Fondskapitalen kan ikkje brukast til lån eller tilskot. Det er kun avkastning og årlege avsetjingar til fondet som kvart år kan brukast.

Transkript

1 VEDTEKTER FOR KOMMUNALT NÆRINGSFOND 1. Heimel, kapital og avkastning a. Erstatning frå Kommunal- og arbeidsdepartementet i billigerstatning i samband med ikkje-utbygging av Sjoavassdraget. Jamfør statsbudsjettet kap. 550 post 63 for 1993, og vidare det som er overført som realavkastning av midlane frå sal av/utbytte av Eidefossaksjane. Fondskapitalen er på kr ,- b. Avkastning og årlege avgifter tilført fondet: - Årlege konsesjonsavgifter som blir innbetalt av fleire ulike kraftprodusentar. - Renter og anna avkastning av fondskapitalen. - Eventuelle tildelingar til kommunale næringsfond gjennom Kommunal- og regionaldepartementet. - Årlege kommunale avsetjingar frå drift. Fondskapitalen kan ikkje brukast til lån eller tilskot. Det er kun avkastning og årlege avsetjingar til fondet som kvart år kan brukast. 2. Føremål og støttetypar 2.1. Føremål Målet med det kommunale næringsfondet er å styrka Vågå kommune sitt lokale næringsutviklingsarbeid med utgangspunkt i dei føresetnadane som kommunen har. Næringsfondet skal nyttast til tiltak som kan fremje næringsutviklingsarbeidet gjennom kommunal tilrettelegging, støtte til etablering av ny næringsverksemd og til vidareutvikling av eksisterande verksemder, samt tryggje busetnaden i Vågå. Stimuleringstiltak kan også bli vektlagd. Alle tiltak som får stønad bør gje grunnlag for økonomisk vekst og utvikling. 2.2, Støttetypar Midlane kan nyttast til: a. Kommunalt tiltaksarbeid som til dømes næringsplanlegging, etablerarprosjekt, samarbeid skule/næringsliv, stadutviklingsprosjekt, regionalt samarbeid, lokale analysar og utgreiingar. b. Grunnlagsinvesteringar som til dømes planlegging og utbygging av næringsareal, sentrumsområde og vassverk, og til dekking av kommunen sin eigenkapital ved oppføring av utleigebygg i næringsverksemd. c. Bedriftsutviklingstilskot til etablerarstipend, produktutvikling, marknadsføring, opplæring og konsulenttenester, marknadsundersøking og planlegging. d. Investeringstilskot til bedrifter til bygg, utstyr og maskiner ved oppstart og utviding. 3. Bruk av midla Støtte kan gjevast som tilskott og lån (ansvarlege og betinga lån) Tilskot Det er ikkje høve til å nytte fondet sine midlar til aksje- eller andelsteikning i privat næringsverksemd. Det er likevel høve til å teikne kommunale aksjar i næringsselskap, utleigebygg m.m. som kommunen eig saman med private interessentar. Det kan stillast garanti for kommunale tiltak i den grad slike er gyldige garantiformål i samsvar med kommunelovas

