppsynsarbeid eller tilskipingar som av ymse grunnar bør skje helg/kveld - sesongoppsyn (gjetar) er med under hovudsankinga i Stemmerdalen - tilsyn/stell på fiskeanlegget, utrykning ved alarm - pakking av fisk for utsetjing - stamfiske (oktober) Det vert sett ei øvre grense for naudsynt kvelds- og helgearbeid på 450 timar pr. år, til saman for fjellstyret sine tilsette. Per 1. september skal det liggja føre ein oversikt over kor mykje slikt arbeid som er utført.
Sak 6/14. Ny utforming av kontrollkort for villreinjakt Saksutgreiing låg føre, vedlagt høyringsbrev. Fjellstyret meiner at mange av endringane er til det verre, i høve til dei korta som har vore nytta dei siste åra, og som stort sett har fungert godt. Tanken bak endringane ser først og fremst ut til å vera å laga kortet så einsarta og rimeleg som råd, for å spara direktoratet for kostnader. Når det gjeld kjøtmerkelappen, så er dette ei godt innarbeidd ordning som det er lite problem med i praksis. Regelen om at kjøt under transport eller lagring i fjellet skal vera merkt skal framleis vera der, men no må altså jegerane sjølve syta for å ha med eigna merkesaker. Det er fare for at dette ikkje vil fungera i praksis. Kjevelapp som utgjer halve kortet er dårleg utnytting av plassen. Kjeveinnsamlinga t.d. i Nordfjella skjer ein gong i kvar driftsplanperiode. 3 av 4 år vil denne lappen vera utan nokon funksjon. Manuell utfylling av kortnummer og villreinområde vil medføra mykje meirarbeid for villreinområda, med fleire tusen kort som skal fyllast ut Det bør framleis vera ulik farge for kvar av kategoriane fritt dyr simle/ungdyr kalv. Dette er særleg viktig for villreinområde der tildelinga skjer etter 21 (om målretta avskyting) i forskrift om forvalting av hjortevilt, d.v.s. der valda vert tildelt fellingsløyve som av det offentlege er fordelt på frie dyr, simle/ungdyr og kalv. Samjakt mellom vald er eit offentlegrettsleg tilhøve som og er avhengig av tilslutnad frå grunneigar, og må framleis kunna synast med grunneigar/ valdansvarleg si underskrift på eigna stad på kortet. Dette er einpraktisk måte å synleggjera det på for oppsyn og andre. Opplysning om fellingsstad og slaktevekt som vert ført på kortet av jeger før innlevering er ein svært nytting opplysning for villreinforvaltinga. Denne rubrikken må behaldast! Teksten på korta har fram til no vore på nynorsk, medan utkastet som no er utsendt er skrive på bokmål. Den største tildelinga av villreinkort skjer i kommunar med nynorsk som skule- og administrasjonsmål. I Nordfjella er t.d. 6 av 7 kommunar nynorskkommunar, den 7. nøytral m.o.t. målform. Difor bør nynorsk verta nytta på kontrollkorta. Eventuelt kan det liggja føre på begge målformer, der villreinområda sjølve kan velja.
Sak 7/14. Møteplan for 1. halvår Det vart sett opp ein møteplan i møtet. Møteplan for fjellstyremøta 1. halvår: - 25. februar - 27. mars - 13. mai - 11. juni