MØTEPROTOKOLL Utval Kommunestyret Møtestad: Rådhuset Møtedato: 16.06.2011 Start kl.: 09.00 Slutt kl.: 15.00 Til stades på møtet Forfall: Varamedl.: Frå adm. (evt. andre): Henrik Røneid, Laila Gjerde, Gudny Bukve, Steinar Bruheim, Jon Berget, Erling Vigdal. Per Birger Lomheim, Anne Lise Haukadal, Svein Nybø, Gudny Alme, Jonny Gjerde, Turid Øiene. Rådmann Tore Eriksen, politisk sekretariat v/ruud, Arne I Lerum sak 38 og 39. Temaøkt om oppvekstsenter og grunnskule kl. 09.00 11.00: Kristoffer Melheim, Inger Marie Evjestad og Kjell Ertesvåg. Møtet var kunngjort i lokalavisa 11. juni 2011. Medlemene hadde ikkje merknad til innkalling og sakliste. Saksnr. Tittel 33/11 11/5 Godkjenning av møtebok SAKLISTE 34/11 11/1483 Tilstandsrapport for grunnskulen i Luster 2010 35/11 11/1669 LKK, Luster kommune sitt kvalitetssystem - forvaltningsrevisjon. Val av revisor. 36/11 10/2622 Sogn barnevern - forvaltningsrevisjon 37/11 11/1391 Sogn barnevern - eigenevaluering 38/11 11/705 Kommuneplan 2007-11 og råd for planstrategi 39/11 09/2498 Masterplan Heggmyrane. 40/11 10/2170 Reguleringsplan for Neshøgdi bustadfelt (Ongulsnes) Plan-ID 1426-2010005 41/11 11/1579 Luster lokalmedisinske senter - utgreiing.
42/11 11/349 Luster bad KF - vedtekter, val av styre og oppstartløyving 43/11 11/575 Eigedomsskatt på kraftverk - uttale 44/11 08/692 Byggjerekneskap - Nye omsorgsbustader i Gaupne 45/11 11/1384 Pyramiden senterkafe v/ Thomas Skjerven. Søknad om finansiering 46/11 11/1547 Nes Eigedom AS. Søknad om finansiering - næringsbygg Hafslo 47/11 11/1548 Nes Eigedom AS. Søknad om finansiering - næringsbygg Gaupne 48/11 11/5 Referat- og drøftingssaker Underskrifter: Vi stadfester at det som er ført i møteboka er i samsvar med det som vart vedteke på møtet. Møteprotokoll er sendt til: Medlemene, varamedlemer, rådmann, revisor, kontrollutvalet, biblioteka i kommunen, lokalavisene, NRK-Førde og Luster radio.
33/11 Godkjenning av møtebok Det var ikkje merknad til møteboka. Møteboka frå møtet den 26. mai 2011 vert godkjent. Underskrifter: Turid Øiene og Oddstein Haugen. 34/11 Tilstandsrapport for grunnskulen i Luster 2010 Tilleggsframlegg frå H, V og Sp: Det skal utarbeidast ein handlingsplan som syner korleis Luster kommune som skuleeigar skal sikre måloppnåing. Til dømes kan systematisk bruk av intensivkurs i basisfag på alle klassetrinn vere eit verkemiddel. Planen skal leggast fram for kommunestyret. Formannskapet si tilråding med tilleggsframlegg vart samrøystes vedteke. Tilstandsrapporten for grunnskulen i Luster kommune for 2010 vert teken til orientering. Det skal utarbeidast ein handlingsplan som syner korleis Luster kommune som skuleeigar skal sikre måloppnåing. Til dømes kan systematisk bruk av intensivkurs i basisfag på alle klassetrinn vere eit verkemiddel. Planen skal leggast fram for kommunestyret. 35/11 LKK, Luster kommune sitt kvalitetssystem - forvaltningsrevisjon. Val av revisor. Kontrollutvalet si tilråding vart samrøystes vedteken. Luster kommunestyre vel Deloitte som leverandør av forvaltningsrevisjon Kvalitetssystem Luster kommune.
