GLOPPEN KOMMUNE OPPVEKSTUTVALET MØTEBOK Møtedato: 09.12.2014 Møtetid: Kl. 09:00 10:45 Møtestad: Heradshuset Saksnr.: 033/14-039/14 Desse medlemmene møtte: Per Jarle Myklebust Ragnar Andenæs Kari Jordanger Jan Erik Mardal Øystein Rinde Parti Sp Ap Sp H Krf Forfall/møtte ikkje Parti Følgjande varamedl. møtte Parti Ugilde Sak i forv.lova Følgjande varamedl. møtte Møteleiar: Frå adm. møtte: Utlevert i møtet: Orientering: Sjå sak 34/14! Sp.mål/interpell.: Synfaring: Diverse: Underskrifter: Per Jarle Myklebust Oppvekstsjef Olav Fure Helse- og omsorgssjef Anita Lothe i sak 35/14 Konsulent Inger-Helen Sivertsen i sak 35/14 Sak 35/14 vart gjennomgått saman med helse- og omsorgsutvalet Per Jarle Myklebust Side 1
SAKLISTE Sak nr. Sakstittel 033/14 Godkjenning av møtebok, innkalling og sakliste 034/14 Referat- og orienteringssaker 035/14 Det store heiltidsvalet - orientering 036/14 Skulerute for grunnskulane i Gloppen kommune skuleåret 2015-2016 037/14 Barnehagerute barnehageåret 2015-16 038/14 Betalingssatsar for skulefritidsordninga gjeldande frå skuleåret 2015-2016 039/14 Vedtak om gebyr og betalingssatsar for 2015 - endeleg behandling Side 2
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Oppvekstutvalet 09.12.2014 033/14 Avgjerd av: Oppvekstutvalet Saksbehandlar: Jan Kåre Fure Arkiv: 033 Objekt: Arkivsaknr.: 14/1803-1 Godkjenning av møtebok, innkalling og sakliste Møteboka frå oppvekstutvalet sitt møte den 18. november blir lagt fram til godkjenning. Samstundes ber utvalsleiaren om godkjenning av innkallinga og saklista til dette møtet. UTVALSLEIAR SI TILRÅDING: 1. Oppvekstutvalet godkjenner møteboka frå sitt møte den 18. november 2014 2. Oppvekstutvalet godkjenner innkallinga og saklista til møtet den 9. desember 2014. 09.12.2014 OPPVEKSTUTVALET 033/14 VEDTAK: 1. Oppvekstutvalet godkjenner møteboka frå sitt møte den 18. november 2014 2. Oppvekstutvalet godkjenner innkallinga og saklista til møtet den 9. desember 2014. Side 3
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Oppvekstutvalet 09.12.2014 034/14 Avgjerd av: Oppvekstutvalet Saksbehandlar: Olav Fure Referat- og orienteringssaker Arkiv: 033 Objekt: Arkivsaknr.: 14/1802 Refererte skriv og meldingar: Nr Dok.ID T Dok.dato Avsendar/Mottakar Tittel 1 14/14514 I 21.11.2014 Samarbeidsutvalet ved Gloppen ungdomsskule Uttale til budsjettet for 2015 Uttalen frå samarbeidsutvalet blir lagt fram for formannskapet som eit innspel frå utlegginga av økonomiplanen. RÅDMANNEN SI TILRÅDING: Rådmannen legg ikkje fram tilråding i saka. 09.12.2014 OPPVEKSTUTVALET 034/14 VEDTAK: Det vart ikkje gjort vedtak i saka. Side 4
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Administrasjonsutvalet 09.12.2014 021/14 Helse- og omsorgsutvalet 09.12.2014 044/14 Oppvekstutvalet 09.12.2014 035/14 Avgjerd av: Fleire Saksbehandlar: Anita Lothe Objekt: Arkiv: 403 Arkivsaknr.: 13/1713-13 Det store heiltidsvalet - orientering Vedlegg: Dok.nr Tittel på vedlegg 230454 Oppdatert prosjektplan - Det store heiltidsvalet - pr 20.august 2014 216783 Status prosjekt - Det store heiltidsvalet Bakgrunn for saka: KS inviterte kommunane til å delta i prosjektet «Det store heiltidsvalet» og Administrasjonsutvalet i Gloppen kommune gjorde vedtak om at kommunen skulle søke deltaking i prosjektet, jf sak 021/13 datert 15.oktober 2013. KS Sogn og Fjordane, Sykepleierforbundet, Delta og Fagforbundet er prosjekteigarar og har felles ansvar for prosjektet. Prosjekteigar fungerer også som styringsgruppe for gjennomføringa av prosjektet. Prosjektet inviterte kommunar til å delta på utviklingsverkstaden «Det store heiltidsvalet». Målet til prosjektet er å utvikle gode tenester gjennom å utvikle ein kultur for å arbeide heiltid i den enkelte kommune. Einingane som deltek frå kommunen er Heimetenesta Hyen, Oreteigen ved Gloppen omsorgssenter, Åsavegen bu- og avlastning og Mona barnehage. Denne orienteringa er ei oppdatering av framdrift og status i prosjektet: Vi har i perioden sidan 11.03.14 delteke på samlingane i regi av KS og hatt fleire møter lokalt i prosjektgruppa. Vi har fått mange viktige innspel og idear til arbeidet i prosjektet. Prosjektgruppa har utarbeidd prosjektplan og måla som er sett for prosjektet er at Gloppen kommune har ein kultur for å arbeide heiltid ved at gjennomsnittleg stillingsprosent er 70 % eller høgare. Vi har som mål: Fjerne desimalar frå alle stillingar Alle i 80 % - 99,9 % får tilbod om 100 % stilling Alle i 65 % - 74,9 % får tilbod om 75 % stilling Alle i 40 % - 49,9 % får tilbod om 50 % stilling Gjennomsnittleg stillingsprosent er 70 % i dei einingane som deltek i prosjektet Det skal leggast til rette for at flest mogleg av tilsette som ønskjer auka stillingsprosent skal få det Få vekk vakante stillingar og dermed kunne dekke opp helgane Kome fram til nye måtar å tenkje på når det gjeld å kunne gje stillingsauke gjennom idemyldring/ erfaringsutveksling Side 5
