HORDALAND FYLKESKOMMUNE Strategi- og næringsavdelinga Næringsseksjonen Arkivsak 200902980-12 Arkivnr. 146.310 Saksh. Arnesen, Arthur K. Saksgang Møtedato Fylkesutvalet 21.01.2010 NÆRINGSRETTA MIDLAR TIL REGIONAL UTVIKLING; - GODKJENNING AV PLAN FOR BRUK AV KOMPENSASJONSMIDLAR FOR 2009 SAMANDRAG På møtet 16.10.07 fastsette fylkestinget nye retningsliner for forvaltning av kompensasjonsmidlane som skal gjelde frå 2007. I april 2008 blei Plan for bruk av kompensasjonsmidlar 2007 godkjend av fylkesutvalet og i desember 2008 blei Plan for godkjenning av kompensasjonsmidlar 2008 godkjent. I brev frå oss den 04. mai 2009 blei Styringsgruppa, med Samarbeidsrådet for Sunnhordland som sekretariat, bede om å starte arbeidet med planen for 2009. Etter møtet i Styringsgruppa for forvalting av kompensasjonsmidlane den 17.11.09 har vi nå fått oversendt Plan for bruk av kompensasjonsmidlar for 2009. Grunnen til at arbeidet med årets plan har teke så vidt lang tid er at det har vore usemje mellom fylkeskommunen og styringsgruppa om bruk av kompensasjonsmidlar til delvis finansiering av Jondalstunnelen. Planen for 2009 har ei ramme på 42,6 mill kr og fastsett rammer for tilskott til ei rekkje ulike tiltak innafor samferdsle, kompetanseheving, tettstadsutvikling, bedriftsretta støtte m.m. FORSLAG TIL VEDTAK Fylkesutvalet godkjenner plan for bruk av kompensasjonsmidlar 2009 med desse merknadene: 1. Bedriftsretta virkemidlar skal forvaltast etter same praksis som andre fylkeskommunale midlar til Innovasjon Noreg og bør frå 2010 utgjere minst 10% av den årlege ramma. 2. Resterande midlar for å oppfylle fylkestinget sitt vedtak om kompensasjonsmidlar til Jondalstunnelen må innarbeidast i planane for 2010 og 1011. 3. Felles kompetansetiltak og bedriftsretta virkemidlar gjennom Innovasjon Noreg må omfatte bedrifter i alle dei aktuelle kommunane. Paul M. Nilsen Jan Per Styve
Vedlegg: - Brev frå fylkesvaraordføraren til Styringsgruppa for kompensasjonsmidlane i Hordaland om finansiering av Jondalstunnelen med kompensasjonsmidlar. - Notatet Kompensasjonsmidlar til Jondalstunnelen, - ein kort gjennomgang av sakshandsaminga. - Plan for bruk av kompensasjonsmidlar 2009. 2
FYLKESRÅDMANNEN, 08.01.2010: Innleiing. Frå 01.01.07 fekk delar av dei områda som sidan 2004 har hatt full arbeidsgjevaravgift gjeninnført differensiert arbeidsgjevaravgift. I Hordaland gjeld det 7 kommunar. Dei kommunane som ikkje fekk gjeninnført differensiert arbeidsgjevaravgift, vil fortsette i ei kompensasjonsordning tilsvarande den vi hadde for perioden 2004 til 2006. Dette gjeld dei 7 kommunane Modalen, Kvam, Jondal, Tysnes, Kvinnherad, Etne og Bømlo. 1.1 Tidlegare handsaming Det nye reduserte geografiske virkeområdet, reduserte økonomiske rammer og nye retningsliner frå KRD, gjorde det i 2007 naudsynt å revurdera korleis kompensasjonsmidlane skulle bli forvalta i Hordaland. Etter ein omfattande prosess kor næringslivet og ordfararane i dei råka kommunane deltok, og kor Regionalt næringsforum handsama saka og kom med innstilling, blei forslag til nye retningsliner fremma for fylkestinget 16.10.07 som Sak 64/07. Det blei gjort slikt vedtak: 1. Fylkestinget sluttar seg til den i saka føreslåtte modellen