MØTEPROTOKOLL Utval Formannskapet og næringsutvalet Møtestad: Rådhuset Møtedato: 08.12.2010 Start kl.: 09.00 Slutt kl.: 14.30 Til stades på møtet Medl.: Forfall: Varamedl.: Frå adm. (evt. andre): Torodd Urnes, Bergljot Buskaker, Stein Olav Njøs, Geir Arve Sandvik, Ivar Kvalen. Sølvi Fretheim Steig, Anders Bolstad. Nelly Torunn Øygard, Kirsten Vikdal. Rådmann Tore Eriksen, rådgjevar Jarle Skartun sak 150, 151, 152 og deler av 154, prosjektleiar Harald Fimreite sak 151 og deler av 154, næringssjef Olav Grov deler av sak 154, plansjef Arne I Lerum deler av sak 154. Medlemene hadde ikkje merknad til innkalling og sakliste. Saksnr. Tittel 148/10 10/3041 Godkjenning av møtebok SAKLISTE 149/10 10/3042 Sal av furuskog på rot frå kommunal eigedom, Haugåsen i Jostedal. 150/10 10/2742 Kommunal plan for vassforsyning 2011-2020 151/10 10/2278 Luster bad mv - fjernvarme frå bioenergianlegg 152/10 10/3032 Helsesenteret - påbygg Ambulansestasjon og renovering. 153/10 10/2091 Tildeling av kulturprisen 2010 Nær 154/10 10/3041 Referat- og drøftingssaker 155/10 10/2774 Sikringstiltak i vassdrag 156/10 10/2324 Prissikring av konsesjonskraft Nær
Underskrifter: Vi stadfester at det som er ført i møteboka er i samsvar med det som vart vedteke på møtet. Møteprotokoll er sendt til: Medlemene, varamedlemer, rådmann, revisor, kontrollutvalet, biblioteka i kommunen, lokalavisene, NRK-Førde og Luster radio.
148/10 Godkjenning av møtebok Det var ikkje merknad til møteboka. Møteboka frå møtet den 1.12.10 vert godkjent. Underskrifter: Bergljot Buskaker og Ivar Kvalen. 149/10 Sal av furuskog på rot frå kommunal eigedom, Haugåsen i Jostedal. Rådmannen si tilråding vart samrøystes vedteken. Kjetil Ruud frå Jostedalen får høve til å kjøpe tømmer på rot frå kommunen sin skogteig på Haugåsen, gnr 207 bnr 60 i Jostedalen. Administrasjonen får fullmakt til å forhandle kontrakt Tiltakshavar må rydde opp etter seg etter drifta slik at greiner og topp ikkje vert liggjande igjen og vert til stengsel på stiar. Elles gjeld standarane knytt til Levande Skog. Drifta må utøvast slik at det ikkje vert skade på vassanlegg og gjerde rundt eigedomen og må vere avslutta innan sommaren 2011. Av tryggleiksomsyn må tømmervelte bli lagt slik det ikkje er fare for barn som leiker i området. Velteplassen må bli rydda etter avslutta drift. 150/10 Kommunal plan for vassforsyning 2011-2020 Rådmannen si tilråding vart samrøystes vedteken. Luster kommunestyre godkjenner kommunal plan for vassforsyning 2011 2020. Handlingsprogrammet i planen, pkt 5.2.2, vert i utgangspunktet styrande for prioritering av tiltak og retningsgjevande for budsjettering og økonomiplanlegging i Luster kommune. 151/10 Luster bad mv - fjernvarme frå bioenergianlegg Framlegg frå Geir Arve Sandvik: 1. Luster kommune vurderer å kjøpe energi frå eit fjernvarmeanlegg i Gaupne til å forsyne Luster bad og Luster ungdomsskule med varme og ev. kjøling. 2. Luster kommunestyre løyver kr. 400.000,- til tilretteleggingsarbeid for etablering av fjernvarme i høve Luster bad og Luster ungdomsskule. Løyvinga gjeld utgreiingsarbeid, etablering av naudsynt infrastruktur inn mot Luster bad mv og gjennomføring av tilbodskonkurranse fram til ny politisk behandling. Det må tilretteleggast for å kunne ta inn andre bygg i sentrum.