Oppvekst var ikkje med/tilstades då prosjektet starta og måla vart utarbeidd. Det er difor behov for å tilpasse måla oppvekstsektoren. Måla som er sette er relatert spesielt til helsesektoren. Utfordringane i oppvekstsektoren er noko annleis. I barnehagen ynskjer ikkje alle tilsette å gå i 100% stillingar. I kva grad kan og bør ein «presse» nokon til dette? Her er det mange faktorar som spelar inn. Dette i tillegg til sjukefråvær, permisjonar m.m. medfører stort utskifte i personalet og ein ustabil personalsituasjon i eininga. Dette er også kjende forhold i helse- og omsorgssektoren. Dei involverte i prosjektet har informert dei tilsette i einingane sine om prosjektet så langt. Hovudtillitsvald og hovudvernombod er i gang med å ha ei besøks-runde ut i dei involverte einingane og informere og snakke om prosjektet. Dette håper vi skal vere med å forankre satsinga blant dei tilsette. Deretter ser vi for oss at tilsette lokalt i dei ulike einingane bør vere med i arbeidet vidare lokalt. Prosjektet har utvida arbeidsgruppa med hovudverneombod og tillitsvalde frå FO og NSF. Dette fordi vi meiner det er viktig med brei involvering frå dei tilsette i prosjektet. Dei deltok alle på samlinga på Skei 20-21 oktober. Dei har også delteke på dei lokale møta etter det. Vi arbeider no med å bli meir konkret på moglege tiltak i dei aktuelle einingane og heldt kurs om årsplan den 13.11.14 for alle tilsette i dei ulike einingane i prosjektet. Kursholdar kom frå Helse Førde og Fagforbundet. Vi skal vidare kartlegge kven som ønskjer endra stilling i dei aktuelle einingane og sjå på praksis rundt innvilging av permisjonar. Vi skal sette fokus på samarbeid mellom einingane før stillingsutlysing. Dette kan skape større stillingar. Vi skal skaffe fram tal på økonomiske konsekvensar i den enkelte eining i samband med innleige av sjukevikarar. I det vidare arbeidet i prosjektet vil vi sjå på kva tiltak som er aktuelle. Det kan vere ulike tiltak som er aktuelle i dei ulike einingane. Det kan også vere aktuelt å involvere fleire einingar no i prosjektet dersom det er nødvendig for å få til gode løysingar. Når ein har erfaringar i einingane som deltek i prosjektet, kan ein nytte dei gode erfaringane i andre einingar i kommunen. Det er også ei økonomisk utfordring å gjennomføre prosjektet med tanke på dei økonomiske utfordringane vi har i kommunen. Ein må fyrst og fremst sjå på moglege løysingar innanfor dei økonomisk gjeldande rammene. RÅDMANNEN SI TILRÅDING:. tek saka til orientering. 09.12.2014 ADMINISTRASJONSUTVALET Framlegg frå Gunnvor Sunde (SD): Side 6
Administrasjonsutvalet tek saka til orientering med desse endringane: Det blir vald ein arbeidstakar og ein plasstillitsvald frå dei einingane som er med i prosjektet om heiltidsvalet. Desse utgjer til saman arbeidsgruppa som leverer innspel til styringsgruppa. Helse- og omsorgsutvalet blir styringsgruppe. Det vart røysta alternativt over framlegget frå Gunnvor Sunde og rådmannen si tilråding: - Framlegget frå Gunnvor Sunde4 fekk ei røyst - Rådmannen si tilråding fekk fem røyster. 021/14 VEDTAK: Administrasjonsutvalet tek saka til orientering. Vedtaket vart gjort med fem røyster. 09.12.2014 OPPVEKSTUTVALET 035/14 VEDTAK: Oppvekstutvalet tek saka til orientering. Side 7
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Oppvekstutvalet 09.12.2014 036/14 Avgjerd av: Oppvekstutvalet Saksbehandlar: Olav Fure Objekt: Arkiv: B06 Arkivsaknr.: 14/1491-2 Skulerute for grunnskulane i Gloppen kommune skuleåret 2015-2016 Vedlegg: Dok.nr Tittel på vedlegg 231671 Skulerute for grunnskulane i Gloppen 2015-2016 Bakgrunn for saka: Skuleutvalet i Sogn og Fjordane har sendt ut samordna framlegg til skulerute for 2015-16. Framlegget er samordna med fylkeskommunen og vidaregåande skule sine ynskje. I opplæringslova 2-2 heiter det mellom anna: Kommunen kan gi forskrifter om undervisningstid ut over timerammene i forskriftene etter første leddet. Kravet i 38 første leddet bokstav c i forvaltningslova om kunngjering i Norsk Lovtidend gjeld ikkje. Opplæringa skal strekkje seg over minst 38 skoleveker innanfor ei ramme på 45 samanhengande veker i skoleåret. Kommunen gir forskrifter om skole- og feriedagar i skoleåret for elevane. Forskrifta skal vere tilpassa avviklinga av nasjonale prøver. Kravet i 38 første leddet bokstav c i forvaltningslova om kunngjering i Norsk Lovtidend gjeld ikkje. Departementet kan gi forskrifter om rammer for dagleg skoletid og om pausar for elevane. Saksutgreiing: Vedtak om skuleruta er formelt ei forskrift, og skal følgje kravet til sakshandsaming for forskrifter og såleis vere i samsvar med forvaltingslova 37 og 38. Rådmannen har difor sendt ut til høyring eit framlegg til forskrift for skuleruta 2015-16 til dei partane dette vedkjem; elevar/føresette og tilsette ved skulane. Høyringsfristen var 26.11.14. Utsende framlegg er identisk med det samordna framlegget frå skuleutvalet, sjå vedlegg, med fyrste skuledag måndag 17. august 2015 og siste skuledag fredag 17. juni 2016. Innan høyringsfristen er det ikkje kome inn avvikande merknader til rådmannen sitt framlegg. Økonomiske konsekvensar: Endring i det framlagde framlegget vil ut frå gjeldande praksis påføre kommunen meirkostnader til skuleskyss. Rådmannen si vurdering: Side 8
