Førde kommune Jølster kommune

Førde kommune Jølster kommune Temaplan VA Moskog Industriområde Oppdrag: 523721 Dato: 02.12.2010

II Oppdrag nr. Oppdragsnamn: 523721 Reguleringsplan Moskog Industriområde Aktivitetsnr. Aktivitetsnamn: 106 Vatn og avlaup Tittel denne rapporten Dato: Sidetal: Temaplan vatn og avlaup 02.12.10 19 Oppdragsleiar hos Asplan Viak Leikanger: Nils Husabø Prosjektmedarbeidar hos Asplan Viak Leikanger: Ivar Slinde Kjell Magne Brekken Kontaktperson hos Oppdragsgjevar: Berit Holme (Førde kommune) Anne Grete Nøttingnes (Jølster kommune) Ekstrakt : Vurderingar av ulike løysingar for vassforsyning og avløpshandtering ved etablering av Moskog industriområde. Emneord og stikkord: PROSJEKTMEDARBEIDAR KONTROLLERT AV Dato sign. dato sign. 02.12.10 IS 02.12.10 KMB

III FØREORD Asplan Viak er engasjert av Førde kommune og Jølster kommune for å utarbeide reguleringsplan for Moskog Industriområde. Berit Holme (Førde kommune) og Anne Grete Nøttingnes (Jølster kommune) er kontaktperson for oppdraget. Denne rapporten tek føre seg løysingar og kostnadsoverslag for framføring av leidningar til vatn og avløp for Industriområdet. Nils Husabø er oppdragsleiar for Asplan Viak. Kjell Magne Brekken og Ivar Slinde har delteke i arbeidet med denne rapporten. Stad, dato Leikanger 02.12.2010 Ivar Slinde Prosjektmedarbeidar Kjell Magne Brekken Kvalitetssikrar

IV INNHALDSLISTE 1 INNLEIING... 1 1.1 Bakgrunn... 1 1.2 Definisjon av oppdraget... 1 1.3 Grunnlagsmateriale... 1 2 EKSISTERANDE SITUASJON... 2 2.1 Generelt... 2 2.2 VA - tilknyting Førde kommune... 2 2.3 VA - tilknyting Jølster kommune... 4 2.4 VA - lokalt på Moskog... 5 3 DIMENSJONERINGSGRUNNLAG... 7 3.1 Generelt... 7 3.2 Vatn... 7 3.3 Avløp... 8 4 ALTERNATIVE LØYSINGAR... 9 4.1 Vassforsyning... 9 4.2 Avløpshandtering... 10 5 FØRESETNADER OG GRUNNLAG FOR KOSTNADSBEREKNING... 11 5.1 Generelt... 11 5.2 Alternativ 1, Tilknyting Langhaugane, Jølster... 12 5.3 Alternativ 2, Tilknyting Farsund, Førde... 12 5.4 Alternativ 3, Lokal løysing, Moskog... 12 6 VURDERING / TILRÅDING... 13 6.1 Generelt... 13 6.2 Tilråding... 14

1 1 INNLEIING 1.1 Bakgrunn I forbindelse med utarbeiding av reguleringsplan for Moskog Industriområdet skal det lagast ulike temaplanar. Denne temaplanen tek hand om vurdering av ulike løysingar innafor fagfeltet vatn og avløp. Opparbeiding av industriområdet er delt i to etappar (kfr. reguleringskart): - 1. etappe: felt 1-3 og felt 11 og 12-2. etappe: felt 4-10 Det er tre ulike alternative løysingar: Framføring av VA leidningar frå/til Førde Framføring av VA leidningar frå/til Jølster Eigen lokal VA løysing for planområdet 1.2 Definisjon av oppdraget Rapporten skal gi ei vurdering av de ulike løysingane samt gi eit oversyn på kostnadane ved dei ulike alternativa. 1.3 Grunnlagsmateriale Som grunnlagsmateriale har vore nytta: Møte med kommune og synfaring Supplerande opplysingar frå kommunane Eksisterande oversiktskart Dimensjoneringsgrunnlag for berekning av vatn og avløp må oppfattast som rettleiande. Dimensjoneringsgrunnlaget bør vurderast nøyare før vidare detaljprosjektering vert starta opp.

