Vedlegg sak V-16/12 BYGDEUTVIKLING I VALDRES 2012 Årsmelding Anne Sebu Røllång med årets beste premieku
Årsmelding 2012 Bu ordninga i Valdres Valdres Natur- og Kulturpark er samarbeidsorgan for alle seks kommunane i Valdres, og omfattar Vang kommune, Vestre Slidre kommune, Øystre Slidre kommune, Nord- Aurdal kommune, Etnedal kommune og Sør- Aurdal kommune. Regionrådet for Valdres har vore samarbeidsorganet for dei seks valdreskommunane gjennom fleire tiår. I 2007 utvikla vi samarbeidet vidare, og stifta Valdres Natur- og Kulturpark. Valdres Natur- og Kulturpark er ein bygdeutviklingsregion som gjennom langsiktig merkevarebygging knytt til natur- og kulturverdiar og lokal styring skal gje auka verdiskaping og livskraft i lokalsamfunna. Gjennom dette vil Valdres ta vare på og utvikle viktige verdiar av lokal, nasjonal og internasjonal karakter, for framtidige generasjonar. 1. Bøndene i Valdres investerer for framtida Vi registrerer stor iver etter å gjennomføre investeringar i og i tilknyting til landbruksnæringa i alle valdreskommunane. Regionkonsulenten, i eit samarbeid med landbrukskontora, har rettleia svært mange omkring investeringar og tiltak elles knytt opp mot Bu ordninga. Dette har resultert i 23 søknadar. Av desse er det løyvd tilskot til 21, ein søknad er trekt og ein søknad har fått avslag. I arbeidet med sakene for 2012 fekk vi opp ei oversikt over 61 moglege saker med ei samla investeringsramme på over 90 mill. kroner. Vi frykta også dette året ei tid å måtte handsame mange saker med avslag, men i eit samarbeid med landbrukskontora fekk vi ei grei avklaring/- sortering av dei mest byggeklare og dei som like gjerne kunne starte byggearbeidet noko seinare. Ut frå den aktuelle situasjonen vil vi kunne forvente stor pågang og mange søknadar og i 2013. Det er allereie kome inn mange søknadar for neste år. Bygdeutviklingsstyret har gjennom bygdeutviklingsprogrammet lagt ein Valdresprofil på politikken. Denne fokuserer på å støtte opp om dagens produksjon utan i for stor grad å verke strukturdrivande, sterk satsing på tilleggsnæringar og foredling, stor fokus på stølsbruk og utnytting av utmarka og vidare eit utstrekt samarbeid og satsing innafor reiselivsnæringa. Det er gledeleg å sjå at mange søkjarar vel å satse innafor desse prioriteringar og vel å synleggjera, gjennom planer for framtida, at dei er tente med å ta inn både større grad av foredling og elles nye næringar som ein viktig del av driftsopplegget.
Gjennom dei siste åra har søknadane styrt fokus svært mykje over på tradisjonelt landbruk. Svært mykje av tilgjengelege midlar er nytta til fornying av bygningar for husdyr. Bygdeutviklingsstyret er samde om at dette har vore ei god prioritering, fordi vi har særlege utfordringar knytt til å oppretthalde aktiviteten i husdyrhaldet i distriktet. Dette året dreiar vi fokuset noko meir over på bygdenæringar. Samla kostnadsramme for tiltak som er prioriterte for tilskot er kr. 49.274.000,-. Forvalta midlar er nytta slik: Inv.Tilskot Utgr. Rentestøtte Tilrettel. Tildelte midlar 2012 5 790 000 840 000 14 400 000 Omfordelte midlar tilleggstild. 1 000 000 Restmidlar frå 2011 8 000 5 811 812 Inndraging 2012 363 400 180 000 70 000 Overført mellom formål 299 000-299 000 Sum tilgjengeleg ramme 2012 6 452 400 729 000 21 281 812 Løyvd midlar 2012 6 346 000 729 000 21 281 000 Rest til overføring til 2013 106 400 0 812 Av tabellen går det fram at vi overfører ledige midlar til 2013. For 2011 og 2012 har vi vald å måle ut rentestøttemidlar med 60 % av brutto kostnad i byggeprosjektet, men situasjonen tilseier at vi kanskje ikkje kan halde fram på same måte i året som kjem. Det vil elles aldri vera lett å finne balansen mellom tilskotsmidlar og rentestøttemidlar. Det er framleis eit stort behov for fornying av bygningsmassen i mjølk/storfe produksjonen i distriktet. Dette er synleggjort gjennom dei prioriteringar av midlar som er utført også i 