36/11 Sogn barnevern - forvaltningsrevisjon Kontrollutvalet si tilråding vart samrøystes vedteken. 1. Luster kommunestyre ber om at tilrådingane/forbetringsforslaga i KPMG sin rapport om Sogn barnevern vert følgd opp. 2. Rådmannen får i oppgåve å avklare oppfølgingsansvaret med vertskommunen Sogndal. 3. Rådmannen får likeeins i oppgåve å melde tilbake til kontrollutvalet og kommunestyret om kva oppfølgingstiltak som er gjennomførde. 37/11 Sogn barnevern - eigenevaluering Formannskapet si tilråding vart samrøystes vedteken. 1. Luster kommunestyre tek den gjennomførde eigenevalueringa av Sogn barnevern til orientering, jf rådmannen si saksutgreiing. Kommunestyret ser positivt på at det vert teke tak i dei oppfølgingspunkta som er nemnde avslutningsvis i saksutgreiinga. 2. Kommunestyret viser elles til gjennomførd forvaltningsrevisjon i høve Sogn barnevern. 38/11 Kommuneplan 2007-11 og råd for planstrategi Formannskapet si tilråding vart samrøystes vedteken. 1. Kommuneplanmelding 2007-11 Kommunestyret tek status for kommuneplanarbeidet 2007-11 til orientering. 2. Råd for Planstrategi Med bakgrunn i gjeldande kommuneplan, erfaringar og oppsummering, og nye nasjonale føringar for kommuneplanarbeidet, rår kommunestyret 2007-11 til at nytt kommunestyre legg til grunn slik oppbygging av kommuneplanen, jf arbeidet med planstrategien: Generell del: I Planomtale II Visjon og verdigrunnlag III Fokusområde med handlingsdel: A Miljø og berekraftig utvikling B Folkehelse C Oppvekst
D Kultur og Fritid E Næringsverksemd og infrastruktur F Senterstruktur G Regionalt samarbeid Arealdelen Planstrategien bør vektlegga å fylgja strukturen i gjeldande plan. Viktige tema i Planstrategien bør vera: Bustadareal Næringsareal Tematiske kommunedelplanar: Planstrategien bør vurdera kva behov kommunen har for tematiske kommunedelplanar. 39/11 Masterplan Heggmyrane. Ivar Kvalen, Ernst Veum, Arne J Hauge og Jon Ove Lomheim gjekk frå som ugilde. Formannskapet si tilråding vart samrøystes vedteken. 1. Luster kommunestyre finn det svært positivt at grunneigarar og interessentar no har utarbeidd ein samordnande masterplan for utvikling av områda på og ved Heggmyrane. Kommunestyret finn at masterplanen legg eit godt grunnlag for vidare arealplanlegging og organisering av utbygginga i området. 2. Hovudtrekka i den føreslegne arealbruken vil bli lagt til grunn ved revidering av kommuneplanen sin arealdel i 2011-12. 3 Luster kommune er innstilt på å yte eit visst tilskot til opparbeiding og ev. årleg drift/vedlikehald av Modvovegen. Dette føreset at alle aktuelle interesser i området får full tilgang til bruk av vegen og deltek i finansieringa. 4. Luster kommune tek sikte på å setja av midlar til utviding av hovudnettet for VA fram til hyttefelta. Kommunen vil i utgangspunktet tilpasse seg det omfang, det engasjement og den framdrift utbyggingsinteressene legg for dagen. 5. Luster kommune vil og kunne delta med noko midlar og kompetanse i marknadsføring av Heggmyrane som reisemål og utviklingsområde.
40/11 Reguleringsplan for Neshøgdi bustadfelt (Ongulsnes) Plan-ID 1426-2010005 Plan og forvaltningsutvalet si tilråding vart samrøystes vedteken. I medhald av reglane i 12-12 i Plan- og bygningslova, vedtek Luster kommunestyre reguleringsplan for Neshøgdi. 41/11 Luster lokalmedisinske senter - utgreiing. Formannskapet si tilråding vart samrøystes vedteken. 1. Luster kommunestyre ber rådmannen greie ut om det er grunnlag for å etablere eit Luster lokalmedisinske senter i tilknyting til Gaupne omsorgssenter. Eit ev. slikt senter må byggje på den kommunale helse- og omsorgsplanen (2009) sitt opplegg for sjukeheimsstrukturen og samhandlingsreforma sitt krav om at kommunane innan 2016 skal ha på plass eit visst augeblikkleg hjelp-tilbod (ØHtilbod). 2. Nemnde utgreiing må så godt det let seg gjere klårleggje: a) Kva tilbod senteret bør gje og korleis tilbodet bør dimensjonerast. b) Korleis drifta av senteret bør organiserast. c) Kva bemanning senteret bør ha. d) Kva lokale som bør nyttast, ev om det bør byggjast nytt/meir. e) Kva drifta av senteret og ev investeringstiltak vil koste. f) Kva konsekvensar eit slikt senter vil ha for tilgrensande tenester. g) Kva avtale som må etablerast med helseføretaket (ØH-tilbodet). h) Om det er ønskjeleg med eit samarbeid utover kommunegrensa. i) Kva alternativ kommunen har til det å etablere eit slikt senter. j) Kva tidsplan som er realistisk for ei gradvis oppbygging mot full drift. 3. I utgreiinga må følgjande føringar for eit ev Luster lokalmedisinske senter leggjast til grunn: a) Senteret må kunne tilby helse- og omsorgstenester av god kvalitet. b) Senteret må ikkje leggje større press på kommuneøkonomien enn dei alternative løysingane kommunen ev kan velje.