2 2 EKSISTERANDE SITUASJON 2.1 Generelt Vi ser føre oss tre alternative mogelegheiter for vass- og avløpsløysingar for Moskog industrifeltet: Tilknyting til eksisterande anlegg ved Farsund bustadfelt, Førde kommune Tilknyting til eksisterande anlegg ved Langhaugane, Jølster kommune Lokal løysing på Moskog 2.2 VA - tilknyting Førde kommune Førde kommune har i dag ført fram leidningar for vatn og avløp til krysset for Farsund bustadfelt. Leidningsføring vidare frå Farsund til Moskog industriområde vil i det alt vesentlegaste gå langs E39. Tilknytingspunktet er ca 4 km frå krysset i Moskog og ligg på ca. kote 60. Vegkrysset på Moskog ligg på ca kote 65. Frå Farsund bustadfelt er det lagt avløpsleidningar ned til Førde sentrum der alle kloakkleidningar vert leia inn i nytt kloakkreinseanlegg på Øyrane. Dette vart sett i drift sommaren 2010. Kommuneplan Hovudplan vassforsyning og avløpsanlegg 1998 2006 har ikkje med noko planar for framføring av vatn og avløp til Moskog. Arbeidet med revisjon av Hovudplan VA er nyleg starta opp, og der vil det mellom anna bli teke med framføring av vatn og avløp til Moskog. I økonomiplan til Førde kommune for perioden 2011 2014 ligg det inne finansiering av vass og avløpsleidningar med pumpestasjon for kloakk frå Moskog. I desse tala er det forutsett at Statens Vegvesen byggjer gang og sykkelveg til Moskog, og at dei kommunale leidningane vert lagt i den nye gang og sykkelvegen. Statens Vegvesen har nyleg starta opp planprosessen for denne utbygginga. Omlegging/opprusting av E39 (Farsund - Moskog) og nytt kryss på Moskog vil truleg ligge 10 15 år fram i tid.

3 Tilknyting VA- Farsund Tilknyting Moskog Figur 1.Viser tilknytingspunkt ved Farsund, Førde

4 2.3 VA - tilknyting Jølster kommune Jølster kommune sitt eksisterande leidningsnett er ført fram til Langhaugane. Leidningsføring vidare til Moskog vil i det vesentlegaste måtte fylgje E 39 vidare sørover. Tilknytingspunktet er ca. 5,5 km frå krysset i Moskog og ligg på ca. kote 230. Vegkrysset på Moskog ligg på ca kote 65. I Kommunedelplan VA er det ikkje sagt noko om vidareføring av vatn og avløp til Moskog. Det er heller ikkje lagt inn finansiering av kostnader til dette i økonomiplanen. Vassenden vassverk har avgrensa kapasitet med ein produksjonskapasitet på 16 l/s. Med dei utbyggingsplanar ein har i området Bjørkelia, vil reservekapasiteten til vassverket bli såpass redusert at det ikkje vil vere tilstrekkeleg kapasitet til å forsyna det planlagde Industriområdet på Moskog. Jølster kommune har eit eksisterande kloakkreinseanlegg ved Langhaugane. Kapasiteten til dette er avgrensa. Ved full utbygging av hyttefeltet i området Bjørkelia vil reinseanlegget ha nådd den maksimale kapasiteten anlegget er dimensjonert for. Tilknyting Moskog Tilknyting Jølster Figur 2 Viser tilknyting ved Langhaugane, Jølster

