SAKSFRAMLEGG Saksbehandlar: Kåre Strand Arkivsaksnr.: 12/502-25 Arkiv: N00 Planlagt behandling: Formannskapet Kommunestyret BOMPENGEPAKKE JÆREN 2 - MANDAT OG OPPLEGG Rogaland fylkeskommune har i 2 brev datert 30. juni 2014 sendt opplegget for ny bompengeordning for Jæren til kommunane til uttale. Breva omhandlar: - Styringsstruktur og mandat for bypakke Nord-Jæren og utbyggingspakke Jæren. - Grunnlaget for Bypakke Nord-Jæren. Høyringa bygger på Fylkestinget sine vedtak i sakene 56/14 og 57/14. Uttalefrist 1. oktober. Rådmannen vel å legge begge desse høyringane fram til behandling i Klepp som ei sak. Bakgrunn og høyringstema Styringsgruppa for Transportplan Jæren har over ein lengre periode arbeidd med eit opplegg for bompenge-innkrevjing på Jæren, og den siste tida arbeidd med eit delt opplegg med 2 bompengepakkar. Fylkestinget vedtok i sak 56/14 å sende forslag til styringsstruktur og mandat for Bypakke Nord-Jæren og Utbyggingspakke Jæren på høyring i berørte kommunar. I notat av 01.07.2014 skisserer Samferdselssjefen mål og opplegg for dei 2 pakkane slik: Det overordnete målet for Bypakke Nord-Jæren er å utvikle et effektivt, miljøvennlig, sikkert og tilgjengelig transportsystem på Nord-Jæren. Bypakke Nord-Jæren har to hovedmål: God fremkommelighet for alle trafikantgrupper, prioritere kollektivtrafikk, næringstrafikk samt gang- og sykkeltrafikk. Ta veksten i persontransport med kollektivtransport, gåing og sykling. Det legges opp til porteføljestyring av Bypakke Nord-Jæren med rullering av fireårige handlingsprogrammer. Porteføljestyring innebærer at prioriteringer i Bypakke Nord- Jæren bestemmes av følgende: Mål- og resultatstyring Disponible midler Planstatus Samfunnsøkonomisk lønnsomhet Kapasitet på planlegging og gjennomføring Dette skal bidra til at samlet ressursinnsats og prioritering av tiltak, er mest mulig i samsvar med målene for Bypakke Nord-Jæren. Handlingsprogrammet vil bli revidert årlig. Utbyggingspakke Jæren omfatter kommunene Gjesdal, Time, Klepp og Hå. Hovedmål for pakken er bedre fremkommelighet for alle trafikantgruppene. Utbyggingspakke Jæren må styres i tråd med det overordnede mål for pakken. Vurdering av måloppnåelse hittil og framtidig forventet måloppnåelse vil være sentralt
for prioritering av prosjekter underveis. Årlige budsjetter styrer gjennomføringen. Bompengepakkane er tenkt styrt av 2 ulike styringsgrupper, men med ei felles referansegruppe. I fylkestingets sak 57/14 blei opplegget for Bypakke Nord-Jæren lagt fram for behandling. Også denne saka blei vedteken sendt ut på høyring. Høyringspartane blir inviterte til å gi synspunkt på følgjande tilråding: 1. Bypakke Nord-Jæren omfatter kommune Stavanger, Sandnes, Sola og Randaberg. 2. Hovedmålet for Bypakke Nord-Jæren er 0-vekst i personbiltrafikken i byområdet på Nord-Jæren og god fremkommelighet for alle trafikantgrupper med hovedvekt på kollektiv, sykkel og gange samt næringslivets transporter. 3. Bompengeinntekter kan benyttes til drift av kollektivtransport når det kan dokumenteres at disse midlene kommer ut over dagens nivå på fylkeskommunale bevilgninger. 4. X kommune gir sin tilslutning til at det kan åpnes for et låneopptak på inntil 7 000 mill. kroner. 5. X kommune gir sin tilslutning til det foreslåtte takst- og rabattsystemet Det er tidsdifferensiering av takstene. Tidsdifferensieringen gjelder i tidsperioden 06:00-10:00 og 14:00-18:00. Grunntaksten er 21 kroner for lette kjøretøy, i første og siste time i rushet er taksten 1,5 x grunntakst og i de to hovedtimene i rushet er taksten 2 x grunntakst. Taksten for tunge kjøretøy er 2,5 x taksten for lette. Det er rabatt på 10 prosent for alle som har bompengebrikke Det er timesregel, som innebærer at man betaler for den første passeringen i løpet av en time. Det er envegs innkreving i alle bomstasjoner. 6. X kommune slutter seg til forslaget til plassering av bomstasjoner i tette ringer rundt Stavanger sentrum, Sandnes sentrum, Forus - Lura, Sola lufthavn og Risavika samt et ytre snitt i Randaberg i tråd med forslaget. Ringene plasseres i områder der det er/blir utbygd godt alternativt transporttilbud til privatbilen. På veger der det gjøres betydelige investeringer (E39 og rv. 509) skal det være bomstasjoner. Dersom det blir betydelig omkjøring på bompengefri rute via Kvernevikveien og Nesbuveien, vil det bli etablert bomstasjoner for å forhindre dette. 7. Det etableres en styringsgruppe for Bypakke Nord-Jæren bestående representanter fra Rogaland fylkeskommune, kommunene og Statens vegvesen. Styringsgruppen vil få ansvar for å utarbeide et mål- og resultatstyringssystem for Bypakke Nord-Jæren i tråd med de overordnede målsettinger for pakken og nasjonale føringer for byområdene. Bypakke Nord-Jæren styres gjennom porteføljestyring. Bypakke Nord-Jæren styres gjennom fire-årige handlingsplaner som rulleres årlig.
