Møteinnkalling for Utval for næring og teknikk

Hjartdal kommune 3692 Sauland Møteinnkalling for Utval for næring og teknikk Møtedato: 27.08.2012 Møtestad: Kommunehuset - Synfaring vedk. NOT-sak 030/12 Møtetid: Kl. 17:00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 20.08.2012 Audun Dølen utvalsleiar Sakliste Sak nr. Saktittel 027/12 GODKJENNING AV MØTEBOK 028/12 REFERATSAKER 029/12 DELEGASJONSSAK 030/12 SØKNAD OM KONSESJON PÅ EIGEDOMEN LITLE-THO, GNR. 2, BNR. 5 031/12 SØKNAD OM DELING AV EIGEDOMEN SLETTA, GNR. 95, BNR. 2 032/12 KLAGE PÅ AVSLAG AV SØKNAD OM BRUK AV SNØSKUTER I UTMARK

Hjartdal kommune Styre, råd, utval Møtedato Saknummer Sakshandsamar Utval for næring og teknikk 27.08.2012 027/12 IL Saksansvarleg: Ingebjørg Landsverk Arkiv: K1-033 Arkivnr.: 12/1169 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 27.08.2012 028/12 IL Saksansvarleg: Ingebjørg Landsverk Arkiv: K1-033 Arkivnr.: 12/1168 REFERATSAKER Nr Dok.ID T Dok.dato Avs./Mott. Tittel 1 12/2858 I 09.05.2012 IRMAT METALLAKSJONEN I HJARTDAL KOMMUNE 2 12/4648 U 14.08.2012 Miljøverndeparteme PRAKTISERING AV FORSKRIFTER ntet OM VERN AV BRATTEFJELL- VINDEGGEN SOM LANDSKAPSVERNOMRÅDE OG OM 3 12/4059 I 02.07.2012 Advokat Olav Felland 4 12/3400 I 31.05.2012 Fylkesmannen i Telemark FLOTTIN FUGLEFREDINGSOMRÅDE. ARBEID I FLOTTIN FUGLEGREDINGSOMRÅDE OG BRATTEFJELL-VINDEGGEN LANDSKAPSVERNOMRÅDE - AGNAR ANDERSEN OG ARNE LID VEDK. KLAGE PÅ KONSESJON GNR 55 BNR 1 TILRÅDING Referatsakene blir teke til etterretning slik dei ligg føre.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 27.08.2012 029/12 IL Saksansvarleg: Ingebjørg Landsverk Arkiv: K1-033 Arkivnr.: 12/1167 DELEGASJONSSAK FNOT-009/12 08.06.2012: VEDR. SØKNAD OM DELING AV GRUNNEIGEDOM VEDTAK Hjartdal kommune v/rådmannen gjev, med heimel i jordlova 12, løyve til å dele frå ei hyttetomt med areal inntil 1.500 m2 av eigedomen gnr. 12, bnr. 6. Tomta skal liggje som vist på kart i målestokk 1:1000 vedlagd søknaden. FNOT-010/12 21.06.2012: MELDING ETTER VILTFORVALTNINGSFORSKRIFTEN 12 VEDTAK Søknad av 30.04.2012 frå Aase Fjeld, Roar Fjeld og Mathias Kleppen om godkjenning av vald for jakt på elg, hjort og rådyr blir ikkje imøtekomen. Det visast til 13 i forskrifta om forvaltning av hjortevilt og til vurderingane ovanfor. Det kan klagast på vedtaket. Klagefristen er 3 veker rekna frå tidspunktet vedtaket kom fram til vedkomande part. Ei eventuell klage stilast til Fylkesmannen i Telemark, men sendast om Hjartdal kommune, 3692 Sauland FNOT-012/12 26.07.2012: SØKNAD OM GODKJENNING AV PLAN FOR NYDYRKING VEDTAK Med heimel om forskrift om nydyrking, gjev Hjartdal kommune, Hans Skoje, 3692 Sauland løyve til å dyrke opp ca 32 dekar på sin eigedom gnr 82/bnr 1 som omsøkt. Det er eit vilkår om at Telemark fylkeskommune (avd Kulturminne) skal varslast dersom det kjem fram kulturminer.

