VANYLVEN KOMMUNE MØTEPROTOKOLL UTVAL: Formannskapet Møtestad: Rådmannens kontor - Rådhuset, Fiskå Dato: 22.01.2013 Møtet tok til 09:00 Møtet slutta 12:00. Møtet var innkalla ved utsend sakliste datert 17.01.2013. Ordførar Jan Helgøy leia møtet. Faste medlemar som møtte: Namn Funksjon Representerer Jan Helgøy Ordførar KRF OG H Idar Brekke Medlem KRF OG H Lena Nordal Vedeld Medlem KRF OG H Magne Løvoll Medlem SP OG V Leon Svein Stranden Medlem SP OG V Nils Olav Moen Medlem FRP Faste medlemar som ikkje møtte: Namn Funksjon Representerer Ottar Jan Løvoll Varaordførar AP Varamedlemar som møtte: Namn Møtte for Representerer Roger Alf Eikeset Ottar Jan Løvoll AP 7 av 7 medlemar møtte. Frå administrasjonen møtte: Namn Stilling Gudmund Sandnes Rådmann Kåre Kvangarsnes Møtesekretær
Magne Løvoll gjekk frå som ugild i sak 19/2013 styreleiar i Rovde Utleigebygg AS og styremedlem i Vanylven Utvikling AS. Lena Nordal Vedeld gjekk frå som ugild i sak 19/2013 styremedlem i Rovde Utleigebygg AS. Roger Eikeset gjekk frå som ugild i sak 19/2013 styremedlem i Rovde Utleigebygg AS. Lena Nordal Vedeld gjekk frå som ugild i sak 20/2013 styremedlem i Tussa Kraft AS. Underskrifter: Vi stadfestar at det som er ført i møteboka er i samsvar med det som vart vedteke på møtet. 6143 Fiskå, den
SAKLISTE Saksnr. Sakstittel PS 14/2013 Godkjenning av innkalling PS 15/2013 Godkjenning av møteprotokoll frå siste møte PS 16/2013 Skriv og meldingar PS 17/2013 Sande fastlandssamband - Oppstart av kommunedelplan og framlegg til planprogram fastlandssamband PS 18/2013 Søknad om dispensasjon frå kommuneplan - Deling av hus nr 2 på gnr 89 bnr 1 - Jostein Røys PS 19/2013 Eidså skule - Vidare bruk / Utleige etter skuleslutt 2013 PS 20/2013 Tussa Kraft AS Endring av aksjonæravtale etter sal av eigardel til KLP Eventuelt Referatsak RS 1/2013 Telenor - Søknad om løyve - Gjerde til basestasjon - Gbnr 107/4
PS 14/2013 Godkjenning av innkalling Innkallinga vart godkjend. PS 15/2013 Godkjenning av møteprotokoll frå siste møte Møteprotokoll frå siste møte vart godkjend. PS 16/2013 Skriv og meldingar Ordføraren orienterte om følgjande: Vitjing av stortingsrepresentantane Dag Ola Teigen og Torfinn Oppheim, Ap 17. og 18. januar 2013. Begge sit i finanskomiteen. Arbeidet med Stad Skipstunnel. Viktige møter med stortingsrepresentantar og LO-leiaren. Møte i Larsnes saman med rådmannen der ein møtte representantar frå Sande kommune og Vegvesenet i samband med bygging av nye ferjekaier på Koparnes og Årvik. Arbeidet startar 11. februar. Brev frå oppsitjarane med krav om mindre fart på strekninga frå Odd Strand til Hopeigna i samband med oppgradering av ferjekaier vart delt ut til formannskapsmedlemane. Ordføraren opplyste at Vegevesenet vart gjort kjende med innhaldet i brevet på møtet i Larsnes. Vegvesenet vil førebels ikkje endre fartsgrensa på strekninga. Kontakt med leiaren i samferdselsutvalet i Møre og Romsdal vedk. arbeidet med å få ei 50 bilars ferje inn i sambandet Koparnes Årvik når dei nye ferjekaiene vert ferdige. Formannskapet ynskjer eit møte med sentrale samferdselspolitikarar på fylkesnivå og leiinga i samferdselsavdelinga i fylkeskommunen. Rådmannen opplyste at ferjerutene for anleggsperioden vert trykte i desse dagar og lagde ut på ferjene Ordføraren opplyste at Næringslivsavisa i Møre og Romsdal vil kome med artiklar om Stad Skipstunnel og Rovdefjordbrua. Denne utgåva av avisa vil verte distribuert til stortingsrepresentantane. Framlagde skriv og meldingar vart tekne til vitande.