5 2.4 VA - lokalt på Moskog Eksisterande busetnad på Moskog har private vassforsyningar i form av inntak av grunn - /overflatevatn og kloakkreinsing via slamavskiljarar og infiltrasjon i grunn. Det bør seinare vurderast også om eksisterande busetnad skal kunne knyte seg til det nye anlegget for Moskog industriområde. Vassforsyning Vi ser føre oss tre alternative vasskjelder for vassforsyning lokalt i området ved Moskog: Grunnvatn o Kva vasskvalitet dei private brønnane har, er for oss ukjent. Vi kjenner til at det er gjort grunnvassundersøkingar i området rundt Mo og Jølster vidaregåande skule. Desse viser høge målte verdiar av jern og mangan. Jarn og mangan er svært vanskeleg å fjerna, sjølv med avanserte og dyre reinsemetodar. o Viss konklusjonen er at vassforsyning skal skje lokalt i område på Moskog i form av grunnvassbrønnar, bør vasskvaliteten kartleggast nærare før ein tek endeleg avgjerd om grunnvatn kan nyttast som vasskjelde. Ei slik kartlegging må gå over ein lengre tidsperiode, gjerne to år. Overflatevatn 1 Inntak i vatn o Vasskvaliteten i Åsvatnet og Holsavatnet har ikkje, så langt vi kjenner til, blitt kartlagt tidlegare med omsyn til om det kan nyttast som drikkevasskjelde. o I samband med utbygging av Førde vassverk er vasskvaliteten i Movatnet kartlagt. Movatnet vert i dag nytta som reservevasskilde til Førde vassverk ved at det vert pumpa opp til reinseanlegget før vatnet går vidare ut på nettet. Movatnet vert også nytta som drikkevasskjelde til Mo og Jølster vidaregåande skule. Vi har grunn til å tru at vasskvaliteten i Movatnet også er representativ for vasskvaliteten i Åsvatnet og Holsavatnet. På grunn av stor landbruksaktivitet rundt desse to vatna kan det vise seg at vasskvaliteten er dårlegare enn i Movatnet. Vasskvaliteten bør derfor kartleggast nærare med omsyn til om vatna kan vere aktuelle som drikkevasskjelde. Overflatevatn 2 Inntak frå elv o Ved Stakaldefossen er det i dag eit kraftverk som vert drive og eigd av Sunnfjord Energi AS. Dette har vassinntak frå demning i Jølstra som ligg på ca. kote 100. o Vi kjenner til at det tidvis er påvist høgt innhald av bakteriar i Jølstra. Dette skuldast menneskeleg aktivitet, så som utslepp av kloakk, beitedyr, landbruksaktivitet o.l. o Før ein ser nærmare på om dette vatnet kan nyttast som drikkevassforsyning, må vasskvaliteten også her kartleggast.

6 Avløpshandtering Avløpshandtering kan løysast ved at alt avløpsvatn frå industrifeltet på Moskog vert reinsa i eit fullverdig biologisk / kjemisk reinseanlegg. Reinseanlegg i denne storleik må stetta krava etter 13 i Forureiningslova. Kommunen er forureiningsmyndigheit for anlegg av denne storleik. Resipient vil vere elva Jølstra. Verksemder som ynskjer å etablerar seg på industriområdet, der aktiviteten kan føre til at avløpsvatnet inneheld olje eller feitt, må det stillast krav om olje eller feittutskiljar. Dette gjeld både for lokal reinseløysing og om avløpet vert pumpa mot eksisterande anlegg.