TILRÅDING Delegasjonssakene blir teke til etterretning slik dei ligg føre.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 27.08.2012 030/12 HH Saksansvarleg: Harald Helliksen Arkiv: GBNR- 2/5 Arkivnr.: 12/818 SØKNAD OM KONSESJON PÅ EIGEDOMEN LITLE-THO, GNR. 2, BNR. 5 Dokument i saka: Nr T Dok.dato Avsendar/Mottakar Tittel 1 I 22.05.2012 Harald Aakre SØKNAD OM KONSESJON VED OVERTAKING AV FAST EIGEDOM 2 U 04.06.2012 Harald Aakre SØKNAD OM KONSESJON FOR OVERTAKING - LITHLE THO. Vedlagde dokument: Dokument nr. 1 med vedlegg. Kart. Aktuelle lover, forskrifter, avtaler m.m.: LOV 2003-11-28 nr 98: Lov om konsesjon ved erverv av fast eiendom (konsesjonsloven) mv. FOR 2010-05-07 nr 671: Forskrift om nedsett konsesjonsgrense etter konsesjonslova 7, Hjartdal kommune, Telemark. Saksgang: Utval for næring og teknikk avgjer saka. Bakgrunn for saka: Harald Aakre søkjer om konsesjon på eigedomen Litle-Tho, gnr. 2, bnr. 5. Som følgje av reglane om nedsett konsesjonsgrense i Hjartdal kommune må det søkjast om konsesjon på bebygd eigedom som er eller har vore i bruk som heilårsbustad dersom eigedomen ikkje skal nyttast som heilårsbustad, anten av søkjaren eller av andre. Harald Aakre overtok eigedomen etter testament frå førre eigar, Ingrid Bosnes Stenersen. Ho var i følgje folkeregisteret busett på eigedomen frå 1995 og fram til ho gjekk bort hausten 2011. Mannen hennar, Gunnar Bosnes, flytta til eigedomen tidlegare enn Ingrid. Ho overtok eigedomen etter foreldra i 1975. Søkjaren skriv elles at Ingrid gav uttrykk for at ho ikkje hadde

kunne bli buande på eigedomen om det ikkje var for den hjelpa ho fekk av Tora og han. Harald Aakre bur på Gullhaugen i Gvammen. Litle-Tho ligg ved gardsvegen mellom Myljom-To og Nord-Tho og har eit areal på ca. 2 dekar. Bygningar på eigedomen er bustadhus, anneks, gjestehytte og uthus/vedskjol. I følgje søknaden er bygningane i dårleg stand, med unntak av annekset som er oppgjeve å ha god standard. Det er lagt ved ein takst over eigedomen der marknadsverdien er sett til kr. 750.000. I følgje Hjartdalssoga, band 3 A, blei Litle-Tho utskild frå Nord-Tho i 1941. Far til Ingrid, Christian Stenersen, var eigar frå 1941 til 1975. I følgje søknaden nytta kona og han eigedomen som fritidsbustad så lenge dei levde. Søkjaren meiner at eigedomen berre er eigna som fritidsbustad, og at det er lite truleg at nokon vil kjøpe eigedomen for å bu der. Vidare at dersom eigedomen skulle bli seld som heilårsbustad no, ville dette på grunn av eigedomen sin tilstand, standard og storleik vera til ein pris som er vesentleg lågare enn prisnivået for tilsvarande heilårsbustader i området. Det blir vist til 10, andre ledd i konsesjonslova. Vurdering: Søknaden skal handsamast etter 10 i konsesjonslova som har denne ordlyden: Departementet (kommunen) skal gi konsesjon når det ikke er nødvendig å hindre at eiendommen blir brukt til fritidsformål. Ved denne avgjørelsen kan det blant annet legges vekt på eiendommens beliggenhet, herunder om det området eiendommen ligger i har karakter av å være et utpreget fritidsområde, bebyggelsens art og standard, hvor lang tid det er gått siden eiendommen er brukt som helårsbolig, hvor lang tid den ble brukt som helårsbolig, og om det er påregnelig at andre vil kjøpe eiendommen for å bruke den til helårsbolig. Konsesjon skal også gis dersom departementet (kommunen) finner det godtgjort at eiendommen bare kan avhendes som helårsbolig til en pris som er vesentlig lavere enn prisnivået for tilsvarende helårsboliger i området. Eigedomen ligg i nærleiken av andre bustadeigedomar/gardsbruk, og tilkomsten er grei. Det er ikkje snakk om noko fritidsområde. Det er kort tid sidan eigedomen blei nytta som heilårsbustad. Bruk av eigedomen som heilårsbustad i omlag 15 år må etter rådmannen si meining reknast som lang tid. Det at eigedomen i si tid blei etablert som fritidseigedom, kan tale for å akseptere at eigedomen blir nytta til dette formålet. Rådmannen finn at bygningane på eigedomen er i rimeleg god stand, bortsett frå fukt og råteskader i botnstokkane som gjer at delar av desse bør/må skiftast ut. Taksten nemner også dårleg varmeisolering. Rådmannen antek også at det er pårekneleg at andre vil kjøpe eigedomen for å nytte han som heilårsbustad og finn det ikkje godtgjort at eigedomen berre kan avhendast som heilårsbustad til ein pris som er vesentleg lågare enn prisnivået for tilsvarande heilårsbustader i området. Rådmannen vil understreke at prisnivået skal vera vesentleg lågare. Rådmannen meiner at Litle-Tho framstår som ein attraktiv bustadeigedom og finn det, med bakgrunn i vurderingane ovanfor, nødvendig å hindre at eigedomen blir brukt til fritidsformål. I følgje konsesjonslova 7 er ein eigedom i bruk som heilårsbustad når ervervar eller andre har teke eigedomen i bruk som sin reelle bustad, dvs. er registrert busett på eigedomen etter reglar