2012. Det er løyvd midlar til i alt 9 tiltak innafor denne sektoren. I småfenæringa har vi løyvd midlar til to søknadar dette året. Bygdenæringar har hatt større fokus i 2012. Årets saker omfattar foredling, reiseliv og bygdeservice, og dei fem tiltaka har fått 23 % av samla tilskot og 34 % av samla rentestøtte. Bygdeutviklingsstyret har vektlagt å bruke midlar som kan styrke produksjonsmiljøa og medverke til rekruttering til næringa. Prosjektet Unge bønder er finansiert opp for ein ny treårsperiode framover, i eit samarbeid med KSL. I dette prosjektet er det eit stort engasjemnet som lovar bra for rekruteringa i framtida. Prosjektet Valdreslandbruket, spørjeundersøking mellom mjølkebøndene, fekk ei bra tilslutning og vi har no eit godt grunnlag for å gå vidare med tiltak for å styrke produksjonsmiljøet i næringa. Eit samarbeid med Bioforsk er innleia gjennom tilslutning til prosjektet agronomi i arktisk landbruk og fjell landbruket.
Årsmelding 2012, HOVEDTYPE Type tiltak Beløp innvilga UTGREIING MM. Tal saker innvilga Tal saker ungdom Tal saker kvinner Tal saker avslått % andel Sum 729 000 5 1 10 % PRAKTIKANT Sum 0 0 Sum ikkje bedr.rett 729 000 BYGDENÆRING Andre tiltak Etablererstipend 142 000 2-1 Bedriftsutvikling 140 000 1 Generasjonsskifte Investeringstilskot 1 346 000 3 Sum 1 628 000 5-1 23 % TRADISJONELT JORDBRUK Andre tiltak 0 Generasjonsskifte 0 Investeringstilskot 4 718 000 11-2 -2 1 Sum 4 718 000 11-2 -2 67 % SAMLA TILSKOT Bedriftsretta 6 346 000 Alle tilskot 7 075 000 21-2 1 100 % RENTESTØTTE Bygdenæring * 7 142 000 2 34 % Tradisjonelt * 14 139 000 9-2 66 % Sum * 21 281 000 11 100 % * Låneramme
2. Bygdeutviklingsprogrammet Regionrådet for Valdres vedtok Bygdeutviklingsprogram Valdres 2005 2012, 19. januar 2005. Programmet kom i stand etter ein omfattande prosess i 2004. Her har svært mange i lokalmiljøet vore med i utforminga, både i politiske og faglege miljø. Programmet gjev eit samla oversyn over utviklinga i Valdreslandbruket, den lokale politikken, prioriteringar og vidare kriterium for tildeling av midlar over Bu ordninga. Elles er den sentrale Bu forskrifta referert fullt ut i programmet. Programmet har vore det sentrale verktyet for alle som arbeider med Bu ordninga, og ein god vegleiar for søkjarar. Vi ser elles at ulike søkjarar raskt tek opp signal frå programmet, og tilpassar forventingar i større grad i høve til dei moglegheiter vi har. Bra samsvar mellom forventingar og høve til å fylgje opp, er viktig for å kunne få fornøgde søkjarar. Fleire søkjarar kunne nok tenkt seg større tilskot til aktuelle prosjekt, men Bu ordninga har få klagesaker å vise til. Vi har ingen klagesaker i 2012. Programmet vart revidert i 2008 og er elles gjennomgått og mindre justeringar er gjennomført etter vedtak i Bygdeutviklingsstyret januar 2009, mars 2010, januar 2011 og januar 2012. Bygdeuviklingsstyret har starta ein prosess for fornying av bygdeutviklingsprogrammet i 2012. Vi har hatt ei rekkje møte med faglag og politiske fora, siste året. Det er elles gjennomført to seminar med god tilslutning. Vi er no klare for å sende programmet ut på ein omfattande høyringsrunde og reknar med at Valdresrådet kan ta stilling til programmet i sitt møte i mars 2013. Bygdeutviklingsprogrammet for Valdres er i dag ein sentral lekk i ei heilskapleg utvikling i Valdres som er organisert i Valdres Natur- og Kulturpark, der felles merkevarebygging for ulike næringar i området står sentralt. Det er naturleg at eit fornya program får ein tilsvarande funksjon. Her er framleis grunn til å knyte store forventingar til ei felles satsing for framtida, knytt til visjonen, å bygge merkevara VALDRES, på eit felles verdigrunnlag og ein felles identitet. Det blir lagt avgjerande vekt på å skape samarbeid gjennom heile verdikjeda, og slik i fellesskap fokusere verdiar overfor marknaden som kan utløyse ei større betalingsvilje for lokal mat, lokale produkt og opplevingar.