2 51, jamfør Departementet sine forskrifter om kommunale garantistillelsar. Dersom det blir teikna kommunale aksjar, kan dette ikkje utgjere meir enn 30% av aksjekapitalen i bedrifta. Denne avgrensinga gjeld ikkje utviklingsselskap, utleigebygg og liknande som kommunen etablerar i samarbeid med private interessentar. Fondsstyret kan fastsetje føresegner for utbetaling av tilskot frå næringsfondet Lån Det er ikkje høve til å gje garanti for lån til privat næringsverksemd. Fondsstyret kan fastsetje føresegner for utbetaling av lån frå næringsfondet. Støtte, ev. som subsidieelement i lån med nedsett rente skal vere avgrensa til vilkåra i 4.1. For lån til privat næringsverksemd skal rentevilkår og reglar for attendebetaling i hovudsak følgje dei til ei kvar tid gjeldande vilkår for lån i Innovasjon Noreg. For lån til kommunale formål gjeld dei lånevilkåra som Kommunalbanken til kvar tid nyttar når det gjeld rente og nedbetalingstid. Lån til privat næringsverksemd bør sikrast ved pant i fast eigedom, eventuelt og i driftsutstyr, eller i leigerett til verksemda sine lokale med driftsutstyr. 4. Regelverk, vilkår for støtte, definisjonar, profil og prioriteringar Reglane i desse vedtektene saman med Retningslinjer for bruk og forvaltning av kommunale næringsfond (Standardregler) jf. Rundskriv H-1/11 frå Kommunal- og regionaldepartementet gjeld for disponering av fondet Vilkår for støtte A) Næringsfondet skal nyttast til tiltak som har som føremål å fremje næringsutviklinga i kommunen. B) Næringsfondet kan nyttast til miljøsertifisering av verksemder (eksempel på sertifiseringsordningar er Miljøfyrtårn, Svanemerking m fl). C) Fondsstyret kan fastsetje ei maksimumsgrense til ei og same bedrift i ei treårsperiode. Bedrifter som tek i mot støtte pliktar å opplyse om at det er motteke støtte frå næringsfondet når det blir søkt om eventuelle ytterlegare offentlege midlar innan utløpet av treårsperioden (jf. EØS-avtalas regelverk for offentleg støtte, reglane for bagatellmessig støtte (de minimis)). D) Det er ikkje høve til å gje støtte til same tiltak i prosjekt som får lån eller tilskott gjennom distriktspolitiske virkemiddel som blir forvalta av fylkeskommunen, Innovasjon Norge eller regionen. E) Samla støtte til eit privat næringstiltak bør i regelen ikkje utgjera meir enn 50% av prosjektet sitt kapitalbehov. Ved prosjekt av særleg betyding for kvinner og ved nyetableringar kan det gjevast inntil 75% støtte. F) Eigeninnsats må begrunnast og kan maksimalt bli budsjettert med 10 prosent av totalt kapitalbehov. G) Fylgjande kriteria skal leggjast til grunn ved løyving av støtte til verksemder/personar frå næringsfondet: Prioritere nyetableringar som tilfører produkt og/eller tenester som i dag ikkje finst i Vågå eller regionen. Prioritere kvinner og ungdom. Prioritere marknadsførings-, utviklings-, og kompetanseoppbyggingstiltak. Tiltak som i kommunale planar eller vedtak er gjeve høg prioritet. Prioritere nettverksbygging mellom verksemder. Leggje til rette for ei miljøvennleg utvikling av lokalsamfunnet. H) Ikkje støtteberettiga er:

3 Verksemder som får betydelege overføringar over statsbudsjettet, som til dømes etableringar, tiltak eller prosjekt tilknytt tradisjonell verksemd innanfor primærnæringane eller offentleg verksemd. Investeringar i mobile driftsmidlar (vanskeleg å skilje mellom privat bruk og næring), tomter, bustader, leasingfinansierte objekt, varekjøp og prosjekt som kan føre til vriding av konkurranse i høve til andre som har om lag same tilbodet. Nybygg blir som regel ikkje støtta. Utgifter som fylgjer offentlege pålegg. Store kjeder innan detaljhandel og netthandel vil vanlegvis ikkje bli tildelt støtte. Det kan ikkje gjevast støtte til gjeldssanering, som driftstilskot til bedrifter eller tilskot til ordinære kommunale oppgåver Definisjonar Nyetablerar: Verksemda er oppstarta i løpet av dei siste 18 månadar. Etablerar: Verksemda eksisterer allereie, men vel å flytte til Vågå. Utstyr og maskiner: I samband med nyetableringar kan investeringar støttast som er viktige for verksemda i oppstarten. Dette er nødvendig ustyr som står i høve til aktiviteten. Eksisterande bedrifter blir støtta om dette fører til auka næringsutvikling jf Føremål og 4.4. Prioriteringar. Dette gjeld også oppussing og istandsetting av lokalar såframt overnemnde blir oppfylte Profil Fondsstyret legg til grunn at det kommunale næringsfondet skal nyttast strategisk (jf. punkt 2.2. over). Målet er at ein gjennom fondet stimulerer til: Nyskaping i eksisterande eller nye verksemder. Samarbeid mellom verksemder. Utvikling som samsvarar med det Vågå kommune har definert som satsingsområde i nærings- og regionsenterutviklinga. Spesifikk inndekning av kostnadselement som er tunge for alle som skal starte opp, som til dømes marknadsføring, konkrete innsatsfaktorar og produksjonsutstyr. Fondsstyret bør leggje opp til færre og større tildelingar, slik at midlar frå næringsfondet blir ein utløysande faktor for etableringa. Prioriteringane har ein profil som sikrar at det kommunale næringsfondet kan handtere etableringar som fell utanfor Innovasjon Norge og fylkeskommunen sitt tiltaksapparat (jf. punkt 2.2. over) Prioriteringar Dei mål og strategiar som er trekt opp i den næringspolitiske planen for Vågå og i kommunen sitt handlingsprogram skal vera retningsgivande for tildeling av midlar gjennom fondet. Fondsstyret vil i handsaming av søknader til det kommunale næringsfondet prioritere etableringar, tiltak eller prosjekt i nye eller eksisterande verksemder som: Tilfører produkt eller tenester som vi i dag må utanfor Vågå eller dei omkringliggande kommunane/ regionen for å finne. Stimuleringstiltak kan også bli vektlagt Er retta inn mot området som Vågå kommune har gjeve prioritet i nærings- og regionsenterutviklinga. Legg til rette for samarbeid mellom to eller fleire verksemder i kommunen om produktog/eller tenesteutvikling. Legg til rette for samarbeid mellom to eller fleire verksemder i kommunen om tilføring av arbeidsplassar. Tilfører kompetansearbeidsplassar til Vågå.