fastsett i eller i medhald av lova om folkeregistrering. Buplikta treng med andre ord ikkje vera personleg. RÅDMANNEN TILRÅR: 1. Harald Aakre får konsesjon på eigedomen Litle-Tho, gnr. 2, bnr. 5. 2. Konsesjon blir gjeve på vilkår av at eigedomen blir nytta som heilårsbustad. 3. Eigedomen må takast i bruk som heilårsbustad innan 1. september 2013. 4. Eigedomen skal nyttast som heilårsbustad så lenge Harald Aakre eig han.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 27.08.2012 031/12 HH Saksansvarleg: Harald Helliksen Arkiv: GBNR- 95/2 Arkivnr.: 12/717 SØKNAD OM DELING AV EIGEDOMEN SLETTA, GNR. 95, BNR. 22 BNR. 2 Dokument i saka: Nr T Dok.dato Avsendar/Mottakar Tittel 1 I 08.05.2012 Thorleif Sletta SØKNAD OM DELING AV GRUNNEIGEDOM GNR. 95/2 2 U 07.06.2012 Thorleif Sletta VEDR. SØKNAD OM DELING AV GRUNNEIGEDOMEN SLETTA Vedlagde dokument: Kart. Aktuelle lover, forskrifter, avtaler m.m.: LOV 1995-05-12 nr 23: Lov om jord (jordlova). Saksgang: Utval for næring og teknikk avgjer saka etter jordlova. Bakgrunn for saka: Thorleif Sletta søkjer om deling av eigedomen Sletta, gbnr. 95/2. Eigedomen har i følgje jordregisteret eit totalareal på ca. 187 dekar der 12,5 dekar er dyrka jord, 7,5 dekar innmarksbeite, 37 dekar produktiv skog og 77,3 dekar andre areal (skog, myr, impediment). Eigedomen har elles beiterett på ein del andre eigedomar. Det er utmarksteigane til eigedomen, merka nr. 2 6 på vedlagd kart, som søkjast delt ifrå. Desse teigane har i følgje jordregisteret eit samla areal på ca. 95 dekar, der ca. 20 dekar er produktiv skog og ca. 75 dekar andre areal (skog, myr, impediment). Det blir opplyst at teigane skal nyttast til landbruk. Det som ville bli att av gbnr. 95/2 ved ei eventuell deling, er jordbruksarealet på 20 dekar, 17,5 dekar produktiv skog og 5,5 dekar uproduktive areal, totalt 43 dekar (= teig 1).