42/11 Luster bad KF - vedtekter, val av styre og oppstartløyving Ivar Kvalen presenterte framlegg på styremedlemer. Det vart røysta over formannskapet si tilråding og framlegg på styre samla. Samrøystes vedtak. 1. Luster kommunestyret vedtek - med tilvising til eige vedtak i sak 13/11, pkt 2 - vedtekter for Luster bad KF slik dei er framstilt i prenta vedlegg, men i 10 skal (KF) stå etter styret når styrenemninga er brukt. Vedtektene vert gjort gjeldande frå det tidspunkt føretaket er registrert i Føretaksregistret. Styret i Luster bad KF syter for registrering i Føretaksregistret og dekker kostnaden ved dette. 2. Kommunestyret vel følgjande styre til Luster bad KF: Faste medlemer: Odd Atle Stegegjerdet.. (vald for 2 år) Marit Aakre Tennø..... (vald for 2 år) Terje Bakke Nævdal... (vald for 1 år) Bjørg Kjos-Wenjum.... (vald for 1 år). (vald for 2 år, tilsetterepresentant). Av desse vert Odd Atle Stegegjerdet vald som styreleiar og Terje Bakke Nævdal vald som nestleiar i styret. Desse vala gjeld for 1 år. Varamedlemer i prioritert rekkefølgje: Harald Fimreite... (vald for 1 år) Olaug Høyheim.. (vald for 1 år) Stein Olav Njøs.. (vald for 1 år). (vald for 1 år, tilsetterepresentant) 3. Kommunestyret løyver 1,0 mill kr til oppstarts- og eingongskostnader fram til opninga av Luster bad. Finansiering frå kommunen sitt disposisjonsfond. Kommunestyret vil, i samband med budsjetthandsaminga for 2012, vurdere om dette er tilstrekkeleg.
43/11 Eigedomsskatt på kraftverk - uttale Formannskapet si tilråding vart samrøystes vedteken. Luster kommunestyre vil gje slik uttale til Finansdepartementet sitt høyringsnotat om eigedomsskatt for kraftverk: 1. Finansdepartementet sine forslag til endringar kan oppsummerast slik: a) Minimums- og maksimumsverdiane for eigedomsskatt på kraftverk vert behalde. b) Det vert tilrådd ei viss inflasjonsjustering for åra framover c) Ein vurderer ein auke i risikotillegget i kapitaliseringsrenta og om det er grunnlag for å gå nærare inn på den risikofrie renta. 2. Finansdepartementet har i sitt høyringsnotat unnlate å nemne: a) At ordninga med minimums- og maksimumsverde var tenkt å vere mellombels. b) At Stortinget aldri har meint å gå bort frå det grunnleggjande prinsippet om å treffe eigedomen sin reelle omsetningsverdi. c) At alle andre eigedomskategoriar vert taksert etter reell omsetningsverdi. Dette gjeld også store industriverksemder og store olje- og gassanlegg. d) At naturressursskatten går til utjamning i inntektssystemet og har vore konstant frå innføringstidspunktet. 3. Finansdepartementet hevdar at primærkommunane sine inntekter har auka betydelig dei siste åra. Det ein ikkje opplyser er at storparten gjeld utbytte og grunnrenteskatt som i stor grad har kome staten og Oslo kommune til del. 4. Finansdepartementet viser kva konsekvens ei oppheving at maksimumstaket vil få for kommunane sin eigedomsskatt, men tek ikkje med konsekvensen av ev. auka kapitaliseringsrente. 5. Luster kommune har frå 2007-11 hatt slik eigedomsskatteinntekt frå kraftverk (mill kr): 2007 2008 2009 2010 2011 53,7 54,2 53,5 54,0 53,3 Tala viser at kommunen i heile perioden har nådd taket for eigedomskatt og at denne har vore utskriven med tilnærma same kronesum. Realverdien har altså gått kraftig ned. Dette har skjedd i ei tid der kraftprisar og eigarutbyte har auka vesentleg. 6. Luster kommune vil på det sterkaste tilrå at maksimumsverdien for utskriving av eigedomsskatt på kraftverk vert fjerna. I så fall kan kapitaliseringsrenta hevast, men berre til eit stabilt og føreseieleg nivå. Etter kommunen sitt syn bør dette kunne vere på 5,0 5,5 %. Dette vil gje ein moderat inntektsauke for dei 200 kommunane dette gjeld. Ei slik ordning vil også fjerne grunnlaget for påstandar om at maksimumsordninga inneber ulovleg statsstøtte, og vil føre til at ein gjeninnfører dei eigedomsskattereglane som samsvarar med prinsippa i eigedomsskatteretten elles. 7. Luster kommune har den siste tida hatt og har store utbyggingssaker til handsaming. Dette gjeld både tilleggsutbyggingar til Hydro sine anlegg i Fortun
