Sak 38/14. Fjellstyrebudsjettet for 2015 Budsjettframlegg er utarbeidd. Som samanlikningsgrunnlag er medteke rekneskapstala for 2013, budsjett og prognose for 2014. I prognosen for 2014 er det m.a. teke utgangspunkt i rekneskapstala pr. 31.10. Budsjettforslaget legg opp til eit årsoverskot på kr. 40.600. Kommentarar til postane i budsjettet: INNTEKTSSIDA: 3011 Utleige arbeidskraft/snøscooter Gjeld avtalen om utleige av ½ årsverk til Aurland Setjefisk BA, ½ årsverk til Lærdal kommune (viltforvalting), tenestesal til SNO i samband med jervregistrering og rovdyrskadedokumentasjon, i tillegg til anna arbeid for SNO og andre. Arbeidsomfang litt mindre enn inneverande år, sidan det i år var eit ekstraordinært tenestesal til kommunen etter brannen i Lærdal. Inntekta vert justert i samsvar med auka timekostnad. 3012 Villreinutvalet - refusjon oppsyn/sekretær Reknar med omlag tilsvarande arbeidsmengd som i 2014. 3300 Statskog - ref. oppsynsutgifter Etter fjellova skal 50 % refunderast, men statsbudsjettet avgjer reèll refusjon (ingen auke i samla refusjonspott til fjellstyra i statsbudsjettet for 2015). Eige budsjett for oppsynet i Aurland er sendt til Statskog SF. Går i budsjettframlegget ut frå at tildelt sum vert noko avkorta i høve til omsøkt tilskot, ut frå kva som har vore normalen dei siste åra. 3302 Erstatningar Eco Vannkraft Desse vert indeksregulerte med visse mellomrom (kvart 4. år) Regulering skjedde sist ved utbetalinga i juli i 2014. 3303 Tilskot grunneigarfondet/ Statskog Ingen aktuelle prosjekt i 2015. Tilskot til friluftstiltak for born og unge skulefiskedagane - er teke med her. Dette vert utbetalt av Statskog SF, men vert fordelt av regionalt oppsynsutval (ROU). Det er transporten av skuleborn til fiskedagar i fjellet fjellstyret har avtalt med skulane å dekka. 3304 Oppsynstilskot grunneigarar For oppsyn på privat grunn, 1 øre pr. daa., i følgje avtale med grunneigarlaget.
(Sak 38/14, side 2) INNTEKTER, FRAMHALD: 3306 Fiske Interessa for fiske i Aurland er stor, så eg reknar med at fiskekortinntektene (garnfiske + fjellstyret sin del av Aurlandskortsalet) held seg minst på det nivået dei har lege på dei siste par åra. Prisane er samordna med kortprisane på dei private sonene i fiskekortordninga, og vart auka før sesongen 2013. 3307 Sal av fellingsløyve rein Går ut frå like stor kvote som i 2013. Prisane vart sist justerte i 2012. Fjellstyret bør vurdera ny prisjustering i 2015, for at ikkje prishoppet skal bli for stort ved kvar justering. 3308 Sal av fellingsløyve hjort/elg Inntekta her avheng litt av om elgen vert skoten eller ikkje. Avtalane om hjort- og elgjakt i Nordheimsdalen vart forhandla på nytt i 2012. Då vart prisane noko oppjusterte. Avtalen med jakt- og fiskelaget varer ut jakta 2015. 3309 Småviltjakt Fjellstyret sitt vedtak om 2 veker utsett jaktstart i 2012 førde til eit stort fall i inntektene frå sal av jaktkort - salet vart ned mot 20 % av det som har vore vanleg, slik som ein hadde rekna med då vedtaket vart gjort. Sjølv med like sein jaktstart i år har inntektene av jaktkortsalet auka att. Det kan verka som om mange jegerar tilpassar seg seinare jaktstart, og jaktar så sant ver og føre gjer det mogeleg i år fram til midten av oktober. 3310 Festeavgifter Fjellstyret har krav på 50 % av dei festeavgiftene som vert innbetalte til Statskog SF for hytter og overnattingsverksemder. 3311 Overnatting fjellstyrehytter Bra auke i tal overnattingar på hyttene til fjellstyret i år, m.a. grunna den fine sommaren. Reknar med at desse inntektene vil halda seg på 2014-nivået framover, eller auka litt, sidan fleire no har vorte kjende med tilbodet. Det bør vurderast å justera prisane på utleiga av hytta i Håbergsholene, som har vore uendra sidan tilbodet kom i 2007. Interessa for å leiga hytta har auka mykje sidan tilbodet vart lagt ut på Inatur for eit par år sidan. 3312 Sal av trykksaker fjellstyrekontoret Salet av bladet "Villreinen" og valdkartet for Nordfjella. 8070 Renteinntekter Renter av bankinnskot og av lån til Aurland Setjefisk BA. Rentenivået har vore lågt dei siste åra, og vil truleg halda seg lågt.