I søknaden er Kjell Høiseth oppgjeven som kjøpar av dei aktuelle teigane. Han bur i Notodden kommune og er eigar av Hovde nedre, gnr. 94, bnr. 4. Høiseth har aldri vore busett i Hjartdal kommune. Det blir opplyst at parsellane skal nyttast til landbruk. Gbnr. 94/4 har i følgje jordregisteret eit totalareal på ca. 413 dekar der jordbruksarealet er ca. 30 dekar, produktiv skog 107 dekar og 276 dekar uproduktive areal. I tillegg har eigedomen del i Kråkenes sameige. Vurdering: Søknaden blir å vurdere etter 12 i jordlova der det mellom anna heiter: Eigedom som er nytta eller kan nyttast til jordbruk eller skogbruk kan ikkje delast utan samtykke frå departementet (kommunen). Departementet (kommunen) kan gi samtykke dersom samfunnsinteresser av stor vekt taler for det, eller deling er forsvarleg ut frå omsynet til den avkasting eigedomen kan gi. Ved avgjerd skal det mellom anna takast omsyn til om deling kan føre til drifts- eller miljømessige ulemper for landbruket i området. Det skal og takast omsyn til godkjende planar som ligg føre for arealbruken etter plan- og bygningslova og omsynet til kulturlandskapet. Ein må og sjå hen til føremålet med jordlova ( 1) som mellom anna seier: Arealressursane bør disponerast på ein måte som gir ein tenleg, variert bruksstruktur ut frå samfunnsutviklinga i området og med hovudvekt på omsynet til busetjing, arbeid og driftsmessig gode løysingar. Gbnr. 95/5 er i utgangspunktet ein liten landbrukseigedom. Rådmannen finn då at ein kvar reduksjon av eigedomen sine arealressursar må reknast som uforsvarleg ut frå omsynet til avkastninga eigedomen kan gje. Det er ingen samfunnsinteresser av stor vekt som taler for å gje løyve til deling. Omsynet til busetjing er viktig for Hjartdal kommune. Etter rådmannen si meining er dette ei samfunnsinteresse av stor vekt som taler mot å gje løyve til deling. Sletta bør vera ein sjølvstendig eigedom og buplass og med dei areala som høyrer til garden pr. i dag. Dersom ein delar frå utmarksareala, vil eigedomen etter rådmannen si meining framstå mindre attraktiv som buplass. Det er grunn til å tru at eventuelle kjøparar av småbruk vil vera meir interesserte i ein eigedom med skog og utmark framfor ein eigedom som manglar slike ressursar. Eventuelle drifts- eller miljømessige ulemper for landbruket i området må vera konkret påreknelege og av eit visst omfang. I hovudsak snakkar ein om jordbruksareal i denne samanhengen. Denne saka gjeld utmarksareal, og rådmannen finn at eventuelle ulemper for landbruket vil ha lite å seia. Det er ikkje registert spesielle kvalitetar når det gjeld kulturlandskap i dette området. Dei aktuelle teigane ligg i landbruks-, natur- og friluftsområde i arealdelen til kommuneplanen. Bruk av teigane til landbruksformål vil difor ikkje vera i strid med kommuneplanen. På grunn av omsynet til avkastninga eigedomen kan gje og omsynet til busetjinga, vil rådmannen ikkje gå inn for at det blir gjeve løyve til deling.

RÅDMANNEN TILRÅR: Søknad frå Thorleif Sletta om deling av eigedomen Sletta, gnr. 95, bnr. 2 godkjennast ikkje. Det visast til vurderingane ovanfor.

