BØMLO KOMMUNE Saksutgreiing til folkevalde organ Dato: Arkivref: 02.12.2008 2004/722-24036/2008 / 560 Saksbehandlar: Sverre Olav Svarstad 53 42 30 52 sverre-olav.svarstad@bomlo.kommune.no Sak nr i møte Utval Møtedato Formannskapet 09.12.2008 Kommunestyret 15.12.2008 OPPDATERING AV GRUNNLAGET FOR BØMLOPAKKEN OG SLUTTHANDSAMING AV BOMPENGESØKNAD Rådmannen sitt framlegg til vedtak: 1. Bømlo kommune godkjenner nye føresetnader og endringar i grunnlaget for Bømlo kommune sin bompengesøknad. 2. Bømlo kommune ber ordførar og rådmann drøfte med Hordaland Fylkeskommune korleis etablering av eit bompengeselskap skal gjennomførast, inkludert eventuell omdanning av Bømlo Vegselskap AS til eit bompengeselskap. 3. Bømlo kommune gjev ordførar og rådmann fullmakt til å søkje Hordaland Fylkeskommune om fylkeskommunal garanti for naudsynt låneopptak. Dokument i saka: Bømlopakken Tenleg vegnett på Bømlo kommunestyret 18.11.02 og sak PS 119/02 Bømlopakken, vurdering av alternative vegtrasear, kommunestyresak PS 05/ 54 den 20.06.05 Kommunestyresak om delvis bompengefinansiering av alternative bompengeløysingar, sak 06/20 den 03.04.06 Bømlopakken forlenging av innkrevjingsperioden for bompengar, sak PS 86/07 den 24.09.07 Bompengesøknad datert 15.11.2006 Bakgrunn for saka: Bompengesøknaden frå Bømlo kommune til Statens Vegvesen Vegdirektoratet vart sendt den 15.11.2006. Fylkestinget handsama søknaden på fylkestinget den 12.juni 2007 og bompengesøknaden ligg nå for handsaming i Vegdirektoratet. Det har pågått kontinuerlige møter mellom Bømlo kommune og Statens Vegvesen og Statens Vegvesen og Vegdirektoratet, og Bømlo kommune Statens Vegvesen og Vegdirektoratet. Fredag 28. november var det møte mellom Bømlo kommune, Statens Vegvesen og Vegdirektoratet i Oslo. Status for handsaming av bompengesøknaden er som følgjer: Det ligg føre ei prioritering av vegstrekningar med bakgrunn i godkjente reguleringsplanar eller reguleringsplanar som vil verta rettskraftige i god tid før eventuell oppstart av arbeid. Det ligg føre ei oppdatert finansiering for heile bompengesøknaden med bruk av kompensasjonsmidlar, statleg og fylkeskommunal finansiering, kommunal finansiering og bompengeinntekter som syner at Bømlopakken er gjennomførbar innafor vedteken bompengeperiode basert på oppdaterte kostnader.
