Høyring Ny forskrift om ansvar for utgifter til spesialpedagogisk hjelp for barn under opplæringspliktig alder

Vår dato Dykkar dato Vår referanse Vår sakshandsamar 15.03.2017 03.02.2017 17/00388-2 Einar Ove Standal Avdeling Dykkar referanse Arkivkode Direkte telefon Seksjon for utdanning og 62 24142220 forskning Utdanningsdirektoratet Postboks 9359 Grønland 0135 OSLO post@udir.no Høyring Ny forskrift om ansvar for utgifter til spesialpedagogisk hjelp for barn under opplæringspliktig alder Utdanningsforbundet syner til høyringsnotat frå Utdanningsdirektoratet av 01.02.2017. BAKGRUNN Høyringsnotatet syner til at spesialpedagogisk hjelp for barn under opplæringspliktig alder vart overført frå opplæringslova 5-7 til ny 19a i barnehagelova med verknad frå 01.08.2016. Paragraf 19a i barnehagelova gir heimel for å gje forskrift om ansvar for utgifter til spesialpedagogisk hjelp. I oppdragsbrev 26-16 frå Kunnskapsdepartementet til Utdanningsdirektoratet går det fram at direktoratet skal utarbeide utkast til ny forskrift om utgifter til spesialpedagogisk hjelp. Denne skal så langt det er tenleg samsvare med tidlegare reglar i opplæringslova og forskrift til opplæringslova. Høyringa omfattar også endring av forskrift til opplæringslova 18-1. FRAMLEGG FRÅ UTDANNINGSDIREKTORATET Framlegget frå Utdanningsdirektoratet inneber å forskriftsfeste reglar som i hovudsak samsvarar med kapittel 18 i forskrift til opplæringslova om kommunen sitt ansvar for grunnskuleopplæring. Framlegget inneber i hovudsak ei vidareføring av 13-2 og 13-3a i opplæringslova om fylkeskommunen sitt ansvar for å oppfylle retten til spesialpedagogisk hjelp for barn i barnevernsinstitusjonar og visse helseinstitusjonar. Forskrifta er meint å utfylle reglane om fylkeskommunen sitt ansvar i barnehagelova 19a femte ledd. Framlegget drøftar også om refusjon av fylkeskommunen sine utgifter til spesialpedagogisk hjelp for barn som er plasserte i institusjonar utanfor heimfylket bør regulerast i forskrift. KOMMUNEN SITT ØKONOMISKE ANSVAR FOR Å OPPFYLLE RETTEN TIL SPESIALPEDAGOGISK HJELP FOR BARN SOM MOTTAR SLIK HJELP UTANFOR BUSTADKOMMUNEN Fram til 1. august 2016 følgde det av opplæringslova 13-1 at bustadkommunen hadde Postadresse Besøksadresse E-post/Internett Postboks 9191 Grønland Hausmanns gate 17 post@utdanningsforbundet.no Tlf. + 47 24 14 20 00 Org.nr. 884 026 172 0134 OSLO 0182 OSLO www.utdanningsforbundet.no Faks + 47 24 14 21 00 Bankkonto 1600.40.30714

2 ansvaret for å oppfylle retten til spesialpedagogisk hjelp for alle barn busette i kommunen. Når barnet fekk spesialpedagogisk hjelp utanfor bustadkommunen, følgde det av 18-1a i forskrift til opplæringslova at bustadkommunen betalte for den spesialpedagogiske hjelpa etter avtale med vertskommunen. Etter 1. august 2016 følgjer det av barnehagelova 19a at bustadkommunen har ansvaret for å oppfylle retten til spesialpedagogisk hjelp. Framlegget frå Utdanningsdirektoratet inneber å vidareføre bustadkommunen sitt økonomiske ansvar for spesialpedagogisk hjelp for barn som mottar hjelp i annan kommune. Framlegget inneber elles at bustadkommunen skal fastsetje omfanget av den spesialpedagogiske hjelpa etter sakkunnig vurdering frå vertskommunen. I forarbeida til barnehagelova er det presisert at med busett meinast folkeregistrert adresse. I opplæringslova med forskrift er ikkje «bosatt» presisert. Framlegget inneber at det i ny forskrift går fram at barnet sin bustadkommune er den kommunen der barnet er folkeregistert. Har dere noen kommentarer til dette? Utdanningsforbundet støttar at reglane om økonomisk ansvar for spesialpedagogisk hjelp i forskrift til opplæringslova vert vidareført i ny forskrift. Vi legg til grunn at det er ei vidareføring av gjeldande rett når det vert presisert at «bosatt» inneber den kommunen der barnet er folkeregistrert. KOMMUNEN SITT ØKONOMISKE ANSVAR FOR Å OPPFYLLE RETTEN TIL SPESIALPEDAGOGISK HJELP FOR BARN SOM ER PLASSERTE UTANFOR KOMMUNEN, I FOSTERHEIM ELLER INSTITUSJON Viss eit barn bur i fosterheim, vil barnet vere vurdert som busett i den kommunen der fosterheimen ligg. Denne kommunen vil då ha det faglege, økonomiske og juridiske ansvaret for den spesialpedagogiske hjelpa. Framlegget frå Utdanningsdirektoratet inneber å vidareføre at kommunen som har ansvaret for barn som er plasserte i fosterheim eller institusjon etter barnevernlova, også har det økonomiske ansvaret for spesialpedagogisk hjelp. Den kommunen som har det økonomiske ansvaret, skal også fastsetje omfanget av den spesialpedagogiske hjelpa etter sakkunnig vurdering frå vertskommunen. Er det behov for at den nye forskriftsbestemmelsen også omfatter barn som er plassert i institusjoner, som ikke er nevnt i forskrift til opplæringsloven 18-1 bokstav c og d? Utdanningsforbundet vil rå til at det nye regelverket vidarefører reglane i forskrift til opplæringslova som regulerer det økonomiske ansvaret for barn som er plasserte i institusjonar, men som ikkje er omtalt i 18-1 bokstav c og d. Sjølv om denne regelen truleg vil vere svært lite brukt, ser vi det som tryggast med ei vidareføring for å fange opp barn som elles ikkje vil vere omfatta av regelverket. USEMJE OM KVA FOR KOMMUNE SOM HAR DET ØKONOMISKE ANSVARET Då spesialpedagogisk hjelp vart regulert av forskrift til opplæringslova 18-1 bokstav e, var det Fylkesmannen i det fylket der barnet oppheldt seg, forstått som det fylket der barnet faktisk budde, som i tvilstilfelle avgjorde kva for kommune som var ansvarleg for kostnader knytt til spesialpedagogisk hjelp.

