MØTEBOK Møtedato: 01.02.2016 Møtetid: Kl. 10:00 14:30 Møtestad: Gloppen heradshus Saksnr.: 001/16-008/16 Desse medlemmene møtte: Leidulf Gloppestad Kristin Maurstad Alfred Bjørlo Stig Olav Lødemel Stein Robert Osdal Sven Flo Kommune Gloppen Vågsøy Eid Hornindal Selje Stryn Forfall/møtte ikkje Kommune Følgjande varamedl. møtte Kommune Ugilde Sak i forv.lova Følgjande varamedl. møtte Møteleiar: Av rådmennene møtte: Leidulf Gloppestad Jan Kåre Fure (Gloppen), Åslaug Krogsæter (Eid), Ann Kristin Langeland (Hornindal) og Per Kristian Storevik (Stryn) Andre: Sekretær Birte Fossheim Svein Arne Skuggen Hoff, Sogn og Fjordane fylkeskommune - Fylkesdirektør for plan og samfunn (sak 2/16 og 3/16) Torbjørn Hasund, Sogn og Fjordane fylkeskommune rådgjevar Plan og samfunn. (sak 2/16 og 3/16) Geir Liavåg Strand, Styreleiar i Nordfjordnett (sak 8/16) Utlevert i møtet: Orientering: Sjå sak 8/16! Sp.mål/interpell.: Synfaring: Diverse: Underskrifter: Leidulf Gloppestad Side 1
SAKLISTE Sak nr. Sakstittel 001/16 Godkjenning av innkalling, dagsorden og sakliste 002/16 Regional planstrategi 2016-2020 for Sogn og Fjordane 003/16 Nordfjordrådet - samarbeidsavtale, handlingsplan og arbeidsmåte 004/16 Godkjenning av årsrapport og rekneskap for 2015 005/16 Godkjenning av møteplan for 2016 006/16 Søknad om eingongstilskot på kr 50.000 til Midtvegen 615 AS 007/16 Søknad om tilskot på kr 300.000 til Visit Nordfjord 008/16 Referat og orienteringssaker Side 2
SAKSPAPIR SAKSGANG Styre, utval, komite m.m. Møtedato Saksnr. Nordfjordrådet 01.02.2016 001/16 Avgjerd av: Nordfjordrådet Saksbehandlar: Birte Fossheim Arkiv: Objekt: Arkivsaknr.: 16/167-1 Godkjenning av innkalling, dagsorden og sakliste Leiaren har sett opp slik dagsorden for møtet: 10.00 Regional planstrategi 2016-2020 Mål, utfordringar og kunnskapsgrunnlag, prosess/framdriftsplan Sogn og Fjordane fylkeskommune, Annlaug Kjelstad og Svein Arne Skuggen Hoff Drøfting og innspel Kort tilbakemelding på kommunane sitt arbeid med planstrategien 10.50 Nordfjordrådet samarbeidsavtale, handlingsplan og arbeidsmåte. Forventingar til samarbeidsavtalen med fylkeskommunen Svein Arne Skuggen Hoff. Korleis vil Nordfjordrådet jobbe framover 11.45 Årsmelding og rekneskap for 2015 11.55 Møteplan for 2016 12.00 Lunsj 12.30 Kommunal ressursbruk - orienteringssak ved rådgivingsfirma PwC Ingvill Flo 13.15 Pause 13.30 Søknad om tilskot frå Midtvegen 615 AS 13.45 Søknad om tilskot frå Visit Nordfjord AS 14.00 Referat og orienteringssaker Karriere Sogn og Fjordane - refusjon av transportutgifter hospitering 9. og 10. klasse Brev frå Brystkreftforeningen i Nordfjord IKT problem ved skulane i Nordfjord v/ Geir Liavåg Strand 14.30 Møte slutt. LEIAREN SI TILRÅDING: Side 3
Nordfjordrådet godkjenner innkallinga og saklista til møtet den 1. februar 2016. 01.02.2016 NORDFJORDRÅDET 001/16 VEDTAK: Nordfjordrådet godkjenner innkallinga og saklista til møtet den 1. februar 2016. Vedtaket var samrøystes. Side 4
