Stordal kommune STORDAL KOMMUNE VEDTEKTER FOR NÆRINGSFONDET Vedteke i kommunestyret 27.06.2012 Postadresse: Kommunehuset 6250 Stordal Besøksadresse: E-post postmottak@stordal.kommune.no Telefon 70 27 91 00 Telefaks 70 27 91 01 Organisasjonsnr. 964 980 276
Desse vedtektene er utarbeidde på grunnlag av retningsliner gjeve i vedtak i sak 22/03 i Nærings- og miljøutvalet i Møre og Romsdal fylkeskommune. 1 Forvaltning av fondet: Næringsfondet i Stordal kommune er finansiert ved hjelp av løyvingar frå Fylkeskommunen, jf. ovanfor. Tiltaksnemnda skal fungere som styre for fondet. Søknader om stønad frå fondet skal vere skriftlege, så langt det er praktisk mogleg på eige søknadsskjema. Dette er tilgjengeleg på Servicekontoret i rådhuset, eller kan lastast ned frå kommunen si heimeside på: www.stordal.kommune.no Søknader bør innehalde rekneskap, budsjett, aktuelle kostnadsoverslag, finansieringsplan, beskriving av forretningssiden og ei vurdering av marknaden. Krava til søknaden må tilpassast det einskilde prosjektet. Alle søknader om stønad skal avgjerast av styret for fondet etter tilråding frå administrasjonen. Tilrådinga skal skje utifrå ei kvalitetsmessig vurdering av det einskilde prosjektet. Ved handsaming av kompliserte saker bør administrasjonen bruke fylkeskommunen og andre faginstansar til rettleiing. Fondsmidlane skal plasserast på rentebærande konto slik at midlane er disponible til ei kvar tid. Budsjett og rekneskap for fondet skal vere integrert i rekneskap og budsjett for kommunen i samsvar med gjeldande forskrifter. 2 Stønadsformål: Næringsfondet kan nyttast til både bedriftsretta tiltak og til generelle tilretteleggande tiltak i regi av kommunen eller andre organisasjonar. Prosjekt som betrar sysselsetjingstilhøva for kvinner, ungdom og ulike innvandrargrupper skal prioriterast. Det vert i utgangspunktet ikkje gjeve stønad frå næringsfondet til organisasjonar/stiftingar som ikkje har eit klart hovudformål å drive næringsverksemd. Unntaksvis kan det gjevast slik stønad om organisasjonen/stiftinga kan dokumentere at stønaden vil få klart dokumenterbare og ikkje ubetydelege ringverknader for kommunen sitt næringsliv. Dette inneber at perifere og/eller ubetydelege ringverknader ikkje er tilstrekkeleg for å motta støtte frå det kommunale næringsfondet. Søknader som gjeld prosjekt innan landbruk eller tilleggsnæringar innan landbruk, skal først sendast Innovasjon Norge til handsaming/avgjerd før søknaden ev kan handsamast av Side 2 av 6
kommunen. Grunngjevinga for dette er at det innan IN fins eigne støtteordningar på desse områda, også for prosjekt under gjeldande kapitalbehovsgrense, f.t. kr 300.000,-. Ved reduserte/knappe tilskotsmidlar skal søknader knytt til nyetableringar- og søknader/prosjekt som gir flest arbeidsplassar prioriterast. EIN KAN GJE STØTTE TIL FYLGJANDE FØREMÅL: - Kommunalt tiltaksarbeid: T.d. næringsplanlegging, etablerarprosjekt, samarbeid skule/næringsliv, stadsutviklingsprosjekt, ulike utgreiingar/analyser og marknadsføring av Stordal kommune som etableringsstad. - Investeringar i bedrifter: T.d. utstyr/maskiner ved oppstart- og utviding av mindre bedrifter. - Bedriftsutvikling: Opplærings- og produktutvikling, marknadsundersøkingar og marknadstiltak, marknadsføring og planlegging. Det vert ikkje gjeve tilskot til opplæring i bedrift ved bruk av eigne tilsette. Det vert ikkje gjeve tilskot til prosjektering/planlegging av private hyttefelt. Oppstart av ny næringsverksemd: Etableringstilskot: Det kan løyvast eit spesielt tilskot i samband med etablering av næringsverksemd i leigde lokaler, tufta i utgifter etablerar har til 1.års husleige. Tilskotet skal ikkje overstige kr 50.000,- pr mottakar. (Når tilskotet er knytt til storleiken på leigekostnad 1.året, er dette utifrå ei formeining om at denne leigekostnaden gir eit rimeleg uttrykk for framtidig aktivitetsnivå. Tilskotet vert såleis ikkje å sjå på som tilskot til drift). Side 3 av 6