for forvaltning av kompensasjonsmidlane i perioden 2007 2013, basert på - ei felles styringsgruppe - strategiske føringar for fordeling av midlane - ansvars- og oppgåvefordeling mellom fylkesutvalet, Regionalt Næringsforum og den regionale styringsgruppa - sekretariatet lagt til Samarbeidsrådet for Sunnhordland - forvaltningsoppgåver lagt til fylkeskommunen - utarbeiding av årleg handlingsplan - forvaltning av bedriftsretta midlar gjennom Innovasjon Norge 2. Fylkestinget delegerer det overordna ansvaret for vidare forvaltning av kompensasjonsmidlane til fylkesutvalet, inkl. mynde til å godkjenne årlege handlingsplanar og gjere eventuelle endringar i forvaltningsmodellen. Deretter blei styringsgruppa konstituert og gjekk i gang med å utarbeide Plan for bruk av kompensasjonsmidlane 2007. Planen blei lagt fram for fylkesutvalet i sak 90/08 den 23.04.08 kor det blei fatta slikt vedtak: Fylkesutvalet godkjenner Plan for bruk av kompensasjonsmidlar 2007. Plan for bruk av kompensasjonsmidlar 2008 blei deretter på tilsvarande vis utarbeidd av styringsgruppa og handsama av fylkesutvalet 04.12.08 kor det blei gjort slikt vedtak: Fylkesutvalet godkjenner Plan for bruk av kompensasjonsmidlar 2008 med desse merknadane: 1. Frå og med 2009 må retningslinene sin føring om midlar til bedriftsstøtte innarbeidast i planen. 2. Fylkesutvalet viser til fylkestinget sitt vedtak om finansieringsplan for Jondalstunnelen med m.a. 80,6 mill kr frå kompensasjonsmidlane. Fylkesutvalet legg til grunn at Styringsgruppa for forvaltning av kompensasjonsmidlane tek fylkestinget sitt vedtak med i vurderinga ved fordeling av midlane dei førstkomande åra. Utarbeiding av Plan for bruk av kompensasjonsmidlane 2009. I brev av 28.04.08 bad vi styringsgruppa om å ta fatt på arbeidet med å utarbeida Plan for bruk av kompensasjonsmidlane 2009. Den økonomiske ramma er 42,6 mill kr. I brevet blei det presisert at planen måtte utarbeidast i samsvar med retningslinene og med fylkesutvalet sine merknader i samband med handsaminga av planen for 2008. 3
Til eit møte i styringsgruppa 18.05.09 låg det føre eit utkast til plan for 2009, utarbeidd av arbeidsutvalet, kor det ikkje var sett av pengar til Jondalstunnelen. Etter at dette blei kommentert av observatørane frå fylkeskommunen og NHO, blei handsaminga av planen utsett. Samstundes blei det bestemt at styringsgruppa skulle ta opp spørsmålet om bruk av kompensasjonsmidlar til delvis finansiering av Jondalstunnelen med politisk leiing i fylkesutvalet. Møtet blei gjennomført i byrjinga av juni i samband med fylkestinget si samling i Hardanger og spørsmålet var deretter gjennom ein omfattande vurdering i fylkeskommunen. Konklusjonane av denne vurderinga blei oppsummert i eit eige notat som blei lagt ved eit brev frå fylkesvaraordføraren 6. oktober i år (kopi av brevet og notatet er lagt ved). Av brevet går det fram at fylkeskommunen si avgjerd om bruk av kompensasjonsmidlar på Jondalstunnelen står fast. Det blir også peikt på at det vil vere rom for å få dette til i perioden 2009-2011 samstundes som det vil vere rom for andre prioriterte prosjekt som Bømlopakka og kompetansehevingsprosjekt. Etter dette har styringsgruppa utarbeidd ein plan for 2009 som blei handsama av styringsgruppa på møte 17. nov. I tråd med retningslinene for forvalting av kompensasjonsmidlane er planen vidare handsama av Regionalt næringsforum på møte 11. desember 2009 kor det blei gjort slikt vedtak: 1. RNF anbefaler fylkesutvalet å godkjenne Plan for bruk av kompensasjonsmidlar 2009. 