NORDFJORDRÅDET MØTEBOK Møtedato: 30.01.2017 Møtetid: Kl. 10:00 15:30 Møtestad: Gloppen hotell Saksnr.: 001/17-003/17 Desse medlemmene møtte: Leidulf Gloppestad Kristin Maurstad til kl 15:00 Alfred Bjørlo Stig Olav Lødemel til kl 14:00 Stein Robert Osdal Sven Flo Kommune Gloppen Vågsøy Eid Hornindal Selje Stryn Forfall/møtte ikkje Kommune Følgjande varamedl. møtte Kommune Ugilde Sak i forv.lova Følgjande varamedl. møtte Møteleiar: Av rådmennene møtte: Andre: Utlevert i møtet: Orientering: Sjå sak 2/17! Sp.mål/interpell.: Synfaring: Diverse: Underskrifter: Leidulf Gloppestad Jan Kåre Fure (Gloppen), Ann Kristin Langeland (Hornindal) og Berit Wetlesen (Stryn). For rådmannen i Eid møtte plansjef Kristine Dahl Sekretær Birte Fossheim Frode Lindvik dagleg leiar i Strukturplast Synnøve Stalheim plansjef i Sogn og Fjordane fylkeskommune Annlaug Kjelstad rådgjevar fylkeskommunen Arne Kringlen - Norconsult Leidulf Gloppestad Side 1
SAKLISTE Sak nr. Sakstittel 001/17 Godkjenning av møtebok, innkalling, dagsorden og sakliste 002/17 Orienterings- og drøftingssaker 003/17 Søknad frå Nordfjord Opplæringskontor - tilskot til produksjon av video/digital marknadsføring Side 2
NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr. Nordfjordrådet 30.01.2017 001/17 Avgjerd av: Nordfjordrådet Saksbehandlar: Birte Fossheim Arkiv: Objekt: Arkivsaknr.: 17/60-1 Godkjenning av møtebok, innkalling, dagsorden og sakliste Møteboka frå Nordfjordrådet sitt møte den 2. desember i Hornindal i 2016 blir lagt fram til godkjenning. Leiaren har sett opp slik dagsorden for dette møte: 10.00 Søknad frå Nordfjord Opplæringskontor 11.15 Status arbeid med heimeside Nordfjordrådet 10.30 Fornybar region Nordfjord 2025 Grøn næringsutvikling tiltak strategi og handlingsplan 2017 Innleiar Geir Arne Solheim Forum for Grøn energi 11.45 Lunsj hos Bano 12.00 Orientering og bedriftssynfaring Bano og Strukturplast Frode Lindvik, dagleg leiar 13.00 Arbeidsverkstad omkring Strategi for senterstruktur og tettstadutvikling - Korleis utvikle ein senterstruktur og attraktive tettstader som møter den nasjonale sentraliseringa og gjev grunnlag for sterkare folkevekst? - Kva jobbar Nordfjordregionen med som kan vere bidrag inn i strategien? Prosess og arbeidsverkstad med Sogn og Fjordane fylkeskommune - Annlaug Kjelstad, Synnøve Stalheim og Arne Kringlen 15.30 Møte slutt. LEIAREN SI TILRÅDING: 1. Nordfjordrådet godkjenner møteboka frå sitt møte den 2. desember 2016 2. Nordfjordrådet godkjenner innkallinga og saklista til møte den 30. januar 2017. 30.01.2017 NORDFJORDRÅDET 001/17 VEDTAK: Side 3
1. Nordfjordrådet godkjenner møteboka frå sitt møte den 2. desember 2016 2. Nordfjordrådet godkjenner innkallinga og saklista til møte den 30. januar 2017, med tillegg av uttalesaker om: Stad skipstunnel og val av hovudvegsamband aust-vest, som som blir behandla under sak 2/17. Vedtaket var samrøystes. Side 4
NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr. Nordfjordrådet 30.01.2017 002/17 Avgjerd av: Nordfjordrådet Saksbehandlar: Birte Fossheim Orienterings- og drøftingssaker Arkiv: Objekt: Arkivsaknr.: 17/59 1. Fornybar region Nordfjord 2025 Grøn næringsutvikling tiltak strategi og handlingsplan 2017 Innleiar Geir Arne Solheim Forum for Grøn energi 2. Status arbeid med heimeside Nordfjordrådet 3. Arbeidsverkstad omkring Strategi for senterstruktur og tettstadutvikling - Korleis utvikle ein senterstruktur og attraktive tettstader som møter den nasjonale sentraliseringa og gjev grunnlag for sterkare folkevekst? - Kva jobbar Nordfjordregionen med som kan vere bidrag inn i strategien? Prosess og arbeidsverkstad med Sogn og Fjordane fylkeskommune - Annlaug Kjelstad, Synnøve Stalheim og Arne Kringlen. LEIAREN SI TILRÅDING: Saka vert lagt fram utan tilråding. 30.01.2017 NORDFJORDRÅDET 1) Leidulf Gloppestad la fram eit framlegg til uttale om rv 52 over Hemsedal Avklar spørsmålet om hovudvegsamband aust-vest vel rv 52 Hemsedal! Nordfjordrådet meiner ei avklaring om vegsamband aust-vest må kome snarast, og ikkje dra lenger ut i tid. Eit trygt og sikkert vegsamband mellom aust og vest må ta sikte på å sikre dette for heile Vestlandet. Nordfjordrådet er uroa dersom det no vert valt ei løysing som ikkje også omfamnar store delar av Nordvestlandet. Nordfjordrådet vil særleg peike på to forhold som er viktige for regionen. Medan rv 7 kan vere ei løysing for Bergen åleine, er det berre utbygging av rv 52 og E134 med «arm til Bergen» som løyser aust-vest-behova for heile Vestlandet. Saman med E39 vil denne løysinga gje nye utviklingsmogelegheiter for heile området mellom Stavanger og Ålesund - det viktigaste verdiskapingsområdet i landet Side 5
Rv 52 over Hemsedal med vidareføring til Bergen og Ålesund, vil gje Nordvestlandet langt større nærleik til sentrale deler av landet og til viktige eksportmarknader. Sambandet vil knyte kystnæringane til innlandet, samstundes som det effektivt koplar den indre delen av Sogn mot Bergen. Siste punktet er også noko Sunnmøre regionråd har peika på i sin uttale. Nordfjordrådet held fast på og vil nok ein gong framheve kor viktig det er at ein landar ned på rv 52 over Hemsedal og E134 «med arm til Bergen» som hovudvegsamband mellom aust og vest. 2) Kristin Maurstad la fram eit framlegg til uttale om Stad skipstunnel Stad skipstunnel må realiserast i fyrste 4-års periode av Nasjonal transportplan (2018-2021) Stad skipstunnel er eit nasjonalt prosjekt som vil redusere risikoen for skipsulukker, redusere ventetida for skipsfarten og legge til rette for meir sjøtransport av gods. Med ein skipstunnel gjennom Stad vil ein i tillegg kunne etablere ei samanhengande hurtigbåtrute mellom Bergen og Ålesund. Det vil opne opp for ein sterkt utvida bu- og arbeidsmarknadsregion og ha positive effektar for næringslivet på heile Vestlandet. Meir gods frå veg til sjø Det er mykje nasjonal og internasjonal næringstrafikk rundt Stad mellom annan knytt til fiskeri og havbruk, maritim industri, bergverk og turisme. For næringslivet betyr Stad skipstunnel sikre leveransar og kortare transporttid. Ei tryggare og meir effektiv skipsrute vil også legge til rette for at meir gods enn i dag kan transporterast på sjøen. Stad skipstunnel er eit heilt konkret tiltak for å nå politiske mål om å styrke sjøtransporten si konkurranseevne. Betra lønsemd for fiskerinæringa Fiskerinæringa har store verditap på grunn av vanskeleg passering forbi Stad. Ved dårlig vêr ønskjer ikkje fiskebåtar