I følgje opplæringslova m/forskrifter er det kommunen som vedtek forskrift for organiseringa av skuleruta og dermed skuleåret for grunnskulen. Skuleåret skal strekkje seg over minst 38 veker innanfor ei ramme på 45 veker. Dette opnar mellom anna for at kommunen kan fastsetje fleire undervisningsdagar enn dei 190 som er minstekravet i lova, berre dei er fordelte på minst 38 skuleveker og innanfor den ytre ramma på 45 samanhengande veker. Etter rådmannen si vurdering er det ikkje noko generelt ønskje om ei utviding av skuleåret utover dei 38 vekene og meir enn 190 dagar i kommunen vår. Ei samordning med kommunane kring oss og vidaregåande skule med felles ferie og fridagar vert felles for heile fylket. Både økonomiske og praktiske omsyn talar for ei slik løysing. For rådmannen si vurdering er det dessutan avgjerande at ei samordning av skuleruta har som konsekvens at: Elevar og føresette kan planleggje og organisere bruken av ferie/fridagar uavhengig av kva skule ein går på sidan alle har skulefri til same tid. Det er enklare å planleggje/gjennomføre ulike vidare/etterutdanningstiltak for dei tilsette når dei elevfrie dagane er samordna. Felles skulerute for heile fylket opnar opp for meir omfattande samarbeid kommunane mellom. Rådmannen går samstundes inn for at det, som tidlegare, må vere høve til lokale tilpassingar for den enkelte skule under føresetnad av at dette ikkje fører til meirkostnader for kommunen. Med denne bakgrunnen fremjar rådmannen vedlagde framlegg til forskrift for skulerute for grunnskulen i Gloppen kommune 2015-16 for oppvekstutvalet til endeleg handsaming og vedtak. RÅDMANNEN SI TILRÅDING: Med heimel i opplæringslova 2-2 vedtek oppvekstutvalet forskrift om skulerute for grunnskulen i Gloppen kommune skuleåret 2015 16. Forskrifta er i samsvar med samordna framlegg frå skuleutvalet i Sogn og Fjordane med fyrste skuledag måndag 17. august 2015 og siste skuledag fredag 17. juni 2016. Skulane har høve til lokale tilpassingar til skuleruta under føresetnad av at dette ikkje fører til auka utgifter for kommunen. 09.12.2014 OPPVEKSTUTVALET 036/14 VEDTAK: Med heimel i opplæringslova 2-2 vedtek oppvekstutvalet forskrift om skulerute for grunnskulen i Gloppen kommune skuleåret 2015 16. Forskrifta er i samsvar med samordna framlegg frå skuleutvalet i Sogn og Fjordane med fyrste skuledag måndag 17. august 2015 og siste skuledag fredag 17. juni 2016. Skulane har høve til lokale tilpassingar til skuleruta under føresetnad av at dette ikkje fører til auka utgifter for kommunen. Side 9
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Oppvekstutvalet 09.12.2014 037/14 Avgjerd av: Oppvekstutvalet Saksbehandlar: Olav Fure Objekt: Arkiv: B06 Arkivsaknr.: 14/1491-4 Barnehagerute barnehageåret 2015-16 Ingen vedlegg. Bakgrunn for saka: Oppvekstutvalet vedtek årleg barnehagerute for komande barnehageår. Mønsteret ligg forholdsvis fast, men nokre forhold vil vere aktuelle for vurdering. Kurs og planleggingsdagar I særavtalen for barnehagar (SFS 2201) heiter det i pkt 3.4: Det avsettes 37,5 timer pr. år til planlegging og samarbeid for personalet ved den enkelte barnehage/skolefritidsordning/ skole. Vedtektene til dei kommunale barnehagane i kommunen fastset at dei kan halde stengt 5 dagar i året for å avvikle kurs- og planleggingsdagar. Feriestenging Oppvekstutvalet har tidlegare vedteke at dei kommunale barnehagane skal vere stengde i 2 veker i ferien. Det skaper minst uro dersom dei to vekene er felles for alle barnehagane. Saksutgreiing: Rådmannen har etter drøftingar med barnehagane følgjande framlegg til planleggingsdagar då dei kommunale barnehagane er stengde barnehageåret 2015-16: Fredag 21. august 2015 Måndag 5. oktober 2015 Tysdag 6. oktober 2015 Fredag 29. januar 2016 Fredag 6. mai 2016 1 dag ved oppstarten av barnehageåret. 2 dagar i haustferien. 1 dag til intern planlegging/kurs 1 dag til intern planlegging Økonomiske konsekvensar: Resultatet av ei nyleg gjennomført spørjeundersøking kring behovet for sommaropne barnehagar kan ha ein økonomisk konsekvens for kommunen. Det vil vere ein betydelig kostnad å halde barnehagane opne heile sommaren, i motsetnad til å halde stengt i 2 veker, slik det vert praktisert i dag. Til gjengjeld kan sommaropne barnehagar gje ei lita økonomisk vinning for helsesektoren, då dei i ein kort periode kan klare seg utan ferievikarar. Det er likevel ein større kostand for kommunen å halde sommaropne barnehagar, med tanke på å skulle bemanne, minst 3 personale kvar dag i kvar einskilt barnehage, gjennom dei 2 tidlegare feriestengte vekene. Side 10
