HORDALAND FYLKESKOMMUNE Økonomiavdelinga Arkivsak 200803295-35 Arkivnr. 111 Saksh. Vetlesand, Nils E. Saksgang Fylkesutvalet Fylkestinget Møtedato 18.02.2009-19.02.2009 17.03.2009 18.03.2009 TILTAK FOR ARBEID - OPPFØLGJING AV REGJERINGA SIN KRISEPAKKE SAMANDRAG Fylkesrådmannen foreslår i saka å fordela tilskotet til vedlikehald og rehabilitering som regjeringa kjem med i sin tiltakspakke. Fylkesrådmannen foreslår fordeling med om lag 1/3 av tilskotet til fylkesvegvedlikehald og 2/3 til vedlikhald av eigedomsmassen. For fylkesvegvedlikehaldet er det lagt opp til mindre vedlikehaldstiltak som m.a. dekkelegging, siktrydding og rekkverktiltak. Innanfor eigedomsvedlikehaldet foreslår fylkesrådmannen at midlane vert nytta til ei rekkje mindre tiltak ved mange skular i alle delar av fylket. Alle tiltaka kjem i tillegg til det som ligg i budsjettet for 2009. I saka er det vidare forslag om å auka lærlingtilskotet og dei frie inntektene som følgje av proposisjonen frå regjeringa. Fylkesrådmannen foreslår at knapt 15 mill. kr av auken i dei frie inntektene vert sette av på disposisjonsfond.
FORSLAG TIL INNSTILLING Fylkestinget viser til St.prp. nr.37 (2008-2009) Om endringer i statsbudsjettet 2009 med tiltak for arbeid, der det er forslag om ekstraordinær løyving til Hordaland fylkeskommune. Fylkestinget sluttar seg til fylkesrådmannen sitt forslag om fordeling av det mellombelse tilskotet til vedlikehald og rehabilitering med om lag 1/3 til fylkesvegvedlikehald og om lag 2/3 til vedlikehald av fylkeskommunale eigedommar. Budsjettet for 2009 vert endra slik: Driftsbudsjettet: Meirutg./ Mindreutg./ Stad Art Tekst mindreinnt. meirinnt. 10 300 410 00 11000 Vedlikehald fylkesvegar 27 000 000 10 300 410 00 17290 Fylkesvegar momskompensasjon 500 000 10 310 220 00 13700 Bilruter 1 900 000 10 600 780 00 13700 Lærlingtilskot 18 030 000 10 700 100 00 18700 Skatt 29 300 000 10 700 200 00 18000 Rammetilskot 60 400 000 10 700 300 00 17000 Andre generelle statstilskot 78 148 000 10 720 300 00 17280 Momskompensasjon frå investeringar 1 000 000 10 775 500 00 12303 Ekstraordinært vedlikehald - tiltakspakke 47 700 000 10 790 100 00 15400 Avsetjing til disposisjonsfond 14 918 000 10 790 100 00 15700 Overføring til investeringsrekneskapen 5 000 000 141 948 000 141 948 000 Investeringsbudsjettet: Stad Art Prosjekt Tekst Meirutg. Meirinnt. 10 634 020 00 02320 00 02114 Knarvik vgs. varme/vent.anlegg 5 000 000 10 634 020 00 09700 00 02114 Knarvik vgs. - overf. frå drift 5 000 000 5 000 000 5 000 000 Paul M. Nilsen Johnny Stiansen 2
FYLKESRÅDMANNEN, 10.02.2009: Bakgrunn Regjeringa kjem i St.prp. nr.37 (2008-2009) Om endringer i statsbudsjettet 2009 med tiltak for arbeid, med forslag om auka løyvingar m.a. til kommunesektoren for å motverka verknadene av finanskrisa. Proposisjonen skal etter planen handsamast i Stortinget 13. februar 2009. Regjeringa foreslår i proposisjonen tiltak overfor kommunesektoren på til saman 6,4 mrd. kr. I tillegg kjem kompensasjon for at ein no legg til grunn lågare skatteinntekter i 2009 enn det som var venta i statsbudsjettet som vart vedteke av Stortinget før jul. Av summen på 6,4 mrd. kr er 4 mrd. kr eit mellombels tilskot til vedlikehald og rehabilitering av infrastruktur i kommunar og fylkeskommunar. Nærare om løyvingar til fylkeskommunane Regjeringa foreslår å auka rammetilskotet til