å krysse Stadhavet for å levere, grunna ventetid og redusert kvalitet av fangsten. Det blir då færre aktuelle mottaksstadar og fiskarane får dårlegare prisar. Det same gjeld oppdrettsnæringa. Til dømes har brønnbåtrederiet Rostein i gjennomsnitt tre passeringar forbi Stad kvart døgn med båtar fylt av levande laks. Blir skipa liggande vêrfast, kan kvaliteten på fisken bli dårlegare, og heile resten av verdikjeda blir ramma. I følgje Rostein er ca. 20 % av brønnbåtane forseinka på grunn av Stadhavet. Utvikling av regionen Stad skipstunnel ligg i ein region med stort potensiale for næringsutvikling, men der kommunikasjonane i dag hindrar pendling og utvikling av større bu- og arbeidsmarknader. Berre med ein skipstunnel gjennom Stad vil ein kunne etablere ei ny samanhengande hurtigbåtrute mellom Bergen og Ålesund. Eit slikt hurtigbåttilbod vil «lime saman» kysten, og det blir råd å dagpendle mellom kommunane nord og sør for Stad. Stad skipstunnel opnar opp for ein samla bu- og arbeidsmarknadsregion frå Ålesund via den maritime klynga på søre Sunnmøre til Måløy, ei av landets viktigaste fiskerihamner. Turistattraksjon Planane om verdas første skipstunnel har allereie fått stor internasjonal merksemd. Interessa vil auke både i byggeperioden og når tunnelen står ferdig bygd. Kombinasjonen av naturopplevingar og ingeniørkunst, saman med andre spennande reisemål i regionen, vil skape eit reiselivsmål som kan bli både eit regionalt og nasjonalt flaggskip (merkevarene Visit Norway/Visit Nordfjord). Side 6
Status Stad skipstunnel Kystverket ferdigstilte teknisk forprosjekt i haust, og overleverte reguleringsplan og konsekvensutgreiing (KU) til Selje kommune 12. januar. Kystverket tilrår bygging av Stad skipstunnel. Kystverket skal overlevere eit fullstendig forprosjekt til Samferdsledepartementet i mai 2017. Forprosjektet legg grunnlag for ekstern kvalitetssikring (KS2) og Stortinget si endelege handsaming av saka. Kystverket ser for seg byggestart i 2019 og at Stad Skipstunnel kan stå ferdig bygd i 2021/22. Stad skipstunnel er eit samfunnsøkonomisk lønsamt prosjekt for heile kyst-noreg. Prosjektet er «gryteklart» og må realiserast i første 4-års periode av Nasjonal transportplan (2018-2021)! 3) Ny heimeside for Nordfjordrådet Alfred Bjørlo, Ann Kristin Langeland og Birte Fossheim har sett på ulike alternativ for heimeside for Nordfjordrådet. Spørsmål er om Nordfjordrådet skal vente på avklaring om kva heimesideløysing Nordfjordkommunane vil velje. Dette blir tidlegast klart utpå våren 2017. Det er innhenta pristilbod på heimeside frå Acos, som er leverandør av kommunane sine heimesideløysingar. Prisen må ned for at deira løysing skal veljast. 4) Ungt Entreprenørskap Alle ordførarane har sagt ja til å bli med på eit prosjekt i regi av Ungt Entreprenørskap Sogn og Fjordane kalla Vårt lokalsamfunn. Dei vil delta på neste møte i Nordfjordrådet 13. mars og ordførarane får i oppgåve til neste møte å avklare kva skule som skal delta i prosjektet. 5) Programkomite Regionrådet Hallingdal kjem til Nordfjord 30. og 31. mai. Stein Robert Osdal og Kristin Maurstad deltek i planlegging av samlinga i lag med Birte Fossheim. 6) Fornybar region Nordfjord 2025 Ei arbeidsgruppe med Stig Olav Lødemel, Stein Robert Osland, Alfred Bjørlo og Birte Fossheim hadde hyra Geir Arne Solheim som er leiar i Forum for Grøn energi til å lage ein infographic til møte i Nordfjordrådet. Målplakaten gir regionen ein posisjon, og skal ha ein samlande rolle for næringsaktørar sine ulike bidrag til å gjere regionen fornybar innan 2025. Side 7