SAKSPAPIR SAKSGANG Styre, utval, komite m.m. Møtedato Saksnr Nordfjordrådet 01.02.2016 002/16 Avgjerd av: Nordfjordrådet Saksbehandlar: Birte Fossheim Objekt: Arkiv: U00 Arkivsaknr.: 16/133-2 Regional planstrategi 2016-2020 for Sogn og Fjordane Vedlegg: Dok.nr Tittel på vedlegg 264948 Regional planstrategi 2016-2020 - mål og målbilete 264949 Framdriftsplan for regional planstrategi 2016-2020 Bakgrunn for saka: Fylkeskommunen ved Annlaug Kjelstad har kontakta Nordfjordrådet med ønskje om å få presentere status for regional planstrategi og oppfølging av dei kommunale planstrategiane i regionråda. Saksutgreiing: Fylkeskommunen jobbar for tida med Regional planstrategi for 2016 2020 for Sogn og Fjordane. Dei skal ferdigstille eit høyringsframlegg til fylkespolitikarane 3. mars. Før det ønskjer dei ein høyringsrunde i alle regionråda der dei presenterer planutkastet, og får innspel frå regionråda. I forlenginga av Regional planstrategi, ønskjer også fylkeskommunen ei kort tilbakemelding frå kvar enkelt kommune i Nordfjordrådet om status på arbeidet med planstrategien i din kommune. Når er den planlagt vedteken? LEIAREN SI TILRÅDING: Saka blir lagt fram utan tilråding. 01.02.2016 NORDFJORDRÅDET Svein Arne Skuggen Hoff fylkesdirektør for plan og samfunn i Fylkeskommunen presenterte arbeidet med regional planstrategi for 2016 2020. Nordfjordrådet hadde fleire innspel til strategien: Korleis måler ein vekst? I Nordfjord har ein hatt nedgang i tal offentlege arbeidsplasser, men likevel arbeidsplassvekst i form av privat næringsliv. Dette viser eit stort potensiale for utvikling i Nordfjord. Ein bør komplettere det private næringslivet med statlege arbeidsplassar også i Nordfjord. I Sogn og Sunnfjord har dei fått auke i offentlege Side 5
arbeidsplasser. Skal fylket lykkast, må ein legge til rette for vekst i privat næringsliv. I Nordfjord er det ein kultur for utvikling i privat næringsliv som er viktig for fylket. Fokus på fleire kvinner til fylket marknadsføre variert og spennande arbeidsplasser. Ingenting som heiter «kvinnearbeidsplasser». Kvinner er ønskja til fylket fordi dei dei har kompetanse arbeidslivet her treng. Det grønne skiftet fylket må vere i forkant og delta aktivt i utviklinga her. Maritime næringar stort potensiale langs kysten i fylket. Kystvegen er viktig i denne samanheng både nasjonalt og internasjonalt. Samferdsle viktigaste grepet for regional utvikling, næringsliv og felles bu- og arbeidsområde. Klimautfordringar redusere transport. Vi må bu tettare på sentrum og skule gå- og sykkelstrategiar. Kommunane si utfordring for mange restriksjonar i arealdisponering. Korleis kan fylkeskommunen som regional aktør hjelpe kommunane her, slik at vi får ein best muleg arealutnytting spesielt i tettstadane i fylket. Globalisering/urbanisering: Sentra i Nordfjord veks. Fleire av kommunane jobbar med tettstadsutvikling. Heng også saman med arbeidsplassutvikling. Opplevelsesnæringar eit potensiale for fylket i forhold til natur. Fleire ungdom som legg stor vekt på fritid når dei skal velje arbeidsstad, også dei som ikkje har tilknytning til fylket. Den regionale planstrategien til fylkeskommunen skal på høyring i mars. Nordfjordrådet tek planstrategien opp att på møte i april. Fylkeskommunen var også interessert i å vite status til kommunane på arbeidet med eigen planstrategi. Alle kommunane i Nordfjord er i gang med arbeidet, og skal vedta planstrategi i løpet av hausten 2016. Fylkeskommunen stiller seg til disposisjon om kommunane treng rettleiing i arbeidet. 002/16 VEDTAK: Nordfjordrådet tek saka til orientering. Vedtaket var samrøystes. Side 6