fylkeskommunane med til saman 615 mill. kr, fordelt med 240 mill. kr for å betra fylkeskommunane si finansielle stilling, 185 mill. kr til mellombels auke av lærlingtilskota og 190 mill. kr for å kompensera for nettoverknaden av lågare skattevekst og lågare kostnadsvekst. Av tilskotet til vedlikehald og rehabilitering på 4 mrd. kr nemnt ovanfor, får fylkeskommunane tildelt 800 mill. kr. Hordaland fylkeskommune sin del av dette er kr 78 148 000. Fylkerådmannen kjem attende til fordeling av denne summen nedanfor. Verknad for Hordaland fylkeskommune frie inntekter I melding frå Kommunal- og regionaldepartementet finn ein desse tillegga for Hordaland fylkeskommune: Til finansiell styrking Auka lærlingtilskot Skattekompensasjon netto Sum 23,390 mill. kr 18,030 mill. kr 18,517 mill. kr 59,937 mill. kr Auka frie inntekter Utrekningar basert på KS sin prognosemodell, som budsjettarbeidet i fylkeskommunen byggjer på, viser ein samla auke på 60,4 mill. kr. Bakgrunnen for skilnaden er at ein i KS sin modell legg til grunn nye skattetal for 2008 som medfører ei mindre oppjustering for Hordaland. Fylkesrådmannen legg til grunn summen på 60,4 mill. kr i auka frie inntekter. Venta skattesvikt Regjeringa reknar no med ein skattesvikt for fylkeskommunane samla på 345 mill. kr i høve til tidlegare overslag. Utrekningar for Hordaland fylkeskommune medfører at skattoverslaget må reduserast med 29,3 mill. kr i høve til budsjettet for 2009 som fylkestinget vedtok i desember. Redusert deflator På den andre sida legg regjeringa no til grunn at pris- og lønsveksten vert lågare. Deflatoren som er samanveging av løns- og prisveksten er i St.prp. nr. 37 (2008-2009) redusert frå 4,5% som var rekna med i statsbudsjettet til 4,1% no. Ut frå dette legg regjeringa til grunn at fylkeskommunane samla kan redusera kostnadene med 155 mill. kr. Hordaland fylkeskommune sitt innsparingspotensiale p.g.a. lågare deflator skulle dermed utgjera om lag 15 mill. kr. Fylkesrådmannen må konstatera at regjeringa er optimistiske i overslaga over mogelege innsparingar. Fylkesrådmannen meiner budsjettet kan reduserast med om lag halvparten av det regjeringa har lagt til grunn. Dette gjeld lønsavsetjingane som kan reduserast noko som følgje av at lønsveksten no er sett til 3
4,7% mot tidlegare 5%. På grunn av lågare deflator kan også tilskot til transportselskapa reduserast noko. Kvalitetsavtalen, som gjeld i delar av fylket, inneheld vilkår om at ein skal følgja løns- og prisindeksen i statsbudsjettet. Samla vil desse to postane gje innsparing på om lag 7,5 mill. kr, medan altså ein på sentralt hald legg til grunn ei innsparing på 15 mill. kr. Fylkesrådmannen har rett nok konstatert at det også er mogeleg å redusera skulebudsjetta noko som følgje av lågare prisindeks. Når ein ikkje har forslag om dette, skuldast det at skulebudsjetta dei siste åra ikkje har fått full kompensasjon for prisveksten. For 2009 makta ein å leggja inn venta prisvekst i skulebudsjetta. Når ein no ikkje foreslår reduksjon, er det med på å retta opp noko av underkompensasjonen dei to-tre siste åra. Innsparinga som følgje av redusert prisvekst er rekna til 1,2 mill. kr for dei vidaregåande skulane samla. Det kan og reknast med innsparing for fylkesvegvedlikehald (kr 570 000), ekstraordinært vedlikehald (kr 140 000) og tannhelsetenesta (kr 340 000) med til saman