og Statkraft sine anlegg i Jostedal. Dette er såleis ei viktig sak for Luster kommune. 8. Luster kommune viser elles til uttale frå LVK som vi gjev våre fulle tilslutning til. 44/11 Byggjerekneskap - Nye omsorgsbustader i Gaupne Formannskapet si tilråding vart samrøystes vedteken. 1. Kommunestyret godkjenner byggjerekneskapen for nye omsorgsbustader i Gaupne til ein kostnad på kr. 14.010.382,- og rekneskapen for carport, lager og andre tiltak til ein kostnad på kr. 1.989.618,-, samla kostnad kr. 16.000.000,-. 2. Kostnaden, kr.16.000.000,- vert finansiert ved tilskot frå Husbanken kalkulert til kr. 3.883.500,-, avsette frie driftsmidlar kr. 1.216.000,- (jf k-sak 79/10), uttak frå ubunde investeringsfond kr 700.000,- og låneopptak inntil kr. 10.200.500,-. 3. Dette inneber ei overskriding på kr. 700.000,- i høve vedteken kostnadsramme. Overskridinga vert finansiert ved uttak frå investeringsfondet, jf pkt 2 over. 45/11 Pyramiden senterkafe v/ Thomas Skjerven. Søknad om finansiering Oddstein Haugen gjekk frå som ugild. Næringsutvalet si tilråding vart samrøystes vedteken. 1. Pyramiden Senterkafe ved Thomas Skjerven får eit lån stort kr 350.000,- i næringsfondet. Lånet vert gjeve med ein rente- og avdragsfri periode på to år og skal deretter betalast ned over 8 år. Lånet er eit pantelån. 2. Pyramiden Senterkafe får eit utviklingstilskot stort kr 40.000. Tilskotet vert finansiert ved forbruk av næringsfondet.
46/11 Nes Eigedom AS. Søknad om finansiering - næringsbygg Hafslo Oddstein Haugen gjekk frå som ugild. Næringsutvalet si tilråding vart samrøystes vedteken. Nes Eigedom AS får eit lån stort kr 1.800.000 for å sikre og få ei betre utnytting av eige næringsareal på Hafslo, samt byggje eit nytt næringsbygg same stad. Lånet vert gjeve frå næringsfondet, får ein rente- og avdragsfri periode på to år og skal deretter betalast ned over 13 år. Lånet er eit pantelån. Nes Eigedom AS får eit tilskot stort kr 195.000 til å finansiere planlagd tilrettelegging av næringsområde i Krabben. Tilskotet vert finansiert ved forbruk av næringsfondet. 47/11 Nes Eigedom AS. Søknad om finansiering - næringsbygg Gaupne Oddstein Haugen gjekk frå som ugild. Næringsutvalet si tilråding vart samrøystes vedteken. 1. Nes Eigedom AS får eit lån stort kr 2.700.000,- til bygging av næringsdelen i eit siste byggjesteg i Nesgården (Nesgården 3). Lånet vert gjeve frå næringsfondet, får ein rente- og avdragsfri periode på to år og skal deretter betalast ned over 13 år. Lånet er eit pantelån. 2. Nes Eigedom AS får eit tilskot stort kr 100.000 til marknadsføring av næringsdelen av Nesgården 3. Tilskotet skal finansierast ved forbruk av næringsfondet. 48/11 Referat- og drøftingssaker Framlagt: Notat dat. 25.05.11 frå rådmannen. Motorferdsel i utmark forhold til funksjonshemma. Skriv dat. 30.05.11 frå fylkesmannen til NVE. Fortunvassdraget fråsegn til søknad med konsekvensutgreiing for Øyane kraftverk. Informasjon frå Sogn Brann og redning IKS til kommunestyra i eigarkommunane Ernst Veum sa at det var flott at formannskapet tok tak i motorferdsel i utmark i forhold til funksjonshemma. Det er skrive ein del og peikt på lovverket, og kva muligheiter som finst. Det er bra at det går an. Me vil sjå vidare på muligheiter for å køyre scooter på skogsbilvegar.
