RETNINGSLINER FOR NÆRINGSFONDET I GOL KOMMUNE.

Transkript

1 RETNINGSLINER FOR NÆRINGSFONDET I GOL KOMMUNE. 1 Kraftfond Heimel, kapital og avkasting. Alle konsesjonsavgifter, renter og anna avkasting skal bli tatt til inntekt for kraftfond og må disponerast i samsvar med vedtektene. Det er ikkje høve til å opprette eige fond for delar av kommunen eller for spesielle næringar, med mindre dette er klart føresett i konsesjonsvilkåra. 2 Føremål. Næringsfondet skal fyrst og fremst nyttast til næringsføremål, i form av vidareutvikling av eksisterande verksemd og etablering av ny næringsverksemd.. Dette inkluderar også investeringar i kommunale og regionale fellestiltak. Døme på prosjekt som kan støttast er følgjande: Kommunalt tiltaks- og næringsarbeid t.d.næringsplanlegging, etableringsprosjekt, samarbeid skule/næringsliv og stadsutviklingsprosjekt. Fysisk tilrettelegging for næringsverksemd t.d. kommunal tilrettelegging av næringsareal, fysisk stadsutvikling og infrastruktur. Bedriftsutvikling t.d. etablerarstipend, opplæring, produktutvikling, marknadsføring, marknadsundersøking og planlegging. Investering i bedrifter t.d. utstyr, maskiner og bygningar ved oppstart eller utviding av bedrifter. Det kan ikkje gjevast stønad til sanering av gjeld eller løpande drift i private verksemder. Midlane kan heller ikkje nyttast til løpande drift av kommunen med unntak av avdrag til lån og avlønning av tiltakskonsulent/næringssjef. Utover dei prioriteringane som er gjort i Strategisk næringsplan, bør alle næringar stillast likt ved tildeling frå næringsfondet. Tiltak som bidreg til auka sysselsetting for kvinner og ungdom i kommunen skal bli gitt prioritet.

2 3 Stønadsformer Næringsfondet kan etter nærare spesifikasjoner nyttast til: Lån og garanti for lån Tilskot Fondet bør ikkje nyttast til å teikne aksjar og andelar i privat næringsverksemd. Kommunen vil lett kome i ei uheldig dobbeltrolle som ansvarleg for både investering/drift og tilskot/lån. Stønad ved t.d. nyetablering kan i staden bli gitt som tilskot eller ansvarleg/betinga lån. Det kan stillast garanti for kommunale tiltak i den grad slike er gyldige garantiføremål med omsyn til kommunelova 6-51 jf. Departementets forskrift om kommunal garantistilling. 4 Forholdet til internasjonale avtaler i høve til statsstøtte. Stønaden må vere i samsvar med det internasjonale regelverk som Noreg har slutta seg til på statsstønadsområdet. (sjå EØS avtalas regelverk for offentleg stønad, EØS- tillegget til dei europeiske fellesskapstidende nr.32, av 3. september 1994 med seinare endring og tillegg) Prosjekt i kommunalt regi, som nærings-, tiltaks- og infrastrukturprosjekt blir ikkje omfatta av reglane for offentleg stønad. Jf. 1. ledd. 5 Stønadsvilkår. Søkjar må vere over 18 år. Verksemda må vere registrert i og drivast frå kommunen. Det blir stilt følgjande krav til søkjaren: Ikkje vere dømd for økonomisk misleghald dei to siste åra. For tida ikkje vere ilagt konkurskarantene. Ikkje under rettsleg etterforsking i økonomiske saker. Godkjenner at rådmannen kan hente inn kredittopplysningar om søkjaren/verksemda. Oppdatert skatteattest frå kommunekasseraren, og attest frå skatteetaten om meirverdiavgift skal ligge ved søknaden. Eventuelt urette opplysningar/hemleghald av nødvendig eller relevante opplysningar, kan føre til krav om attendebetaling av lån/fond. Tiltak som det blir søkt stønad til skal normalt ikkje vere sett i gang før løyving eventuelt blir gitt. Ei gjennomføring av heile eller delar av tiltaket før søknad om stønad skal opplysast i søknaden.