2. Når det gjeld framdrift i finansiering av Jondalstunnelen med kompensasjonsmidlar legg RNF til grunn at fylkesutvalet tar stilling til dette. Kort om innhaldet i planen. Planen for 2009 er i hovudsak utforma etter same mal som i 2007 og 2008 og prosjekta som blir støtta er også i hovudsak dei same. Plan for bruk av kompensasjonsmidlar 2009 er lagt ved. Også i Plan for bruk av kompensasjonsmidlar 2009 er midlane fordelt på prosjekt innafor dei tre hovudområda samferdsle, kompetanseheving, andre tiltak og bedriftsretta tiltak via Innovasjon Norge. Fordeling av midlar på dei ulike prosjekta i planen går fram av tabell 8.0 i planen som er vist under. Tabellen gjer også eit oversyn over fordelinga av midlar i planane for 2007 og 2008. 4
8.0 Kompensasjon for auka arbeidsgjevaravgift fordeling mellom prosjekt 2009 kvitt felt PROSJEKT 2007 2008 2009 2010 2011 2012 2013 Område samferdsel: Rv 541/542 Bømlopakken 12,00 16,80 21,60 Jondalstunellen 1,50 1,00 3,30 Vegutbetring Kvam 2,50 2,50 1,50 E39 Ferjefri Kyststamveg 0,25 0,20 0,50 Infrastruktur Skånevik 0,25 0,30 0,20 Infrastruktur Modalen 0,25 0,20 0,20 Infrastruktur Tysnes 0,00 0,00 0,20 Stord lufthamn 0,00 0,90 0,00 Til fordeling 0,00 0,00 0,00 Sum Samferdsel 16,75 21,90 27,50 0,00 0,00 0,00 0,00 Område kompetanseheving: Prosjektleiarutvikling 0,50 0,00 0,00 Leiarutvikling 0,00 0,00 0,70 Mellomleiarar og linjeleiarar 0,25 0,00 0,00 Internasjonalisering 0,25 0,00 0,00 Samarbeid skule-næringsliv 2,40 3,00 3,00 Realfagprosjektet 1,00 Ungt entreprenørskap 0,50 Til fordeling 1,60 3,00 0.00 Sum Kompetanseheving 5,00 6,00 5,20 0,00 0,00 0,00 0,00 Område andre tiltak: Kultursenter Husnes 2,50 2,50 2,50 Næringsfond Kvinnherad 2,00 2,80 3,00 Tettstadutvikling Ålvik 1,50 1,50 1,50 Tettstadutvikling Jondal 0,00 0,00 0,00 Til fordeling 0,00 0,00 0,00 Sum område andre tiltak 6,00 6,80 7,00 0,00 0,00 0,00 0,00 Bedriftsretta tiltak Innovasjon Norge 0,00 0,00 2,50 Sum bedriftsretta tiltak 0,00 0,00 2,50 0,00 0,00 0,00 0,00 Ymse ufordelte midlar 1,25 0,00 0,00 Administrasjon av styringsgr. /arbeidsutval 0,00 0,00 0,40 Sum ufordelt / administrasjon 1,25 0,00 0,40 0,00 0,00 0,00 0,00 Samla sum fordelt 27,75 34,70 42,60 0,00 0,00 0,00 0,00 5
Nedanfor er nokre av prosjekta kort kommentert. For meir utfyllande informasjon blir det vist til handlingsplanen. Samferdsle. Jondalstunnelen og Bømlopakka Det er sett av 3,3 mill kr til Jondalstunnelen i planen for 2009 noko som inneber at det framleis står att 15,6 mill kr som skal finansierast med kompensasjonsmidlar. Det er sett av 21.6 mill til Bømlopakka, noko som utgjer heile Bømlo sin del av midlane. Vidare er det forventa ca 20 mill kr pr år for dei neste åra frå kompensasjonsmidlane til Bømlopakka. Vegutbetring i Kvam har som målsetting å utbetre nokre flaskehalsar på vegnettet i Kvam som sinkar og hindrar transportar for næringslivet. Det er i 2009 avsett 1,5 