3 Framlegget inneber å vidareføre regelen i forskrift til opplæringslova om at det er Fylkesmannen i det fylket der barnet oppheld seg som skal avgjere ved usemje mellom kommunar. Har dere kommentarer til at det er Fylkesmannen i det fylket hvor barnet oppholder seg, som skal avgjøre dersom det er uenighet mellom kommunene om hvem som har det økonomiske ansvaret for spesialpedagogisk hjelp? Utdanningsforbundet støttar ei vidareføring av innhaldet i forskrift til opplæringslova 18-1 bokstav e i ny forskrift. FYLKESKOMMUNEN SITT ANSVAR FOR Å OPPFYLLE RETTEN TIL SPESIALPEDAGOGISK HJELP Fylkeskommunen sitt ansvar for å oppfylle retten til spesialpedagogisk hjelp for barn i barnevernsinstitusjonar og for barn som er pasientar i visse helseinstitusjonar følgde av opplæringslova 13-2 og 13-3a. Fylkeskommunen sitt ansvar følgjer no av barnehagelova 19a femte ledd. Utdanningsdirektoratet peikar i høyringsnotatet på at opplæringslova gav meir presist uttrykk for kva for institusjonar som var omfatta av regelverket enn det som no følgjer av barnehagelova. Framlegget inneber å vidareføre reglane i opplæringslova 13-2 og 13-3a i ny forskrift. Direktoratet meiner dette vil gjere fylkeskommunen sitt ansvar tydelegare. Direktoratet peikar vidare på at det ikkje følgjer av barnehagelova kva for fylkeskommune som har ansvaret for den spesialpedagogiske hjelpa, slik det gjorde i opplæringslova. Direktoratet meiner det bør presiserast i forskrifta at det er fylkeskommunen der institusjonen ligg, som har ansvaret. Har dere noen kommentarer til dette? Utdanningsforbundet sluttar seg til Utdanningsdirektoratet sine vurderingar og støttar ei vidareføring av reglane i opplæringslova 13-2 og 13-3a i ny forskrift. RETT TIL REFUSJON FOR UTGIFTER TIL SPESIALPEDAGOGISK HJELP FOR BARN I BARNEVERNSIBSTITUSJONAR ELLER HELSEINSTITUSJONAR UTANFOR HEIMFYLKET Opplæringslova med forskrift regulerer ikkje fylkeskommunen sin rett til refusjon for utgifter til spesialpedagogisk hjelp for barn i barnevernsinstitusjonar eller visse helseinstitusjonar utanfor heimfylket. Refusjonsretten i opplæringslova har berre vore knytt til utgifter til opplæring, ikkje spesialpedagogisk hjelp. Høyringsnotatet syner til at Kunnskapsdepartementet har bedt Utdanningsdirektoratet om å presentere framlegg om refusjonsordningar for utgifter til spesialpedagogisk hjelp for barn som er plasserte i barnevernsinstitusjonar eller som er pasientar i visse helseinstitusjonar. Etter opplæringslova 13-2 har fylkeskommunen der barnevernsinstitusjonen ligg rett på refusjon av utgifter til opplæring frå fylkeskommunen der barnet eller den unge er busett på det tidspunktet det vert fatta vedtak om plassering etter satsar fastsett av departementet. Etter opplæringslova 13-3a har fylkeskommunen der helseinstitusjonen ligg rett på refusjon av utgifter til opplæring frå fylkeskommunen der pasienten er busett på det tidspunktet pasienten vert innlagt. Refusjonsretten er avgrensa til pasientar i institusjonar som har tilbod