Måltala som er sett for å gjere Nordfjord 100 % fornybar innan 2025 blei godt motteke i Nordfjordrådet. Planen er no å jobbe ut mot næringslivet, og invitere til tre workshops. Arbeidsgruppa jobbar vidare med program og dato for workshops til neste møte. 7) Synfaring på Bano og Strukturplast Frode Lindvik som er dagleg leiar på Strukturplast tok i mot Nordfjordrådet, og informerte om bedrifta sitt arbeid og framtidige utviklingsplanar. Dette er ei spennande bedrift som ser stor nytte av regionalt samspel og kompetansebygging! 8) Arbeidsverkstad med Sogn og Fjordane fylkeskommune om Strategi for senterstruktur og tettstadutvikling. Deltakarar frå fylkeskommunen var Annlaug Kjelstad, Synnøve Stalheim og Arne Kringlen. Dei gjennomfører no tilsvarande arbeidsverkstader med alle regionråda i fylket. Den 31. mai skal dei ha plansmie med leiarane i kvart av regionråda. Strategien for senterstruktur og tettstadutvikling skal sendast på høyring før jul 2017. Formålet med verkstaden var å få innspel på kunnskapsgrunnlaget som fylkeskommunen har for Nordfjord, og vidare få svar på seks ulike utfordringar som strategien søkjer svar på: 1. Korleis fungerer den regionale veven av tettstader? 2. Kva skal til for å utvikle denne regionen, og gjere den meir attraktiv? 3. Kva er hovudutfordringane i denne regionen? 4. Kva er utviklingspotensialet i denne regionen? 5. Korleis kan vi utløyse utviklingspotensiale i denne regionen? 6. Korleis skape ei regional utvikling som gjev dei ulike tettstadane ei rolle? Det gjekk mykje tid til å diskutere kunnskapsgrunnlaget, og fylkeskommunen fekk med seg mange innspel her. Til dei siste spørsmåla, så er Nordfjordregionen annleis enn dei andre regionane med det at vi satsar på ei regional utvikling gjennom ein fleirkjernestruktur. I dette ligg det at vi har tettstader i regionen som er jamnbyrdige og sterke, og gjennom eit samspel i regionen skal dette bidra til vekst. Vi opplevde at fylkeskommunen anerkjente Nordfjord sin måte å tenkje regional vekst på gjennom ein fleirkjernestruktur. Nordfjordrådet har etablert ei arbeidsgruppe som ser på ei bestilling av ein analyse knytt til regionen sine moglegheiter og utviklingspotensial gjennom ein fleirkjernestruktur. Elles er Nordfjord ein sterk region innan privat næringsliv og gründerånd, og dette utviklingspotensialet er det viktig at fylkeskommunen har med seg inn i sitt strategiarbeid. Nordfjord har fire vidaregåande skular, og vi meiner fylkeskommunen må stille seg bak eit mandat der skulane får høve til å vere utviklingsmotorar, og jobbe opp mot lokalt næringsliv for å tilpasse seg regionen sitt framtidige behov for kompetanse. 002/17 VEDTAK: 1) Uttalen frå Leidulf Gloppestad om rv 52 over Hemsedal vart vedteken. 2) Uttalen frå Kristin Maurstad om Stad skipstunnel vart vedteken. 3) Det skal etablerast heimeside for Nordfjordrådet så raskt som muleg. Side 8