Ivar Kvalen sa at reglane om motorferdsel i store deler av kommunen må forvaltast relativt restriktivt. Enkelte område kan regulerast for at ungdom og røslehemma kan disponere desse løypene. Torunn Gauteplass Hønsi peikte på muligheitene for røslehemma som finst innanfor gjeldande lovverk for motorferdsel i utmark. Ho stilte spørsmål ved ytterlegare rekreasjonskøyring, om det skal vere for andre grupper enn dei røslehemma. Jon Ove Lomheim viste til fylkesmannen sin uttale om Øyane kraftverk og rosa den for å ivareta både naturinteresser og kommunen sine interesser i saka. Sølvi Fretheim Steig kommenterte også fylkesmannen sin uttale om Øyane kraftverk og sa at det er veldig bra at fylkesmannen meiner at konsekvensutgreiinga ikkje har ivareteke landskapsinteressene godt nok, og at fylkesmannen peikar på det lokale engasjementet. Rådmann Tore Eriksen svara på spørsmål frå Gudny Alme i siste møtet om kvaliteten på drikkevatnet i Luster. I oktober 2010 vart det påvist lukt og smak av vatnet, og ein gjekk ut frå at det kom frå landbruksureining. Vatnet vart friskmeldt i november 2010. Frå november 2010 og til i dag har ikkje kommunen registrert klager på vatnet og 11 vassprøvar viser at vatnet har kvalitet innanfor grenseverdiar. Utover dette er det vanskeleg å kommentere saka, men me vil følgje med vidare. Torunn Gauteplass Hønsi stilte spørsmål relatert til Tilstandsrapporten for grunnskulen: 1. Ev innføring av fysisk aktivitet på 30 min for alle elevar i grunnskulen, ev avgrensa til elevar f.o.m 5 klasse. Korleis vurderer ein det og kva vil det ev koste? 2. Kva vil det koste å realisere ei ev minstenorm som inneber at det ikkje skal vere meir enn t.d. 10 elevar pr. lærar i grunnskulen. Rådmannen vil kome attende til desse spørsmåla i budsjettprosessen. Ivar Buskaker informerte om plan- og forvaltningsstyret si handsaming av saka om nye reglar for tilskot til kulturføremål. Dei ga ikkje uttrykk for sine synspunkt om reglane, men ba formannskapet sende dei på høyring til brukarane, dvs. lag og organisasjonar. Olaug Høyheim viste til bygginga av den nye Høyheimsvegen der det vart laga snuplass og parkeringsplass på toppen. Kvifor er ikkje parkeringsplassen, men berre snuplassen asfaltert? Når det regnar, renn grusen nedover vegen. Administrasjonen vil svare på saka i neste møte. Anders Bolstad viste til tidlegare spørsmål i kommunestyret og kommuneplanmeldinga om regulering av Wittgensteinområdet ved Eidsvatnet. Går det an å få snarleg regulert området og få Wittgenstein på dagsorden? Rådmannen svara at i kommunestyret sitt planleggingsprogram ligg det inne arbeid med reguleringsplan i 2012. Administrasjonen er innstilt på å følgje den planen. Anders Bolstad spurde vidare om området må regulerast. Ordføraren svara at spørsmålet kan takast opp i formannskapet. Torunn Gauteplass Hønsi tok opp at Luster kommune bør ha som visjon å bli Safe Community slik Årdal, Høyanger og Sogn og Fjordane fylkeskommune er. Luster bør bli den neste kommunen.
Ordføraren avslutta møtet med å invitere kommunestyret til å delta på Molden opp den 18. juni og informerte om at det blir fotografering på siste møtet i kommunestyreperioden, den 22.september 2011. Det vart ikkje gjort vedtak i saka.