8. Bypakke Nord-Jæren overtar gjenstående forpliktelser for Jærenpakke 1 ved opphør av denne ved utgangen av 2016. a. Disponible midler i Jærenpakke 1 overføres ved pakkens utløp til Bypakke Nord-Jæren og disponeres av denne til å fullfinansiere prosjekter som er startet opp og som er vedtatt gjennom Prop. 28 S (2011-2012). b. investeringsprosjekter som er vedtatt i Jærenpakke 1, men ikke fullført ved pakkens utløp vil bli overført til Bypakke Nord-Jæren og finansiert med bompenger fra Bypakke Nord-Jæren. 9. Det etableres på et senere tidspunkt en egen utbyggingspakke (bompengepakke) for kommunene Klepp, Time, Hå og Gjesdal. Det etableres en styringsgruppe bestående av representanter for de fire kommunene, Rogaland fylkeskommune, Jernbaneverket og Statens vegvesen. Det faglige grunnlaget for en slik utbyggingspakke skal være lokalpolitisk behandlet i inneværende valgperiode. 10. Det legges til grunn for Bypakke Nord-Jæren at det kan bli en felles timesregel med Utbyggingspakke Jæren. 11. Det etableres en felles referansegruppe for Bypakke Nord-Jæren og Utbyggingspakke Jæren der kommunene i Regionalplan Jæren deltar. 12. Det forutsettes statlig finansiering av jernbaneprosjekter som inngår i Bypakke Nord-Jæren og utbyggingspakken. Følgendevedtakspunkter skal kun behandles i Rogalandfylkeskommune (RFK skal også behandle punkt 1-12 etter at disse har vært behandlet i kommunene): -------- 13. All mva-kompensasjon for bompengemidler til prosjekter på fylkesveg skal brukes til investeringer i prosjekter i Bypakke Nord-Jæren. 14. Rogaland fylkeskommune stiller garanti for lån til Bypakke Nord-Jæren på inntil 7 000 mill. kroner. Kommunane blir inviterte til å slutte seg til pkt. 1 12 i opplistinga ovafor. Punkt 13 og 14 skal kun behandlast i Fylkeskommunen. Vurdering: Sak 57 i Fylkestinget gjeld opplegg for Bypakke Nord-Jæren, og omfattar ikkje Klepp kommune direkte. Men med dei korte avstandane som er i vår region vil likevel den skisserte bompengepakken få stor betydning, både for innbyggjarane i Klepp som må betala i bomstasjonane og for utviklinga av Klepp som lokalsamfunn. Eit av hovudmåla i Bypakken er at veksten i persontransport skal løysast med kollektivtransport, gåing eller sykling. Dette vil få betydning for Kleppsbuen og for Klepp kommune sin attraktivitet både for næringsetableringar og som busetjingskommune. Rådmannen tilrår derfor at Klepp gir uttale til opplegget for Bypakke Nord-Jæren, sjølv om bompengeordninga ikkje omfattar kommunen.