Derimot kan det vere ein positiv økonomisk gevinst, dersom resultatet av undersøkinga opnar for fleire stengte sommarstengte veker i barnehagane. Rådmannen si vurdering: Kurs- og planleggingsdagar Oppstart av nytt barnehageår 17. august, vil etter rådmannen si vurdering vere ei naturleg løysing som samsvarer godt med skuleruta (skulestart måndag 17. august). Fordi barnehageåret startar 15. august vert fyrste planleggingsdagen føreslegen til fredag 21. august. Kursdagar måndag og tysdag i haustferieveka er framhald av tidlegare praksis og i tråd med planane i regionen. Barnehageforeldre ynskjer helst at barnehagane samkøyrer planleggingsdagane med dei skulefrie dagane. Skuleåret 2015-16 tek skulane til 4. januar, og det er ingen skulefrie dagar før vinterferien tek til 16.2. Av personalomsyn har ein unngått å ha planleggingsdagar både i haustferien og vinterferien. Barnehagepersonalet har også born som går på skule, og må kunne få høve til å ta samanhangane ferie saman med barna, enten i haust eller vinterferien. Då barnehagane har behov for ein planleggingsdag tidleg på året, rår eg til at første planleggingsdag i 2016 vert lagd til fredag 29. januar. Skuleverket har elevfri dag fredag 6. mai. Etter tidlegare mønster vert barnehagane sin planleggingsdag på våren lagd til denne datoen. Skulle det vise seg at ein eller fleire av dei føreslegne dagane høver dårleg for ein barnehage, opnar rådmannen for at planlegginga kan avviklast på t.d. to ettermiddagar eller ein laurdag. Utgangspunktet vil likevel vere at dei kommunale barnehagane held stengt på dei datoane som vert vedtekne i denne saka, sjølv om eg opnar for at barnehagane i samråd med dei føresette kan endre dagane. Vi kan ikkje kreve at dei private barnehagane skal fylgje den kommunale barnehageruta, men vi oppmodar dei likevel om å i størst mogeleg grad fylgje det same oppsettet. Feriestenging Historia viser at det over år vaks fram eit ynskje om at barnehagane samordna ferien og at det i god tid var klart når denne var, slik at planlegginga av ferie vart lettare for både foreldre og tilsette. Valet fall på at barnehagane skulle vere stengde dei to siste vekene i juli månad. Følgjande formulering låg i tilsvarande sak om barnehageruta for barnehageåret 2011/12: Både ut frå ein prinsipiell argumentasjon og ut frå erfaringane vi gjorde oss sist sommar, rår rådmannen til at vi legg feriestenginga av barnehagane til det same tidsrommet frå år til år. Kommunale barnehagar vert dermed stengde i veke 29 og 30. Med bakgrunn i dette tilrår rådmannen at stenging i veke 29 og 30 vert vidareført også somrane 2015 og 2016. Hyen skule og barnehage held i tillegg stengt v. 31. RÅDMANNEN SI TILRÅDING: Oppvekstutvalet vedtek at barnehageruta for dei kommunale barnehagane vert slik for barnehageåret 2015-2016: 21. august 2015 Intern planlegging 6. oktober 2015 Kursdag 7. oktober 2015 Kursdag Side 11
29. januar 2016 Intern planlegging / kurs 15. mai 2016 Intern planlegging Kommunale barnehagar er stengde i vekene 29 og 30 i 2014 og 2015. Hyen Skule og barnehage held i tillegg stengt veke 31. Oppvekstutvalet oppmodar dei private barnehagane til i størst mogeleg grad å fylgje same barnehageruta som dei kommunale barnehagane. 09.12.2014 OPPVEKSTUTVALET 037/14 VEDTAK: Oppvekstutvalet vedtek at barnehageruta for dei kommunale barnehagane vert slik for barnehageåret 2015-2016: 21. august 2015 Intern planlegging 6. oktober 2015 Kursdag 7. oktober 2015 Kursdag 29. januar 2016 Intern planlegging / kurs 15. mai 2016 Intern planlegging Kommunale barnehagar er stengde i vekene 29 og 30 i 2014 og 2015. Hyen Skule og barnehage held i tillegg stengt veke 31. Oppvekstutvalet oppmodar dei private barnehagane til i størst mogeleg grad å fylgje same barnehageruta som dei kommunale barnehagane. Side 12
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Oppvekstutvalet 09.12.2014 038/14 Formannskapet 15.12.2014 135/14 Kommunestyret 15.12.2014 086/14 Avgjerd av: Kommunestyret Saksbehandlar: Arne Eikenes Objekt: Arkiv: 231 A22 Arkivsaknr.: 14/1729-2 Betalingssatsar for skulefritidsordninga gjeldande frå skuleåret 2015-2016 Ingen vedlegg. Bakgrunn for saka Den kommunale kostnaden med drift av skulefritidsordningane våre auka mykje etter omlegginga av ordninga frå skuleåret 2012 2013, då vi innførde eit anna, og meir finmaska påmeldingssystem, enn vi hadde hatt tidlegare. Kommunen hadde i 2013 ei netto utgift på knapt kr1.400.000 til drifta av skulefritidsordningane våre. Om vi samanliknar oss med nabokommunane, ser vi at dei har ein langt lægre kostnad med ordningane sine, og vi bør vurdere kostnadsreduserande tiltak i Gloppen. Saksutgreiing Kort historikk I den første perioden med