4 om tverrfagleg spesialisert behandling for rusmiddelavhengige og pasientar i institusjonar innanfor det psykiske helsevernet. Refusjonsordningane etter dei nemnde paragrafane i opplæringslova gjeld berre for barn som vert plasserte i institusjon utanfor heimfylket. Utdanningsdirektoratet peikar på at det er få eller ingen barn under opplæringspliktig alder som oppheld seg i barneverns- og helseinstitusjonar og at det er fleire barn som oppheld seg i senter for foreldre og barn, men at desse sentra fell utanfor ansvarsregelen i opplæringslova. Her vil dei ordinære ansvarsreglane gjelde, altså at det er kommunen der senteret ligg som er ansvarleg for å oppfylle retten til spesialpedagogisk hjelp. Direktoratet syner elles til at det ikkje er uttrykt ønske frå sektoren om refusjonsordningar for utgifter til spesialpedagogisk hjelp når barn under opplæringspliktig alder er plasserte i institusjon utanfor heimfylket. Utdanningsdirektoratet rår til at det ikkje vert innført reglar i ny forskrift som omhandlar refusjon for utgifter til spesialpedagogisk hjelp mellom fylkeskommunar. Er dere enige i at det ikke innføres en refusjonsrett mellom fylkeskommuner for utgifter til spesialpedagogisk hjelp for barn i institusjoner, som barne-, ungdoms- og familieetaten har ansvaret for etter barnevernloven 5-1, og for barn i private og kommunale institusjoner som er godkjente etter barnevernlova 5-8? Utdanningsforbundet vil under noko tvil støtte Utdanningsdirektoratet sitt framlegg om å ikkje innføre refusjonsrett mellom fylkeskommunar for utgifter til spesialpedagogisk hjelp for barn i institusjonar. Vi legg då til grunn opplysningar frå direktoratet om at dette vil gjelde få eller ingen barn, og at dei barna det eventuelt gjeld, får oppfylt retten sin til spesialpedagogisk hjelp av den fylkeskommunen der institusjonen ligg. Er dere enige i at det ikke innføres en refusjonsrett mellom fylkeskommuner for utgifter til spesialpedagogisk hjelp for barn som er pasienter i institusjoner, som tilbyr tverrfaglig, spesialisert behandling for rusmiddelavhengige og pasienter i institusjoner innenfor det psykiske helsevernet? Utdanningsforbundet vil under noko tvil støtte Utdanningsdirektoratet sitt framlegg om å ikkje innføre refusjonsrett mellom fylkeskommunar for utgifter til spesialpedagogisk hjelp for barn i institusjonar. Vi legg då til grunn opplysningar frå direktoratet om at dette vil gjelde få eller ingen barn, og at dei barna det eventuelt gjeld, får oppfylt retten sin til spesialpedagogisk hjelp av den fylkeskommunen der institusjonen ligg. Har dere kjennskap til om det har vært problemer mellom fylkeskommuner knyttet til utgifter til spesialpedagogisk hjelp? Nei. Utdanningsforbundet er ikkje kjent med problem mellom fylkeskommunar knytt til utgifter til spesialpedagogisk hjelp. Har dere kjennskap til om det er barn under opplæringspliktig alder som oppholder seg i de nevnte institusjonene? Nei. Utdanningsforbundet kjenner ikkje til om det finst barn under opplæringspliktig alder som oppheld seg i dei nemnde institusjonane.

5 Dersom det gis en bestemmelse om refusjonsrett mellom fylkeskommuner for utgifter til spesialpedagogisk hjelp, bør det også innføres satser? Utdanningsforbundet meiner at dersom det vert innført reglar om refusjonsrett mellom fylkeskommunar for utgifter til spesialpedagogisk hjelp, bør det også innførast felles nasjonale satsar for dette. Dersom det innføres satser, kan satsene som i dag gjelder for spesialundervisning i forskrift til opplæringsloven 19-7 og 19-8 også gjelde for spesialpedagogisk hjelp? Ja. Utdanningsforbundet legg til grunn at ein i dette høvet kan nytte dei satsane som følgjer av 19-7 og 19-8 i opplæringslova. Utdanningsforbundet er ikkje kjent med at desse satsane vert opplevd som urimelege. FRAMLEGG TIL FORSKRIFT Har dere noen kommentarer til forskriftsteksten? Utdanningsforbundet har ingen merknader til framlegget til forskrift. FRAMLEGG TIL ENDRING I FORSKRIFT TIL OPPLÆRINGSLOVA Det går fram av høyringsbrevet at formuleringa «for barn som er i og under opplæringspliktig alder» ved ein feil ikkje vart endra i 18-1 i forskrift til opplæringslova då reglane om spesialpedagogisk hjelp vart overførte frå opplæringslova til barnehagelova. Framlegget inneber at «og under» vert fjerna frå forskrift til opplæringslova. Utdanningsforbundet oppfattar dette som ei endring som følgjer som ein naturleg konsekvens av overføringa frå opplæringslova til barnehagelova. Med vennleg helsing Milena Adam Seksjonsleiar Einar Ove Standal Seniorrådgjevar