I tillegg vedrører punkt 8 11 i høyringa Klepp meir direkte, sidan det omhandlar opplegg for organisering og finansiering av framtidig utbygging på samferdselsområdet på Jæren og i Klepp. Behovet for bompengar til finansiering av utbygging på samferdselsektoren Det har gjennom fleire 10-år vakse fram ein finansieringsordning for utbyggingstiltak innan samferdselssektoren der brukarfinansiering (i hovudsak gjennom bompengar) inngår som ei viktig finansieringskjelde for dei fleste utbyggingstiltaka. For tida framstår vilje til å godta bompengefinansiering som naudsynt for å realisera viktig vegutbygging. Rådmannen konstaterer at dette er situasjonen. Vår region er heilt avhengig av vidare utbygging av vegar og kollektivsystem, og rådmannen konstaterer derfor behovet for å akseptera bompengefinansiering. Ein eller to bompenge-system på Jæren Både i styringsgruppa for transportplan Jæren og i fylkestinget er det ulike synspunkt på dette spørsmålet. Utgangspunktet var lenge eit felles innkrevjingssystem, men statlege føringar til bymiljøpakken og graden av kollektivsatsing har gjort at fleirtalet har landa på å tilrå 2 ordningar med ei viss samordning. Rådmannen ville i utgangspunktet sett klare fordeler med om dette var samla i ei ordning og eit system, men saka har nå kome så langt i prosessen at rådmannen tilrår at Klepp sluttar seg til den skisserte delinga. Rådmannen tilrår vidare at Klepp ikkje har synspunkt på spørsmål som gjeld den konkrete utforminga av Bypakke Nord-Jæren som talet på bomringar, plassering av bomstasjonar, takstar og prioritering av utbyggingstiltak. Høyringstema punkt 8 og 10 Desse punkta gjeld delvis overgang mellom Jæren pakke 1 og Pakke 2. Her blir det slått fast at finansieringsansvaret for urealiserte prosjekt i Jæren pakke 1 ligg til Bypakke Nord-Jæren. Dette gjeld mellom anna ny fv. 505 Skjæveland Foss-Eikeland, som har stor betydning for Jæren som del av ny forbindelse til E 39. I prosjektlista for nye vegprosjekt i Bypakken inngår også vidareføring av denne vegen frå Foss-Eikeland til E 39. Høyringstema i pkt 10 slår fast at prinsippet med timesregel (bompengar skal kun betalast ein gong i løpet av ein klokketime) blir vidareført og skal gjelda felles for begge bompengepakkane. Prinsippet om timesregel vil vera av stor betydning, særleg for innbyggarane på Jæren. Dei kan elles måtta betala bompengar fleire gonger i løpet av ein enkelt tur til og frå Stavanger. Rådmannen kjenner ikkje til tilsvarande ordningar på tvers av 2 bompengesystem andre stader i Noreg. Det vil derfor vera av stor betydning at prinsippet blir akseptert i Stortinget i samband med behandlinga av Bypakken, så dette ikkje ligg som eit usikkert punkt til den seinare behandlinga av utbyggingspakke Jæren. Høyringstema 9 etablering av eigen Utbyggingspakke Jæren Det er stort behov for vegutbygging på Jæren også sør for Sandnes, og statleg fullfinansiering av nye vegprosjekt i dette området synes lite sannsynleg. Det er derfor viktig at Fylkestinget
legg inn som premiss i vedtaket av Bymiljøpakken at det skal etablerast ein finansieringsordning for vegutbygging også på Jæren. Prosessen med å avklare kva prosjekt som skal finansierast gjennom ein slik bompengepakker er heilt i startfasen, men omkøyringsveg for fv 505 forbi Orstad og Frøyland samt tiltak på fv 44 framstår som særs aktuelle å vurdera. Rådmannen tilrår at Klepp kommune gir sin tilslutning til prinsippet om etablering av ein utbyggingspakke for Jæren i denne omgangen. Endeleg vedtak vil avhenge av at det kan bli semje om det vidare opplegget for innkrevjing av bompengar. Vedlegg: Skriv frå Rogaland fylke av 30.6. 2014 om høyring fylkestingssak 56/14 m/vedlegg Skriv frå Rogaland fylke av 30.6. 2014 om høyring fylkestingssak 57/14 m/vedlegg Innstilling: Rådmannen tilrår at saka går til formannskapet og kommunestyret med slik tilråding: 1. Klepp kommune har ingen merknader til forslag til styringsstruktur og mandat for Bypakke Nord-Jæren og Utbyggingspakke Jæren slik det er skissert i tilrådinga til Fylkestinget i sak 56/14. 2. Klepp kommune har ingen merknader til opplegget for Bypakke Nord-Jæren slik det er skissert i tilrådinga til Fylkestinget i sak 57/14. 3. Klepp kommune aksepterer at bompengefinansiering kan vera naudsynt for å få realisert viktige samferdsleprosjekt på Jæren, og vil derfor delta i konkretisering av opplegget for ein utbyggingspakka Jæren. Kommunstyret legg til grunn at eit konkretisert opplegg blir lagt fram til politisk behandling i Klepp i løpet av rimeleg kort tid. Ein føresetnad for ein slik utbyggingspakke vil vera ein felles timesregel for Bypakke Nord-Jæren og Utbyggingspakke Jæren. Formannskapet 01.09. 2014 sak 36/14 Behandling: Forslag frå Hilde Kraggerud -sp 1. Bypakke Nord-Jæren og Utbyggingspakke Jæren vert utvikla som to prosjekt med felles styring for Jærregionen samla, Jærpakke 2. Styringsgruppa skal vera folkevalde frå dei aktuelle kommunane og fylkeskommunen. Representantar frå m.a. Vegvesenet kan møta for å gje innspel i aktuelle saker. Jærpakke 2 styres gjennom porteføljestyring.
