NORDFJORDRÅDET MØTEINNKALLING Møtedato: 04.04.2016 Møtestad: Kommunehuset i Selje Møtetid: Kl. 10:00 Eventuelle forfall til møtet skal meldast til sekretariatet i Gloppen kommune på tlf. 57 88 38 00. Forfall kan også meldast på e-post til: servicetorget@gloppen.kommune.no For medlemmene i Nordfjordrådet, og for dei som har møte- og talerett i rådet (rådmennene), ligg saklista til møtet også i møteportalen, som du finn link til på Gloppen kommune si heimeside. Saklista til møta i Nordfjordrådet skal elles vere tilgjengeleg på alle medlemskommunane sine heimesider, dvs. på heimesidene til Eid, Gloppen, Hornindal, Selje, Stryn og Vågsøy kommunar. Sandane 29. mars 2016 Leidulf Gloppestad leiar Birte Fossheim sekretær
SAKLISTE: Sak nr. Sakstittel 009/16 Godkjenning av møtebok, innkalling, dagsorden og sakliste 010/16 Referat og orienteringssaker 011/16 Nordfjordrådet sin uttale til regional planstrategi 2016-2020 012/16 Nordfjordrådet sine satsingsområde for 2016-2017 013/16 Evaluering av karrieremesser 2016 014/16 Nordfjordrådet budsjett 2016
NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr. Nordfjordrådet 04.04.2016 009/16 Avgjerd av: Nordfjordrådet Saksbehandlar: Birte Fossheim Arkiv: Objekt: Arkivsaknr.: 16/469-1 Godkjenning av møtebok, innkalling, dagsorden og sakliste Møteboka frå Nordfjordrådet sitt møte den 1. februar i år blir lagt fram til godkjenning. I møteboka vert det referert til Nordfjordnett AS under orienteringssaker. Nordfjordnett er ikkje eit AS men eit vertskommunesamarbeid. Leiaren har sett opp slik dagsorden for dette møtet: 10.00 Referat og orienteringssaker: ME-utbredelse i Nordfjord orientering ved Nils Petter Hauge. Dialog og innspel om ordførarane si rolle i å setje søkjelys på denne sjukdommen inn mot nasjonale styresmakter 11.50 Lunsj Status for prosessen i kommunane i Nordfjord inngåtte intensjonsavtaler og utveksling av synspunkt Helsetenestene i Nordfjord: evt følgjer av at ei eller fleire kommunar i Nordfjord skiftar helseføretak i samband med kommunereforma. Tilbakemelding frå rådmannsgruppa på saker frå møte i Nordfjordrådet 1. februar bl.a Nordfjordnettsaka 12.20 Regional planstrategi høyringsfrist 28. april 12.50 Nordfjordrådet sine satsingsområde for 2016 2017. Birte Fossheim Utvikling av strategiar og tiltak - Rådgivingsfirma PwC Ingvill Flo 13.50 Pause 14.00 Evaluering karrieremessene Bergen og Trondheim 14.20 Budsjett for 2016 14.30 Møte slutt.
LEIAREN SI TILRÅDING: 1. Nordfjordrådet godkjenner møteboka frå sitt møte den 1. februar 2016 2. Nordfjordrådet godkjenner innkallinga og saklista til møtet den 4. april 2016.
NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr. Nordfjordrådet 04.04.2016 010/16 Avgjerd av: Nordfjordrådet Saksbehandlar: Birte Fossheim Referat og orienteringssaker Refererte skriv og meldingar: Det er så langt ingen referatsaker. Orienteringssaker: Arkiv: Objekt: Arkivsaknr.: 16/468 1) ME-utbredelse i Nordfjord Orientering ved Nils Petter Hauge, arrangør bak ME-konferansen i Stryn. Dialog og innspel om ordførarane si rolle i å setje søkelys på denne sjukdomen inn mot nasjonale styresmakter. 2) Status for kommunereformprosessen i kommunane - Inngåtte avtalar og utveksling av synspunkt - Helsetenester i Nordfjord som følgje av at ei eller fleire kommunar skiftar helseføretak i samband med kommunereforma. Informasjon om møte mellom Selje, Vågsøy, Stryn og Hornindal med Helse Førde. Helse Førde ved Terje Ulvedal har teke kontakt og sagt at dei ønskjer å delta på møte i Nordfjordrådet etter ferien. 3) Frå rådmannsgruppa På siste møtet i Nordfjordrådet vart det gjort slikt vedtak om oppgåver til rådmannsgruppa: Nordfjordrådet ber rådmannsgruppa i saman med Nordfjordnett kome attende til Nordfjordrådet før sommaren med sak om ansvarsfordeling i forhold til utfordringar med IKT problem i kommunane og korleis vi løyser desse. Nordfjordrådet ønskjer ei sak frå rådmannsgruppa korleis ein skal strukturere informasjon om skuletilbod til elevar på ungdomsskular i Nordfjord. Målsetting må vere å gje ein best muleg objektiv informasjon til elevane i Nordfjord om ulike skuletilbod. Vidare ber om vi om at det vert vurdert korleis vi skal handtere ordninga i dag der ungdomsskular i Nordfjord har fått dekka utgifter i samband hospitering for 10. klasse på vidaregåande. Brev frå Brystkreftforeningen Nordfjord og spørsmål frå Karrieresenteret Nordfjord vert sendt vidare til rådmannsgruppa. Dette er følgt opp på rådmannsmøtet den 26. februar, slik. IKT-samarbeidet
Rådmannsgruppa meiner arbeidet som no er i gang med nye vedtekter for Nordfjordnett og gjennomgang av organiseringa av IKT-samarbeidet vil gje svar på dei spørsmåla Nordfjordrådet stiller. Målsettinga er å ha klart ei sak på dette til Nordfjordrådsmøtet den 6. juni i år. Informasjon om skuletilbodet m m Rådmannsgruppa ber oppvekstsjefane greie ut saka om informasjon om skuletilbodet. I dette ligg også korleis ordninga med utgiftsdekning i samband med hospitering skal handterast. Denne saka kjem tilbake til Nordfjordrådet når oppvekstsjefane har er klare. Brevet frå Brystkreftforeninga blir lagt fram for helse- og omsorgssjefane, som seier dette: Nettverket ser at det vert vanskeleg med samarbeid mellom kommunane. Kvar enkelt kommune må arbeide for å få på plass kompetansen. Nokre kommunar har i dag denne kompetansen. Dersom Helse Førde driftar slike tilbod i dei andre regionane, meiner nettverket at det også bør etablerast i Nordfjord. Dette betyr at helse- og omsorgssjefane meiner det ikkje er aktuelt med kommunal finansiering av ei stilling ved Nordfjord sjukehus, men dersom Helse Førde gjev eit slikt tilbod i sine regionar, stiller sjølvsagt helse- og omsorgssjefane seg bak dette. Dette er noko også rådmennene si haldning, sjølv om saka ikkje har vore teken opp att i rådmannsgruppa etter at uttalen kom frå helse- og omsorgssjefane Saker i Nordfjordrådet På bakgrunn av drøftingane og innspel til Nordfjordrådet om ME-sjukdom, bruk av private konsulentfirma til oppdrag i kommunale sektorar og IT-problem i skulane, tillet rådmennene seg å kome med eit ønskje om at Nordfjordrådet blir flinkare til å sortere mellom politiske og administrative saker. Rådmennene stiller spørsmål ved om det er føremålstenleg at rådet engasjerer seg i reine fagsaker av denne typen. LEIAREN SI TILRÅDING: Saka vert lagt fram utan tilråding.
NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr Nordfjordrådet 04.04.2016 011/16 Avgjerd av: Nordfjordrådet Saksbehandlar: Birte Fossheim Objekt: Arkiv: U00 Arkivsaknr.: 16/133-3 Nordfjordrådet sin uttale til regional planstrategi 2016-2020 Vedlegg: Dok.nr Tittel på vedlegg 268658 Regional Planstrategi 2016-2020 - Offentleg høyring Bakgrunn for saka: Sogn og Fjordane fylkeskommune har lagt ut regional planstrategi på høyring med frist for tilbakemelding 28. april 2016. Saksutgreiing: Svein Arne Skuggen Hoff presenterte arbeidet med regional planstrategi i Sogn og Fjordane fylkeskommune i Nordfjordrådet 1. februar 2016. I møteboka er innspela frå Nordfjordrådet oppsummert i følgjande punkt: Korleis måler ein vekst? I Nordfjord har ein hatt nedgang i tal offentlege arbeidsplasser, men likevel arbeidsplassvekst i form av privat næringsliv. Dette viser eit stort potensiale for utvikling i Nordfjord. Ein bør komplettere det private næringslivet med statlege arbeidsplassar også i Nordfjord. I Sogn og Sunnfjord har dei fått auke i offentlege arbeidsplasser. Skal fylket lykkast, må ein legge til rette for vekst i privat næringsliv. I Nordfjord er det ein kultur for utvikling i privat næringsliv som er viktig for fylket. Fokus på fleire kvinner til fylket marknadsføre variert og spennande arbeidsplasser. Ingenting som heiter «kvinnearbeidsplasser». Kvinner er ønskja til fylket fordi dei dei har kompetanse arbeidslivet her treng. Det grønne skiftet fylket må vere i forkant og delta aktivt i utviklinga her. Maritime næringar stort potensiale langs kysten i fylket. Kystvegen er viktig i denne samanheng både nasjonalt og internasjonalt. Samferdsle viktigaste grepet for regional utvikling, næringsliv og felles bu- og arbeidsområde. Klimautfordringar redusere transport. Vi må bu tettare på sentrum og skule gå- og sykkelstrategiar. Kommunane si utfordring for mange restriksjonar i arealdisponering. Korleis kan fylkeskommunen som regional aktør hjelpe kommunane her, slik at vi får ein best muleg arealutnytting spesielt i tettstadane i fylket. Globalisering/urbanisering: Sentra i Nordfjord veks. Fleire av kommunane jobbar med tettstadsutvikling. Heng også saman med arbeidsplassutvikling. Opplevelsesnæringar eit potensiale for fylket i forhold til natur. Fleire ungdom som legg stor vekt på fritid når dei skal velje arbeidsstad, også dei som ikkje har tilknytning til fylket.
I brevet som fylkeskommunen har sendt ut i samband med høyringsutkastet ber fylkesutvalet spesielt om tilbakemelding på følgjande punkt: 1. Er det behov for at fylket tilpassar seg dei globale og nasjonale trendane med sentralisering, gjennom å jobbe målretta for å få til sjølvdrivande regionforstørring rundt Førde og Sogndal? 2. Kva for strategiar treng vi for å løyse ut potensialet for vekst og utvikling i alle deler av fylket? 3. Korleis kan vi jobbe målretta med attraktivitet og mangfald i arbeidsplassar for alle, også slik at vi får fleire høgt utdanna kvinner i fylket? 4. Korleis kan vi styrke samarbeid mellom offentleg, privat og frivillig sektor for få fram tiltak som inkluderer innvandrarar enno betre? 5. Korleis kan vi saman vidareutvikle forsking og utvikling (FOU) og næringslivet for å styrke verdiskapinga? 6. Korleis kan vi tilpasse oss det grøne skifte og kva vil klimaomstilling innebere for oss? Økonomiske konsekvensar for Nordfjordrådet: Ingen. Sekretæren si vurdering: Saka vert lagt fram for Nordfjordrådet med ønskje om dialog omkring punkta fylkeskommunen ber om tilbakemelding på. Forslaga vi sender frå oss bør vere mest mogleg konkrete i forhold til formuleringar i høyringsutkastet vi ønskjer skal endrast. Innspel til punkt 1: Basert på fylkeskommunen sine analyser og vurderingar er ikkje Nordfjord ein sjølvforsterkande bu- og arbeidsmarknadsregion slik som dei har definert Sunnfjord og Sogndalsområdet. Rapporten «Utviklingstrekk i Nordfjord» (s. 12 og s. 21) peikar også på at Nordfjord med fire jamstilte tettstader byr på utfordringar. Ønskjer Nordfjordrådet ei anna formulering på s 8 i planstrategien under pkt 2-4? I tilfelle kva? Innspel til punkt 2: På førre møte