MØTEINNKALLING Møtedato: 22.08.2016 Møtestad: Eid rådhus Møtetid: Kl. 10:00-15:00 Eventuelle forfall til møtet skal meldast til sekretariatet i Gloppen kommune på tlf. 57 88 38 00. Forfall kan også meldast på e-post til: servicetorget@gloppen.kommune.no For medlemmene i Nordfjordrådet, og for dei som har møte- og talerett i rådet (rådmennene), ligg saklista til møtet også i møteportalen, som du finn link til på Gloppen kommune si heimeside. Saklista til møta i Nordfjordrådet skal elles vere tilgjengeleg på alle medlemskommunane sine heimesider, dvs. på heimesidene til Eid, Gloppen, Hornindal, Selje, Stryn og Vågsøy kommunar. Sandane 9. august 2016 Leidulf Gloppestad leiar Birte Fossheim sekretær
SAKLISTE: Sak nr. Sakstittel 021/16 Godkjenning av møtebok, innkalling, dagsorden og sakliste 022/16 Referat og orienteringssaker 023/16 Budsjett for prosjekttiltak Nordfjordrådet 2016 024/16 Søknad frå Nordfjord Vekst AS om støtte til prosjekt Stad skipstunnel 025/16 Søknad om støtte til Framtidsfylket karrieremesser 2017 026/16 Høyring - retningsliner for lokalisering av handel og kjøpesenter 027/16 Høyring - forslag til samanslåing av Fjordane tingrett og Sogn tingrett
SAKSPAPIR SAKSGANG Styre, utval, komite m.m. Møtedato Saksnr. Nordfjordrådet 22.08.2016 021/16 Avgjerd av: Nordfjordrådet Saksbehandlar: Birte Fossheim Arkiv: Objekt: Arkivsaknr.: 16/978-1 Godkjenning av møtebok, innkalling, dagsorden og sakliste Møteboka frå Nordfjordrådet sitt møte den 6. juni i år blir lagt fram til godkjenning. Leiaren har sett opp slik dagsorden for dette møte: 10.00 Referat og orienteringssaker: Informasjon frå Helse Førde v/ informasjonssjef Terje Ulvedal - programmet for pasientens helseteneste - utbygging av Førde sentralsjukehus på statsbudsjettet Brev frå sjukehusaksjonen Nordfjord (utsett frå førre møte) 11.00 Kort kaffipåfyll Regionsreforma v/ fylkesordførar Jenny Følling (deltek på video) Status merkevareprosessen Visit Nordfjord v/ Reiselivssjef Marita Lindvik 12.00 Lunsj 12.30 Nærpolitireforma og kommunane sin representasjon. Kort orientering om studietur til Hallingdal i september Regionale samarbeidsprosjekt v/ leiar Leidulf Gloppestad. Kva rolleforståing har vi for felles regionale prosjekt? 13.00 Budsjett for prosjekttiltak Nordfjordrådet 2016 13.20 Søknad om støtte til Stad skipstunnel prosjektet 13.40 Søknad om støtte til Framtidsfylket karrieremesser 2017 13.50 Pause 14.00 Høyring retningsliner lokalisering av handel og kjøpesenter 14.30 Høyring samanslåing av Fjordane tingrett og Sogn tingrett 15.00 Møtet slutt. LEIAREN SI TILRÅDING: 1. Nordfjordrådet godkjenner møteboka frå sitt møte den 6. juni 2016 2. Nordfjordrådet godkjenner innkallinga og saklista til møtet den 22. august 2016.