Vegdirektoratet vil utarbeide proposisjonen og sende den over til Samferdselsdepartementet i februar mars 2009 med tanke på handsaming i Stortinget vårsesjonen 2009. Alternativet er at saka vert meld opp til handsaming i Stortinget før Stortinget vert oppløyst juni 2009. Då vert saka handsama i haustsesjonen 2009. Fylkestinget må handsame oppdatert grunnlag på sitt første møte i 2009. Vedtaket vert sendt over til Vegdirektoratet så snart det ligg føre. Vurderingar: I innsendt bompengesøknad er vegstrekningane prioritert som følgjer ( i samsvar med kommunestyret sitt vedtak.): Tabell 1 prioriterte riksvegstrekningar: Prioritet Vegnr. Strekning Rammekostnad 1 Rv 542 Svortland - Ekornsæter 110 mill. kr. 2 Rv 541 Stokkabekken - Rubbestadneset 83 mill. kr 3 Rv 541 Langevåg - Sakseid 159 mill. kr 4 Rv 541 Sakseid - Ekornsæter 62 mill. kr 5 Rv 542 Ekornsæter - Siggjarvåg 83 mill. kr 6 Rv 542 Røyksud - Mosterhamn 43 mill. kr Sum 540 mill. kr Tabell 2 Prioriterte fylkesvegstrekningar Prioritet Vegnr. Strekning Rammekostnad 1 Fv 14 Svortland - Økland 12 mill. kr 2 Fv 18 Urangsvåg - Brandasund 30 mill. kr 3 Fv 11 Langevåg - Eidesvik 2 mill. kr 4 Fv 19 Rubbestadneset - Rolfsnes 3 mill. kr 5 Fv 12 Sakseid - Grønnevik 5 mill. kr 6 Fv 23 Tormodsæter - Gilje 3 mill. kr sum 55 mill. kr Total kostnad er 595 million kroner. Bompengesøknaden legg til grunn følgjande finansieringsplan: Ansvarleg Sum Prosent av totalkostnaden Statlege midlar 105 mill. kr 17.5 % Fylkeskommunale midlar 30 mill. kr 5.0 % Kommunale midlar 45 mill. kr 7.5 % Kompensasjonsmidlar ( 102 mill. kr 17.0 % arbeidsgjevaravgift) Bompenger 313 mill.kr 53.0 % Til saman 595 mill.kr 100 % Status per desember 2008:
Statens vegvesen har kvalitetssikra og oppdatert kostnadsbilde og har teke utgangspunkt i at dei aktuelle vegstrekningane skal utbetrast langs eksisterande vegtrase, men likevel gjort avvik frå dette der det er openbart at nye vegtrasear er både betre og rimelegare. I ei slik vurdering er det og gjennomført ein netto nytte verdi målt i budsjettkroner. Det tek utgangspunkt i trafikk, tal på ulukker og kva slike ulukker kostar samfunnet. Med bakgrunn i ei slik oppdatering, er det viktig å justere på tidlegare prioritering som følgjer: Tabell 1 Riksvegar Prioritet Vegnr. Strekning Kostnad 1. Rv 542 Hollundskjosen - Hollundsdalen 26 mill. kr Rv 542 Hollundsdalen - Stokkabekken 82 mill. kr 2 Rv 542 Stokkabekken - Rubbestadneset 133 mill. kr Rv 542 Rundkøyring Rubbestadneset 8 mill. kr 3 Rv 542 Stokkabekken - Ekornsæter 64 mill. kr. Rv 541 Ekornsæter - Siggjarvåg 141 mill. kr 4 Rv 541 Sakseid - Hestaneset 158 mill. kr Rv 541 Hestaneset - Tjong 71 mill. kr Rv 541 Tjong - Løvegapet 27 mill. kr Rv 541 Langevåg Løvegapet ( utført ) 24 mill. kr 5 Rv 541 Ekornsæter - Sakseid 105 mill. kr 6 Rv 542 Røyksund - Eikeland 31 mill. kr Rv 542 Notland - Mosterhamn 13 mill. kr Totalt 883 mill kr. Tabell 2 Fylkesvegar: Tabell 2 Prioriterte fylkesvegstrekningar Prioritet Vegnr. Strekning Rammekostnad 1 Fv 14 Svortland - Økland 19 mill kr 2 Fv 18 Urangsvåg - Brandasund 39 mill kr 3 Fv 11 Langevåg Eidesvik ( utført ) 2 mill kr 4 Fv 19 Rubbestadneset - Rolfsnes 17 mill kr 5 Fv 12 Sakseid - Grønnevik 7 mill kr 6 Fv 23 Tormodsæter - Gilje 6 mill kr sum 90 mill kr Totalkostnad for Bømlapakken er på 973 mill kroner. FINANSIERING: Det er utarbeidd ein oppdatert finansieringsmodell basert på dei ulike finansieringskjeldene. År Anleggskostn Stat og fylkesmidlar Kompensasjonsmidlar Kommunale midlar Fylkesv midlar 2008 27 mill 12.4 mill 58 mill 9 mill 0 2009 19 mill 6.7 mill 17.2 mill 3 mill 0 2010 57 mill 0 17.7 mill 3 mill 6 mill 2011 70 mill 0 18.1 mill 3 mill 3 mill 2012 83 mill 0 18.6 mill 18 mill 3 mill 2013 57 mill 0 19.0 mill 3 mill 3 mill 2014 70 mill 0 0 3 mill 4 mill 2015 86 mill 0 0 3 mill 4 mill
