MØTEINNKALLING Utval: UTVAL FOR OPPVEKST OG OMSORG Møtestad: rådhuset Møtedato: 31.01.2008 Tid: 12.30 Varamedlemmer møter berre etter nærare innkalling SAKLISTE Sak nr. Arkivsak nr. Tittel 1/08 08/187 RAMMEAVTALE MELLOM HELSE FØRDE OG BALESTRAND KOMMUNE 2/08 08/188 VAL AV REPRESENTANTAR TIL SAMARBEIDSUTVALA FOR SKULAR OG BARNEHAGAR YMSE Balestrand 09.04.08 Anne Margrethe Kråvik leiar
Sak 1/08 MØTEBOK Sak nr.: Utval Møtedato 1/08 Utval for oppvekst og omsorg 31.01.2008 Sakshandsamar: Vidar Roseth Arkivsaknr.: 08/187 Arkiv: 024 G00 RAMMEAVTALE MELLOM HELSE FØRDE OG BALESTRAND KOMMUNE Vedlegg: Bakgrunn: Lovheimel: Brev av 03.12.07 frå Helse Førde Framlegg til rammeavtale NOU 3:2005 Fra stykkevis til helt St.meld. nr 25 (2005-2006) omsorgsmeldinga Nasjonal helseplan 2007 2010 Samhandling mellom spesialisthelsetenesta og kommunehelsetenesta i Sogn og Fjordane, bakgrunn og skisse, 14.11.06 Sak 06/1152 i utval for oppvekst og omsorg 30.01.07 Nasjonal rammeavtale om samhandling på helse- og omsorgsområdet, KS og Helse- og omsorgsdepartementet, 21.06.07 Lov om helsetenesta i kommunane Lov om sosiale tenester Spesialisthelsetenestelova Lov om psykisk helsevern SAKSOPPLYSNINGAR Helse Førde og KS i fylket har samarbeidd om ein prosess for å få etablert nye samarbeidsorgan. Det har vore utarbeidd eit felles grunnlagsdokument og saka har vore til høyring i kommunar og regionråd. Utval for oppvekst og omsorg i Balestrand kommune vedtok den 30.01.07 slik uttale: Balestrand kommune sluttar seg til prinsippa for framtidig organisering av samhandlinga mellom spesialisthelsetenesta og kommunehelsetenesta i fylket og den konkrete organiseringa som det er gjort framlegg om i notat av 14.11.06 frå Helse Førde og KS Sogn og Fjordane. Balestrand kommune gir vidare si tilslutning til uttale av 02.01.07 frå Sogn regionråd, der det blir peikt på viktige moment som det må takast omsyn til for at samhandlingsorgana skal fungere etter intensjonane.
Sak 1/08 Ut frå innkomne uttalar og drøfting i rådmannsutvalet, KS sitt fylkesstyre, Helse Førde og det dåverande koordineringsrådet, vart det teke avgjerd om val av samarbeidsmodell vinteren 2007. Denne samsvarer i all hovudsak med framlegget som var ute på høyring, og er tufta på nokre sentrale prinsipp (oversiktleg, likeverdig, prioritert). Dei nye organa kom i gang i 2007. Dette skal danne grunnlaget for ei ny og større satsing på samhandling mellom nivåa framover til beste for pasientane. Modellen er skissert slik: Koordineringsrådet Deltakarar frå nivåa Tal representantar Merknad Representant frå KS 1 Representantar frå regionråda 4 Brukarrepresentantar 2 Adm. direktør i Helse Førde HF 1 Klinikkdirektørar 4 Fagdirektør i Helse Førde 1 Representant frå fagrådet Kommunerepresentant 1 Representant frå fagrådet Fylkesmannen 1 Møte og talerett Samansetjing av fagrådet Deltakarar frå nivåa Tal representantar Merknad Fagperson frå kommunane 1 Sit også i koordineringsrådet Fagpersonar frå kommunane 4 Fagdirektør i Helse Førde 1 Sit også i koordineringsrådet Fagpersonar frå Helse Førde 4 Leiinga av koordineringsrådet skal gå på omgang mellom kommunane og Helse Førde. Helse Førde er ansvarleg for sekretariatsfunksjonen. Fagdirektøren ved Helse Førde er leiar av fagrådet. I tillegg til dei fora som er skisserte over, skal det to gonger i året vere eit dialogmøte mellom styret i Helse Førde og politisk leiing i kommunane/fylkeskommunen. Den fyrste oppgåva for koordineringsrådet var å utarbeide framlegg til ein rammeavtale for samhandlinga mellom Helse Førde og kommunane. Ein slik rammeavtale, som også fylkesstyret i KS har stilt seg bak, er sendt ut til kommunane for handsaming. Ved å skrive under på avtalen, forplikter den einskilde kommunen seg til å nytte den etablerte samhandlingsstrukturen og til å slutte opp om eit arbeid med å utvikle delavtalar for å forbetre samhandlinga mellom spesialist- og kommunehelsetenesta på viktige område.
