TELEMARK FYLKESKOMMUNE SAKSFRAMLEGG VEDTAK AV "BÆREKRAFTIGE TELEMARK REGIONAL PLANSTRATEGI 2012-2016" Arkivsaksnr.: 11/5719 Arkivkode: 120 Saksbehandlar: Lene Hennum, Torbjørn Landmark Behandling i: Fylkesutvalet 23.10.2012 Fylkestinget 23.10.2012 Forslag frå fylkesrådmannen Bærekraftige Telemark, regional planstrategi 2012 2016 blir vedtatt slik den ligg føre. Kystsoneplan for Telemark, fylkesdelplan 1998 2005 opphevast Problemstillinga i få ord Fylkesutvalet vedtok i sak 11/1820 å revidere gjeldande regionale planstrategi. Telemark utviklingsforum har vore styringsgruppe for utarbeiding av Bærekraftige Telemark, forslag til regional planstrategi 2012-2016. Det har vore medverknad kommunalt, regionalt og ein ungdomsverkstad. Fylkesutvalet vedtok 14. juni 2012 å sende forslag til regional planstrategi på offentleg ettersyn fram til 17. september 2012. Det kom i alt 25 innspel. Regional planstrategi er einaste regionale plandokument som godkjennast av staten. Saksopplysningar Bakgrunn for regional planstrategi Gjeldande regionale planstrategi blei vedtatt i fylkestinget i 2009. Plan- og bygningsloven (pbl) fastslår at formålet med regional planlegging er å stimulere den fysiske, miljømessige, helsemessige, økonomiske, sosiale og kulturelle utviklinga i ein region. Som regional planmyndigheit har fylkestinget ansvaret for dette arbeidet ( 3-4). Fylkestinget skal minst éin gong i kvar valperiode, og seinast innan eitt år etter konstituering utarbeide ein regional planstrategi. Planstrategien skal vise viktige regionale utviklingstrekk og utfordringar, vurdere langsiktige utviklingsmoglegheiter, og ta stilling til kva for spørsmål som skal takast opp gjennom vidare regional planlegging. Den regionale planstrategien skal innehalde ein
oversikt over korleis dei prioriterte planoppgåvene skal følgjast opp og korleis medverknad i planarbeidet skal organiserast (pbl 7-1). Arena for samhandling Statlege og regionale organ og kommunane skal leggje den regionale planstrategien til grunn for det vidare planarbeidet i regionen. Regional planstrategi er ein arena for samhandling og gir Telemark moglegheit til å signalisere viktige satsingsområde regionalt og også relevante forventingar til staten. Organisering og prosess Organisering og framdrift blei vedtatt i fylkesutvalet våren 2011 i sak 11/1820. Her blei det mellom anna lagt opp til at Telemark utviklingsforum fekk ansvar for å revidere planstrategien. Telemark utviklingsforum har vore sett saman slik: Kommuneregionane: Grenland (2), Vest-Telemark (1), Midt-Telemark (1) og Kongsbergregionen (1) 5 NHO 1 LO 1 Høgskulen i Telemark 1 Fylkesmannen 1 NAV 1 Statens vegvesen 1 Jernbaneverket 1 NVE 1 Innovasjon Norge 1 Fylkesutvalet, Fylkesordførar (leiar) og gruppeleiarar 7 I alt 21 I prosessen er det gjennomført fire møte i Telemarks utviklingsforum, tre dialogmøte med kommunane i Telemark og ein verkstad med ungdomsrepresentantar. Rådmannen sette og ned ei intern tverrfagleg prosjektgruppe. Fylkeskommunen har laga to temahefte som inspirasjon til kommunalt og regionalt planstrategiarbeid og knytt til dialogmøte før valet og i prosessen i år. Sjå figur for framdrift: Utfordringar og prioriteringar Side 2 av 5