vart det vist til at Nordfjord til tross for at dei hadde mista statlege arbeidsplasser hadde kompensert med vekst i privat næringsliv. Nordfjord er med andre ord god på innovasjon og gründerkultur. Nordfjord har ein kultur for utvikling i privat næringsliv som er viktig for fylket. Om vi ser punkt 2 og 5 i lag, kan vi kome med konkrete framlegg i planstrategien om ei satsing der ein utnyttar innovasjonskulturen i Nordfjord i lag med FoU-miljø? Innspel til punkt 3: I Nordfjord har vi fleire attraktive tettstader og kommunesenter i vekst. I planstrategien (s. 8 pkt 2) vert det omtalt ei satsing på tettstadsutvikling med tiltak knytt til møteplassar, trivsel, kollektiv-, gang- og sykkelløysingar og gode arbeidsplassar med eit næringsliv i vekst. Det blir også stilt spørsmål om behovet for ein regional plan for eller interkommunale planar for senterstruktur og tettstadutvikling. Kva meiner Nordfjordrådet om dette? Ei lokal sentralisering meiner planstrategien skal demme opp for nasjonal sentralisering, og urbanisering vil truleg også ha positiv innverknad på å få høgt utdanna kvinner til fylket. Kan vi sjå for oss at Nordfjord tek ei form for pilotrolle når det gjeld å tilby arbeidsplassar/arbeidsfellesskap med der vi jobbar med prosjekt knytt til «jobb til 2» og med eit ekstra fokus på høgt utdanna kvinner?
Innspel til punkt 4: Rapporten «Utviklingstrekk i Nordfjord» (s. 18) peikar på at i Nordfjord blir mange av dei innvandrarane som kjem til regionen værande. Rapporten konkluderer med at mange av dei som flytter hit opplever regionen som attraktiv og/eller opplever arbeidsmarknaden som attraktiv. Dette er også eit område der Nordfjord leverer godt og kan bidra til å løfte fylket framover. Har vi nokre konkrete forslag til dette punktet i planstrategien (s. 8 pkt. 6)? Innspel til punkt 6: Det grøne skifte var tema på førre møte, og at fylket måtte vere i forkant her. Har Nordfjord nokre fortrinn som vi kan spele inn i forhold til denne satsinga? LEIAREN SI TILRÅDING: Saka vert lagt fram utan tilråding.
NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr Nordfjordrådet 04.04.2016 012/16 Avgjerd av: Nordfjordrådet Saksbehandlar: Birte Fossheim Objekt: Arkiv: U00 Arkivsaknr.: 16/133-5 Nordfjordrådet sine satsingsområde for 2016-2017 Vedlegg: Dok.nr Tittel på vedlegg 270292 Diskusjonsnotat - val av satsingsområde for Nordfjordrådet for 2016 og 2017 264964 Handlingsplan for Nordfjordrådet 2013-2014 270302 Presentasjon av satsingsområde i Nordfjordrådet 04.04.16 Bakgrunn for saka: For å jobbe målretta med utvikling av Nordfjordregionen, treng Nordfjordrådet å bli samde om nokre satsingsområde som vi skal prioritere i perioden 2016-2017. Desse satsingsområda dannar også grunnlag for samarbeidsavtalen med Sogn og Fjordane fylkeskommune for perioden 2016 2017, som igjen er utgangspunkt for regionale utviklingsmidlar. Saksutgreiing: Vi har utarbeida eit diskusjonsnotat som skal gje grunnlag for diskusjonar i Nordfjordrådet om val av satsingsområde for perioden 2016 2017. I dette notatet har vi teke utgangspunkt i: 1. Nasjonale forventningar frå regjeringa til kommunal planlegging 2. Fylkeskommunen sine regionale planar 3. Utviklingstrekk i Nordfjord rapport frå 2013 4. Tidligare satsingsområde og handlingsplan for 2013 til 2014. Økonomiske konsekvensar for Nordfjordrådet: Val av satsingsområde genererer ikkje utgifter for Nordfjordrådet. Men når vi skal operasjonalisere desse i handling med strategiar og tiltak vil dette medfører kostnader. Nordfjordrådet vil handsame kva midlar som skal settast av i budsjettet for 2016 i eiga sak. Sekretæren si vurdering: Det er alltid ei utfordring når ein les overordna dokument å trekke ut det som har størst relevans for Nordfjord og utvikling av regionen. Diskusjonsnotatet vil vere eit innspel til dialogen, og i lag med representantane i Nordfjordrådet sin kjennskap til regionen sine styrker og fortrinn, så skal vi ha eit godt grunnlag for å velje satsingsområde. Vi ser for oss at 3-4 satsingsområde vil vere omfattande nok i 2016 og 2017 om vi skal få til gode regionale utvikingsprosjekt i tilknyting til desse.