4) Ungt Entreprenørskap. Ordførarane avklarar kva skular som skal delta til neste møte. 5) Programkomite for Regionrådet i Hallingdal sitt besøk i Nordfjord 30. og 31. mai er Stein Robert Osdal, Kristin Maurstad og Birte Fossheim. 6) Nordfjordrådet har sett måltal om å bli 100 % fornybar innan 2025. Vi startar no arbeidet med å jobbe opp mot aktørane som gjer at vi kan levere på dette. 8) Nordfjordrådet avklarar nærare med fylkeskommunen før vi bestiller analyse av tettstadane i fylket med tanke på funksjonell fordeling og utvikling av ein fleirkjernestruktur. Vi legg vekt på sambruk av datagrunnlag og samarbeid mellom dei to prosjekta. Vedtaket var samrøystes på alle punkta. Side 9
NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr Nordfjordrådet 30.01.2017 003/17 Avgjerd av: Nordfjordrådet Saksbehandlar: Birte Fossheim Objekt: Arkiv: U01 Arkivsaknr.: 17/11-2 Søknad frå Nordfjord Opplæringskontor - tilskot til produksjon av video/digital marknadsføring Ingen vedlegg. Bakgrunn for saka: Nordfjord Opplæringskontor ynskjer å styrke rekrutteringa og fokuset på utdanning innan helsefag. I den samanheng søkjer dei Nordfjordrådet om støtte til produksjon av video/digital marknadsføring for helsefag. Saksutgreiing: Nordfjord Opplæringskontor er eit tverrfagleg opplæringskontor med nedslagsfelt i kommunane som deltek i Nordfjordrådet. Kontoret vart starta i februar 2016, og er framleis i etableringsfasen. Prosjektet skal vise fram moglegheitene ved å ta fagbrev som helsefagarbeidar, og gleda ved å jobbe i helse og omsorgssektoren. Videoane skal vere kreative med eit moderne uttrykk, og hovudmålgruppa er elevar i 9. klasse til VG2. Målsettinga med prosjektet er å bidra til at fleire vel utdanning innan helse og oppvekst, og tek læretid etter fullført 2-årig helsefagutdanning på vidaregåande skule. Økonomiske konsekvensar for Nordfjordrådet: Nordfjord Opplæringskontor vil produsere ein video og 2-3 korte snuttar til bruk på sosiale plattformer. Dei vil samarbeide med profesjonelt videoselskap om oppdraget. Dei søkjer Nordfjordrådet om kr 57.500 i støtte. Sekretæren si vurdering: Prosjektet som Nordfjord Opplæringskontor søkjer om, rettar seg inn mot fleire satsingsområde som Nordfjordrådet har sett for 2017. Vi har sagt vi skal jobbe for å auke tal læreplassar. Vi vil styrke inkludering gjennom godt tilrettelagt utdanningsprogram som er i samsvar med regionen sine behov. Vi veit at behovet for helsefagarbeidarar i regionen er svært stor i åra framover. Denne videoproduksjonen til Nordfjord Opplæringskontor er slik sett eit nyttig verktøy og bidrag inn mot tiltak som Nordfjordrådet har på planen for 2017. Om vi dekkjer dei faktiske utgiftene med produksjon av video på kr 50.000, så ser vi det som rimeleg at Nordfjord Opplæringskontor dekkjer eigen timesats innanfor eige budsjett. Side 10
LEIAREN SI TILRÅDING: Nordfjordrådet støtter Nordfjord Opplæringskontor med kr 50.000 i tilskot til produksjon av video/digital marknadsføring for helsefag. 30.01.2017 NORDFJORDRÅDET 003/17 VEDTAK: Nordfjordrådet støtter Nordfjord Opplæringskontor med kr 50.000 i tilskot til produksjon av video/digital marknadsføring for helsefag. Vedtaket var samrøystes. Side 11