3. Regional næringsstrategi Strategiar for landbruksrelatert næringsutvikling Oppland 2009 Strategien er utforma av FMLA og har fire sentrale delmål. Auke Oppland sin relative andel av primærproduksjonen i landbruket Auke foredlingsgraden lokalt for råvarer frå landbruket Oppretthalde antal arbeidsplassar i landbruket knytt til utvikling av ny næring Styrke arbeidet med rekruttering til landbruksnæringane. Vi vurderer det slik at vi gjennom revisjonar i bygdeutviklingsprogrammet for Valdres, også i 2012 har ligge innanfor dei rammer og prioriteringar som er trekte opp i den sentrale strategien for Oppland. Fylkesmannen i Oppland har i 2012 gjennomført eit arbeid for å lage eit regionalt bygdeutviklingsprogram for Oppland. Her er etablert ei arbeidsgruppe der vi har vore inviterte til deltaking og det er elles nyoppnemning av deltakarar i landbruksforum som er styringsgruppe for det regionale bygdeutviklingsprogrammet. Her har styreleiar i bygdeutviklingsstyret for Valdres fått plass. Slik skulle vi ha dei beste føresetnadar for å få til ein harmoni mellom dei ulike bygdeutviklingsprogram. 4. Arrangement Vi har prioritert ein del tid til informasjonsarbeid også siste året. Vi har gjennomført fleire informasjonsmøte med tilsette på landbrukskontor, og elles delteke som forelesar på fleire ulike møte. Bygdeutviklingsstyret har gjennomført to seminar med god deltaking og har vore ute på ei styreutferd for å sjå på ferdige prosjekt. 5. Organisering og styret Valdres Natur- og Kulturpark som har Valdresrådet som øverste organ er ansvarleg for den interkommunale Bu ordninga i Valdres, og har delegert gjennomføring til eit bygdeutviklingsstyre. Bygdeutviklingsstyret er samansett av seks ordførarar og tre næringsrepresentantar frå landbruksnæringa. Medlemer i Bygdeutviklingsstyret i 2012: Ordførar Lars Kvissel, leiar Ordførar Kåre Helland Ordførar Jan Arild Berg Ordførar Kjell Berge Melbybråten Ordførar Inger Torun Klosbøle Ordførar Vidar Eltun Bondelaget, Tommy Bjørke Småbrukarlaget, Ottar Martinsen Skogeigarlaget, Olav Wangensten
VNK s administrasjon omfattar dagleg leiar, kontorpersonell, to regionkonsulentar og elles prosjektstillingar. Bygdeutviklingsstyret har hatt seks styremøte i 2012 og behandla 26 styresaker og 8 søknadar. Vidare har styret fått referert 15 saker der vedtak er fatta i samsvar med delegasjonsvedtak. Arbeidsutvalet har hatt 4 møter i 2012. 6. Evaluering Evalueringsrapport er gjeve i oktober 2007, ved landbrukets utredningskontor. Agenda Utredning og Utvikling AS avslutta og si evaluering med sluttrapport i oktober 2007. Ordninga med bygdeutviklingsmidlar er evaluert på landsplan i 2009, utan at forsøksregionane er fokuserte spesielt. 