2016 74 mill 0 0 3 mill 4 mill 2017 70 mill 51.0 mill 0 2 mill 4 mill 2018 71 mill 51.0 mill 0 4 mill 2019 71 mill 2020 62 mill 2021 65 mill 2022 60 mill 2023 18 mill 2024 14 mill Sum 974 mill 121 mill 148.6 mill 50 mill 35 mill Bompenger i perioden 620 mill.kr Føresetnader: Årleg prisvekst på 2.5 % Årleg trafikkvekst på 1.7 % i perioden 2011 2013 1.1 % i perioden 2014 2020 1.5 % i perioden 2020 2027 Dette er prognosetall som er sentralt bestemt og ligg på eit nivå som bør inkludere sikre marginar med omsyn til mellom anna faktisk trafikkvekst i Trekantsambandet Årleg rentekostnader på 6.5 % Utbyggingsstrategi: Bømlapakken er ein pakke. Dette er eit viktig prinsipp både med omsyn til kostnader i forhold til finansiering, men også i forhold til å kunne endre på både prioriteringar og vegparsellar. Denne fleksibiliteten er avgjerande med omsyn til å kunne både avslutte Bømlapakken dersom ein ser at inntektsgrunnlaget frå bompengar sviktar og inntektsføresetnadane frå andre finansieringskjelder vert endra. Prinsippet er at det vert bygt vegar så lenge ein ser at kostnader og finansiering stemmer. Det er derfor viktig at det vert utnemnt ei styringsgruppe som har eit overordna føremål: Styre prosessen slik at ein til ei kvar tid har kontroll med inntekter og utgifter i forhold til tilgjengeleg finansiering. I ei slik styringsgruppe må det vera representantar frå Statens Vegvesen, Bømlo kommune og Hordaland Fylkeskommune. Planstatus: For i det heile å kunne starte prosjekt Bømlapakken med bompengeinnkrevjing, må det liggje føre godkjente planar. Det må i det minste vera tilgjengelege planar for dei første åra av Bømlapakken og dei første prioriterte prosjekta. Planstatus er som følgjer: Vedtekne planar: Langevåg Løvegapet Hollundskjosen Hollundsdalen Rundkøyring Rubbestadneset Sakseid - Tormodsæter. Planar som vert vedtekne truleg i første kvartal 2009: Hollundsdalen Stokkabekken
Stokkabekken Innvær Tjong - Hestaneset Røyksund Eikeland Innvær Rubbestadneset Planar som skal ut på anbod i desember: Stokkabekken ( inkludert kryss ) Siggjarvåg ( vert delt i tre planar) Fylkesveg Stavland Grønhaug Fylkesveg Goddebrua Austvik. ØKONOMI: Kostnader: Prosjektet har etter at Statens Vegvesen har kvalitetssikra dei ulike traseane auka frå 595 million kroner til 973 million kroner. Det er ein auke på 378 million kroner eller 64 %. Av dette utgjer riksvegane 883 million kroner og fylkesvegane 90 million kroner. Det er følgjande hovudgrunnar til denne auken: Trafikken på Bømlovegane har auka sterkt dei siste åra. Nye trafikkteljingar dokumenterer slik vekst. Dagens trafikktall er framskrive for 20 år. Vegstandarden i Bømlopakken vert dimensjonert for slik vekst. Det er nye vegnormalar frå sentralt hald med særleg fokus på trafikktryggleik. Det har vore ein sterk prisvekst frå 2002 og fram til i dag. Inntekter: Statlege riksvegmidlar: Statlege riksvegmidlar er auka opp frå 105 