4 Tilfører arbeidsplassar for kvinner og ungdom til Vågå. Legg til rette for ei miljøvennleg utvikling i lokalsamfunnet. Gjev grunnlag for økonomisk vekst og utvikling. 5 Omsynet til internasjonale forpliktingar på støtteområdet Bruken av fondet må vere i samsvar med dei internasjonale regelverk Norge har slutta seg til på statsstøtteområdet, ILOs konvensjonen og EØS-avtala sitt regelverk for offentleg støtte og bagatellmessig støtte. 6 Fondsstyret, fristar og handsaming Formannskapet er fondsstyre. Det er formannskapet som fattar endeleg vedtak om tildeling av midlar, etter sakshandsaming av næringsansvarleg i kommunen. Det er ikkje søknadsfristar, og søknadane vert handsama etter som dei kjem inn. Fondsstyret kan fastsetje søknadsfrist etter behov. Stønad på inntil kr ,- kan avgjerast av administrasjonen. Dei administrative vedtaka skal refererast for formannskapet. Fondsstyret skal rette seg etter reglane i desse vedtektene, saman med Retningslinjer for bruk og forvaltning av kommunale næringsfond (Standardregler), jf. Rundskriv H-1/11 frå Kommunal - og regionaldepartementet. Eit mindretal i fondsstyret kan anke vedtak i styret inn for kommunestyret. Klager på administrative vedtak vert behandla av formannskapet. Klager på vedtak avgjort av fondsstyret blir behandla i klagenemnda. Formannskapet som fondsstyre skal fortløpande haldast informert om fondsstatus. 7 Forvaltning, rekneskap, årsmelding. Fondsmidlane skal plasserast på renteberande konto slik at dei er disponible til kvar tid. Renter og avdrag skal førast attende til fondet. Administrasjonen fører rekneskap for fondet og står for innkrevjing av renter og avdrag på lån. Fondstyret skal kvart år leggje fram for kommunestyret ei melding om bruken av næringsfondet. Meldinga skal innehalde rekneskap, prosjektoversyn og ei vurdering av bruken av fondet i høve til dei mål og strategiar som er vektlagt i kommunen sin næringsplan. Meldinga skal og innehalde ei vurdering av om det er behov for å endre prioriteringar/ retningsliner for neste års bruk av fondet. Gjenpart av årsmeldinga skal sendast Oppland Fylkeskommune og fylkesmannen. 8. Endring av vedtektene Vedtektene kan endrast etter vedtak gjort av kommunestyret. Endringane skal godkjennast av Fylkesmannen og kopi skal sendast Fylkeskommunen. 9. Utbetaling og fristar Innvilga løyving av støtte skal stadfestast av særutskrift av vedtaket. Denne skal innehalde informasjon om godkjent tilskotsgrunnlag, kor lenge løyvinga står ved lag og informasjon om klagerett. Tilskotet vert utbetalt til søkjar mot dokumenterte utgifter. Løyvinga blir dekt av næringsfondet, og er gyldig i 2 år. Det kan søkjast om delutbetaling. Tilskot frå næringsfondet er å rekne som skattepliktig inntekt. Om føretaket bryt med ILOs - konvensjonen, flyttar ut av kommunen eller opphøyrer innan 2 år etter tilsegn om tilskot, avviklar innan eitt år etter at tilskottet vart utbetalt, skiftar eigar eller endrar innhald utifrå søknadsgrunnlaget kan tilskotet bli kravd attendebetalt.

5 10. Søknadsopplysning Søknad om stønad frå det kommunale næringsfondet skal skrivast på eige skjema som er å finne på Vågå kommune si heimeside www. vaga.kommune.no næring og utvikling skjema. Søknaden kan sendast: - elektronisk via heimesida - pr post til Vågå kommune, Edv. Stormsveg 2, 2680 Vågå - eller på e-post til postmottak@vaga.kommune.no Vedtektene var sist endra den