SAKSPAPIR SAKSGANG Styre, utval, komite m.m. Møtedato Saksnr. Nordfjordrådet 22.08.2016 022/16 Avgjerd av: Nordfjordrådet Saksbehandlar: Birte Fossheim Referat og orienteringssaker Arkiv: Objekt: Arkivsaknr.: 16/977 Refererte skriv og meldingar: Nr Dok.ID T Dok.dato Avsendar/Mottakar Tittel 1 16/5633 I 02.05.2016 Sjukehusaksjonen Nordfjord Uttalar frå ordførar Behandlinga av det refererte brevet vart utsett på siste møtet i Nordfjordrådet den 6. juni i år. Orienteringssaker: 1. Informasjon frå Helse Førde v/ informasjonssjef Terje Ulvedal programmet for pasientens helseteneste utbygging av Førde sentralsjukehus på statsbudsjettet 2. Regionsreforma v/ fylkesordførar Jenny Følling (deltek på video) 3. Status merkevareprosessen Visit Nordfjord v/ Reiselivssjef Marita Lindvik 4. Nærpolitireforma og kommunane sin representasjon. 5. Kort orientering om studietur til Hallingdal i september 6. Regionale samarbeidsprosjekt v/ leiar Leidulf Gloppestad. Kva rolleforståing har vi for felles regionale prosjekt? LEIAREN SI TILRÅDING: Saka vert lagt fram utan tilråding.
SAKSPAPIR SAKSGANG Styre, utval, komite m.m. Møtedato Saksnr Nordfjordrådet 22.08.2016 023/16 Avgjerd av: Nordfjordrådet Saksbehandlar: Birte Fossheim Objekt: Arkiv: 026 Arkivsaknr.: 16/159-10 Budsjett for prosjekttiltak Nordfjordrådet 2016 Vedlegg: Dok.nr Tittel på vedlegg 270043 Nordfjordrådet budsjett 2016 279126 Til samarbeidsavtalen med FK - oversikt satsingsområde og prosjekt Bakgrunn for saka: Nordfjordrådet handsama budsjettet for 2016 i møte den 4. april 2016. I budsjettet vart det sett av kr 712.000 til nye prosjekt som skulle avklarast i samband med strategi- og handlingsplanen. No når planen er ferdig vert det lagt fram budsjett med fordeling av kostnadar på prosjekt. Saksutgreiing: Basert på strategi- og handlingsplanen til Nordfjordrådet er det laga eit framlegg til fordelinga av midlane som er sett av til «prosjekt nye satsingar» i 2016. I 2016 er det sett av kr 712.000 til denne posten. Dette er eit «spesielt» år der Nordfjordrådet har gjort vedtak om å bruke kr 650.000 av disposisjonsfondet i 2016 til prosjekt sidan vi hadde eit overskot på prosjektsatsingar frå 2015. I møte med fylkeskommunen 10. juni 2016 der leiar og sekretær deltok, gjekk vi gjennom Nordfjordrådet sin strategi- og handlingsplan, og fekk gode tilbakemeldingar frå fylkeskommunen på satsingane som er prioritert. I 2016 får vi kr 550.000 i regionale overføringar, og i 2017 er desse midlane på kr 500.000. Andre inntektskjelde til Nordfjordrådet er medlemskontingent frå kommunane som er på kr 412.000. Strategi og handlingsplanen er også grunnlag for vår samarbeidsavtale med fylkeskommunen. I 2016 har fylkeskommunen bedt oss om å rapportere på bruk av regionale midlar ved å dele opp i regionale prosjekt med tilhøyrande kostnader. Vedlagt saka følgjer ei oversikt vi laga etter møte med fylkeskommunen som viser satsingar, prosjekt og kostnader. Framlegg til fordeling av kostnadar på prosjekt i 2016: Prosjektsatsingar i 2016 Til disp 712000 Studietur Hallingdal 60 000 Kjøp av analyse og vurdering av alle sentra i 200 000 regionen med sikte på funksjonell fordeling og utvikling av ein fleirkjernestruktur Regional profilering - heimeside, formidling 100 000