(Sak 38/14, side 3) UTGIFTSSIDA: 5001 Løner oppsyn (refusjonsgjevande) Omlag 42 % av dei samla lønskostnadene for 2014 gjeld refusjonsgjevande arbeid for fjellstyret reknar med om lag same fordeling av arbeidstida neste år. Det er teke utgangspunkt i tala i oppsynsbudsjettet for 2015 som er vedteke av fjellstyret og sendt Statskog SF til godkjenning. Der var det rekna med ein lønsauke på 3,5 %. I tillegg til 2,5 årsverk faste tilsette, er det rekna med innleige av ferievikar tilsvarande 1 månadsverk til ettersyn med setjefiskanlegg og anna arbeid. 5001 Oppsyn anna arbeid (ikkje refusjonsgjevande) Lønskostnader i samband med arbeid for andre instansar, som er inntektsgjevande for fjellstyret. Utgjer i 2014 omlag 58 % av arbeidsmengda. 5401 Arbeidsgjevaravgift (refusjonsgjevande) 10,6 % av lønsutgiftene som gjeld arbeid for fjellstyret. 5401 Arbeidsgjevaravgift (ikkje refusjonsgjevande) 10,6 % av ikkje-refusjonsgjevande lønskostnader (Oppsyn anna arbeid og Møtegodtgjersle). 5451 Pensjons- og yrkesskadeforsikring I samsvar med inngåtte avtalar med dei tilsette (4 % av løn). 7101 Bilgodtgjersle Oppdrag frå andre instansar (som t.d. SNO og Aurland Setjefisk) fører til mykje køyring. På den andre sida kjem ein del av dette att på inntektssida, ved at køyringa vert fakturert. Det vart lagt opp til ei halvering av utbetalinga til bilgodtgjersle i 2014, då fjellstyret sist vinter kjøpte inn ein fimabil til å ta den tyngste køyringa og dei lengste turane. Det ser ut til at dette langt på veg held stikk. 7151 Diettgodtgjersle Nivået på denne er nokså stabil. 5331 Møtegodtgjersle Kommunestyret vedtok i januar 2009 godtgjersler til fjellstyremedlemane. Eg har lagt desse til grunn i budsjettframlegget.
(sak 38/14, side 4) 6471 Driftsutgifter materiell Drifts- og vedlikehaldsutgifter av snøscooter, tilhengar, båtar m.v. Det er særleg vedlikehald av snøskuter som kan dra opp denne kostnaden. 6472 Firmabil Månadleg leasingavgift, drivstoff, årsavgift, forsikring og andre utgifter til bilhald. Det er laga eit eige notat med utrekningar av kostnader med bilhaldet. Kostnaden vert lågare enn i 2014, grunna eingongsinnbetalinga ved inngåinga av kontrakten. 6475 Andre utgifter oppsynsordninga Skal dekka arbeidsklede, pålagt sikringsutstyr og godtgjersle for bruk av eige utstyr i samsvar med tariffavtale, og supplering og fornying av dette. Avgifter for sikringsradio og abonnement og bruk av mobiltelefon kjem og på denne budsjettposten. 6700 Rekneskap/revisjon Må rekna med ein viss auke, i samsvar med kostnadsnivået elles. 6710 Kontorutgifter Litt oppjustert i høve til 2013-2014. Auka kostnader til kopiering, sidan det er kjøpt ny kopimaskin på Fjordsenteret der fjellstyret ikkje har subsidiert pris. 7000 Reinsjakt (fellingsavg. m.m.) Omlag på same nivå som i 2014. Fellingsavgifta for hjort og elg ligg og inne i denne summen. 7001 Fiske Hovuddelen av summen gjeld betaling av setjefisk kjøpt frå Aurland Setjefisk BA. 7002 Hytter, drift Den oppsette summen skal dekka kostnadene med drift og rutinemessig vedlikehald av fjellstyrehyttene. 7003 Tilskot til tiltak i allmenningen Ingen større planlagde tiltak me veit om no. Kostnaden med planlagde fiskedagar for skuleklassar vert ført her. 7004 Tilskot til allmennyttige føremål Kan løyvast av overskotet i fjellkassa, jfr. 11 i Fjellova. 7010 Møte/kurs/reiser Skal m.a. dekka kurs- og møteutgifter både for fjellstyremedlemar og tilsette.