Regional planstrategi byggjer på tema beskrivi i dei nasjonale forventningane: klima og energi, natur, kulturmiljø og landskap, by- og tettstadsutvikling, verdiskaping og næringsutvikling, samferdsel og infrastruktur, helse, livskvalitet og oppvekstmiljø. For Telemark er det lagt til to tema som er sentrale for vår regionale utvikling; kunnskap og utdanning samt kultur og opplevingar. Sentrale utfordringar som er peika ut i prosessen er befolkningsutvikling og folkehelse, kompetanse, klimaendringar og attraktivitet for busetting, besøk og bedrifter. Prioriterte tema følgjas opp gjennom regionale planar, regionale strategiar, i handlingsplanar til gjeldande planar eller i prosjekt. Dette er beskrivi i planstrategidokumentet. Forslag til nye regionale planar og strategiar som skal utarbeidast i perioden 2012-2016 er: Regional plan for oppvekst og kompetanse Regional plan for samordna areal og transport Interregional plan for godstransport og hamn Interregional plan for Grenlandsbanen Regional strategi for kultur og kulturminner som attraksjon og identitet Regional strategi for folkehelse Høyringsprosess Høyringsutkast til regional planstrategi blei godkjent av forumet før sumaren og dokumentet blei medio juni lagt ut på høyring og offentleg ettersyn jf. planlova 7-2. Frist for høyring blei sett til 17.09.2012. Fylkeskommunen sin eigen planweb har heile tida vore oppdatert: http://plan.tm.no/regional-planstrategi 25 instansar har gjeve fråsegn. Fråsegnene er lagt ut på webben, og følgjer saka som uprenta vedlegg. Fylkesrådmannen har kategorisert og systematisert fråsegnene og gjort eit samandrag som ligg ved saka, sjå vedlegg 2. Forslag til endringar etter høyringsrunden er vurdert og nokre er innarbeidd i framlegget til planstrategi etter drøfting med Telemark utviklingsforum. Vurdering frå fylkesrådmannen Arbeidet med regional planstrategi har vore bredt forankra gjennom Telemark utviklingsforum og dialogmøte med kommunane og ungdom. Fylkesrådmannen ser at ein gjennom prosessen har synliggjort viktige utfordringar i Telemark som bør prioriterast fylgt opp i regionale planar og strategiar. Gjennom det breie samarbeidet ligg det til rette for god samhandling for gjennomføring av prioriterte satsingsområde. Høyringsinnspela bekreftar i stor grad dei føreslåtte plan- og strategiprioriteringane. Utfordringar og moglegheiter for Telemark er drøfta breitt, og prioriteringane er tufta på konklusjonar frå desse diskusjonane. Mange av innspela er synspunkt på prioriteringar i den enkelte plan/strategi. Desse innspela vil tas med ved oppstart av den enkelte plan/strategi. I høringsutkastet var det lagt opp til at Regional plan for samordna areal og transport skulle delast i to prosessar; ein for Grenland og ein for resten av Telemark, der grenlandsdelen skulle ha prioritet på grunn av bypakke-arbeidet. Det er kome innspel om at desse prosessane bør samkøyrast. Fylkesrådmannen støttar dette forslaget og legg opp til eit meir parallelt løp, men delplan for Grenland har strammare krav til framdrift. Bypakke Grenland vil vere handlingsdelen til delplan for Side 3 av 5
byområdet i Grenland, men fylkesrådmannen rår til at dei årlege handlingsprogramma utover dette blir felles for heile Telemark. I tillegg er høgfartsbanen over Haukeli meldt inn som tema frå Vest- og Midt-Telemark. Fylkeskommunen har støtta utredningsarbeidet til Norsk Bane om høgfartsbane. Konklusjonar frå dette arbeidet kan gi grunnlag for drøftingar i arbeidet med Regional plan for samordna areal og transport. Det er peika på at medverknad og løysingar om samankopling av banar og anna infrastrukturtiltak som bygger opp under næringslivets behov, må sjåast på for heile Telemark. Fylkesrådmannen støtter dette synet. Fylkesrådmannen ønskjer og medverknad frå heile Telemark i prosessen med Interregional plan for Grenlandsbanen. Det andre store satsingsområdet er Regional plan for oppvekst og kompetanse. Det er kome innspel om å legge oppvekst saman med