TRANEVÅGEN UNGDOMSSKULE HAMRAMYRA 20 5363 ÅGOTNES Tlf. 55 09 63 00 Epost: TranevagenUngdomsskule@fjell.kommune.no TRANEVÅGEN UNGDOMSSKULE SIN HANDLINGSPLAN MOT MOBBING DEFINISJON: Det er mobbing/plaging når eitt eller fleire individ, gjentekne gonger og over tid, vert utsett for negative handlingar frå eitt eller fleire andre individ (KUD 1983) I. PLAN FOR FØREBYGGING AV MOBBING A. FØREBYGGJANDE ARBEID I SKULETIDA 1. Elevsamtalar. 2. Klasse - Respektmøte. 3. Arbeid med skuleutviklingsprogrammet RESPEKT. 4. Sjå ulike videoar om mobbing. 5. Lese bøker om emnet. 6. Turar med ei eller fleire klasser. 7. Aktivitetar på tvers av trinna. 8. Trening i å stå fram med eige arbeid (alle sitt arbeid er like verdifullt). 9. Trening i å akseptere andre sitt arbeid når dei står fram. 10. Skape vi-kjensle. Snakke saman og seie vi og oss, ikkje eg og mitt. 11. Dramatisering, rollespel, prosjekt. B. FØREBYGGJANDE ARBEID PÅ KVELDSTID 1. Elev-/foreldrekveld. 2. Foreldre temamøte. T.d. Bry-deg og/eller Mot 3. Foreldrestyrte aktivitetskveldar. 4. Kontaktmøte.
II. PLAN FOR AVDEKKING AV MOBBING 1. OBSERVASJONAR I klasseromma I friminutta. På skulevegen. 2. ELEVSAMTALAR Kontaktlærar har samtale med den einskilde elev kvar haust og vår. 3. ELEVUNDERSØKINGA 4. RESPEKTUNDERSØKINGA 5. FORELDREUNDERSØKING III. TILTAKSPLAN NÅR MOBBING VERT OPPDAGA Enkeltvedtak: I alvorlege mobbesaker, og dersom føresette ber om det, skal det gjerast enkeltvedtak i høve til 9a. Rektor / avdelingsleiar har ansvar for det. Ved mindre episodar: Ta affære på staden og marker tydeleg til kvar enkelt plagar at dette ikkje kan godtakast. Ikkje diskuter Vurder melding heim, og bruk lavterskel-prinsippet Følg opp plagarane og mobbeoffer med spørsmål om korleis det går Følg opp med foreldra Vurder å informere rektor om saka, og sei då ifrå at du gjer det Ved alvorlege episodar Informer rektor Strakstiltak, dersom situasjonen er kritisk Samtaler med offeret Samtaler med mobbarane Samtaler med føresette Arbeid over tid
Samtale med offeret 1. Start samtalen med å seie at du veit at eleven blir mobba 2. Gje eleven støtte 3. La eleven fortelje utan å presse 4. Fortel i grove trekk kva som skal gjerast og at rektor er informert 5. Sei at du skal informere vidare 6. Avtal nytt møte 7. Kontakt dei føresette til eleven Samtaler med mobbarane Individuelle samtaler: 1. Hent eleven ut frå klassen 2. Sei klart frå at du veit om mobbinga 3. Sei klart og bestemt frå at du og skulen ikkje aksepterer det og at rektor er informert 4. Spør om eleven vil seie noko (lytt og ikkje gå inn i diskusjon) 5. Gjenta at mobbinga skal ta slutt straks 6. Du kan så invitere plagaren til samarbeid, eksempelvis ved å spørje om han/ho har sett at andre plagar mobbeofferet 7. Dersom ja, spør kva eleven kan bidra med 8. Avslutt og gå med eleven til klassen Hent ut neste elev Gruppesamtale 1. Lat siste elev vente og hent dei andre 2. Sei kva du og kvar enkelt har snakka om og kva som var konklusjonen 3. Gje ros om mogleg 4. Gjenta at mobbinga tar slutt straks og at du vil følgje nøye med 5. Sei at rektor vil bli halden informert 6. Sei at dei føresette blir kontakta (til vanleg gjer ein dette) 7. Eventuelt forespeiling av problem som kan oppstå 8. Avtal nytt møte om ca. 3 dagar 9. 1-2 slike gruppemøte i tillegg er vanlegvis nok Mobbeofferet og plagarane Alternativ 1: Partane møtest etter ei tid, t.d. etter 1-2 møte med plagarane. Begge partar må førebuast. Læraren deltar på fellesmøtet. Alternativ 2: Partane møtest alt ved slutten av første møte med plagarane.
Mobbeofferet må da vite dette på førehand og være førebudd. Læraren må også kort førebu plagarane Dei føresette til mobbeofferet Forklar grunnen til møtet Spør korleis dei oppfattar situasjonen (du får da vite kor mykje dei veit) Gje støtte, ikkje gå i forsvar Marker at skulen har regien og sei generelt kva som er gjort og skal gjerast Sei at rektor er informert Dei føresette til plagarane Modell 1 Ring heim og forklar saka kort Spør om dei vil møte foreldra til dei andre plagarane, utan å seie kven dette er. Ved OK, avtal felles møte etter telefonrunden. Elles individuelle samtaler Modell 2 Kall inn dei føresette til kvar plager for seg. Eventuelt fellesmøte etterpå, sjå modell 1. Modell 3 Løys saka med plagaren utan å dra inn foreldra Prinsipp for samtaler med plagarane sine foreldre Informer kort om elevsamtalane Ver ivaretakande, - men tydeleg på at mobbinga ikkje blir akseptert Be foreldra snakke alvorleg med barna sine og følgje dei opp Avtal kontakt vidare Ansvar Kontaktlærar har ansvar for at dette vert gjort. Det er naturleg at kontaktlærar samarbeider med rådgjevar / miljøterapeut. Skriftlege notat skal leverast til rektor og avdelingsleiar..
Dersom mobbinga held fram: Ein oppfølgingsplan skal utarbeidast. Han inneheld individuelle avtalar for mobbar og mobbeoffer om ønska åtferd. Skulen og føresette lagar i samarbeid framlegg til konsekvensar for mobbaren. Tilbakemelding til føresette kvar veke. Døme på tiltak overfor mobbaren: Mobbing på skulevegen: Mobbaren må bli att etter skuletid. Dei føresette følgjer / hentar mobbaren på skulen. Mobbing i friminutta: Mobbaren blir følgd av vaksen i friminutta Mobbaren må ha friminutt til andre tider enn mobbeofferet Mobbaren sine føresette kjem til skulen og deltek i inspeksjonane Mobbing i timane: Mobbaren må byte klasse / gruppe ei tid Mobbaren blir følgd av vaksen heile tida Mobbaren sine føresette er til stades i nokre timar. Når mobbinga ikkje tek slutt sjølv om alle desse tiltaka er prøvde, kan det vere aktuelt at mobbaren byter klasse eller skule. Kontaktlærar og administrasjon avgjer i samarbeid med dei føresette om andre partar (PPT, skulehelseteneste, barnevern, politi eller konfliktråd) skal inn i saka. Arbeid i personalet Episodar og alvorlege saker skal alltid drøftast i kollegiale fora. Rektor vurderer om større deler av personalet, utover dei som er involverte, evt. om heile kollegiet skal informerast