(sak 38/14, side 5) 7020 Hytter, bygningstiltak Det vart i 2011 utført el-sjekk av fjellstyret si hytte i Håbergsholene, og det var budsjettert med utbetring av anlegget i år, berekna å kosta kr. 21.000. E-co Energi har teke på seg å ta jobben med eigne folk, difor er summen stroken frå budsjettet no. Ein vasslekkasje under hytta vart ordna i fjor. Det er mogeleg at dette eliminerer problemet ein har hatt med grunnforholda. Me vil følgja med på korleis dette utviklar seg framover - om hytta framleis hever og senkar seg etter årstida, eller om ho roar seg. Føreslær difor å venta med eventuelle nye dreneringstiltak til ein har fått klårlagt dette. 7420 Kontingent Norges fjellstyresamband Landsmøtet til fjellstyresambandet i 2014 vidareførde tidlegare nytta kontingentsats, som seier at kontingenten skal vera 4 % av bruttoinntektene til fjellstyret året før (3 % for fjellstyre med bruttoinntekt under 200.000). 7425 Kontingent og tilskot villreinutvalet Fjellstyret betalar fast kontingent. I tillegg er det innført eit oppsynstilskot for å dekka noko av villreinutvalet sitt oppsyn. For fjellstyra er dette på 3 øre pr. daa (2 øre for dei private jaktfelta). 7426 Kontingent Samarbeidsorganet for fjellstyra på Hardangervidda Dette er ein informasjonskontingent" som fjellstyret betalar for å få all informasjon som vert utsend. Fjellstyret har møterett i dette organet. 7510 Forsikring hytter og materiell Går ut frå same nivå på forsikringspremien som det siste året. 7005 Trykkeutgifter og informasjonstiltak Utlegging av informasjon om tilboda i Aurland på Inatur sine sider og på fjellstyret si eiga nettside. Utgifter til trykking av jakt- og fiskekort og anna infomateriell kjem og på denne posten, sameleis annonsering av fjellstyremøta. Kjøp av bladet «Villreinen» til alle som tek ut jaktkort for villrein utgjer ein vesentleg kostnad. 7006 Mobiltelefon/sikringsradio Ny sikringsradio vart kjøpt i år. Ingen planlagde kjøp i 2015, men ein liten sum vert avsett i tilfelle det vert trong for utskifting.
(sak 38/14, side 6) 7007 Båt/naust/motor Det er ikkje forslag om kjøp av nye båtar dette året, heller ikkje andre kostnader som gjeld båtmotorar eller naust. 7008 Kontorutstyr Ein liten skrivar på fjellstyrekontoret bør erstattast med ein ny. 7009 Byte av snøskuter/kjelke/tilhengar Det vart for nokre år sidan kjøpt ein stor skuterkjelke. Det syner seg at denne er i tyngste laget å lasta av og på bilhengar for ein mann. Me ser difor etter ein mindre og lettare kjelke som på mange turar kan nyttast i staden for den store. Pris er ikkje undersøkt truleg kr. 5000-10.000. Ein gammal biltilhengar som fjellstyret eig, 1982-modelll, er så sliten at han bør skiftast ut. Denne vert no mest nytta til å frakta dei minste båtane. Difor vil ein liten båthengar gjera vel så god nytte pris knappe 10.000. 7021 Garasje Garasjeleiga som fjellstyret betalar til Aurland Setjefisk BA er i dag kr. 11.000 i året. Det vert lansert planar om å byggja eit overbygg eller halvtak på tomta ved fiskehuset, slik at tilhengarar, båtar o.a. som no vert lagra ute kan stå under tak. Dersom Aurland Setjefisk byggjer, vil dette auka årleg leigepris for fjellstyret til om lag kr. 20.000. Saka må drøftast med styret for Aurland setjefisk SA, som må gjera dei naudsynte vedtaka. 8169 Finansutgifter Gebyr og rentekostnader. Fjellstyrekontoret, den 4.12.14 Harald Skjerdal