skulefritidsordningar i Gloppen ytte Staten tilskot etter to satsar: tilbod 14 timar og mindre/ tilbod 15 timar og meir. Gloppen kommune «spekulerte» litt i den dåverande statlege ordninga, ved at minstetilbodet vårt vart sett til 15 timar. Ingen kunne kjøpe eit mindre fasttilbod enn det. På denne måten fekk vi høgste statlege sats til alle, og vi kunne dermed legge foreldrebetalinga litt ned. Dette var ei god ordning, spesielt for dei små skulane, som vi hadde mange av på denne tida, og vi klarte å få til brukande ordningar på dei fleste skulane. Den største skulen, Sandane skule, var ikkje så begeistra for ordninga. Dei meinte at dei ville kunne skape eit like rimeleg og meir tilpassa tilbod til foreldra, om dei kunne gje meir differensierte tilbod. Den «gamle» finansieringsmodellen med øyremerking av statlege tilskot til drift av barnehagar og skulefritidsordningar, vart erstatta av at tilskota vart lagde inn i den «store sekken» frå 2004. Reed, Rygg og Vereide skular vart lagde ned i 2009. Dermed fall også argumentet om å berge SFO-ordningane ved dei minste skulane vekk. Oppvekstsjefen fekk i 2009/-10 etter kvart klare signal frå brukarane/foreldreutvala om at tida var inne for vesentlege endringar, og han skreiv ei sak som vart behandla i oppvekstutvalet som sak 005/11, og som kommunestyresak 012/11. Det vart i saka føreslege ei løysing med eit forholdsvis finmaska påmeldingssystem slik det kjem fram i tabellen under. Altså ei vesentleg omlegging i høve til tidlegare tilbod. Side 13
I den nemnde saka er oppvekstsjefen svært usikker på kva konsekvensane av dei føreslegne endringane vil bli, men konkluderer med at omlegginga truleg ikkje vil føre med seg vesentlege økonomiske utfordringar. Erfaringar med noverande modell Eg veit ikkje om det ligg føre brukarevalueringar som seier noko om kor nøgde foreldra er med noverande modell for påmelding, men eg vil tru at dei fleste opplever det som tilfredsstillande at dei kan kjøpe tilbod etter eit bra finmaska påmeldings- og betalingsnett. Vidare vil sjølvsagt foreldra vere opptekne av betalingssatsane, og ikkje minst, kor godt tilbod barna får på skulefritidsordningane. Rektorane har drøfta noverande ordning, og ei tilbakemelding frå dei er at graderinga er i meste laget finmaska, og at vi kanskje bør vurdere å finne ei mellomløysing mellom den gamle ordninga og noverande-. Oppvekstsjefen skriv i saka det er vist til ovanfor, at rekneskapstala for 2009 seier at det vart brukt kr 720.000 av kommunale midlar til delfinansiering av SFO-tilboda dette året, og at tilsvarande tal for 2010 såg ut til å bli ca. kr 600.000. For året 2011 vart SFO-ordninga i Gloppen budsjettert med kr 612.000 som kommunal utgift. Diverre enda det ikkje slik. Vedlagd tabell viser åra 2011 2013 samt rekneskapstal til og med november månad i 2014: 2014 2013 2012 2011 Nordstranda kr 330.000 kr 412.000 kr 393.000 kr 550.000 Breim kr 283.000 kr 305.000 kr 279.000 kr 244.000 Sandane kr 695.000 kr 657.000 kr 415.000 kr 356.000 Summert kr 1.308.000 kr 1.374.000 kr 1.087.000 kr 1.150.000 Brukarar av SFO inneverande skuleår Tabellen nedanfor gjev eit oversyn over bruken av SFO inneverande år: Heil plass 20 timar/veke 16 timar/veke 12 timar/veke 8 timar/veke 4 timar/veke sum Nordstranda 3 1 5 5 5 19 Breim 4 0 3 0 8 2 17 Sandane 3 5 9 24 13 12 66 Hyen 1 1 Samanlikning med grannekommunane Eid og Stryn Eg har sett litt på ordningane i dei 2 grannekommunane Eid og Stryn. Dei har valt ulike løysingar. Eid har ei løysing som liknar på den vi har i Gloppen, men med færre alternativ for påmelding. Dei tilbyr følgjande påmeldingsalternativ/ betalingssatsar: (Gloppen sine satsar i parentes) Inntil 8 timar/veke = kr 1.230,-/månad (kr 1.065) Inntil 14 timar/veke = kr 1.770,-/månad (kr 1.480 for 12 timar/veke//ville tilsvare kr 1.725 for 14 timar/veke) Meir enn 14 timar/veke = kr 2.110,-/månad (kr 2.100/ kr 2.260) Som vi ser, er satsane mykje like, med unntak av satsen for 8 timar og mindre. Her tek Eid inn kr 165 meir pr. barn enn vi gjer i månaden. Om vi skulle velje Eid sin modell med opp til og med 8 timar som minstesats, og vi føreset at alle som i dag tingar inntil 4 timar/veke og Side 14