vel 1 mill. kr. Men fylkesrådmannen vil ikkje foreslå at slike reduksjonar vert gjennomførde. Pensjonskostnader I samband med rekneskapsavsluttinga for 2008 har fylkesrådmannen fått nye prognosar for pensjonskostnadene for 2009. Ved utarbeiding av budsjettet for 2009 var dette usikkert element. Prognosen som no ligg føre tyder på at pensjonskostnandene i 2009 vert om lag 5 mill. kr høgare enn rekna med vedteke budsjett. Pensjonskostnadene saman med premieavvik vert budsjettert på same budsjettkapittel som lønsavsetjingane. Redusert lønsvekst, som gjort greie for ovanfor, vil gje innsparingar på vel 5 mill. kr. På den andre sida tyder prognosane for pensjonskostnadene på auke på om lag same sum. Fylkesrådmannen foreslår difor at budsjettet for lønsavsetjingar inkl. pensjonskostnadene ikkje vert endra. På denne måten har ein no eit budsjettet for pensjonskostnadane som samsvarar med gjeldande prognose frå pensjonsleverandørane. Lærlingtilskot Regjeringa foreslår å auka lærlingtilskotet mellombels med 185 mill. kr. Bakgrunnen for løyvinga er ynskje om å medverka til å oppretthalda talet på lærlingplassar. Løyvinga skal vera tilstrekkeleg til at tilskotet for kvar kontrakt kan aukast med kr 4 800. Hordaland fylkeskommune sin del utgjer 18,03 mill. kr. Fylkesrådmannen foreslår å auka budsjettet for lærlingtilskot med same sum. Oppsummering frie inntekter Fylkesrådmannen oppsummerer kort verknadene for dei frie inntektene for fylkeskommunen og forslaga som er nemnde ovanfor. Auke i frie inntekter -Venta skattesvikt -Auka lærlingtilskot Netto auke 60,4 mill. kr 29,3 mill. kr 18,0 mill. kr 13,1 mill. kr Fylkesrådmannen foreslår at denne netto auken på 13,1 mill. kr saman med innsparinga som følgje av redusert tilskot til bussrutene på 1,9 mill. kr til saman 15,0 mill. kr vert sett av på disposisjonsfond. 4
Vedlikehald og rehabilitering Hordaland fylkeskommune får som nemnt nær 78,2 mill. kroner i tilskot til tiltak innan vedlikehald, rehabilitering og oppgradering av kommunal infrastruktur. Tilskotet er eit eingongstilskot for 2009, og skal kome i tilegg til tiltak som alt er vedtekne i budsjettet for 2009. Opplegget frå regjeringa er at tiltaka skal gjennomførast i løpet av året, men i dei tilfelle der tiltaka ikkje vert ferdigstilte, skal unytta midlar setjast av på bundne driftsfond. Unytta midlar som følgje av at tiltak ikkje er sette i gang, må betalast attende. Fylkeskommunane skal rapportera til Kommunal- og regionaldepartementet om bruken av tiltaksmidlane. Fylkesrådmannen foreslår at tilskotet vert delt mellom fylkesvegvedlikehald og vedlikehald/rehablitering av eigedomsmassen med om lag 1/3 til vegvedlikehald og 2/3 til vedlikehald av eigedommar. Vedlikehald og rehabilitering av eigedomsmassen Fylkesrådmannen ser det ikkje som naturleg at det vert lagt opp til godkjenning av kvart einskildprosjekt ettersom det her vil vera snakk om ei rekkje mindre prosjekt. Basert på kartlegging/planlegging legg ein til grunn inndeling av prosjekta i eit mindre investeringsprosjekt og ei rekkje vedlikehaldsprosjekt. Vedlikehaldsprosjekta er nærare inndelt i følgjande samlegrupper: El-arbeid Utbetring av tak/taktekking Utbetring av glas/karmar Anna fasaderehabilitering/utskifting Andre bygningsmessige arbeid Mindre utomhusarbeid Tiltaka innafor dei ulike gruppene er kommenterte nærare nedanfor. Mindre