Framtidsfylket profileringsmateriell karrieremesser Kunnskapsbestilling/kartlegging - satsingar innan grøn og/eller kunnskapsbasert næringsutvikling i Nordfjord 100 000 150 000 Kunnskapsbestilling/kartlegging næringslivets 100 000 behov for arbeidskraft framover Sum 710 000 Satsingar og prosjekt i 2017 Om vi ser vidare på tiltaka i handlingsplanen for 2017, har vi ikkje dekning for dei tiltaka vi har sett opp om vi ikkje får tilført meir eksterne midlar eller brukar av disposisjonsfondet. I 2017 får vi kr 500.000 frå fylkeskommunen og kr 412.000 frå medlemskommunane. Om vi trekker frå faste utgifter til sekretær, har vi kr 612.000 til disposisjon på prosjekt. Prosjektsatsingar i 2017 Til disp 612000 Profilering/framtidsfylket. Ekstern bidragsyter 150 000 karrieremessene Bergen, Oslo, Trondheim Prosjekt utdanningsval 50000 Kopling FoU-miljø - seminar 70 000 Grøn og berekraftig innkjøpspolitikk 50 000 Utvikling av studieprogram med inkludering 100 000 gjennom utdanning Inkludering i ein regional kontekst - seminar 70 000 Prosjekt retta mot utdanninstilbod tilpassa 150 000 næringslivets behov Prosjekt for å auke tak læreplassar 100 000 Sum 740 000 Økonomiske konsekvensar for Nordfjordrådet: Nordfjordrådet har vedteke å bruke kr 712.000 til nye prosjekt/satsingar i 2016 av eit utgiftsbudsjett på kr 1.632.000. Sekretæren si vurdering: Basert på satsingar og tiltak som er beskrive i strategi- og handlingsplanen til Nordfjordrådet er det behov for å sjå dette opp mot kostnader og midlar som Nordfjordrådet disponerer. I denne saka er det prosjektmidlane for 2016 som skal vedtakast. Årsaka til at ei oversikt for 2017 er lagt ved i saka, er for å vise ei samla oversikt, og at det er «trongt» økonomisk for å få gjennomført prosjekta som er sett av i planen. Sidan fleire av prosjekta handlar om kunnskapsbestillingar og kjøp av utgreiingar, er det vanskeleg å anslå kostnader før prosjekta er lyste ut. Slik sett kostnadstala som no ligg føre litt usikre. LEIAREN SI TILRÅDING:
Nordfjordrådet vedtek å bruke kr 712.000 på nye prosjekt og satsingar i samsvar med strategiog handlingsplanen for 2016 etter følgjande budsjett: Prosjektsatsingar i 2016 Til disp 712000 Studietur Hallingdal 60 000 Kjøp av analyse og vurdering av alle sentra i 200 000 regionen Regional profilering - heimeside, formidling 100 000 Framtidsfylket profileringsmateriell 100 000 karrieremesser Kunnskapsbestilling/kartlegging - satsingar innan 150 000 grøn og/eller kunnskapsbasert næringsutvikling i Nordfjord Kunnskapsbestilling/kartlegging næringslivets 100 000 behov for arbeidskraft framover Sum 710 000