7 3 DIMENSJONERINGSGRUNNLAG 3.1 Generelt På grunnlag av det vi har til no, er det vanskeleg å seie eksakt kva som skal leggjast til grunn for dimensjoneringa, både når det gjeld vassforsyning og dimensjonering av avløpsreinseanlegg (tal pe). Når det gjeld vassforsyning vil det naturleg vere omsynet til nødvendig brannvassforsyning for industriområdet som vert dimensjonerande. På avløp reknar vi med at belastninga samsvarar med krava til 13 i Forureiningslova. Det vil seie utslepp av kommunalt avløpsvatn med samla utslepp frå mindre enn 2000 pe til ferskvatn. 3.2 Vatn På eit industriområde av denne typen er det vanskeleg å seie noko om kva verksemder som kjem til å etablere seg og kva vassforbruk desse vil vere avhengige av. Derfor har vi valt å sjå på kva det vert stilt krav om når det gjeld brannvassforsyning og nytte dette som dimensjonerande vassmengd. Ut frå gjeldande teknisk forskrift (TEK 10) kan ein trekke desse konklusjonane: I bustadområde og liknande med liten spreiingsfare (meir enn 8 meter mellom bygningar, spreidd busetnad): o Tankbil kan vere tilstrekkeleg slokkevasskjelde dersom kommunen disponerar eigna tankbil I område med konsentrert bustadbygging utanfor sentrumsområde (bustad med gesimshøgd lågare enn 8 m og mønehøgd lågare enn 9 m). Krav til brancelledeling og brannseksjonering er tilfredstilt: o Minimum 20 l/s Andre bygg: o Minimum 50 l/s fordelt på minst 2 uttak. Krav til vasstrykk: o Ved desse slokkevassmengdene bør det vere minimum 1,0 bars trykk på hovudleidningen ved uttaket. Ved krav til sprinkling: I områder som vert regulert til verksemd der sprinkling vert aktuelt, skal kommunen syte for at det er tilstrekkeleg vassforsyning til å dekke behovet. Det betyr at for å tilfredstille krava til naudsynt brannvassforsyning må vi ha som utgangspunkt minimum 50 l/s fordelt på 2 uttak og 1,0 bars trykk.

8 For å kunne ivareta kravet til nok brannvatn vil det vere naturleg å få på plass eit høgdebasseng. Dette vil også sikre betre stabilitet og sikkerheit i vassforsyninga til heile industriområdet. Høgdebassenget må ha ei plassering så høgt i terrenget at det sikrar tilstrekkeleg vasstrykk i industriområdet. Ved alternativet med vassforsyning frå Farsund bustadfelt vil etablering av eit høgdebasseng leie til at ein kan ta omsyn til dette ved dimensjonering av vassleidningen mellom Farsund og Moskog. 3.3 Avløp Moskog industriområde skal opparbeidast i to byggesteg. Første byggesteg er opparbeiding av felt 1, 2, 3, 11 og 12. Seinare byggesteg omfattar opparbeiding av felt 4 10. Dette fører til ei utfordring, spesielt når det gjeld dimensjonering av avløpsreinseanlegg ved lokal løysing og kor mange pe (personekvivalentar) ein skal dimensjonere anlegget for. Leidningsanlegg for avløp lokalt på Moskog industriområde vil bestå av Ø160 avløpsrøyr. Dette vil dekke maks utbygging av industriområdet. Det lokale leidningsanlegget på Moskog vil vere oppbygd på same måte ved alle dei tre alternativa som er belyst. Avløp mot Førde Leidningsanlegg for avløp vil bestå av Ø160 avløpsrøyr. Traseen leggast i same grøft som vassleidningar, med sjølvfall kombinert med pumping. Det er liten høgdeskilnad på strekninga, men det er nokre høgbrekk som avløpsvatnet må pumpast over. Avløp mot Jølster Heile avløpsleidningen mot Jølster må leggast som pumpeleidning. Høgdeskilnad mellom krysset på Moskog og avløpsreinseanlegg ved Langhaugane er ca 170 høgdemeter. Høgdeskilnaden og det at trassen er lenger vil medføre ein høgare kostnad for å transportere avløpsvatnet mot Jølster enn mot Førde. Lokal løysing på Moskog Kostnadsoverslaget for lokal løysing må ta omsyn til montering av eit lokalt avløpsreinseanlegg. Vi har valt å ta utgangpunkt i eit reinseanlegg som er dimensjonert for 200 pe med mogelegheit for seinare utvidingar til 400 500 pe. Reinseanlegget må vere eit fullreinseanlegg med biologisk / kjemisk reinseprosess og tilfredstille krava til 13 i Forureiningslova.