Basert på satsingsområda vil vi fram til neste møte i Nordfjordrådet i juni jobbe vidare med handlingsplanen som skal innehalde strategiar og tiltak. Denne skal inn som ein del av samarbeidsavtalen med Sogn og Fjordane fylkeskommune for 2016 og 2017, som igjen dannar grunnlag for tildeling av regionale utviklingsmidlar. LEIAREN SI TILRÅDING: Nordfjordrådet vel følgjande satsingsområde for perioden 2016 til 2017:......
NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr Nordfjordrådet 04.04.2016 013/16 Avgjerd av: Nordfjordrådet Saksbehandlar: Birte Fossheim Evaluering av karrieremesser 2016 Ingen vedlegg. Objekt: Arkiv: 430 Arkivsaknr.: 16/136-4 Bakgrunn for saka: Nordfjordrådet deltok med felles stand for Nordfjordkommunane på Framtidsfylket sine karrieremesser i Trondheim og Bergen. Vi ønskjer å evaluere årets karrieremesser med tanke på forbetringar for neste år. Saksutgreiing: Av ordførarane deltok Sven Flo i Trondheim, og Kristin Maurstad, Leidulf Gloppestad og Alfred Bjørlo i Bergen. Dei har alle gitt tilbakemelding på kva som fungerte bra, og kva vi kan bli betre på neste år. 1) Standplass Nordfjordrådet betalar for ein felles stand som skal representere 7 kommunar (Bremanger er også med her). Prisen pr standplass er kr 15.000 og då får vi eit areal på 1,5 x 2,5 m. Fleire tilbakemeldingar går på at standen vi har med ein bakvegg er fin, men det er for trongt og vi treng betre plass for å presentere alle kommunane i Nordfjord på ein god måte. 2) Rekrutteringsmateriell Her er det ønskje om å få laga felles presentasjonsmateriell for kommunane i Nordfjord. Det er innspel på felles brosjyre som marknadsfører regionen, meir digital marknadsføring og samla oversikt på stillingsbehov i kommunane. 3) Personar på Nordfjordstanden Vi har hyra bedrifta Ny Kunnskap v/arild Hjelmeland til å rigge og representere Nordfjord på vår stand. Det er gode tilbakemeldingar på den jobben Ny Kunnskap har gjort. I tillegg har ordførarane og nokon frå kommuneadministrasjonen delteke og vore tilknytt Nordfjordrådet sin stand. I 2016 var det til saman sju personar i Bergen og to i Trondheim. Det er tilbakemeldingar på at det vart for få i Trondheim, men at arenaen fungerte godt og ein fekk god respons frå studentane. Det blei oppfatta som positivt at ein var mange i Bergen. Standen var heile tida godt bemanna, og ein kunne mingle og snakke med studentane. Andre tilbakemeldingar går på at vi må bli tydeligare på kven som representerer Nordfjord, og rolla i forhold til enkeltkommunar/næringsliv. 4) Personalsjefnettverket i Nordfjord