investeringsprosjekt 5,0 mill. kr Knarvik vidaregåande skule Nytt varme og ventilasjonsanlegg 5 mill. kr Tilbygget ved Knarvik vidaregåande skule nærmar seg sluttføring. Oppgradering av inneklimaet for gamlebygget ved skulen er i utgangspunktet planglagt gjennomført i 2010 og 2011. Fylkesrådmannen foreslår at dette arbeidet vert framskunda slik at arbeidet kan gjennomførast i 2009. Det nye tilbygget inneheld nytt fyrrom med kapasitet til oppvarming av gamlebygget. Sidan gamlebygget manglar vassbore varmeanlegg, er det av miljø- og energiomsyn viktig at etablering av desse installasjonane kjem i gang snarast råd slik at inneklimaet ved heile skulen vert sett i stand. Oppgraderinga er kalkulert til 5 mill. kr. Vedlikehaldsprosjekt 43,2 mill. kr El-arbeid 7,7 mill. kr Kartlegginga av el-anlegg i fylkeskommunen viser manglar ved fleire skular, men det er avgrensa kva manglar ein kan retta opp innanfor dei ordinære budsjetta. Fylkeskommunen held i desse dagar på å inngå rammeavtalar med ulike leverandørar i heile fylket. Delar av forarbeidet for utbetring av elanlegg er difor gjort og ein kan komme raskt i gang med tiltak, samstundes som ein kan prioritere tiltak i ulike delar av fylket. Fylkesrådmannen foreslår difor til at det vert sett av 7,7 mill. kr til opprusting av el-anlegg. Utbetring av tak/taktekking 11,8 mill. kr 5
Ein har gjennom fleire år sett auke behov for utbetring av tak. Det vart i 2008 etablert rammeavtalar for heile fylkeskommunen. Også for dette området er difor rammene lagt for raskt å komme i gang med tiltak. Ein rår til at det vert sett av 11,8 mill. kr til dette formålet. Utbetring av glas/karmar 3,4 mill. kr Mange fylkeskommunale bygg ber preg av behov for utbetring/skifte av glas, og i nokre tilfeller også karmar. Ei utskifting vil kunne gje både betre inneklima, lysforhold og energikostnadar. Ein legg vidare til grunn at dette er eit området kor det kan vera klare fordeler ved å gjennomføre innkjøpa for fleire skular/bygg. Fylkesrådmannen foreslår at det vert sett av 3,4 mill. kr til slike utbetringar. Anna fasaderehabilitering/utskifting 13,5 mill. kr Ved fleire av skulane har delar av bygningsmassen behov for til dels omfattande rehabilitering/utskifting/utbetring av fasaden.. For å dekkje dei mest akutte behova rår ein til at det vert sett av 13,5 mill. kr til fasadeutbetringar. Andre bygningsmessige arbeid 6,0 mill. kr Fylkeskommunen har eit generelt vedlikehaldsetterslepp. Ein rår difor til at det vert gjennomført mindre prosjekt som omfattar alt frå mindre ombyggingar, utskifting av lysarmaturar, golvbelegg, til oppgradering av sentral driftskontroll (SD-anlegg). Innanfor denne samleposten er det også lagt opp til ombygging ved to skular for å få auditorium. Fylkesrådmannen foreslår å setja av 6 mill. kr til slike mindre prosjekt. Mindre utomhus arbeid 0,8 mill. kr Dette er mindre prosjekt som blant anna omfattar reasfaltering. Det vert foreslått å setja av 0,8 mill. kr til dette formålet. Universell utforming 4,5 mill. kr Fylkeskommunen har nyleg gjennomført ei kartlegging som syner at det står mykje att innanfor området universell utforming. Tiltaksliste med prioriteringar er enno ikkje klar, men fylkesrådmannen rår likevel til at dette området får eit særskilt fokus og foreslår at det vert sett av 4,5 mill. kr til utbetring av særskilde tilhøve som er påpeika i kartleggingsrapporten. Oppsummering - vedlikehald og rehabilitering av bygningsmassen Fordelinga ovanfor summerer seg slik: Mindre investeringar Vedlikehaldsprosjekt Universell utforming Sum eigedomsvedlikehald 5,0 mill. kr 43,2 mill. kr 4,5 mill. kr 52,7 mill. kr Forslaga ovanfor er utarbeidde i samarbeid mellom opplæringsavdelinga og eigedomsseksjonen. Det er lagt vekt på å ha tiltak ved mange skular i alle delar av fylket. 6
