PROTOKOLL FRÅ STYREMØTE I HELSE BERGEN HF STAD: Finstuen, Bikuben konferansesenter MØTETIDSPUNKT: 23.06. 2016, kl. 10.00 14.00 Styremøtet var ope for publikum og presse DELTAKARAR FRÅ STYRET Svein Gjedrem Signy Midtbø Riisnes Ivar Eriksen Bjørn Østbø Mona Hellenes Anne-Margrete Bollmann Arvid Langeland Karen-Anne Stordalen Geir Arne Sunde Linda Gangstø Leiar Nestleiar Vara FORFALL Irene Hopsdal DELTAKARAR FRÅ ADMINISTRASJONEN Eivind Hansen Anne Sissel Faugstad Kristin Pundsnes Mona Høgli Gunn Synnøve Dahl Administrerande direktør Viseadministrerande direktør Økonomi- og finansdirektør Kommunikasjonsdirektør Referent 1
SAKSLISTE 52/16 A Godkjenning av innkalling og dagsorden 53/16 A Godkjenning av protokoll 54/16 O Administrerande direktør si orientering 55/16 O Rapport frå verksemda 56/16 O Budsjett 2017 - prosess 57/16 O Halvårleg rapportering på styringsdokumentet 58/16 O 1. tertialrapport - risikovurdering av styringsmål 59/16 O Helse 2030 tema i arbeidsgrupper 60/16 O Eventuelt Skriv og meldingar - Årshjul for styret i Helse Bergen 2016 61/16 O Styret sitt kvarter 2
52/16 A Godkjenning av innkalling og dagsorden Det var ingen merknader til innkalling eller dagsorden. 53/16 A Godkjenning av protokoll frå styremøtet 20. april 2016 Protokollen vart godkjend og underskriven. 54/16 O Administrerande direktør si orientering 1. Rapportering tilsynssaker Ingen kommentarar 2. Orientering om relevante lover, forskrifter og styremaktskrav Ingen kommentarar 3. Oversikt over aktuelle høyringar Ingen kommentarar 4. er til oppfølging etter styremøtet Ingen kommentarar 5. Flytting Barneklinikken Barneklinikken flyttar inn i Marie Joys hus måndag 29. august 2016. Barneklinikken vil då endre namn til «Barne- og ungdomsklinikken». Flyttinga har vore planlagd sidan seinhaustes 2015. Drift-teknisk divisjon, Barneklinikken og byggeprosjektet har saman ansvaret fordelt i ein plan. Det er planlagd for redusert drift i dagane før og etter flyttinga. 6. Nyleg tilsette leiarar Det er tilsett to nye nivå 2-leiarar og ein viseadministrerande direktør dei siste månadane: Viseadministrerande direktør er Clara Gram Gjesdal, byrjar 01.09.16 Direktør for Kirurgisk klinikk er John Helge Heimdal, byrjar 15.08.16 3
Direktør for Rehabiliteringsklinikken er Kjersti A. Erdal, byrjar 12.9.16. Det er planlagt for tilsetting av ny direktør i Personal- og organisasjonsavdelinga i august/september. Vidare vil det bli starta prosess for tilsetjing av ny direktør i Klinikk for Hovud-Hals og ny direktør på Revmatologisk avdeling hausten 2016. 7. Oppfølging av straumbrot Helse Bergen og BKK arbeider med fleire tiltak for å sikre straumforsyninga til dei ulike lokasjonane i føretaket. Dette omfattar mellom anna forbetringar på utstyr, fornying av driftsavtalar og utvida naudstrømsprøvar. 8. Partikkelterapi og protonbehandling Det er gjort vedtak i den nasjonale styringsgruppa for prosjektet som har sett på utbygging av proton- /partikkelsenter. Gruppa tilrår at utbygging av protonsenter blir gjort i tråd med alternativ 2b, eit senter i både Oslo og Bergen, med maksimal kapasitet. Konseptrapporten blir sendt til styret. Proton- /partikkelterapi vil bli orienteringssak i neste styremøte. 9. Kvinneklinikken Tilsynssaka frå Fylkesmannen er avslutta og konklusjonen er at verksemda ved Fødeseksjonen på Kvinneklinikken, Haukeland universitetssjukehus, ikkje er driven med så høg risiko for svikt at det er i strid med krav til forsvarleg verksemd, jf. spesialisthelsetjenestelova 2-2. Styret vil bli orientert om utviklinga på Kvinneklinikken gjennom budsjettprosessen hausten 2016. 10. Konsekvensar av lovendring innan psykiatrien. Vedtekne endringar om strafferettslege særreaksjonar og bruk av varetektsurrogat kan bety ein auke av personar overført til tvunge psykisk helsevern. Dette kan medføre auka kostander innan psykisk helsevern. Dette vil bli følgt opp som ein del av budsjettprosessen. 11. Nevrokirurgisk avdeling Ei sak frå Arbeidstilsynet er lukka. 12. Ferieavvikling Styret vart orientert om at det er sett i verk tiltak i føretaket for å sikre gjennomføring av sommarferieavvikling. Styret i Helse Bergen tek meldingane til orientering. 4