Personalsjefnettverket er ein viktig samarbeidspart, og dei sit med oversikt over stillingsbehovet framover. Vi må samarbeide med dei for å få ei samla oversikt over behovet i Nordfjord. 5) Andre innspel til forbetringar Vi må satse vidare på deltaking på karrieremessene. Dette er ein god arena for rekruttering og vi får god respons frå potensielle tilflyttarar. Vi må gjere eit krafttak for å få ein felles Nordfjordprofil. Andre regionar er betre enn oss her. Vi må gjere noko som engasjerer/aktivitetar. Samspel med Visit Nordfjord som jobbar med merkevare Nordfjord kan vere ei løysing. Økonomiske konsekvensar for Nordfjordrådet: I budsjettet for 2016 har vi sett av kr 200.000 til karrieremessene. Vår deltaking i Trondheim og Bergen med stand og innleidd konsulent har kosta kr 102.000. Vi yter også eit årleg tilskot til Framtidsfylket på kr 60.000 som støtte til karrieremessene. Denne betalar vi på hausten for messa som skal vere i 2017. Resterande sum i år på kr 40.000 kan vi bruke til utarbeiding av nytt materiell til neste års karrieremesse. Sekretæren si vurdering: Den viktigaste endringa for 2016, er å kome tidleg i gang med å planlegge karrieremessene for 2017. Vi ønskjer å vidareføre ordninga med å hente inn tilbod og gjere avtale med eit konsulentfirma som bistår oss i arbeidet med karrieremessene. I lag vil vi vidareutvikle standmateriell vi har i dag, koordinere informasjon frå kommunane og representere Nordfjord på stand på karrieremessene. Dette blir lagt fram som sak i Nordfjordrådet i oktober. Nordfjordrådet må ta stilling til om vi berre skal delta i Bergen og Trondheim og ikkje Oslo slik vi har gjort dei siste åra. Nordfjordrådet må samarbeide tett med personalsjefnettverket, og skaffe gode oversikter for framtidig ressursbehov i kommunane, og lage samla oversikter. Dette må i hovudsak vere klart på hausten 2016 slik at vi kan bruke dette grunnlaget når ein lagar standmateriell. For ordførarane er karrieremessene ein viktig arena og møteplass der ein møter potensielle tilflyttarar. Rolla til ordføraren er å selje kommunen som bu- og arbeidsstad. Slik sett har dei også eit ansvar for å ha oversikt over næringslivet sitt behov for arbeidskraft om dei ikkje sjølv deltek med stand på messene. Om vi kjøper tenesta med å profilerer Nordfjord som region på vår stand, så gir dette ordførarane ei friare rolle i tilknytning til Nordfjordstanden til å mingle, snakke med studentane og selje inn eigen kommune. Alt informasjonsmateriell skal koordinerast, og ingen kan kome med t.d rollup for eigen kommune. LEIAREN SI TILRÅDING: Nordfjordrådet inngår avtale med konsulentfirma som bidrar til vidareutvikling av standmateriell, felles presentasjon av Nordfjord som region, oversikt over ledige stillingar i kommunane og representerer Nordfjordregionen på stand. Ordførarane blir invitert til å delta på karrieremessene, men har ei friare rolle til å representere eigen kommune.