Etableringstilskot vert ikkje gitt til leige av lokale i eigen bustad. Tilskotet vert å utbetale når verksemda er etablert/registrert i Brønnøysundregistra og underteikna leigekontrakt ligg føre. Det kan og gjevast tilskot til andre føremål av betydning for utviklinga av næringslivet i Stordal kommune. BEGRENSINGAR/KRAV TIL STØNAD: Det kan ikkje løyvast midlar til ordinær drift, inkludert finansiering av kommunen sine ordinære oppgåver i næringsutviklingsarbeidet. Det kan ikkje gjevast stønad til fysiske infrastrukturtiltak i kommmunen. Ein kan som hovudregel ikkje gje stønad til firma, nystarta eller eksisterande, som vidarefører aktiviteten til verksemder som nyleg har gått konkurs, nyleg vart lagt ned eller seld. Det kan maksimalt løyvast kr. 300.000,- til same verksemd over ein periode på 3 år. I saker der tilskot til investering vert gitt, kan kommunen krevje tilskotet tilbakebetalt dersom investeringsobjektet vert seld innan 3 år. Ein kan ikkje gi stønad til gjeldssanering. Søkjarar som får tilskot på stønadsformer med krav om dokumentasjon på utgifter, må legge dette fram for rådmannen før utbetaling kan skje. Dette gjeld alle stønadsformer, unntatt for etableringsstipend. Dokumentasjon må leggast fram innan 1 år etter at tilsegner vart gitt, med mogleg forlenging etter særskilt søknad. I dei høve det kan vere mogleg å tilkome støtte frå andre eksterne støtteordningar, skal desse søkjast på før søknad om næringsfondsmidlar kan handsamast i kommunen. 3 Stønadsformer: Stønad kan gjevast som tilskot. Midlane kan ikkje nyttast til garantiar eller til kommunal aksjeteikning i private bedrifter. Side 4 av 6
4 Stønadsvilkår: Samla stønad frå næringsfondet skal som ovudregel ikkje vere over 50% av kapitalbehovet til prosjektet. Om midlar frå næringsfondet kjem i tillegg til tilskot frå distriktspolitiske verkemiddel som vert forvalta av fylkeskommunen eller SND/KAD, skal samla stønad ikkje overstige desse grensene. 5 Kapitalbehov for prosjekta: Vurderinga ut over fastsatte grenser for kapitalbehov, vert gjort av fylkeskommunen i tilsegn om årleg påfylling av næringsfondet. Prosjekt med kapitalbehov innanfor desse grensene skal vurderast og evt. finansierast lokalt. Ei bedrift kan motta til saman 100.000 EURO i begatellmessig stønad over ein 3-års periode. 3-årsperioden vert rekna frå det tidspunktet ei bedrift mottek bagatellmessig stønad for første gong. Dei nedanforståande grensene for kapitalbehov skal nyttast. Dei grensene som til ei kvar tid er bestemt av fylkeskommunen, skal også gjelde for Stordal kommune sitt næringsfond. Maksimalgrensene for kapitalbehov for bedriftsretta tiltak utgjer i dag kr. 300.000,-. Dersom eit bedriftsretta tiltaket/prosjekt inneheld fleire delelement (etableringstilskot, bedriftsutviklingstilskot eller invisteringstilskot) skal det samla tilskotet maksimalt kunne utgjere kr.150.000,-. For kommunale prosjekt/kommunalt tiltaksarbeid skal det til eit einskild prosjekt maksimalt kunne nyttast inntil halvparten av årets tildeling frå fylket. 6 Næringsplan: Det er utarbeidd ein strategisk næringsplan for Stordal kommune med mål, strategiar og tiltak for kommunen sitt arbeid innan næringsutvikling. Næringsplanen skal gå inn som ein del av kommuneplanen, og bør takast opp til drøfting i tiltaksnemnda kvart år i samband med årsmeldinga for næringsfondet. Behov for hovudrullering bør avgjerast av tiltaksnemnda. Planen er vedtatt av tiltaksnemnda og formelt godkjent av kommunestyret. 7 Årsmelding og rekneskap: Side 5 av 6
Kommunen rapporterer årleg til departementet om bruken av mottatte næringsfondsmidlar. Kopi av rapporten vert å legge fram for kommunestyret som melding i samband med kommunestyret si årlege handsaming av rekneskap og årsmelding for kommunen. 8. Forvaltningsklage, jf. forvaltningslova 28. Vedtak om avslag på søknad om stønad må sjåast på som einskildvedtak etter forvaltningslova 2. Etter forvaltningslova 28, 2. ledd kan einskildvedtak gjort av forvaltningsorgan oppretta i medhald av kommunelova, påklagast til kommunestyret eller ei særskilt klagenemnd. Klagerett har den som er part i saka eller annan med rettsleg klageinteresse. Klagefristen etter forvaltningslova 29 er 3 veker frå det tidspunkt underretning om vedtaket er nådd fram til parten. Klageorgan er kommunestyret. Side 6 av 6