inntil 8 timar/veke, vel denne løysinga, vil vi få følgjande auka inntekter = kr 165 * 10 (månader) * 46 (barn) = kr 75.900. Dette er ei høgst teoretisk tilnærming. Må vi auke bemanninga ut frå at mange av dei som tidlegare hadde eit tilbod på inntil 4 timar no vel å utnytte det dei har «rett på» fullt ut, og vel å ha barna på SFO-ordninga alle 8 timane, kan vinninga gå opp i spinninga. Vi kan også tenkje oss eit verste senario der nokre av dei som tidlegare tinga inntil 4 timar/veke seier at dei vel å ikkje nytte seg av SFO-ordninga i det heile, samstundes som vi må ha bemanning som tidlegare. I så fall vil vi også tape pengar. Stryn har eit tilbod med 2 grunnelement: 1. Grunntilbod (4 dagar i veka før og etter skuletid) = kr 1.450,-/månad 2. Ekstra dag (dagen elevane har fri) = kr 265,-/dag Grunntilbod + ekstra dag = kr 2.510,-/månad Ut over dette har Stryn fleire variantar etter kva årssteg eleven går på etc. Og det er mogeleg å kjøpe ekstra dagar. Ei samanlikning mellom Stryn og Gloppen viser i alle høve ein vesentleg skilnad, nemleg at Stryn kommune har prisa eit fulltidstilbod til kr 2.510,- i månaden, medan eit fulltidstilbod kostar kr 2.260 i Gloppen. Stryn kommune opplyser at dei driv skulefritidsordningane sine i balanse, medan Eid kommune har ei utgift på ca. kr 375.000 til drift av ordningane sine. Økonomiske konsekvensar for kommunen Som oppvekstsjefen skreiv i sak 005 til oppvekstutvalet i 2011, er det vanskeleg å vite kva konsekvensar ei omlegging vil føre med seg. Men sidan vi dreiv skulefritidsordinga rimelegare med det «gamle» systemet for påmelding, er det grunn til å tru at vi vil spare noko ved å gå eit steg attende og reduser tilboda brukarane kan velje mellom. Rådmannen si vurdering Utfordringa med å skape eit godt tilrettelagt skulefritidstilbod, der alle barn kan ha det trygt og godt og meiningsfullt, samstundes som tilbodet skal vere rimeleg for foreldra og medføre små kommunale kostnader, er bortimot uløyseleg. Kvalitet kostar pengar. Oppvekstsjefen vil meine at vi i Gloppen har satsa meir ein dei fleste kommunar på å ha eit SFO-tilbod med rimeleg god kvalitet. Utfordringa er sjølvsagt om vi framleis kan bruke mange kommunale kroner på eit frivillig tilbod. Eitt moment er ikkje teke med i oppstillinga ovanfor, nemleg at det på 2 av ordningane våre er barn som treng ekstra tilrettelegging/bemanning for i det heile å kunne nyttiggjere seg ordninga. Barn med funksjonshemmingar har sterke rettar i Opplæringslova, og det vil ikkje vere aktuelt å gje dei eit dårlegare tilbod enn dei har. Den eine skulen opplyser at han har ei 60 % stilling til spesiell oppfølging, den andre skulen har ei 67 % stilling til same formål. Det inneber ein samla kostnader på ca. kr 650.000 til ekstra bemanning i dei to skulefritidsordningane. Oppvekstsjefen i Eid opplyser at også dei har fleire barn som treng ekstra oppfølging, og at dette ligg inne i kommunen sin kostnad på kr 375.000 til drift av ordningane i kommunen. Kva kan vi i Gloppen gjere for å redusere dei kommunale utgiftene til drift av skulefritidsordningane våre? Side 15
Fasiten ligg ikkje i brukarbetalinga i alle fall ikkje i brukarbetalinga åleine. Det vil vere umogeleg å hente inn heile underskotet ved å auke betalingssatsane. Ein av rektorane skriv: «Utan at eg har rekna nøyaktig på det, opplevde vi at inntektene gjekk ned etter at vi innførte det nye systemet utan at vi kunne redusere bemanninga». Og her er vi sjølvsagt ved eit kjernepunkt når det gjeld økonomien i ordninga. Som med det meste, så er det dei tilsette som kostar pengar. Skal vi spare pengar, må det vere mange barn i høve til vaksne i det meste av opningstida. Dette kan vi like eller ikkje like, men slik er det. Innsparingspotensialet ligg i bemanning/bemanningsnorm. Oppvekstsjefen i Eid seier at dei går med ei minimumsbemanning som dei tilsette er svært lite nøgde med. Men i valet mellom «å ta ned» grunnskulen eller «å ta ned» SFO, har han valt det siste. Oppvekstsjefen i Eid seier vidare at dei aldri aukar bemanninga med ein (heil) person ekstra når dei bikkar talet der dei etter vedtektene skal auke bemanninga. Dei føretek berre ein prosentvis auke pr. barn, til dømes frå ei stilling til 1,2 stilling. Kanskje har vi noko å hente her? Kva gjer vi for å redusere utgiftene? - Mykje talar for at det er noko å hente ved å gå eit steg tilbake, både økonomisk og administrativt. Ei liknande løysing som Eid har, med eit minstetimetal på 8 timar, ei mellomløysing på 14 eller 15 timar og eit tilbod om full plass altså 3 alternativ vil vere aktuell. Alternativt kunne vi ha 4 ulike tilbod. - Opningstida på skulefritidsordningane er i følgje vedtektene frå kl. 07:45 til kl. 16:15. Skulane har dei siste åra tøygd denne grensa. Ein av skulane har ope frå klokka 07:00, ein annan frå 07:15, den tredje frå 07:30. Enten må skulane sørgje for å halde seg innafor denne ramma, eller så må vedtektene våre endrast. - Justere bemanninga/vere strenge på kor mykje som skal til før bemanninga vert auka. Det største innsparingspotensialet ligg venteleg her. Framlegg til påmeldingstilbod og betalingssatsar Denne saka handlar primært om påmeldingsalternativ og betalingssatsar. Eventuell sak om vedtektsendringar vil bli fremja seinare. Rådmannen vil føreslå følgjande påmeldingsalternativ og betalingssatsar: 8 timar og mindre = kr 1.150 15 timar og mindre = kr 1.850 16 timar og meir = kr 2.300 --- Utarbeidinga av denne saka har gått parallelt med arbeidet med å justere kommunale gebyr og betalingssatsar i 2015. Dessverre har rådmannen ikkje greidd å samordne sakene godt nok. Det nye regulativet kan ikkje innførast før frå nytt opptak, altså ikkje frå 1. januar 2015. Saka om gebyr- og betalingssatsar må korrigerast i samsvar med dette. RÅDMANNEN SI TILRÅDING: Kommunestyret vedtek følgjande påmeldingsalternativ og betalingssatsar for skulefritidsordningane i Gloppen frå oppstart av nytt skuleår 2015/-16: 8 timar og mindre = kr 1.150 15 timar og mindre = kr 1.850 16 timar og meir = kr 2.300. Side 16