PS 17/2013 Sande fastlandssamband - Oppstart av kommunedelplan og framlegg til planprogram fastlandssamband Samrøystes vedtak som framlegget. I medhald av 11-12 i Plan og bygningslova vedtek Vanylven formannskap at det kan oppstartast arbeid med utarbeiding av kommunedelplan for etablering av vegsamband Åram- Voksa-Kvamsøy. I medhald av 11-13 i Plan og bygningslova vedtek Vanylven formannskap å legge framlegg til planprogram for kommunedelplan for tiltaket ut til offentleg ettersyn, med justert framdriftsplan. Formannskapet føreset at revisjon av planprogram etter høyringsrunden og utarbeiding av konsekvensutgreiing og kommunedelplanar for fastlandssambandet vert fullt ut dekt av Sande Fastlandssamband AS. Rådmannen får fullmakt til å inngå avtale om dette. PS 18/2013 Søknad om dispensasjon frå kommuneplan - Deling av hus nr 2 på gnr 89 bnr 1 - Jostein Røys Spørsmål om synfaring vart teke opp. Formannskapet var samde om at det ikkje var naudsynt med synfaring. Samrøystes vedtak som framlegget. Formannskapet viser til delegert fullmakt og plan- og bygningslova 19-2, og gjev dispensasjon frå kommuneplanen for deling av hus nr 2 på gnr 89 bnr 1. Omsyna i kommuneplanen vert ikkje vesentleg tilsidesett, og tilhøva lite endra ved ein dispensasjon. PS 19/2013 Eidså skule - Vidare bruk / Utleige etter skuleslutt 2013 Tilråding: 1. Formannskapet viser til søknad dat. 02.01.2013 frå Vanylven Utvikling, og godkjenner at Vanylven Utvikling A.S. i samarbeid med Rovde Utleigebygg A.S. går vidare med eit prosjekt der ein kartlegg mulegheitene for at bygget i si heilheit kan nyttast til kontor/næringsretta verksemd. 2. Av omsyn til at kommunen bør ta ei avgjerd om kva bygget skal nyttast til i løpet av 1. halvår 2013 ønskjer ein at resultatet av kartlegginga samt ei tilråding om vegen vidare vert lagt fram for formannskapet innan 01.05.2013.
Magne Løvoll gjekk frå som ugild styreleiar i Rovde Utleigebygg AS og styremedlem i Vanylven Utvikling AS. Lena Nordal Vedeld gjekk frå som ugild styremedlem i Rovde Utleigebygg AS. Roger Eikeset gjekk frå som ugild styremedlem i Rovde Utleigebygg AS. Det vart gjort slik samrøystes 1. Formannskapet viser til søknad dat. 02.01.2013 frå Vanylven Utvikling, og godkjenner at Vanylven Utvikling A.S. i samarbeid med Rovde Utleigebygg A.S. går vidare med eit prosjekt der ein kartlegg mulegheitene for at bygget i si heilheit kan nyttast til kontor/næringsretta verksemd. Formannskapet bed om at Vanylven Utvikling AS innan fristen kartlegg (utlysing) interessa frå private interessentar for kjøp eller leige av bygget. 2. Av omsyn til at kommunen bør ta ei avgjerd om kva bygget skal nyttast til i løpet av 1. halvår 2013 ønskjer ein at resultatet av kartlegginga samt ei tilråding om vegen vidare vert lagt fram for formannskapet innan 01.04.2013. PS 20/2013 Tussa Kraft AS Endring av aksjonæravtale etter sal av eigardel til KLP Lena Nordal Vedeld gjekk frå som ugild styremedlem i Tussa Kraft AS. Samrøystes tilråding som framlegget med slik endring: Ordet ekstraordinær før generalforsamling i andre setning går ut. Formannskapet tilrår: Vanylven kommune sluttar seg til hovudpunkta i avtalen og er samd i prinsippa i aksjonæravtalen for utbytepolitikk og eigarrepresentasjon i styret. Kommunestyret ber ordføraren om å arbeide vidare med sikte på å få til semje om ein endeleg avtaletekst før generalforsamling. Vesentlege endringar i høve den teksten som no ligg føre skal handsamast på ny av kommunestyret. RS 1/2013 Telenor - Søknad om løyve - Gjerde til basestasjon - Gbnr 107/4 Saka vart teke til vitande.
Eventuelt: Nils Olav Moen tok opp fylgjande: Ynskte at papirversjon av sakspapira vert delt ut på møtet. Meinte at formannskapet burde ha drøfta nærare på førehand aktuelle tema i samband med kommunestyremøtet 29. januar: Planstrategi 2012 2016 strategiverkstad. Rådmannen orienterte om programmet for strategiverkstad i kommunestyret 29. januar. Rådmannen opplyste at ved anbodsforhandlingane for renovasjon kan ein ta opp spørsmålet vedk. oftare tøming enn annankvar veke for dei som ynskjer det. Ordføraren tok opp røykproblema frå flisfyringsanlegget ved sjukeheimen. Idar Brekke opplyste at i samband med bygging av nytt Helse- og omsorgssenter vil anlegget verte flytta. Leon Stranden tok opp styret i Combisenteret AS si oppseiing av puben i lokala i Combisenteret. Stilte spørsmål om prosessen har vore god. Idar Brekke orienterte om utbygginga av lærararbeidsplassar ved Myklebust skule. Rett utskrift 23.01.2013 Kåre Kvangarsnes