folkehelse og også å kombinere kompetanse og skulestruktur. Med bakgrunn i folkehelseprofilen, analyser av kompetanse og drøftingar i prosessen, er det nettopp samanstillinga oppvekst-kompetanse som er meint å kunne utløyse gode resultat for fråfallsproblematikk, antal unge trygda og tydeleg satsing som kan bidra til attraktivitet for busetting, bedrifter og besøk. Ein regional plan for oppvekst og kompetanse gir rom for tverrfagleg samhandling for ei berekraftig utvikling for individ og samfunn. Det har og kome innspel om rullering av kystsoneplan og utarbeiding av regional plan for samfunnssikkerheit og beredskap, små kraftverk, klima og energi og landbruk. Fylkesrådmannen har følgjande kommentarar til forslaga: Kystsoneplanen blei vedtatt i 1998. Grenlandskommunane/v Grenlandssamarbeidet, fylkesmannen, Vekst i Grenland, Grenland Havn og NHO har alle foreslått rullering. Kystsona er attraktiv for busetting, besøk og i næringssamanheng. Kystkommunane ser på ny plan som naudsynt for å avklare vidare forvaltning i ein regional samanheng. Fylkesrådmannen er samd i dette synet, men ser ikkje at fylkeskommunen har ressursar til rullering i inneverande planperiode. Planen er utdatert og forvaltninga nyttar plan- og bygningslova, rikspolitiske bestemmelse samt dei kommunale arealplanane som reiskap i samband med arealdisponering i strandsona. Fylkesrådmannen tilrår difor at kystsoneplanen opphevas. Fylkesmannen ønskjer eigen regional plan for samfunnsikkerheit og beredskap. Fylkesmannen har så langt tatt ansvar for risiko- og sårbarheitsanalyse for Telemark (fylkesros). Denne ligg til grunn for ansvar og samhandling. Fylkesrådmannen ser behovet for ein slik plan, men meiner fylkesros en, NVE sine skred- og flomkartleggingar og regiongeologens strategi 2013-16 er tilstrekkeleg og oppmodar alle aktørar til samhandling basert på denne. Fylkesmannen foreslår ein eigen plan for vindkraft og små kraftverk. Fylkesrådmannen anser ikkje vindkraft som aktuell problemstilling nå. Når det gjeld små kraftverk må dette handsamast i kommunane sine arealdeler og problematikken bør inn i vårt prosjekt Telemark som energifylke. Fylkesmannen foreslår ein eigen plan for klima og energi. Det er bevisst ikkje lagt opp til ein eigen plan. Temaet handterast i ei tre regionale planane som omhandlar samferdsel fordi vi her har en stor moglegheit til å påverke utviklinga og redusere CO2 utslipp. I tillegg har fylkeskommunen fokus på dette i prosjekt om energieffektivisering i eigen bygningsmasse. Fylkesmannen foreslår at landbruksmeldinga som er under arbeid skal oppgraderas til ein regional plan. Det er lagt opp til at meldinga skal inngå i handlingsdelen til Regional plan for nyskaping og næringsutvikling. Fylkesmannen peiker på at landbrukstemaet omfattar meir enn næringsaspektet, dette er også halde fram av kommunane i dialogmøtene. Fylkesrådmannen merkar seg synspunkta og legg opp til at meldinga skal reflektere mangfaldet i landbruket. Landbruk vil og vere aktuelt Side 4 av 5
tema i Regional plan for samordna areal og transport (t.d jordvern), reiseliv og opplevingar (t.d. kulturlandskap og gardsturisme), oppvekst og kompetanse (t.d Søve) og vannforvaltning (t.d erosjon, forureining og tilgang på reint vatn). Fylkesrådmannen rår til å halde fokus på dei føreslegne planane og strategiane samt årlege handlingsdelar til vedtekne planar. Desse er peika på som aktuelle verktøy for å møte viktige regionale utfordringar og moglegheiter for Telemark. Vedlegg: 1 Bærekraftige Telemark, regional planstrategi 2012-2016 2 Samandrag av høyringsfråsegn Side 5 av 5