2. Konsekvensar for blant anna barnefamiliar, som omtalt i notatet "Vurdering av forslag om fritak for småbarnsfamiliar i bypakke Nord-Jæren" må utgreiast betre. 3. Plassering av bomstasjonar må sikra at det ikkje vert lagd opp til omkøyring for å unngå betaling av bompengar. 4. Prosjekt som skal prioriterast i Jærpakke 2 er infrastruktur som legg til rette for nye utbyggingsområde på uproduktive areal (som t.d. Gandsfjord bru), kollektiv-, gang- og sykkeltiltak som reduserar bilbruken, gode tverrforbindelsar til E39 og gode løysingar rundt flaskehalsar. Votering: Det blei først stemt over forslaget frå Hilde Kraggerud -sp som fekk 1 stemme, Hilde Kraggerud sp. Det blei så stemt over innstillinga som fekk 6 stemmer. 2 stemte mot, Torunn A. Rasmussen -frp og Arne Madland -frp. Fleirtalet 6 TILRÅR: 1. Klepp kommune har ingen merknader til forslag til styringsstruktur og mandat for Bypakke Nord-Jæren og Utbyggingspakke Jæren slik det er skissert i tilrådinga til Fylkestinget i sak 56/14. 2. Klepp kommune har ingen merknader til opplegget for Bypakke Nord-Jæren slik det er skissert i tilrådinga til Fylkestinget i sak 57/14. 3. Klepp kommune aksepterer at bompengefinansiering kan vera naudsynt for å få realisert viktige samferdsleprosjekt på Jæren, og vil derfor delta i konkretisering av opplegget for ein utbyggingspakka Jæren. Kommunestyret legg til grunn at eit konkretisert opplegg blir lagt fram til politisk behandling i Klepp i løpet av rimeleg kort tid. Ein føresetnad for ein slik utbyggingspakke vil vera ein felles timesregel for Bypakke Nord-Jæren og Utbyggingspakke Jæren. 2 stemte mot, Torunn A. Rasmussen -frp og Arne Madland -frp. Mindretalet 1, Hilde Kraggerud -sp, TILRÅR: 1. Bypakke Nord-Jæren og Utbyggingspakke Jæren vert utvikla som to prosjekt med felles styring for Jærregionen samla, Jærpakke 2. Styringsgruppa skal vera folkevalde frå dei aktuelle kommunane og fylkeskommunen. Representantar frå m.a. Vegvesenet kan møta for å gje innspel i aktuelle saker. Jærpakke 2 styres gjennom porteføljestyring. 2. Konsekvensar for blant anna barnefamiliar, som omtalt i notatet "Vurdering av forslag om fritak for småbarnsfamiliar i bypakke Nord-Jæren" må utgreiast betre. 3. Plassering av bomstasjonar må sikra at det ikkje vert lagd opp til omkøyring for å unngå betaling av bompengar.
4. Prosjekt som skal prioriterast i Jærpakke 2 er infrastruktur som legg til rette for nye utbyggingsområde på uproduktive areal (som t.d. Gandsfjord bru), kollektiv-, gang- og sykkeltiltak som reduserar bilbruken, gode tverrforbindelsar til E39 og gode løysingar rundt flaskehalsar. Rådmannen i Klepp 03.09.2014 Dokumentet er elektronisk godkjent og treng derfor ingen signatur.