55/16 O Rapport frå verksemda I somatisk sektor er aktiviteten noko lågare enn planlagt i mai, men høgare enn planlagt hittil i år. Ø-hjelp døgnopphald har vore høgare enn planlagt, og elektive (planlagde) døgnopphald har vore lågare enn planlagt. Ein ser også ei vriding frå dagopphald til polikliniske konsultasjonar, i tråd med justeringar i regelverket. I psykisk helsevern for vaksne er talet på opphaldsdøgn noko lågare enn planlagt hittil i år, medan dagbehandling er noko høgare enn planlagt. Talet på polikliniske konsultasjonar er lågare enn planlagt. Ved psykisk helsevern for barn og unge har det hittil i år vore høgare aktivitet enn planlagt for opphaldsdøgn og utskrivingar, medan det har vore færre polikliniske konsultasjonar enn planlagt. På rusområdet er både talet på opphaldsdøgn og talet på polikliniske konsultasjonar lågare enn planlagt. Ventetidene har synt ei positiv utvikling det siste året, og ligg under dei nasjonale krava for alle område unntatt når det gjeld psykisk helsevern for born og unge. Det blir arbeidd med å nå kravet også på dette området. Den økonomiske utviklinga i mai synte eit positivt budsjettavvik på kr. 1,7 mill. Ein ser ikkje noko urovekkande i resultatet denne månaden, men det er likevel viktig å ha tett oppfølging på einingar som syner negativ økonomisk utvikling. Etter fem månader syner rekneskapen om lag budsjettbalanse. Både inntekter og kostnadar er høgare enn budsjettert. Det blir vurdert som realistisk å nå det budsjetterte resultatet for året totalt sett. Årsprognose er difor som budsjettert. Styret drøfta utviklinga innan psykisk helsevern og rusområdet. Det vart vist til dei måla Helse Vest hadde sett. Styret ba om å få ei breiare oversikt over utviklinga. Jamfør og styret i Helse Vest si oppfølging av dette området. Styret tek saka til orientering. Styret får ei breiare oversikt over utvikliga i psykisk helsevern og rus. 5
56/16 O Budsjett 2017 Endelege premiss og føresetnader for budsjett 2017 er ikkje kjende før statsbudsjettet blir lagt fram primo oktober. Helse Vest har handsama førebelse premissar i styremøtet 20.06.2016, og desse skal leggjast til grunn i budsjettarbeidet i Helse Bergen fram til nye premissar er klare. Føresetnader om aktivitet, økonomi og finansielle forhold blir justert i samband med endeleg inntektsfordeling i regionen. Det vart presentert eit notat i møte som skisserer Helse Bergen sine budsjettutfordringar for 2017, og prosessen som vil bli sett i verk for å tilpasse føretaket dei tildelte budsjettrammene. Styret ba om å få ei god oversikt over vegen frå veksten i løyvingane til spesialhelsetjenesta på HOD sitt budsjett til veksten i løyvingane til Helse Bergen. Styret i Helse Bergen HF tek gjennomgangen av budsjett 2017 til orientering, og ber om at budsjettarbeidet fylgjer oppsett plan. 57/16 O Halvårleg rapportering styringsdokumentet 2016 Helse Bergen HF mottar årleg styringsdokument frå Helse Vest RHF. Styringsdokumentet inneheld mål og dei resultatkrava som blir stilte til helseføretaka. I tillegg til rapporering på styringsdokumentet gjennom årleg melding ved slutten av året, er føretaka bedne om halvårleg rapportering til Helse Vest på gitt mal innan 15. juni 2016. Konklusjonen i halvårleg rapportering frå Helse Bergen er at føretaket er godt i gang med arbeidet knytt til alle måla i halvårleg melding. Styret i Helse Bergen tek halvårleg rapportering til Helse Vest RHF på utvalde mål i styringsdokumentet 2016 til orientering. 6
58/16 O 1 tertialrapport risikovurdering av styringsmål Helseføretaka skal årleg gjennomføre risikovurdering av minimum 4 overordna styringsmål som skal følgjast særskilt opp gjennom året. Helse Bergen har 5 styringsmål i 2016 som er operasjonalisert til 11 delmål. Helse Bergen er godt i gang med arbeidet for å nå styringsmåla og har utarbeidd tiltakspakkar for kvart styringsmål der tiltaksansvarleg er gitt. 1. Styret i Helse Bergen tek oppsummeringa av 1. tertial av overordna risikostyring i 2016 til orientering. 2. I tråd med «Retningslinjer for risikostyring i Helse Vest», vil styret få ei statusorientering etter 2. tertial og oppsummering av måloppnåing for heile året ved årsslutt. 59/16 O Helse 2030 - gjennomgang av temaområde og prosess Helse Vest RHF skal utarbeide ein heilskapleg strategi for verksemda for perioden fram til 2030 - Helse2030. I arbeidet med Helse 2030 er det i fase 2 i prosjektet sett ned 10 arbeidsgrupper som har fått kvart sitt tema å arbeide med. Arbeidsgruppene gir innspel til hovudprosjektet sitt arbeid med å formulere overordna mål i Helse2030, og dessutan bidrar gruppene med det vidare arbeidet for å identifisere strategiar og tiltak som skal til for å kome dit. Arbeidsgruppene skal levere innspel innan utgangen av juni. Styret i Helse Bergen tek saka om gjennomføringa av arbeidet med Helse2030 til orientering. 60/16 O Eventuelt Neste styremøte er torsdag 31. august 2016. Det blir styreseminar før styremøtet, kl. 9.00-10.00. 7
Skriv og meldingar - Årshjul for styret i Helse Bergen 2016 - Protokoll frå styremøtet i Helse Vest RHF 04.05.2016 - Tilleggsdokument til styringsdokument 2016 Helse Bergen HF 8
Dato 31. august 2016 Svein Gjedrem Styreleiar Signy Midtbø Riisnes Nestleiar Ivar Eriksen Bjørn Østbø Mona Haugland Hellesnes Ann-Margrete Bollmann Arvid Langeland Karen-Anne Stordalen Sett: Irene Hopsdal Geir Arne Sunde Linda Gangstø Varamedlem 9