3. Løyvinga vert finansiert over disposisjonsfondet. 4. Rådmannen får i oppgåve å utarbeide konkurransegrunnlag, gjennomføre tilbodskonkurranse, gjennomføre forhandlingar og inngå kontrakt for levering av energi innanfor rammer gjevne i saksutgreiinga. Kontrakt skal inngåast med atterhald om politisk godkjenning. 5. Resultat av saka skal fram for kommunestyret for endeleg godkjenning. Rådmannen si tilråding vart vedteken med 6 mot 1 røyst. Mindretalet røysta for Sandvik sitt framlegg. 1. Luster kommune vurderer å kjøpe energi frå eit bioenergianlegg i Gaupne til å forsyne Luster bad og Luster ungdomsskule med om lag 700.000 kwh fjernvarme årleg. 2. Luster kommunestyre løyver kr. 400.000,- til tilretteleggingsarbeid for etablering av fjernvarme i høve Luster bad og Luster ungdomsskule. Løyvinga gjeld utgreiingsarbeid, etablering av naudsynt infrastruktur inn mot Luster bad mv og gjennomføring av tilbodskonkurranse fram til ny politisk behandling. 3. Løyvinga vert finansiert over disposisjonsfondet. 4. Rådmannen får i oppgåve å utarbeide konkurransegrunnlag, gjennomføre tilbodskonkurranse, gjennomføre forhandlingar og inngå kontrakt for levering av energi innanfor rammer gjevne i saksutgreiinga. Kontrakt skal inngåast med atterhald om politisk godkjenning. 5. Resultat av saka skal fram for kommunestyret for endeleg godkjenning. 152/10 Helsesenteret - påbygg Ambulansestasjon og renovering. Rådmannen si tilråding vart lagt fram i møtet. Rådmannen si tilråding var samrøystes vedteken. 1. Luster kommunestyre godkjenner utbygging av Helsesenteret i samsvar med saksutgreiinga. 2. Kostnadsråme for prosjektet vert sett til 12 mill kr. 3. Prosjektet vert finansiert ved låneopptak. 4. Rådmannen får fullmakt til å gjennomføra prosjektet. 153/10 Tildeling av kulturprisen 2010
Oversikt over føreslegne kandidatar vert utdelt i møtet. Framlegg i møtet vart samrøystes vedteke. Vedtaket vert offentleggjort i kommunestyret den 16.12.10. 154/10 Referat- og drøftingssaker Framlagt: Skriv dat. 23.11.10 frå Sogn og Fj. Fylkeskommune. Fordelingsnøkkel i oppreisingsordninga. Notat dat. 2.12.10. Bustadbygging i Gaupne vidare strategi. Rapport over delegerte vedtak. Framlegg til møteplan 2011. Innleiingsvis i møtet vart det orientert om arbeidet med Luster Bad. Formannskapet var på synfaring på byggeplassen. Det var ikkje merknad til framlegg til møteplan. Ordføraren viste til LVK-regionmøte 27.01.11, Bergen. Dagsmøte. Aktuelt med kobling mot anna aktivitet 26.01.11 (næringsutvalet). Semje om at det vert arbeidd vidare med dette. Ordføraren viste til landsmøte i USS, 7.-8.04.11. Ordføraren viste til landsmøte i LVK 18.-19.08.11. Administrasjonen orienterte om at avtalen med Subsea 7 er på plass situasjonen for Bionordic A/S. Rådmannen orienterte om status for kommunen sine investeringar i aksjefonds. Ingen merknader. Rådmannen orienterte om dei lokale lønsoppgjera for tilsette og leiarar som, ihht delegert fullmakt, er gjennomført i oktober-november 2010. Ingen merknader. Rådmannen orienterte om nytt potensiale for sikring av konsesjonskraft i 2, 3 og 4 kvartal 2011. Vart handsama som eiga sak i møtet, sjå sak 156/10. Rådmannen opplyste at nye rapportar frå sals- og skjenkekontrollar viser at dei fleste verksemder no har fått på plass tilfredsstillande internkontrollsystem. I følgje tidlegare rapportar er dette tilfredsstillande. Gjeldande reglement seier at manglande IKT-system kan sanksjonerast med inndraging av løyve. Ingen merknader. Formannskapet drøfta rådmannen sitt notat om Bustadbygging i Gaupne vidare strategi. Kirsten Vikdal gjekk frå som ugild under drøftinga. Drøftinga konkluderte med at konklusjonen i notatet bør innarbeidast i kommunestyret sitt planleggingsprogram for 2011-14. Det bør i same program presiserast at bustadreguleringa skal ha prioritet.
Det vart ikkje gjort vedtak i saka. 155/10 Sikringstiltak i vassdrag Rådmannen si tilråding vart samrøystes vedteken. 1. Luster kommune dekkar 50% av distriktsdelen av kostnaden med sikring mot Mørkridselvi ved Kreken. Ut frå kostnadsvurdering av NVE datert 23.11.2010, vil kommunen sin del utgjera kr 10 000, men endeleg utmåling av summen skal gjerast ut frå godkjent sluttrekneskap. Tilgrensande grunneigar står sjølv som tiltakshavar. 2. Tilsvarande dekkar Luster kommune 50% av distriktsdelen av kostnaden med sikringstiltak mot Sumelvi ved Vårstølen på Veitastrond. Etter kostnadsvurdering frå NVE datert 23.11.2010 vil kommunen sin del utgjera kr 20 000, men endeleg utmåling av summen skal gjerast ut frå godkjent sluttrekneskap. På vanleg måte tek Luster kommune på seg ansvaret som tiltakshavar. 3. Luster kommune tek på seg ansvaret som tiltakshavar og gjennomfører utbetringstiltak på elveforbygging og sti innetter frå den kommunale parkeringsplassen ved Bergset etter plan frå NVE datert 05.11.2010. Stipulert totalkostnad kr 120 000. Fråtrekt tilskot på kr 90 000,- frå SNO/fylkesmannen vil kommunen sin del utgjera kr 30 000. 4. Kommunen sin del av kostnaden med dei tre nemnde prosjekta vert belasta næringsfondet 156/10 Prissikring av konsesjonskraft Rådmannen si tilråding i møtet vart samrøystes vedteken. Formannskapet vedtek, med tilvising til eiga fullmakt, å sikre 2 MW i 2.kvartal, 1 MW i 3. kvartal og 4 MW i 4. kvartal 2011. Jf dei prisopplysningar rådmannen refererte i møtet.