million kroner til 121.1 million kroner, eller ein auke på 16.1 million kroner ( 15.3 %). Fylkesvegmidlar: Fylkesvegmidlar er auka frå 30 million til 35 million eller 16.7 % Kompensasjonsmidlar: Kompensasjonsmidlar er auka frå 102 million kroner til 148.6 million, ein auke på 46.6 million kroner eller 45.6 %. Dette skuldast at det er motteke om lag 58 mill så langt inklusiv løyving i 2008 på 16.8 million kroner. Vidare er det lagt til grunn ein auke av desse midlane med om lag 2.5 % i åra frå 2009 til 2013. Vegdirektoratet aksepterer at desse midlane fullt ut vert lagt inn i finansieringsplanen men på ein slik måte at utbygginga av Bømlopakken vert tilpassa det som vert sluttresultatet av denne ordninga. Det er brukt om lag 25 million kroner av desse midlane til Langevåg Løvegapet og om lag 5 6 million kroner til arbeid med planlegging av dei ulike traseane. Kommunale midlar: Kommunale midlar er auka frå 45 til 50 million kroner. Kommunale midlar består av ei årleg avsetning på 3 million kroner i 10 år samt tilbakebetaling av forskottering av Stokkajuvet på 15 million kroner. Denne er planlagt refundert i 2012. Kommunen må og justere kommunale midlar med prisstigning, lik den fylkeskommunale. Bompengar: Resterande midlar på 620 million kroner skal finansierast gjennom bompengar. Grunna sterk trafikkvekst til Bømlo vil det gje seg utslag i auka inntekter frå bompengar. Innkrevjingstida er basert på 15 år, i tråd med kommunestyret sitt vedtak. Taksten for bompengar er i gjennomsnitt ca 48 kroner per passering justert for prisstigning.
Låneopptak : Bømlapakken må finansierast med lån fram til oppstart av innkrevjing av bompengar, truleg hausten 2012 eller tidleg 2013. Det vil vert behov for eit låneopptak på godt og vel 350 million kroner. Det treng me fylkeskommunal garanti for, noko som er vanleg i slike saker. Innkrevjing av bompengar: Det er Bømlo kommune som står som avsendar av bompengesøknaden. Det er naturleg at det vert oppretta eit bompengeselskap, der Fylkeskommunen normalt skal ha aksjemajoriteten. Om Bømlo Vegselskap AS kan utvidast til å verta slikt bompengeselskap må mellom anna drøftast med Hordaland Fylkeskommune. Formelt sett er det ingen ting i vegen for at me kan velje ei slik løysing. Eigarstrukturen i selskapet må i så fall endrast. Oppsummering og konklusjon: Som det går fram av saksførelegget er det gjort mykje oppdateringsarbeid og kvalitetssikring av tallgrunnlag. Dette har ført til relativt små endringar av prioriteringa vedteke av kommunestyret. Dei endringar som er gjort er viktige og det er viktig at kommunestyret sluttar seg til desse endringane, slik at me ikkje opplever seinking av vidare handsaming av bompengesøknaden. Me opplever nå at både Statens Vegvesen og Vegdirektoratet har teke tak i Bømlapakken, og at me nå ser at me kan koma i gang med dei store viktige vegparsellane. Det kvalitetssikringsarbeidet som er gjord, både på kostnadssida og inntektssida syner at Bømlapakken er fullt ut gjennomførbar. Det ligg truleg konservative prognoser til grunn for trafikkvekst og dermed inntekter gjennom bompengar. Det er lagt inn ein rentekostnad på 6.5 % som også bør vera på den sikre tida. Viktig her vert tidspunktet for låneopptak. Totalt sett er det grunnlag for å sei at det bør vera relativ gode sikkerhetsmarginar lagt til grunn for finansiering av Bømlapakken.