Fylkesvegvedlikehald Fylkesrådmannen har vore i kontakt med regionvegsjefen som har gått gjennom kva mindre vedlikehaldstiltak som kan setjast i verk på fylkesvegane. Dette gjeld tiltak som dekkelegging, siktrydding, rekkverktiltak, sikringstiltak i tunnelar og for bruer, trafikksikringstiltak og mindre utbetringstiltak. Fylkesrådmannen legg til grunn at det kan vera aktuelt å nytta noko av summen også til tiltak for å betra framkomsten for kollektivtrafikken. Fylkesrådmannen tilrår at budsjettet for fylkesvegvedlikehaldet vert auka med restsummen ein står att med etter at eigedomsvedlikehaldet er ført opp med 52,7 mill. kr, jf. ovanfor. Regionvegsjefen opplyser at det ikkje vil by på problem å finna tilstrekkeleg med tiltak. Momskompensasjon Fylkesrådmannen legg til grunn at det ekstraordinæer statstilskotet på nær 78,2 mill. kr er eit nettotilskot utan at det er rekna med meirverdiavgift. Budsjetteringsmåten i Hordaland fylkeskommune er slik at investeringar og fylkesvegvedlikehald vert budsjettert inkl. meirverdiavgift, dei andre driftspostane vert budsjetterte netto. I denne saka er det foreslått midlar til investeringar i bygg og til fylkesvegvedlikehald. Dette medfører at budsjettkapitlet for momskompensasjon kan aukast med 1,5 mill. kr. Fylkesrådmannen foreslår at denne summen vert tillagt fylkesvegvedlikehaldet og fører opp 27 mill. kr i vedlikehaldsmidlar på fylkesvegnettet. Fylkesrådmannen foreslår etter dette slik fordeling av det ekstraordinære vedlikehaldstilskotet på knapt 78,2 mill. kr: Vedlikehald eigedomsmassen Fylkesvegvedlikehald Sum Auka momskompensasjon Netto auke 52,7 mill. kr 27,0 mill. kr 79,7 mill. kr - 1,5 mill. kr 78,2 mill. kr Oppsummering Stortinget skal handsama St. prp. nr. 37 (2008-2009) 13. februar 2009. Finanskomiteen kjem med si innstilling 10. februar 2009. Det er såleis lagt opp til svært rask handsaming av saka i Stortinget. Fylkesrådmannen tilrår på same måte at saka vert raskt handsama i fylkeskommunale organ. På grunn av den raske sakshandsaminga har det ikkje vore tid til å leggja saka fram for utvala i første rekkje opplærings- og helseutvalet og samferdselsutvalet. Fylkesrådmannen ser det som naturleg at saka vert lagt fram som melding i utvala. Regjeringa seier i proposisjonen at den generelle auken i dei frie inntektene skal styrkja fylkeskommunane sin finansielle stilling. Hordaland fylkeskommune sin finansielle stilling eller budsjettbalanse som ein vanlegvis kallar det er svak i 2009-budsjettet. Det er budsjettert med berre 38,5 mill. kr i netto driftsresultat. Dette tilsvarar knapt 0,9% av driftsinntektene. Det er semje om at dette talet i alle høve bør vera 3%. På denne bakgrunnen foreslår fylkesrådmannen at summen på knapt 15 mill. kr vert sett av til disposisjonsfond. Dette styrkjer den finansielle stillinga og gjer fylkeskommunen meir robust om nye ekstraordinære utgifter skulle koma på. 7