9 4 ALTERNATIVE LØYSINGAR 4.1 Vassforsyning 1. Tilknyting Langhaugane, Jølster Drøftingane vi har gjort i avsnitt 2 viser at eksisterande vassverk ikkje har kapasitet til denne utbygginga. Vi vel derfor å sjå vekk frå alternativet med å føre vassleidningar frå Vassenden vassverk til Moskog industriområde. Vi viser kostnadsbiletet av leidningsanlegget, men kostnadane for å utvide vassverket er ikkje vurdert, sidan vi ser det som urealistisk. 2. Tilknyting ved Farsund bustadfelt Reduksjonskum (V2) ved Farsund bru på ca kote 40 har eit trykk ut på 8,2 bar (82 mvs) Tilknytingspunkt ved Farsund bustadfelt ligg på ca kote 60 Høgste utbyggingsfelt på Moskog (felt 1) ligg på ca kote 105 Naudsynt plassering av høgdebasseng ca kote 140 Det vil sei ein statisk høgdeskilnad mellom Farsund bru og høgdebasseng på totalt ca 100 meter. Med tilgjengleg trykk på 8,2 bar (82 mvs) i eksisterande kum 2 ved Farsund bru vil det vere behov for å auke trykket på strekninga. Leidningsanlegget vil dermed omfatte: Føre fram nye vassleidningar frå Farsund bustadfelt (Førde) til Moskog (føreset samhandling med Statens Vegvesen): o Ny vassleidning frå Farsund til Moskog lagt i gang og sykkelveg ca 4 km o Trykkaukestasjon o Høgdebasseng minimum 200 m³ o Intern leidningsføring på industriområdet 3. Intern vassforsyning på / for Moskog industriområde Det er ulike drikkevasskjelder som kan vere aktuelle (val av drikkevasskjelde må basere seg på dokumentert vasskvalitet, forsyningssikkerheit m.m.): Grunnvatn Overflatevatn Åsvatnet eller Holsavatnet Overflatevatn via kraftstasjon (Jølstra) Leidningsanlegg vil dermed omfatte: Naudsynte pumpeanlegg Vassbehandlingsanlegg tilpassa val av vasskjelde Høgdebasseng 200 m³ Intern leidningsføring på industriområdet

10 4.2 Avløpshandtering 1. Tilknyting Langhaugane, Jølster Drøftingane vi har gjort i avsnitt 2 viser at eksisterande avløpsreinseanlegg ikkje har kapasitet til denne utbygginga. Vi vel å sjå vekk frå alternativet med å transportere avløpsvatnet frå Moskog industriområde til kloakkreinseanlegget ved Langhaugane. Vi viser kostnadsbiletet av leidningsanlegget, men kostnadene for å utvide kloakkreinseanlegget er ikkje vurdert, sidan vi ser det som urealistisk. På grunn av høgdeskilnaden (frå ca kote 60 til ca kote 230) vil ein også bli påført ein meirkostnad (fleire pumpetrinn og auka trykklasse på pumpeleidning). 2. Tilknyting ved Farsund bustadfelt Leie avløpsvatnet til eksisterande kum ved Farsund bustadfelt ved hjelp av sjølvfall kombinert med pumping Legge avløpsleidningar frå Moskog industriområde til eksisterande kum ved Farsund bustadfelt i same trase som vassleidningar med sjølvfall til Movika Pumpestasjon ved Movika for pumping til eksisterande kum ved Farsund Intern leidningsføring på industriområdet 3. Lokal løysing på / for Moskog industriområde Etablere nytt avløpsreinseanlegg på Moskog industriområde Nytt avløpsreinseanlegg med mogelegheit for seinare utvidingar Jølstra som resipient Søke nytt utsleppsløyve Intern leidningsføring på industriområdet