3 Etter vedtak har verksemda tre år på å gjennomføre tiltaket. Løyvinga blir då automatisk drege inn, med mindre det innan fristen blir søkt om utsetjing. Etter kvart som tiltaket blir dokumentert gjennomført kan ein søkje inntil to delutbetalingar, basert på godkjent kostnadsoverslag. 25 % av totalbeløpet skal uansett haldast attende inntil tiltaket er gjennomført og dokumentert i samsvar med plan og vedtak. Etableringstilskot kan normalt utbetalast i sin heilskap når verksemda er sett i gang. Samla offentleg stønad (tilskot og samla fordel av rentefritt investeringslån) skal vere avgrensa til maksimal bagatellmessig stønad, innanfor ei samla grense på ECU ( omrekna i høve til referansekurs fastsett av ESA (EFTA Surveillance Authority) EFTA`s overvakingsorgan kvart år) til ein og same verksemd i ein tre- års periode. Alle verksemder kan få bagatellmessig stønad. Det kan bli gitt bagatellmessig stønad til alle typer næringar, unntatt stønad til primær stålproduksjon, skipsbygging, transport og eksport. I søknaden pliktar søkjaren å opplyse om kva slags type, eventuelle vilkår og størrelse på stønad verksemda totalt har motteke dei siste tre åra. Som hovudregel skal samla stønad frå næringsfondet og andre offentlege stønadsordningar til private verksemder ikkje overstige 50 % av det totale kapitalbehovet. Det kan bli gitt inntil 75 % stønad til nyetablering, prosjekt retta mot kompetanseutvikling, miljøretta tiltak eller prosjekter som har særleg betyding for kvinner og ungdom. Samla finansieringsplan for tiltaket skal gå fram av søknaden. Investeringslån kan normalt bli gitt med inntil 20 % når det blir ytt anna offentleg finansiering, eller 30 % når slik stønad ikkje blir ytt. Normalt må minimum kostnadsoverslag utgjere kr ,- (for den totale investeringa) før søknaden blir handsama. Tilskot kan normalt bli gitt med inntil 10 % når det blir ytt anna offentleg finansiering eller 20 % når slik stønad ikkje blir ytt. Normalt må minimum kostnadsoverslag utgjere kr ,- før søknaden blir handsama. Investeringslån skal normalt ikkje tinglysast, men blir belasta med eit etableringsgebyr på kr 2 000,- ved første delutbetaling. Ein må underskrive gjeldsbrev som inneheld låneavtale og vilkåra mellom Gol kommune og søkjar. (ansvarleg lån) Lånet er avdragsfritt i 3 eller 5 år, for deretter ei avdragsperiode på 3 eller 5 år, på bakgrunn av individuell vurdering av behov ved tildeling. Investeringslånet er rentefritt i heile perioden. Attendebetalinga skal skje to gonger i året med like store beløp i avdragsperioden. Vedrørande investeringar i utleigeobjekt (fast eigedom som t.d. utleigehytter) skal lånet likevel tinglysast, for søkjaren si rekning, med tinglysingssperre om at objektet ikkje kan nyttast til annan verksemd, enn i samsvar med planen, i 15 år. Dersom verksemda innan den avdragsfrie perioden startar å betale utbytte, vil samtidig avdragsperioden starte og det vil påløpe renter av lånet.

4 Dersom verksemda blir lagt ned eller foretaket avvikla, eller flytta ut av kommunen, skal restlån betalast tilbake straks. Utbetalt tilskot og/eller kommunen sitt opprinnelege beløp til aksjekjøp, skal med det same betalast tilbake, med mindre det er meir enn 5 år frå vedtaksdato. 5 års regel gjeld ikkje lån. Lån likestillast med eigenkapital i ein eventuell framtidig konkurs eller gjeldssaneringssituasjon. Kommunen kan krevje restlånet betalt tilbake straks, og utan søksmål (jf. Tvangsfullbyrdingslova 7 2), dersom avvikling syner frie verdiar utover dekning av pantesikra gjeld. Verksemda skal utan oppfordring sende årsrekneskap til kommunen i minimum tre år, frå og med vedtaket til og med siste året i avdragsperioden. Er verksemda revisjonspliktig skal dette vere gjennomført før innsending. I tillegg til reglane her og i 4 kan ein setje nødvendige grenser og vilkår, på bakgrunn av konkret vurdering av den einskilde sak. Dette skal framgå av vedtaket. Eventuelt brot kan føre til umiddelbar attendebetalingsplikt, med mindre det blir inngått ny avtale eller det blir godkjent fritak frå vilkår av tilsvarande kommunale styresmakter som tidligare innvilga stønad. Fondstyret avgjer størrelsen på lånebeløpet. Ut over faste løyvingar kan det årleg fordelast inntil kr ,-i samla tilskot i perioden Desse summane blir trekt frå fondet sin avkasting) Det er 2 årleg søknadsfristar for lån og tilskot. Desse er 10. januar og 30. juni. Fondsstyret avgjer kvart år om renter og restbeløp på avkastingsdelen av fondet skal attendeførast til grunnkapitalen eller framleis stå på avkastingskontoen. 6 Forvalting. Kommunestyret har peikt ut formannskapet som fondsstyre for Næringsfondet i Gol kommune. Oppgåvene til fondet vil gå fram av vedtektene for fondet. Delegasjonsregelmentet angir til kva tid kva som kan fattast av rådmannen og det enkelte kommunale organ. Saksførebuing er lagt til næringskonsulent/næringsavdelinga. Fondsmidlane blir plassert på renteberande konto slik midlane er disponible til ein kvar tid. Annan plassering kan berre bli godtatt dersom dette ikkje er til hinder for at midlane kan disponerast til kvar tid. Renter og tilbakebetalte midlar og avdrag blir ført tilbake til fondet. Fondsmidlane skal vere integrert i kommunebudsjettet og rekneskap i samsvar med gjeldane føresegner. I tillegg skal det som vedlegg til rekneskapet lages ein samla framstilling av inntekter og utgifter.

5 7 Klage. Rett til å klage har den som er part i saka eller annan med rettsleg klageinteresse. Klagefristen er tre veker rekna frå den dagen vedtaket kom fram. Eventuell klage skal sendast til: Gol kommune, klagenemnda, 3550 Gol eller postmottak@gol.kommune.no Klaga skal vere underteikna, må oppgje det vedtaket det klagast over, oppgje dei endringar ein krev og dei grunnar klagen støttar seg på. 8 Årsmelding. Formannskapet legg fram årsmelding for kommunestyret kvart år i eige dokument eller saman med den generelle årsmeldinga. Denne skal også sendast til fylkesmannen og fylkeskommunen. 9 Godkjenning av retningslinene. Retningslinene kan endrast etter vedtak i kommunestyret, så lenge desse ikkje strir mot vedtektene i næringsfondet. Gol Hege Mørk, rådmann

6