SAKSPAPIR SAKSGANG Styre, utval, komite m.m. Møtedato Saksnr Nordfjordrådet 22.08.2016 024/16 Avgjerd av: Nordfjordrådet Saksbehandlar: Birte Fossheim Objekt: Arkiv: Q32 Arkivsaknr.: 16/778-2 Søknad frå Nordfjord Vekst AS om støtte til prosjekt Stad skipstunnel Vedlegg: Dok.nr Tittel på vedlegg 275393 Søknad om støtte til Stad skipstunnel prosjektet 275394 Prosjektplan Stad skipstunnel Bakgrunn for saka: Prosjektgruppa for Stad skipstunnel søkjer i brev av 30. mai 2016 Nordfjordrådet om kr 100.000 i støtte til arbeidet med å få realisert Stad skipstunnel. Saksutgreiing: I Nasjonal transportplan (2014-2023) som blei vedteke i Stortinget 18. juni 2013 ligg Stad skipstunnel inne i siste del av planperioden (f.o.m. 2018) med 1 milliard kroner. Nasjonal transportplan skal rullerast våren 2017, og prosjektgruppa har som mål å vere inne i første 4- års periode, det såkalla Handlingsprogrammet (2018-2021), og då med byggjestart i første del av denne perioden. Arbeidet til prosjektgruppa i 2015, og så langt i 2016, har vore konsentrert om å ha god og jamleg kontakt med Samferdselsdepartementet og Kystverket omkring framdrifta i planleggingsarbeidet. I tillegg til å informere om prosjektet i viktige fora (bl.a. innlegg og stand på Transport- og logistikkmessa på Gardermoen med 850 deltakarar). Den 5. april arrangerte prosjektgruppa eit frukostmøte på Hotel Bristol i Oslo, kor stortingspolitikarar og andre sentrale avgjerdstakarar blei inviterte. Det var ca. 40 deltakarar på dette frukostmøte, kor det blei sett spesielt søkelys på korleis Stad skipstunnel kan bidra til å få meir sjømateksport på kjøl, og Stad skipstunnel som ein turistattraksjon. Økonomiske konsekvensar for Nordfjordrådet: Prosjektgruppa søkjer Nordfjordrådet om kr 100.000 i støtte som skal gå til å dekke prosjektleiing og sekretariat, reisekostnader/ konferanse og marknadsføring. Utgiftsbudsjettet for 2016 er på kr 750.000. Andre som er søkt med tilsvarande sum som Nordfjordrådet er fylkeskommunane i Hordaland, Møre og Romsdal og Sogn og Fjordane, og SIBELCO. Sekretæren si vurdering: Stad skipstunnelen er utan tvil eit viktig nasjonalt prosjekt samtidig som det er eit viktig regionalt prosjekt for Nordfjord. Prosjektgruppa har jobba langsiktig og godt, og prosjektet er nærare realisering enn nokon gong.
Søknaden utfordrar samstundes Nordfjordrådet som nettopp har sluttført arbeidet med sin strategi- og handlingsplan for satsingar og tiltak som skal prioriterast i 2016 og 2017. Samferdsleprosjekt er ikkje valt som satsingsområde i denne perioden. Om ein vel å bruke kr 100.000 i støtte til Stad skipstunnel, så må ein sjå dette opp i mot tiltaka som ein har sagt Nordfjordrådet skal prioritere i 2016 og 2017. Vedlagt saka følgjer både søknad og ein fyldig prosjektplan frå prosjektgruppa. I Nordfjordrådet sit det politikarar som kjenner prosjektet godt, og andre som har erfaring frå korleis ein har handsama likande søknader tidlegare. Budsjettet for 2016 er sett opp med utgangspunkt i strategi- og handlingsplanen som Nordfjordrådet har utarbeidd. Det er difor vanskeleg å støtte prosjektet som omsøkt. LEIAREN SI TILRÅDING: Nordfjordrådet meiner Stad skipstunnel er eit nasjonalt prosjekt som det er viktig å støtte opp om. Nordfjordrådet vedtek å løyve kr 50.000 til prosjektet. Løyvingane blir finansiert med midlar frå disposisjonsfondet.