11 5 FØRESETNADER OG GRUNNLAG FOR KOSTNADSBEREKNING 5.1 Generelt Kostnadsoverslag er basert på gjennomsnittskostnader ut frå erfaringar med liknande anlegg dei siste åra. Det er ikkje gjort detaljert masseberekning, og det er ikkje gjort grunnundersøkningar i leidningstrasear. Det er rekna med tilkøyring av omfyllingsmasse for alle leidningstrasear. Teoretisk grøft- og leidningslengder er målt på økonomisk kart i målestokk 1:5000. For å kompensere for terrengtilpassing er det lagt til 5% til dei teoretiske lengdene. I kostnadene for den einskilde anleggsdel er det elles medrekna alle kostnader som skal til for at anleggsdelen er komplett. Det er ikkje teke med leidningsnett for eventuell tilknyting av eksisterande busetnad i området. Det som er med av leidningsanlegg er hovudleidningane for dei løysingane som er skisserte dvs. Hovudleidningar for vatn for å få vatnet fram til høgdebassenget o Her er det med forsyningsleidning frå basseng til felta der denne ligg i same grøft som hovudleidningen o Forsyningsleidningar til dei ulike utbyggingsfelta Hovudleidningar for avløp med pumpestasjon Avløpsreinseanlegg for lokal løysing Ut frå dei lokale tilhøva, aktivitetsnivå i anleggsbransjen ved tilbodshenting osb, reknar ein med ei usikkerheit i kostnadsrekninga på +/- 20 %. Investeringsavgift og kostnader til renter i byggetida, grunnerstatning og eventuelle skjøn er ikkje teke med. Vi har heller ikkje teke med sakskostnader med omsyn til PBL, søknad Mattilsynet, utsleppsløyve osv. Alle kostnader refererer seg til september 2010. Utrekning av investeringskostnad Anleggskostnadene er rekna ut som summen av kostnadene for dei einskilde anleggsdelane med tillegg for tilrigging og andre generalomkostingar. Med grunnlag i dei utrekna anleggskostnadene, har ein rekna uspesifiserte kostnader, administrasjon (vi har ikkje vurdert kostnader til planlegging og byggeleiing): Summen av dei einskilde anleggsdelar + Generalkostnad: 10% av summen av dei einskilde anleggsdelar + Uføresett: 20% av summen av dei einskilde anleggsdelar = Anleggskostnad

12 5.2 Alternativ 1, Tilknyting Langhaugane, Jølster Leidningsanlegg vatn og avløp 5500m x kr.3000,00/m 16 500 000 Pumpestasjon avløp 1 500 000 Utviding vassverket xxx xxx Utviding avløpsreinseanlegg xxx xxx Leidningsanlegg lokalt, Moskog 7 900 000 Pumpestasjon avløp, Moskog 100 000 Høgdebasseng 200 m³ 1 000 000 Driftskontrollanlegg 200 000 Sum anleggsdelar 27 200 000 Generalkostnad 10 % 2 720 000 Uføresett 20 % 5 440 000 Anleggskostnad Eks. off. avgifter 35 360 000 5.3 Alternativ 2, Tilknyting Farsund, Førde Leidningsanlegg vatn og avløp 4000m x kr.3000,00/m 12 000 000 Pumpestasjon vatn 500 000 Pumpestasjon avløp 800 000 Leidningsanlegg lokalt, Moskog 7 900 000 Pumpestasjon avløp, Moskog 100 000 Høgdebasseng 200 m³ 1 000 000 Driftskontrollanlegg 200 000 Sum anleggsdelar 24 000 000 Generalkostnad 10 % 2 400 000 Uføresett 20 % 4 800 000 Anleggskostnad Eks. off. avgifter 31 200 000 5.4 Alternativ 3, Lokal løysing, Moskog Leidningsanlegg lokalt 7 900 000 Pumpeanlegg vatn 500 000 Pumpestasjon avløp 100 000 Høgdebasseng 200 m³ 1 000 000 Avløpsreinseanlegg Moskog 2 000 000 Vassbehandlingsanlegg 5 000 000 Kartlegging av vasskjelde xxx xxx Søknader PBL, Mattilsyn osv xxx xxx Driftskontrollanlegg 200 000 Sum anleggsdelar 16 500 000 Generalkostnad 10 % 1 650 000 Uføresett 20 % 3 300 000 Anleggskostnad Eks. off. avgifter 21 450 000