SAKSPAPIR SAKSGANG Styre, utval, komite m.m. Møtedato Saksnr Nordfjordrådet 01.02.2016 003/16 Avgjerd av: Nordfjordrådet Saksbehandlar: Birte Fossheim Objekt: Arkiv: 026 Arkivsaknr.: 16/131-3 Nordfjordrådet - samarbeidsavtale, handlingsplan og arbeidsmåte Vedlegg: Dok.nr Tittel på vedlegg 264629 Kopi av samarbeidsavtale mellom Sogn og Fjordane fylkeskommune og Nordfjordrådet for 2013-2014 264964 Handlingsplan for Nordfjordrådet 2013-2014 264638 Utfordringsdokument - utviklingstrekk i Nordfjord 264959 Utviklingsavtale for 2014 og 2015 mellom Sogn og Fjordane fylkeskommune og HAFS regionråd Bakgrunn for saka: Det skal lagast ny samarbeidsavtale mellom Sogn og Fjordane fylkeskommune og Nordfjordrådet. I tilknytning til avtalen skal det også lagast ein handlingplan for Nordfjordrådet for 2016 2017. Saksutgreiing: Det er laga ein samarbeidsavtale mellom Sogn og Fjordane fylkekommune og Nordfjordrådet for 2013 og 2014. Denne vart ikkje ajourført i 2015. Det skal no lagast avtale for 2016 og 2017. Avtalen dannar grunnlag for fylkeskommunen sine tilskot til regionrådet. For at Nordfjordrådet skal få utbetalt tilskot for 2015, må dette året også innarbeidast i den nye avtalen. I 2015 kom der nye retningsliner frå Kommunal- og moderniseringsdepartementet for tilskotsmidlar til regionråda. Desse retningslinene legg føringar for tiltak i regionrådet bl.a med at prosjekt må vere tidsavgrensa og har distrikts- og regionalpolitisk verknad. Til samarbeidsavtalen med fylkeskommunen skal det innarbeidast ein handlingsplan eller at det i avtalen vert peika på nokre prioriterte område regionrådet vil jobbe med i perioden (sjå døme frå HAFS sin avtale). Økonomiske konsekvensar for Nordfjordrådet: Handlingsplanen vil danne grunnlag for kva tiltak regionrådet skal jobbe med og kva økonomsike føringar dette gir. Sekretæren si vurdering: Det vil vere til stor nytte for Nordfjordrådet sitt arbeid å ha ein handlingsplan som viser prioriterte område som regionrådet skal jobbe med i 2016 og 2017. Side 7
Dette hadde vi for 2013 og 2014, og då var dei prioriterte satsingsområda: samhandling om helsetenester rekruttinga og kompetanse samferdsle kommunale tenester I 2013 bestilte Nordfjordrådet ein rapport «Utviklingstrekk i Nordfjord» av Møreforsking og Høgskulen i Volda. Rapporten peiker på mulegheiter og utfordringar for Nordfjord, og vil vere ein nyttig inngang til Nordfjordrådet sine diskusjonar om satsingsområde for 2016 og 2017. I tillegg har vi årsrapportane som viser kva tiltak det har vore jobba med i perioden 2013-2015. Det vil også vere tenleg om ein handlingsplan kan gje føringar for kva saker som blir sett på agendaen og korleis vi skal forvalte midlane Nordfjordrådet disponerer. I Nordfjord eksisterar det svært mange faglege nettverk administrativt. Leiaren ønskjer i sterkare grad å bruke desse faglege nettverka, og i dei sakene der det trengst politisk avklaring, så vert desse sendt vidare til Nordfjordrådet. LEIAREN SI TILRÅDING: Med bakgrunn i drøftingar og innspel som kjem fram i dette møte, skal det lagast utkast til handlingsplan for 2016 og 2017 som skal leggast fram for godkjenning på neste møte i Nordfjordrådet. 