SAKSPAPIR SAKSGANG Styre, utval, komite m.m. Møtedato Saksnr Nordfjordrådet 22.08.2016 025/16 Avgjerd av: Nordfjordrådet Saksbehandlar: Birte Fossheim Objekt: Arkiv: 430 Arkivsaknr.: 16/136-6 Søknad om støtte til Framtidsfylket karrieremesser 2017 Vedlegg: Dok.nr Tittel på vedlegg 279119 Søknad om støtte til karrieremessene 2017 279118 Evalueringsrapport - Framtidsfylket karrieremesser 2016 Bakgrunn for saka: Framtidsfylket AS har i brev av 30. juli 2016 søkt Nordfjordrådet om støtte på kr 60.000 til gjennomføring av karrieremesser i Oslo, Trondheim og Bergen i 2017. Saksutgreiing: Sogn og Fjordane har sidan 2007 organisert eigne fylkesdekkande karrieremesser i studiebyane Trondheim, Oslo og Bergen. Målsettinga er å vise fram karrieremoglegheitene som finst i næringslivet i Sogn og Fjordane. Responsen har i alle åra vore bra, og evalueringane tyder på at messene er innarbeidde som viktig møteplass for studentar, nyutdanna og næringslivet. Økonomiske konsekvensar for Nordfjordrådet: Framtidsfylket har søkt om kr 60.000 i støtte til gjennomføring av karrieremesser i 2017. Nordfjordrådet har før om åra gitt tilskot til Framtidsfylket sine karrieremesser på kr 60.000, og det er også i år sett av denne summen i budsjettet for 2016. Sekretæren si vurdering: Karrieremessene er ein del av satsingsområde til Nordfjordrådet for 2016 og 2017, og er i strategi- og handlingsplanen kopla til satsingsområde 1: «Regionsutvikling gjennom satsing på ein fleirkjernestruktur», og tiltak knytt til profilering og rekruttering. På møte i Nordfjordrådet 4. april i år evaluerte vi karrieremessene i februar 2016, og gjorde vedtak om å delta på karrieremessene i 2017 både i Oslo, Bergen og Trondheim. Det vart også gjort vedtak om meir målretta satsing på felles regional profilering på karrieremessene i 2017. LEIAREN SI TILRÅDING: Nordfjordrådet støttar søknaden frå Framtidsfylket AS med kr 60.000 som omsøkt.
SAKSPAPIR SAKSGANG Styre, utval, komite m.m. Møtedato Saksnr Nordfjordrådet 22.08.2016 026/16 Avgjerd av: Nordfjordrådet Saksbehandlar: Birte Fossheim Objekt: Arkiv: 000 Arkivsaknr.: 16/929-2 Høyring - retningsliner for lokalisering av handel og kjøpesenter Vedlegg: Dok.nr Tittel på vedlegg 279139 Retningsliner lokalisering handel og kjøpesenter Bakgrunn for saka: Fylkeskommunen har lagt ut retningsliner for lokalisering av handel og kjøpesenter på offentleg høyring med frist for tilbakemelding 14. september. Saksutgreiing: Føremålet med retningslinene er å styrke eksisterande by- og tettstader, gje samfunnsøkonomisk effektiv arealbruk og legge til rette for miljø- og helsefremjande transportval. Retningslinene skal sikre at ny handelsverksemd vert lokalisert innanfor eller i tilknyting til eksisterande by- og tettstadssentra, og med god tilgjenge for gåande og syklande og med god kollektivdekking. Det langsiktige målet er å oppnå ei meir berekraftig by- og tettstadsutvikling og avgrense klimagassutsleppa. Etablering på dyrka mark bør ein unngå. Som hovudregel skal all handelsverksemd lokaliserast i sentrumsområde. Avgrensing av sentrumsområde skal vere fastsett i gjeldande kommuneplan eller i reguleringsplan. All detaljhandel skal plasserast innanfor sentrumsområde eller i område avsett for framtidig sentrumsutvikling gjennom ny heilskapleg planlegging, med vekt på statlege retningsliner for areal-, bustad og transportplanlegging. I punkt 3.4 i retningslinene står det at i byane/tettstadane Førde, Florø og Sogndal kan det etablerast «større kjøpesenter» i sentrumsområda. For kommunane i Nordfjord står det at på Sandane, Eid, Stryn og Måløy, kan det etablerast kjøpesenter med inntil 11.000 m 2 bruksareal innafor område avsett til sentrumsområde i plan. Og vidare at for alle andre tettstader er grensa fastsett i samsvar med forskrift om riktspolitiske reglar for kjøpesentra med 3.000 m 2. Økonomiske konsekvensar for Nordfjordrådet: Ingen. Sekretæren si vurdering: Føremålet med retningslinene for å styrke by- og tettstader, gje samfunnsøkonomisk effektiv arealbruk og legge til rette for miljø- og helsefremjande transportval er gode. Nordfjordrådet har også lagt vekt på nasjonale føringar for tettstadutvikling i sin strategi- og handlingsplan for 2016 og 2017. Med vekt på ein fleirkjernestruktur vil Nordfjordrådet styrke og utvikle tettstadane i regionen framover.