mill kr. Prioritering av konkrete tiltak vil bli gjort i eit samarbeid mellom næringslivet og Kvam herad. Det vil bli lagt vekt på også å få inn anna finansiering frå Statens vegvesen, Kvam herad, bedriftene og andre til dei einskilde prosjekta. E39 Ferjefri kyststamveg har som mål å få dette vegprosjektet inn på NTP 2014-2019. Som ein del av arbeidet er det planlagd å gjere ein forstudie for å avklare om prosjektet kan bli gjennomførd som eit OPS prosjekt. Det er i 2009 sett av 500 000 kr. Samferdslepakke Skånevik vil enten omfatte midlar til oppgradering av fylkesveg 34 med ny gang- og sykkelveg frå Skånevik ferjekai til idrettsanlegget eller utbetring av RV 48 for sentrum i Skånevik til Nes. Endeleg prioritering vil bli gjort av kommunen. Det er sett av 200 000 kr i 2009. Infrastruktur Modalen skal framleis gå til å gjennomføre naudsynte infrastrukturtiltak knytt til reiseliv slik som informasjon, rasteplassar, merking av turstiar med meir. Også her er det sett av 200 000 kr. Infrastruktur Tysnes inneberer bruk av kompensasjonsmidlar til ein av 4 prioriterte strekningsvise utbetringar i kommunen. Endeleg avgjerd om korleis de 200 000 kr som er sett av i 2009 vil bli brukt, vil bli gjort av kommunen i samråd med næringslivet. Kompetanseheving. Leiarutvikling er eit prosjekt for å tilrettelegga og gjennomføra kompetansehevingsprogram som næringslivet har behov for. Det er gjennomført ein situasjonsanalyse i ei rekkje bedrifter for å kartlegge behovet. Det er sett av 700 000 kr i 2009. Samarbeid skule næringsliv er eit prosjekt for å styrke samarbeidet mellom næringslivet og Kvinnherad vidaregåande skule. Prosjektet skal også inkludere dei andre aktuelle kommunane. Prosjektet skal utvikle Kvinnherad vidaregåande skule som ein attraktiv lærestad for næringslivet og blir gjennomført i perioden 2008 2010. Det er sett av 3,0 mill kr i 2009. Realfagsprosjektet er eit nytt prosjekt i planen for 2009 og det er sett av 1,0 mill kr. Prosjektet har som mål å styrke real- og naturfagsundervisninga i ungdomsskulane og vidaregåande skule. Prosjektet skal vidare skapa kontaktflater mellom bedrifter, skuler og ungdomen og auka interessa for og kunnskapsnivået innan realfag hos ungdom. Ungt entreprenørskap er også eit nytt prosjekt i planen for 2009 og det er sett av 500 000 kr. Målsettinga er å auke entreprenørsatsinga i Sunnhordland. Aktivitetane vil vere knytt til å implementera metodikk og programma til UE på alle alderstrinn frå grunnskule til vidaregåande skule. Andre tiltak. Kultursenter Husnes har som målsetjing å styrka og vidareutvikla kulturskulesatsinga i Kvinnherad kommune ved å knytte aktivitetane saman i eit kulturskulebygg. Næringslivet i kommunen ønskjer å medvirke med kompensasjonsmidlar i dette prosjektet fordi dei har erkjent at eit aktivt kulturliv er med på å gjera ein stad attraktiv å bu og arbeide i. Kulturskulen er ein viktig bidragsytar til utvikling av kulturlivet i kommunen og blir difor ein viktig faktor for rekruttere og behalde fagfolk i næringslivet i kommunen. Det er sett av 2,5 mill kr i 2009. 6