01.02.2016 NORDFJORDRÅDET Det skal utarbeidast ein samarbeidsavtale mellom Sogn og Fjordane fylkeskommune og Nordfjordrådet for 2016-2017. Fylkeskommunen har forventingar om prosjekt med regional effekt og utvikling. Dei ønskjer at vi ser til kommunane sitt arbeid med planstrategi når vi utformer satsingsområde for Nordfjordrådet. Dei gav Nordfjordrådet tid fram til sommaren med å utforme innhaldet i handlingsplanen som er ein del av samarbeidsavtalen. Dokument Nordfjordrådet legg til grunn ved utarbeiding av sin handlingsplan: Fylkeskommunen sin regional planstrategi Nordfjord sine styrker knytt til kultur for næringsutvikling, det grøne skifte, attraktive buområde med fleire. Samarbeidsavtale og handlingsplan for 2013 2014 Rapport Utviklingstrekk i Nordfjord frå 2013 003/16 VEDTAK: Med bakgrunn i drøftingar og innspel som kom fram i dette møte, skal det lagast utkast til handlingsplan for 2016 og 2017 som skal leggast fram for godkjenning i Nordfjordrådet første halvår 2016. Nordfjordrådet vil involvere kommunane sin planavdeling i dette arbeidet for å skape forankring til kommunane sitt arbeid med planstrategi. Vedtaket var samrøystes. Side 8
SAKSPAPIR SAKSGANG Styre, utval, komite m.m. Møtedato Saksnr Nordfjordrådet 01.02.2016 004/16 Avgjerd av: Nordfjordrådet Saksbehandlar: Birte Fossheim Objekt: Arkiv: 026 Arkivsaknr.: 16/159-5 Godkjenning av årsrapport og rekneskap for 2015 Vedlegg: Dok.nr Tittel på vedlegg 264737 Revidert rekneskap for Nordfjordrådet 2015 264735 Rekneskap Nordfjordrådet 2015 265075 Nordfjordrådet - rapport 2015 Bakgrunn for saka: Vedlagt følgjer revidert rekneskap og årsrapport for 2015. Saksutgreiing: I rekneskapen for 2015 er det bokført kr 350.000 i overføringar til fylkeskommunen. Denne summen gjeld for 2014 og 2015 og er knytt til partnerskapsavtalen for Karriere Sogn og Fjordane (Karrieresenter Nordfjord). Faktura på kr 200.000 frå fylkeskommunen for 2014, vart belasta i 2015. Faktura for 2015 var på kr 150.000 Økonomiske konsekvensar for Nordfjordrådet: Ingen. LEIAREN SI TILRÅDING: Nordfjordrådet godkjenner årsrapport og rekneskap for 2015. 01.02.2016 NORDFJORDRÅDET 004/16 VEDTAK: Nordfjordrådet godkjenner årsrapport og rekneskap for 2015. Vedtaket var samrøystes. Side 9
SAKSPAPIR SAKSGANG Styre, utval, komite m.m. Møtedato Saksnr Nordfjordrådet 01.02.2016 005/16 Avgjerd av: Nordfjordrådet Saksbehandlar: Birte Fossheim Godkjenning av møteplan for 2016 Ingen vedlegg. Objekt: Arkiv: 026 Arkivsaknr.: 16/159-2 Bakgrunn for saka: Framlegg til møteplan for Nordfjordrådet for 2016. Saksutgreiing: Framlegg til møtedato og stad for møte: FEBRUAR APRIL JUNI AUGUST OKTOBER DESEMBER Dato 1. 4. 6. 22. 3. 5. Stad for møtet GLOPPEN SELJE VÅGSØY EID STRYN HORNINDAL Økonomiske konsekvensar for Nordfjordrådet: Ingen. Kvar enkelt kommune spanderer lunsj når dei er møtearrangør. Sekretæren si vurdering: I forslag til møteplan har eg sjekka ut møtedatoer for Fylkestinget og her skal det ikkje vere møtekollisjonar. Elles må kvar enkelt sjekke oppsette datoar med møteplan for eigen kommune. LEIAREN SI TILRÅDING: Nordfjordrådet sin møteplan for 2016 vert vedteken. 01.02.2016 NORDFJORDRÅDET 005/16 VEDTAK: Nordfjordrådet justerer møtedato for desember. Møteplan for 2016 vart elles vedteken. Vedtaket var samrøystes. Side 10