Det vi ikkje bør godta med retningslinene slik dei ligg føre, er at tettstadane i Nordfjord får ei avgrensing på areal på 11000 m 2. Forskrifta vart vedteken først og fremst for å hindre den negative utviklinga i dei større by- og tettstadane der store kjøpesenterområde vart etablert utanfor sentrumskjernen. Det var då ikkje storleiken på kjøpesentra som i seg sjølv var problemet, men lokaliseringa utanfor sentrumsområde som igjen tappa desse for handelstilbod og dernest svekka byane som levande samfunn. Ordlyden «lokalisering» tyder etter vårt skjønn først og fremst plassering, i den forstand at ein skal gje retningsliner for kvar varehandel og andre servicefunksjonar skal etablerast. I fylkeskommunen sine retningsliner er det lagt til grunn at kjøpesenter, som også omfattar handelsparkar, berre kan etablerast i sentrumsområdet. Vi er samde i dette styrings-prinsippet. Men at det samstundes skal vere behov for å svekke det kommunale sjølvstyret ved å setje ei arealavgrensing for storleiken på kjøpesenter som kan etablerast innanfor dette området dei neste 10 åra, er vi ikkje samde i. Dette er heller ikkje nødvendig for å nå regjeringa si målsetting om meir berekraftige og robuste by- og tettstadar. LEIAREN SI TILRÅDING: Nordfjordrådet ynskjer ikkje at det vert sett tak på kjøpesenterstorleik på 11.000 m 2 for tettstadane Sandane, Eid, Stryn og Måløy slik det er gjort framlegg om i retningslinene pkt 3.4. Nordfjordrådet vil jobbe for ei god utvikling av tettstadane framover i samsvar med føremålet i retningslinene. Nordfjordrådet meiner prinsipielt at det ikkje skal vera skilnader i fylkeskommunen sine retningsliner for kjøpesenter i Nordfjord, Sunnfjord og Sogn.
SAKSPAPIR SAKSGANG Styre, utval, komite m.m. Møtedato Saksnr Nordfjordrådet 22.08.2016 027/16 Avgjerd av: Nordfjordrådet Saksbehandlar: Birte Fossheim Objekt: Arkiv: 000 Arkivsaknr.: 16/929-3 Høyring - forslag til samanslåing av Fjordane tingrett og Sogn tingrett Vedlegg: Dok.nr Tittel på vedlegg 279145 Samanslåing av Sogn tingrett og Fjordane tingrett Bakgrunn for saka: Justis- og beredskapsdepartementet har sendt på høyring eit forslag om samanslåing av Sogn tingrett og Fjordane tingrett. Høyringsfristen er 29. august 2016. Departementet gjer framlegg om at Fjordane tingrett og Sogn tingrett vert slått saman til ein domstol med hovudsete i Førde, men vil oppretthalde dagens kontorstader/rettsstader. Namnet på den samanslåtte domstolen er foreslått å vere Sogn og Fjordane tingrett. Saksutgreiing: Eid kommune ved Alfred Bjørlo vil som tidlegare vertkommune for tingretten, lage eit framlegg til fråsegn som vert sendt til møtedeltakarane på e-post før møtet. Økonomiske konsekvensar for Nordfjordrådet: Ingen. Sekretæren si vurdering: Fråsegna frå ordføraren i Eid kommune er eit politisk innspel som ikkje treng nokon administrative vurderingar. LEIAREN TILRÅDING: Saka vert lagt fram utan tilråding.
Side 1 av14