Nordfjordrådet skal vere representert med stand på karrieremessene i
NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr Nordfjordrådet 04.04.2016 014/16 Avgjerd av: Nordfjordrådet Saksbehandlar: Birte Fossheim Nordfjordrådet budsjett 2016 Ingen vedlegg. Objekt: Arkiv: 026 Arkivsaknr.: 16/159-9 Budsjettframlegg 2016 Nordfjordrådet jobbar med å utforme satsingsområde og prosjekt knytt til desse for 2016 og 2017. Budsjettet for 2016 vert difor utforma med dei faste postane og prosjekt som rådet tidligare har forplikta seg til. I tillegg set vi av midlar til ulike prosjekt som satsingsområda for 2016 genererer. For desse prosjekta vil det bli lagt fram eigne kostnadsoversikter for Nordfjordrådet. Prosjekt som blir vidareført i 2015 Prosjekt 95116 Programfag til val i Nordfjord Det har i fleire år vore gitt støtte til at elevar i 10. klasse skal få besøke vidaregåande skular i regionen. Nordfjordrådet si støtte går til finansiering av skyss. Det har vore Stein Inge Strøm ved Karriere Sogn og Fjordane som har koordinert arbeidet mot ungdomsskulane i regionen. Avtalen med Karriere Sogn og Fjordane er under revidering, og vi har pr dags dato ingen avtale om kven som koordinerer refusjon av utgifter til hospitering. I budsjettframlegget for 2016 er det likevel sett av kr 50.000 i støtte til at ungdomskuleelevane i regionen skal få dra på hospitering, så må vi finne ei praktisk ordning for fordeling av midlane. Prosjekt 95119 Karrieremesser Nordfjordrådet har delteke på karrieremesser i Trondheim og Bergen. Midlane går til tilskot til Framtidsfylket og Nordfjordrådet sine eigne utgifter til sand på messene. Vi har i framlegget for 2016 auka summen med kr 30.000 frå i fjor til felles marknadsføringsmateriell for Nordfjordkommunane. Sekretariat Prosjekt 95100 Sekretariat og administrative utgifter Posten omhandlar utgifter til sekretærarbeid og div utgifter til reise, møtelokal, servering (utanom dei ordinære møte som kvar kommune arrangerer). Sekretæroppgåva føl vertskommunen til leiaren i rådet. Posten er justert med prisstigning på 3 %, og det er sett av kr 300.000 for 2016. Kommunane sin kontingent i Nordfjordrådet Dei siste åra har kommunane sin kontingent for medlemskap i Nordfjordrådet vore sett til kr 13,- pr innbyggjar. Vi har ikkje gjort framlegg om nokon justeringar på dette, og utgiftene pr kommune for 2016 fordelt på folketalsopplysningar frå SSB (pr 1. jan 2016) blir då:
Kommune Folketal Kontingent Stryn 7.168 93.184,- Vågsøy 6.046 78.598,- Eid 6.015 78.195,- Gloppen 5.784 75.192,- Selje 2.774 36.062,- Hornindal 1.200 15.600,-. Bremanger kommune er ikkje medlem av Nordfjordrådet, men er deltakar i 2 prosjekt utdanningsval og karrieremessene. Bremanger kommune har 3.846 innbyggjarar noko som tilsvarer ein kontingent på kr 49.998,. om dei var medlem i rådet. I 2015 betalte Bremanger kr 47.490,- for tre prosjekt dei deltok på i regi av Nordfjordrådet. I 2016 er ikkje prosjektet Karriere Nordfjord inne i budsjettet, og vi har difor redusert deira innsats til kr 35.715,-. Dette dekker 1/7 av kostnadene til utdanningsval og karrieremessene. Sum frå kommunane sitt medlemskap og andel for 2016 blir kr 412.546,-. Sekretæren si vurdering: I rekneskapen som vart lagt fram for Nordfjordrådet 01.02.16 viser det at vi har kr 586.517,- på disposisjonsfond. Då var ikkje utbetalinga frå fylkeskommunen for 2015 kome med på kr 550.000,-. Dette betyr at vi starter 2016 med kr 1.136.517,- på disposisjonsfond. I vårt budsjett gjere vi framlegg om å bruke kr 500.000,- av disposisjonsfondet i 2016 til prosjekt som støttar satsingsområda for Nordfjordrådet. Inngåande beholdning på fond pr 01.01.16 1 136 517 Utgifter 2016 Sekretariat, reiser og utgifter 300 000 Div. utgifter møte, kontingentar, servering 50 000 MVA-kompensasjon 20 000 Prosjekt utdanningsval 50 000 Prosjekt karrieremesser 200 000 Prosjekt nye satsingsområde 862 000 Sum utgifter 1 482 000 Inntekter 2016 Regionale utviklingsmidlar fylkeskommunen 550 000 Overføring frå kommunane 412 000 MVA-kompensasjon 20 000 Bruk av disposisjonsfond 500 000 Sum inntekter 1 482 000 LEIAREN SI TILRÅDING: Nordfjordrådet godkjenner budsjettet for 2016.
Side 1 av17