Næringsfond Kvinnherad er eit initiativ frå næringslivet for å kartleggja og løyse inn nye næringsareal i Kvinnherad. Næringslivet har stort behov for næringsareal og ønskjer å gå i eit samarbeid med kommunen om å utvikle nye areal. Det er sett av 3,0 mill kr i 2009. Tettstadutvikling Ålvik har som mål å gjennomføra infrastrukturtiltak på tettstaden Ålvik. Det er utarbeid ein plan med ein kostnadsramme på ca 25 mill kr kor ei rekkje tiltak som betring av trafikkmiljø og tryggleik, ny utforming av torg/sentrumsområde og tiltak i strandsona og langs elva er tatt med. Det er sett av 1,5 mill kr i 2009. I tillegg er det sett av kr 400 000 til sekretariat og administrasjon i 2009. Fordeling på kommunar og på hovudområde. Som nemnt over er det overlate til styringsgruppa å få til ein mest mogleg balansert fordeling av virkemidlane på tiltak i dei ulike kommunane. KRD leiger inn ekstern bistand frå Møreforsking til å gjere berekningar av kor mykje bedriftene i den einskilde kommunen bidreg med til kompensasjonsmidlane. Av retningslinene går det fram at styringsgruppa både skal legge vekt på ei balansert fordeling i høve til dei kommunane som har ytt mest, samstundes som alle kommunane skal få noko. Dette vil vere eit viktig lim i styringsgruppa. For å ivareta begge desse omsyna har styringsgruppa innførd noko dei kallar Handlingsregelen som er formulert slik: Summen av direkte tiltak og fellestiltak skal utgjera minst 95 % av det den einskilde kommune bidreg med. I handlingsplanen for 2009 er det vidare utarbeidd ein oversikt kor ein forsøker å vise korleis dei fordelte prosjektmidlane er antatt å vere til nytte i dei ulike kommunane. Oppsummert får vi då slik fordeling samanlikna med tala frå Møreforsking. Berekninga viser at dei kommunane som bidreg mykje til ordninga avgir midlar til dei kommunane som bidreg lite. Kommunar Tall frå Møreforsking (mill kr) Berekna fordeling for 2009 (mill kr) Etne 0,03 0,45 Bømlo 22,87 22,10 Tysnes 0,0 0,45 Kvinnherad 14,23 13,80 Jondal 0,0 0,45 Kvam 5,5 5,15 Modalen 0,0 0,2 Av retningslinene går det også fram at styringsgruppa skal syte for at det blir ein viss fordeling av midlane til ulike prosjekt innafor dei tre definerte hovudområda næringsretta utviklingstiltak, kompetanseheving og bedriftsstøtte. Ein samanlikning av dei retningsgjevande %-vise rammene med faktisk fordeling av ramma viser slike tall: Definerte hovudområde Næringsretta utviklingstiltak inkludert infrastrukturtiltak Bedriftsutvikling/kompetansehevingstiltak og generelle tiltak for næringsutvikling Bedriftsretta virkemidlar/bedriftsstøtte via Innovasjon Norge Retningsgjevande %-vis ramme Faktisk fordeling i 2009 60 80 % 81 % 10 20 % 12 % 10 20 % 6 % 7
Vurdering. Fylkesrådmannen har vurdert arbeidet med kompensasjonsmidlane i høve til retningslinene for forvaltning av kompensasjonsmidlane vedtekne av fylkestinget i sak 64/07. Så langt vi kan sjå, har arbeidet i styringsgruppa, arbeidsutvalet og sekretariatsarbeidet i det alt vesentlege vore i tråd med desse retningslinene. I motsetnad til 2007 og 2008 er det i 2009 sett av midlar (6 % av ramma) til bedriftsstøtte via Innovasjon Norge, sjølv om avsetnaden enno ikkje er heilt på nivå med det som er nedfelt i retningslinene (minimum 10 % av ramma). Dette var også eit av dei to punkta fylkesutvalet påpeikte måtte bli innarbeidd i planen