7. Tilhøvet til statlege organ Vi har etablert eit samarbeid med Fylkesmannen sin landbruksavdeling omkring fysisk utbetaling av midlar til kundane. Vidare har vi fram til 2010 hatt eit samarbeid med teknisk avdeling hjå fylkesmannen omkring utføring og vurdering av teikningar, kostnadsoverslag og sluttgodkjenning av større byggeprosjekt. Frå 2010 har vi lagt nye rutinar på dette området, vesentleg ved hjelp av lokale ressursar, men og i eit samarbeid med Norsk Landbruksrådgjeving. Vi har no lokale foretak som leverar gode planar for bygging av husdyrbygg, men det er den enkelte kunde som tek stilling til kvar han innhentar plankapasitet til sitt prosjekt. Vi har elles jamleg kontakt med LMD, der vi får høve til å orientere omkring framdrift, og dei utfordringar vi står framom. I 2012 har vi hatt fleire møte /kontaktar med adm. og pol. leiing ved departementet. I pressemelding 17.august 2011 melder LMD at kommunane i Nord Gudbrandsdal og Valdres får, på permanent basis, overta ansvaret for forvaltninga av bygdeutviklingsmidlar over jordbruksavtalen. Meldinga er ytterlegare stadfesta i Meld. St. 9 2011 2012, og vi har ut frå dialogen med LMD forventingar til at dette blir meir detaljert lagt til rette i ein revisjon av forskrift som er signalisert i 2013. Vi må seie oss svært nøgde med LMD sin politikk på området og ser at dette opnar for eit utvida engasjement i og for bygdenæringane i Valdres. Fagernes 10.desember 2012 Med helsing Bygdeutviklingsstyret i Valdres Lars Kvissel,ordfører styreleiar Aslag Hamre, Regionkonsulent
Ivrige seminardeltakarar 2012 Foto: Nils Rogn Her blir det nye landbruket i Valdres drøfta. 2012 Foto: Nils Rogn
Årsmelding 2012, 2011 2010 2009 2008 2007 2006 2005 2004 HOVEDTYPE Type tiltak % % % % % % % % andel andel andel andel andel andel andel andel UTGREIING MM. Sum 6 % 14 % 8 % 4 % 17 % 8 % 13 % 18 % PRAKTIKANT Sum 1 % 2 % 1 % Sum ikkje bedr.rett BYGDENÆRING Andre tiltak Etablererstipend Bedriftsutvikling Generasjonsskifte Investeringstilskot Sum 15 % 5 % 11 % 30 % 38 % 36 % 29 % 37 % TRADISJONELT JORDBRUK Andre tiltak Generasjonsskifte Investeringstilskot Sum 79 % 81 % 81 % 66 % 44 % 54 % 57 % 45 % SAMLA TILSKOT Bedriftsretta Alle tilskot 100 % 100 % 100 % 100 % 100 % 100 % 100 % 100 % RENTESTØTTE Tilleggsnæring * 18 % 0 % 10 % 27 % 38 % 21 % 14 % 20 % Tradisjonelt * 82 % 100 % 90 % 73 % 62 % 79 % 86 % 80 % Sum * 100 % 100 % 100 % 100 % 100 % 100 % 100 % 100 % * Låneramme
Liv- dagane juni. 2012 «kalvemønstring må lærast tidleg» Liv- dagane juni. 2012 «tydeleg organisering høyrer med» Liv- dagane juni. 2012 Jan Arild Berg og Siri Sjåvik i god pasiar
Liv- dagane juni. 2012 Gullik Stee og Arnfinn Beito Liv- dagane juni. 2012 Harald Lund, Valdres Matforum premierer årets kurv Liv- dagane juni. 2012 Landbruksprisen til Thorleiv og Marit Idstad
Liv- dagane juni. 2012 Svein Ivar og Helene Stømsmoen med flotte kyr Liv- dagane juni. 2012 Mange flott premiedyr i årets utstilling Liv- dagane juni. 2012
Liv- dagane juni. 2012 Speed klypp av sau