Hjartdal kommune Styre, råd, utval Møtedato Saknummer Sakshandsamar Utval for næring og teknikk 27.08.2012 032/12 HH Saksansvarleg: Harald Helliksen Arkiv: K2-K01 Arkivnr.: 11/1613 KLAGE PÅ AVSLAG AV SØKNAD OM BRUK AV SNØSKUTER I UTMARK Dokument i saka: Nr T Dok.dato Avsendar/Mottakar Tittel 1 I 22.10.2011 Edgar Olsen SØKNAD OM SNØSCOOTERLØYVE MED KART OG GRUNNEIGARSAMTYKKE 2 U 17.01.2012 Edgar Olsen SØKNAD OM LØYVE TIL BRUK AV SNØSKUTER. EDGAR OLSEN. 3 I 29.01.2012 Edgar Olsen VEDR. AVSLAG PÅ SCOOTERLØYVE 4 U 08.02.2012 Edgar Olsen VEDKOMANDE SØKNAD OM SNØSCOOTERLØYVE 5 I 22.02.2012 Edgar Olsen VEDK. KLAGE PÅ SCOOTERLØYVE TIL GRØNLIHEIA OG SKÅRSETDALEN Aktuelle lover, forskrifter, avtaler m.m.: FOR 1988-05-15 nr 356: Forskrift for bruk av motorkjøretøy i utmark og på islagde vassdrag. Saksgang: Saka går vidare til Fylkesmannen i Telemark dersom Utval for næring og teknikk ikkje tek klaga fullt ut til følgje. Bakgrunn for saka: Edgar Olsen har søkt om løyve til bruk av snøskuter for perioden fram til våren 2014 og for to ulike køyreruter. Den eine ruta gjeng frå Listul til Skårsetvatn, og her er formåla i følgje søknaden transport av bagasje/utstyr til privat hytte, transport av ved og opprusting av hytter. Ein av grunneigarane i området, Halvor Øyen, skriv at dei brukar Edgar Olsen som vaktmeister for å halde hytter, utstyr og liknande i orden, og at dette gjeld måking av tak, ordning med ved til hytter, generelt vedlikehald og ettersyn.

Den andre ruta gjeng frå Søndlandsvatn til Grønnliheia, der grunneigar Leiv Krosshus har ei koie og ein stule. Krosshus skriv at han ikkje brukar koia, og at han har sett bort vedlikehaldet til Olsen. Det er oppgjeve dei same formåla med transporten som for strekninga Listul-Skårsetvatn. I følgje søknaden er det i samband med vedlikehaldet av koia behov for transport av isolasjon, vindauge, ein del materialar, maling/beis og anna. Denne transporten blei det gjeve løyve til fram til våren 2012. Det blei ikkje gjeve løyve for transport til andre formål enn dette. Grunngjevinga for dette var at ein i følgje 5 c) i forskrifta må vera eigar av hytte for å kunne få løyve til transport av bagasje og utstyr til privat hytte. Edgar Olsen er ikkje registrert som hytteeigar i Hjartdal kommune. Kommunen gav uttrykk for at transportbehovet kan dekkjast ved bruk av leigekøyring. Eventuell køyring i samband med vedlikehald, måking, tilsyn mv. av hytter som høyrer andre til, måtte og skje ved leigekøyring. Edgar Olsen skriv i klaga si at det ikkje er mogleg å utføre alt vedlikehaldet på koia ved Grønnli på ein vår/sommar utan lagringsplass for utstyret. Han skriv at det er to rom i koia, og at vedlikehaldet av desse må skje kvar for seg. Arbeidet vil difor taka lengre tid. Vurdering: Transport av materialar, utstyr og arbeidsfolk i samsvar med byggeløyve kan skje på vinterføre utan løyve. Denne regelen kan ikkje nyttast i dette tilfellet då det er snakk om vedlikehaldsarbeid som ikkje krev byggeløyve. Etter 6 i forskrifta kan ein i unntakstilfelle gje løyve til køyring dersom søkjar påviser eit serleg behov. Regelen skal tolkast strengt. Rådmannen finn likevel at det etter ny, særskilt søknad bør kunne gjevast løyve til transport til Grønnli, men at dette må bli i form av eit enkeltløyve for ein kort periode. Rådmannen kan ikkje sjå at det er grunnlag for å gje løyve fram til våren 2014. Klaga bør difor avslåast. RÅDMANNEN TILRÅR: Klage frå Edgar Olsen på avslag av søknad om løyve til bruk av snøskuter blir ikkje teken til følgje. Det visast til vurderingane ovanfor. Saka blir sendt Fylkesmannen i Telemark for endeleg avgjerd.