09.12.2014 OPPVEKSTUTVALET 038/14 VEDTAK: Oppvekstutvalet er samd i tilrådinga. Side 17
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Eldrerådet 08.12.2014 023/14 Rådet for funksjonshemma 08.12.2014 021/14 Helse- og omsorgsutvalet 09.12.2014 045/14 Kultur- og miljøutvalet 09.12.2014 083/14 Oppvekstutvalet 09.12.2014 039/14 Teknisk og landbruksutvalet 09.12.2014 059/14 Formannskapet 15.12.2014 131/14 Kommunestyret 15.12.2014 083/14 Avgjerd av: Kommunestyre Saksbehandlar: Jan Kåre Fure Objekt: Arkiv: 231 Arkivsaknr.: 14/1259-16 Vedtak om gebyr og betalingssatsar for 2015 - endeleg behandling Vedlegg: Dok.nr Tittel på vedlegg 235703 Gebyr og betalingssatsar for 2015 235873 Styret i NoMil sitt framlegg til renovasjonsgebyr i 2015 Frå formannskapet si behandling av saka: Denne saka inneheld alle gebyr og betalingssatsar som ligg til grunn i rådmannen sitt framlegg til årsbudsjett for 2015, unnateke skatteøret og den kommunale eigedomsskatten. Årsbudsjettet inngår som første året i økonomiplanen for 2015-2018. Frå tidlegare behandling av saka: Saksutgreiing: I økonomiplanen for 2015-2018 er det for årsbudsjettet 2015 lagt til grunn ein lønnsauke frå 2014 på om lag 3 % Dei fleste av betalingsområda i kommunen er lønnstunge. Det betyr at utgiftsveksten i all hovudsak vil følgje lønnsveksten. Dette ligg også til grunn for rådmannen sitt framlegg til gebyr og betalingssatsar. Husleigesatsane er auka i samsvar med auken i konsumprisindeksen frå september 2013 til september 2014. Dette gje ein auke på 2,1 %. Det er ikkje nye gebyr- og betalingsområde i 2015. Reguleringsdato for alle endringar er 1. januar 2015. Økonomiske konsekvensar for kommunen: Side 18
Betalingssatsane er ein viktig del av kommunen sine inntekter, og avgjerande for å halde oppe tenestene på fleire område. I tillegg er kommunen pålagt å krevje inn dekking av utgiftene på avgiftsområda (kap 2.1 i regulativet). Rådmannen si vurdering: Rådmannen håpar det vedlagde regulativet er oversiktleg og opplysande, og legg derfor ikkje opp til å kommentere framlegget særskilt. --- Framlegget til gebyr og betalingssatsar skal leggast ut til offentleg gjennomsyn saman med resten av økonomiplanen. Tilråding blir derfor ikkje lagt fram no. Utleggingsperioden er rekna frå 28. november til 12. desember. Frå den politiske behandlinga av saka: (Her er berre teke med dei vedtaka som gjev endringar i første framlegg til gebyr- og betalingssatsar.) 18.11.2014 KULTUR- OG MILJØUTVALET Framlegg frå Dagfinn Nyhammer (H): Kultur- og miljøutvalet ber rådmannen lage ei eiga kortordning for bruk av anlegga i Trivselshagen for studentar som er på besøk i feriar og liknande. Framlegget vart samrøystes vedteke. 075/14 VEDTAK: 1. Kultur- og miljøutvalet har ingen merknader til rådmannen sitt framlegg til gebyr og betalingssatsar for 2015 2. Kultur- og miljøutvalet ber rådmannen lage ei eiga kortordning for bruk av anlegga i Trivselshagen for studentar som er på besøk i feriar og liknande. 18.11.2014 HELSE- OG OMSORGSUTVALET 040/14 VEDTAK: Helse- og omsorgsutvalet ber om at dei gebyr- og betalingssatsar som vert regulert etter lønnsveksten, vert regulert med utgangspunkt i den reelle lønnsveksten i 2014. 19.11.2014 FORMANNSKAPET Framlegg frå Arnfinn Brekke (Krf): Side 19
Formannskapet ber om at dei gebyr- og betalingssatsar som vert regulert etter lønnsveksten, vert regulert med utgangspunkt i den reelle lønnsveksten i 2014. Framlegget vart samrøystes vedteke. Framlegg frå Kristin Sandal (Sp): Formannskapet ber rådmannen lage ei eiga kortordning for bruk av anlegga i Trivselshagen for studentar som er på besøk i feriar og liknande. Framlegget vart samrøystes vedteke. 