for 2009. Av dei nasjonale retningslinene for forvalting kompensasjonsmidlane går det fram at Innovasjon Norge (IN) skal vere operativ forvaltar av bedriftsretta virkemidlar. I planen for 2009 heter det at Arbeidsutvalet for forvalting av kompensasjonsmidlane skal innstille søknadene om bedriftsretta virkemidlar før endeleg godkjenning hjå IN. Ein slik framgangsmåte vil ikkje vere i tråd med den praksis som er etablert når det gjeld forvalting av fylkeskommunale midlar til bedriftsretta tiltak gjennom IN kor IN har myndigheit til å avgjere einskildsøknader. Fylkesrådmannen ser ingen grunn til at ein i dette tilfellet skal involvere eit fylkeskommunalt utval som Styringsgruppa for forvalting av kompensasjonsmidlane eller arbeidsutvalet i vurderinga av einskildsøknader til IN. I dei tre planane for 2007, 2008 og 2009 har det vore lagt til grunn alt av kompensasjonsmidlar som tilfaller Bømlo skal gå til Bømlopakka. Bømlo har såleis ikkje delteke i nokre av dei andre tiltaka finansiert med kompensasjonsmidlar. Sjølv om ein finn det positivt at kommunen og næringslivet prioriterer dette vegprosjektet så høgt, har det som konsekvens at næringslivet i Bømlo er heilt avskore frå å delta i alle andre tiltak finansiert med kompensasjonsmidlar. Dette er heller ikkje heilt i tråd med retningslinene kor det går fram at bedriftsretta tiltak innafor kompetanseheving og bedriftsretta virkemidlar via IN skal vere opne for bedrifter frå alle kommunane som inngår i kompensasjonsordninga, også Bømlo. Grunngjevinga er at ein ønskjer ein mest mogleg lik handsaming av bedriftene i alle dei aktuelle kommunane. I planen for 2009 ville dette vore aktuelt for leiarutviklingsprogrammet og dei bedriftsretta virkemidlane gjennom IN. Eg vil tilrå at dette punktet i retningslinene blir oppretthaldt, men at ein ikkje gjer noko med dette i høve til planen for 2009. Styringsgruppa blir oppmoda om å innarbeida dette i planen frå og med 2010. Elles tek planen etter vårt syn i stor grad omsyn til føringane om å prioritera større prosjekt kor bruk av kompensasjonsmidlar er viktig for å få ein fullstendig finansieringsplan på plass. I tillegg til samferdsleprosjekta, er dette også tilfelle for prosjekt som kulturskulesenter i Kvinnherad, næringsfond i Kvinnherad og tettstadutvikling i Ålvik. Sjølv om det i årets plan er sett av 3,3 mill kr til Jondalstunnelen, vil det framleis stå att 15,6 mill som må finansierast med kompensasjonsmidlar. Om det årlege bidraget blir vidareført på same nivå som i år, vil det ta ytterlegare 5 år (til og med 2014) før Jondalstunnelen er fullfinansiert. I følgje dei opplysningane vi sit på i dag vil nåverande ordning med kompensasjonsmidlar ikkje vare lengre enn til 2013. Vidare viser eg til fylkesvaraordføraren sitt brev kor det blei peikt på at det bør vere rom for å få til ein fullfinansiering av Jondalstunnelen i perioden 2009 til 2011. I så fall må det avsettast 7,8 mill kr for kvart av åra 2010 og 2011. Eg vil difor tilrå at Styringsgruppa blir oppmoda om få til ein forsert prioritering av Jondalstunnelen i planane for 2010 og 2011. Med dei kommentarane som er nemnt her vil eg tilrå at Plan for bruk av kompensasjonsmidlar for 2009 blir godkjent. 8