SAKSPAPIR SAKSGANG Styre, utval, komite m.m. Møtedato Saksnr Nordfjordrådet 01.02.2016 006/16 Avgjerd av: Nordfjordrådet Saksbehandlar: Birte Fossheim Objekt: Arkiv: 223 Q10 Arkivsaknr.: 16/130-2 Søknad om eingongstilskot på kr 50.000 til Midtvegen 615 AS Vedlegg: Dok.nr Tittel på vedlegg 264611 Søknad om eingongstilskot til vegselskapet Midtvegen 615 AS Bakgrunn for saka: Nordfjordrådet har fått brev frå Midtvegen 615 AS med søknad om eit eingongstilskot på kr 50.000. Saksutgreiing: Midtvegen 615 AS søkjer om finansiering til ei trafikkanalyse som skal sjå på fleire ulike alternativ for å knyte Nordfjord tettare saman med aksen Florø-Naustdal-Førde. Dei ønskjer å få greidd ut om trafikkgrunnlaget ved eit eller fleire alternativ er stort nok til å delfinansiere opprustinga/ny veg med brukarfinansiering. Ei slik utgreiing kostar totalt kr 265.000. Dei har i dag skaffa finansiering på kr 140.000. Det er Rambøll AS som har fått oppdraget med utgreiinga etter konkurranse med fleire andre konsulentselskap. Økonomiske konsekvensar for Nordfjordrådet: Midtvegen 615 AS søkjer Nordfjordrådet om eit eingongstilskot på kr 50.000. Sekretæren si vurdering: Eg kjenner ikkje til handsaming av liknande saker i Nordfjordrådet, og legg difor fram saka utan vurdering. LEIAREN SI TRÅDING: Saka vert lagt fram utan tilråding. 01.02.2016 NORDFJORDRÅDET 006/16 VEDTAK: Nordfjordrådet avslår søknaden frå Midtvegen 615 AS fordi rådet ikkje gir tilskot til eit enkelt vegprosjekt. Side 11
Vedtaket var samrøystes. Side 12
SAKSPAPIR SAKSGANG Styre, utval, komite m.m. Møtedato Saksnr Nordfjordrådet 01.02.2016 007/16 Avgjerd av: Nordfjordrådet Saksbehandlar: Birte Fossheim Objekt: Arkiv: U64 Arkivsaknr.: 16/132-2 Søknad om tilskot på kr 300.000 til Visit Nordfjord Vedlegg: Dok.nr Tittel på vedlegg 265010 Søknad om tilskot i samband med merkevareprosessen til Visit Nordfjord AS 265011 Visit Nordfjord - prosjektplan 265012 Ny merkevareprofil - eit felles vertskapsløft Bakgrunn for saka: Visit Nordfjord AS har sendt brev til Nordfjordrådet med søknad om tilskot på kr 300.000 til merkevareprosessen for selskapet. Saksutgreiing: Det nye namnet Visit Nordfjord AS (VN) krev ein definert profil. Selskapet legg opp til ein merkevareprosess der ein har som mål å ta ein sterkare posisjon i Fjord Norge og Norge, og framstå som ein synleg og heilskapleg destinasjon, med klar begrepsbruk og profil. Tilskotet som er omsøkt, skal brukast til finansiering av denne merkevareprosessen. Finansieringsplanen med aktørar er følgjande: Økonomiske konsekvensar for Nordfjordrådet: Visit Nordfjord søkjer om eit tilskot på kr 300.000 til merkevareprosessen. Sekretærens vurdering: Den nye merkevareprosessen for Visit Nordfjord AS er eit prosjekt som har ein samlande funksjon for Nordfjord som regionen. Selskapet arbeider med å samle både reiselivsaktørar og anna næringsliv om å bygge eit sterkt destinasjonsselskap i regionen. Den nye merkevaren skal ha ein synleg og tydeleg kommunikasjon, og målet er at den skal nyttast både av reiselivsaktørar, kommunar og anna næringsliv. Søknadssummen er høg, og utan ei ferdig handlingsplan og budsjett for 2016, er det vanskeleg å sette dette opp mot andre tiltak som Side 13