121/14 VEDTAK: 1. Formannskapet ber om at dei gebyr- og betalingssatsar som vert regulert etter lønnsveksten, vert regulert med utgangspunkt i den reelle lønnsveksten i 2014 2. Formannskapet ber rådmannen lage ei eiga kortordning for bruk av anlegga i Trivselshagen for studentar som er på besøk i feriar og liknande. Gebyr- og betalingssatsane elles vart drøfta. Rådet for funksjonshemma og eldrerådet har i møte den 10. november 2014 ikkje hatt merknader til det då framlagde regulativet. Nye opplysningar i saka: I samsvar med formannskapet sitt vedtak i sak 121/14 er dei gebyr- og betalingssatsar som blir regulert etter lønnsveksten endra i vedlagde framlegg. Det er uråd å seie heilt nøyaktig kva som er gjennomsnittleg lønnsvekst i Gloppen kommune frå 2013 til 2014, utover at lønnsveksten er vesentleg høgare enn den sentrale ramma for oppgjeret. Det er fleire årsaker til dette, jfr. rådmannen si oppsummering av årets lokale lønnsoppgjerd i sak 17/14 for adminisatrasjonsutvalet. På bakgrunn av denne saka, legg rådmannen til grunn at gjennomsnittleg lønnsvekst i Gloppen kommune i 2014 er om lag 4,5 %. Det nye regulativet er regulert med denne auken, der det let seg gjere. Endringane frå første utkast, som var datert 3. november i år, går fram av dokumentet. Samla sett er det rekna med at auken i nokre av gebyrområda frå 3 til 4,5 % gjev ein samla inntektsauke for kommunen på om lag kr 150.000,-. Framlegg til eiga kortordning for studentar og liknande i Trivselshagen er innarbeidd i regulativet. Det same gjeld styret for NoMil sitt framlegg til renovasjonsgebyr, som no er klart. --- Framlegget til gebyr og betalingssatsar skal leggast ut til offentleg gjennomsyn saman med resten av økonomiplanen. Endeleg tilråding blir derfor ikkje lagt fram no. Utleggingsperioden er rekna frå 28. november til 12. desember. Eg ber formannskapet ta stilling til om vi skal Side 20
legge saka fram att for råda og hovudutvala i høyringsperioden sidan regulativet no er endra på fleire punkt. Dersom det ikkje kjem fram noko vesentleg frå gjennomsynet, vil rådmannen si tilråding saka vere: Gloppen kommunestyre godkjenner formannskapet sitt framlegg til gebyr og betalingssatsar for 2015 datert 27. november 2014, slik desse følgjer av vedlegget i saka. RÅDMANNEN SI TILRÅDING: Formannskapet vedtek å legge vedlagde framlegg til gebyr- og betalingssatsar for 2015, datert 27. november 2014, ut til gjennomsyn fram til 12. desember 2014. 27.11.2014 FORMANNSKAPET Rådmannen bad om at betalingsregulativet for SFO blir retta til: 8 timar og mindre kr 1.150,- per månad 15 timar og mindre kr 1.850,- per månad Heil plass kr 2.300,- per månad Rådmannen vart gjort merksam på ein reknefeil i satsane for Trivselshagen (4,5 % på 4.000,- gir 4.180,- ikkje 4.800,- slik det står i dokumentet). 127/14 VEDTAK: Formannskapet vedtek å legge vedlagde framlegg til gebyr- og betalingssatsar for 2015, datert 27. november 2014, ut til gjennomsyn fram til 12. desember 2014 med dei endringane/rettingane som er omtala ovanfor om SFO-satsane og satsane i Trivselshagen. Formannskapet ber om at hovudutvala behandlar saka på nytt på sine møte i desember i år. Nye opplysningar i saka: Sidan gebyr- og betalingssatsane er endra i utleggingsframlegget frå formannskapet, blir saka lagt frå for råda og utvala på nytt. Rådmannen si utgreiing og vurdering går fram av saka og av regulativet. Sidan dette er å sjå på som ei høyring, legg rådmannen ikkje fram noko tilråding no. RÅDMANNEN SI TILRÅDING: Side 21
. 08.12.2014 ELDRERÅDET 023/14 VEDTAK: Eldrerådet har ingen merknader til formannskapet sitt framlegg til gebyr og betalingssatsar for 2015. 08.12.2014 RÅDET FOR FUNKSJONSHEMMA 021/14 VEDTAK: Rådet for funksjonshemma har ingen merknader til formannskapet sitt framlegg til gebyr og betalingssatsar for 2015. 09.12.2014 KULTUR- OG MILJØUTVALET Framlegg frå Kristin Sandal (Sp): Kultur- og miljøutvalet meiner at betalingssatsane i treningssenteret, idrettshallen, klatreanlegget og badeanlegget i Trivselshagen bør haldast på same nivå som i 2014. Utvalet har ingen merknader til andre framlegga i formannskapet sitt framlegg, men ber om at prisen på leige av fiolin i kulturskulen blir sett til kr 500,-. Framlegget vart samrøystes vedteke. 083/14 VEDTAK: Kultur- og miljøutvalet meiner at betalingssatsane i treningssenteret, idrettshallen, klatreanlegget og badeanlegget i Trivselshagen bør haldast på same nivå som i 2014. Utvalet har ingen merknader til andre framlegga i formannskapet sitt framlegg, men ber om at prisen på leige av fiolin i kulturskulen blir sett til kr 500,-. 09.12.2014 OPPVEKSTUTVALET 039/14 VEDTAK: Side 22
Oppvekstutvalet ber om at satsane for plass i skulefritidsordninga (SFO) blir retta til: Betaling for plass i skulefritidsordninga blir auka med om lag 2 %. Satsar i perioden 1. januar 31. juli 2015: Timar/veke Pris /mnd 4 625,- (610) 8 1.090,- (1.065) 12 1.510,- (1.480) 16 1.860,- (1.820) 20 2.150,- (2.100) Full plass 2.300,- (2.260) Satsar i perioden 1. august 31. august 2015: Timar/veke Pris /mnd 8 1.150,- (1.065) 15 1.850,- (1.820) Full plass 2.300,- (2.260) For heile året: Syskenmoderasjon: 1. barn 0 % 2. barn 20 % 3. barn 33 % Kjøp av feriedagar kr 165,- per dag (160). Det vert gjeve syskenmoderasjon også ved kjøp av feriedagar. Kjøp av einskildtimar kr 60,- (59) per time. For sein henting på SFO blir fakturert med kr 50,- per påbegynt kvarter når tilsette må stå ut over ordinær arbeidstid. Gebyrsatsen er uendra frå 2013. Oppvekstutvalet har ingen fleire merknader på utvalet sitt ansvarsområde i saka. Side 23