13 6 VURDERING / TILRÅDING 6.1 Generelt Kostnadsrekninga viser at den dyraste løysinga er alternativ 1. Dette sjølv utan å ha rekna med utviding av kapasiteten på Vassenden vassverk og avløpsreinseanlegget ved Langhaugane. Den vidare vurderinga må derfor bli, om ein skal gå for alternativ 2 eller alternativ 3. Differansen mellom desse to alternativa er ca 7,5 mill. der alternativ 3 med lokal løysing på Moskog kjem billigast ut. Det er grunn til å tru at denne differansen vert mykje mindre eller heilt vekke når ein tek med kostnader for drikkevasskartlegging, søknad til Mattilsynet, søknad om utsleppsløyve, resipientvurdering osv. For utbygging av alternativ 2 er det lagt til grunn ei samhandling med Statens Vegvesen. Dette kan bli ei utfordring, då det pr i dag ikkje er tidfesta kor tid vegen skal utbetrast og i kva omfang utbetringa vil få. Truleg vil arbeidet med utbetring av vegen ligge 10 15 år fram i tid. Det største usikkerheitsmomentet for alternativ 3 er kva drikkevasskjelde som kan vere aktuell ved lokal løysing. Dette er ikkje vurdert i denne rapporten, men vi anbefalar at dette kartleggingsarbeidet vert starta opp så snart det er praktisk mogeleg. Vi kan oppsummere fordeler og ulemper ved dei to alternativa slik: Alternativ 2: Tilknyting kommunalt anlegg, Førde Fordeler o Godkjent kvalitet på vassforsyninga. Føresetnadane for anlegget er kjent. o Avløp til nytt og moderne avløpsreinseanlegg i Førde o Utslepp til godkjent resipient o All busetnad på strekninga Farsund Moskog vert knytt til (både vatn og avløp) o Lågare driftskostnader (drifting av pumpestasjonar er rimelegare enn reinseanlegg) Ulemper o Investeringskostnad o Lange tilførselsleidningar o Framdriftsplan (avhengig av samhandling med Statens Vegvesen) Alternativ 3: Lokal løysing på Moskog Fordeler o Investeringskostnad Ulemper o Usikker vasskvalitet på drikkevasskjelde (må kartleggjast) o Driftskostnader (vassbehandlingsanlegg og avløpsreinseanlegg) o Resipient o Får ikkje knytt til eksisterande busetnad mellom Farsund og Moskog

14 6.2 Tilråding Ut frå ei total vurdering slik vi kjenner situasjonen pr i dag vil vi tilrå at anlegget vert utbygd etter alternativ 2. Sjølv om dette er dyrare enn alternativ 3 har vi lagt vekt på fordelane med at ein slepp drifting av nye reinseanlegg. Vi har også oppfatta det slik, at litt av poenget med utbygginga er å få knytt til seg eksisterande busetnad på strekninga mellom Farsund og Moskog. Det knyter seg også noko usikkerheit til kva kostnader ein kan verte påført, med dei søknadsprosessane og kartleggingane ein må gjennomføre, ved ei lokal løysing. Kommentar: - Dersom Førde kommune uansett vil forlengje anlegget sitt til Movika, vil kostnadane med vidareføring av anlegget til Moskog kome rimelegare ut. Tilknytingspunktet vert dermed ca 1 km nærmare Moskog. - Det er også knytt stor usikkerheit i høve til når Statens Vegvesen vil starte opp med utbetring av E39. Dette gjer det vanskeleg å sei noko om framdrifta. - Dersom Førde kommune i samband med opparbeiding med Moskog industriområde pressar fram ei løysing med VA langs etter E39 kan dette kanskje framskunde prosessen med val av løysing og framdrift for E39. - For ei lokal løysing er det avgjerande å få kartlagt kvaliteten til aktuelle drikkevasskjelder. Dette er ein kartleggingsprosess som må går over ei viss tid, gjerne eit par år. - Vi kjenner til at det ved tidlegare undersøkingar av vasskvalitet i området ved Mo og Jølster Vidaregåande skule er avdekka høgt innhald av jarn og mangan. Vi har grunn til å tru at problemet er det same i området rundt Moskog. Dette er to ureiningskjelder det er vanskeleg å fjerna, sjølv med avanserte og dyre reinsemetodar. - Overflatevatnet i området er sannsynleg påverka/ureina av høg landbruksaktivitet i tilknyting til å nytte overflatevatn som drikkevasskjelde.