Nordfjordrådet vil jobbe med i løpet av året. Utifrå budsjett frå tidligare år, har Nordfjordrådet omkring kr 900.000 til disposisjon til ulike prosjekt. --- Leiaren tilrår Nordfjordrådet å støtte Visit Nordfjord med eit tilskot til merkevareprosessen, men det blir opp til rådet å fastsette tilskotsum. LEIAREN SI TILRÅDING: Nordfjordrådet løyver kr i tilskot til Visit Nordfjord sin merkevareprosess. 01.02.2016 NORDFJORDRÅDET 007/16 VEDTAK: Nordfjordrådet løyver kr 300.000 i tilskot til Visit Nordfjord sin merkevareprosess sidan felles profilering og marknadsføring av Nordfjord er eit satsingsområde. Vedtaket var samrøystes. Side 14
SAKSPAPIR SAKSGANG Styre, utval, komite m.m. Møtedato Saksnr. Nordfjordrådet 01.02.2016 008/16 Avgjerd av: Nordfjordrådet Saksbehandlar: Birte Fossheim Referat og orienteringssaker Arkiv: Objekt: Arkivsaknr.: 16/166 Refererte skriv og meldingar: Nr Dok.ID T Dok.dato Avsendar/Mottakar Tittel 1 16/997 I 11.01.2016 Karriere Sogn og Fjordane 2 16/802 I 13.01.2016 Brystkreftforeningen Nordfjord Karriere Nordfjord Ønskjer tilbod om lymfødem behandling ved Nordfjord sjukehus Orienteringssaker: IKT-problem i skulane i Nordfjord Spørsmål frå ordføraren i Selje. Styreleiar i Nordfjordnett, Geir Liavåg Strand, vil orientere. Kommunale ressursbruk Rådgjevingsfirmaet PwC v/ingvill Flo vil orientere om kva dei kan tilby kommunane i Nordfjord. LEIAREN SI TILRÅDING: Leiaren legg ikkje fram tilråding i saka. 01.02.2016 NORDFJORDRÅDET Styreleiar i Nordfjordnett, Geir Liavåg Strand orienterte om ansvarsfordeling mellom kommunane og Nordfjordnett. Saka var teke opp i samband med IKT-problem i skulane. På grunn av møtekollisjon fekk ikkje PwC høve til å delta på dette møte i Nordfjordrådet. Det var ønskje om å invitere PwC til neste møte i samband med strategidiskusjonar og Nordfjordrådet sin handlingsplan for 2016 og 2017. Til referatsakene om Karriere Sogn og Fjordane og brev frå Brystkreftforeningen Nordfjord ønskjer ein at faglige samarbeidsnettverk i Nordfjord ser på desse. Begge desse sakene vert sendt over til rådmannsgruppa. 008/16 VEDTAK: Side 15
Nordfjordrådet ber rådmannsgruppa i saman med Nordfjordnett kome attende til Nordfjordrådet før sommaren med sak om ansvarsfordeling i forhold til utfordringar med IKT problem i kommunane og korleis vi løyser desse. Nordfjordrådet ønskjer ei sak frå rådmannsgruppa korleis ein skal strukturere informasjon om skuletilbod til elevar på ungdomsskular i Nordfjord. Målsetting må vere å gje ein best muleg objektiv informasjon til elevane i Nordfjord om ulike skuletilbod. Vidare ber om vi om at det vert vurdert korleis vi skal handtere ordninga i dag der ungdomsskular i Nordfjord har fått dekka utgifter i samband hospitering for 10. klasse på vidaregåande. Brev frå Brystkreftforeningen Nordfjord og spørsmål frå Karrieresenteret Nordfjord vert sendt vidare til rådmannsgruppa. Vedtaket var samrøystes. Side 16