Sak 1/08 VURDERING Avtalen skulle vere godt i tråd med den sentrale avtalen mellom staten og KS og bygger på dei prinsippa KS Sogn og Fjordane tidlegare har vore opptekne av, og som eit klart fleirtal av kommunane (også Balestrand) tidlegare har støtta. Dette danner etter rådmannen si vurdering eit godt fundament for vidare utvikling av samarbeidet mellom spesialist- og kommunehelsetenesta i fylket, noko det er stort behov for. I åra framover vil dei samla utfordringane helsevesenet står overfor kreve ei betre samordning og nye måter å løyse oppgåvene på. I takt med den store auken i tal eldre, dei teknologiske nyvinningane og dei stadig større forventningane vil behovet for ei fornuftig oppgåvefordeling, gode og effektive rutinar og ein god kommunikasjon mellom spesialist- og kommunehelsetenesta verte stadig større. Det vert tilrådd at Balestrand kommune inngår avtale med Helse Førde i tråd med framlegget. Rådmannen si tilråding: Balestrand kommune inngår rammeavtale med Helse Førde HF i samsvar med framlegg av 03.12.07.
Sak 2/08 MØTEBOK Sak nr.: Utval Møtedato 2/08 Utval for oppvekst og omsorg 31.01.2008 Sakshandsamar: Vidar Roseth Arkiv: 033 &15 Arkivsaknr.: 08/188 VAL AV REPRESENTANTAR TIL SAMARBEIDSUTVALA FOR SKULAR OG BARNEHAGAR Vedlegg: Bakgrunn: Lovheimel: Opplæringslova 11-1. Barnehagelova 4 og 5. SAKSOPPLYSNINGAR Ved kvar grunnskule skal det vere eit samarbeidsutval med to representantar for undervisningspersonalet, ein for andre tilsette, to for foreldrerådet, to for elevane og to for kommunen. Den eine av representantane for kommunen skal vere rektor ved skulen. Samarbeidsutvalet har rett til å uttale seg i alle saker som gjeld skulen. Ved kvar grunnskule skal det vidare vere eit skulemiljøutval (ny føresegn frå 2005). I skulemiljøutvalet skal elevane, foreldrerådet, dei tilsette og kommunen vere representerte. Skulemiljøutvalet skal vere sett saman slik at representantane for elevane og foreldra til saman er i fleirtal. Skulemiljøutvalet skal medverke til at skulen, dei tilsette, elevane og foreldra tek aktivt del i arbeidet for å skape eit godt skulemiljø. Skulemiljøutvalet har rett til å uttale seg i alle saker som gjeld skulemiljøet. Samarbeidsutvalet kan sjølv vere skulemiljøutval. Når samarbeidsutvalet fungerer som skulemiljøutval, må det då oppnemnast tilleggsrepresentantar for elevane og foreldra, slik at dei samla får fleirtal. Ved kvar barnehage skal det også vere eit samarbeidsutval. Dette skal vere samansett av foreldre/føresette og tilsette i barnehagen, slik at kvar gruppe er likt representert. Barnehagen sin eigar (kommunen) kan delta etter eige ynskje, men ikkje med fleire representantar enn kvar av dei andre gruppene.
Sak 2/08 Samarbeidsutvalet for barnehagen skal vere eit rådgjevande, kontaktskapande og samordnande organ. Utvalet skal etter forskrifta i særleg grad drøfte barnehagen sitt ideelle grunnlag og arbeide for å fremje kontakten mellom barnehagen og lokalsamfunnet. Utvalet skal verte forelagt og har rett til å uttale seg i saker som er viktige for barnehagen sitt innhald, verksemd og forholdet til foreldrane. Kommunen kan, der det er mest praktisk, skipe eit felles samarbeidsutval for grunnskule og barnehage. Det går fram av opplæringslova 11-1 korleis eit slikt felles organ i tilfelle skal vere samansett. Det er utval for oppvekst og omsorg som har mynde til å velje kommunen sine representantar til samarbeidsutvala. Fylgjande vert valde til samarbeidsutvala for skular og barnehagar for 2003-2007: Samarbeidsutvalet for Sagatun skule: Kari Maria Rutle Fjærestad Samarbeidsutvalet for Sagatun barnehage: Harald Offerdal Samarbeidsutvalet for Nesse skule: Geir Willy Nesse Samarbeidsutvalet for Nesse barnehage: Åse Kari Einevoll Samarbeidsutvalet for Fjordtun oppvekstsenter: Helge Pedersen VURDERING Hovudføremålet med samarbeidsutvala er å sikre samarbeid mellom eigar og drivar av skule/barnehage og dei som verksemda er til for. Utvala har ein kontaktskapande og rådgjevande funksjon. Utvala har ein uttalerett, men ikkje avgjerdsmynde eller instruksjonsmynde. Kommunen står fritt til om det skal vere politiske eller administrative representantar i samarbeidsutvala. At det vert valt politiske representantar, som skal gje uttale til både administrative og politiske instansar i kommunen, kan bryte med organisatoriske liner på ein uheldig måte og vanskeleggjere skiljet mellom politikk og administrasjon. Rådmannen har likevel ikkje registrert at dette har skapt store vanskar i praksis, og vil ikkje ha vesentlege innvendingar dersom ein vel å vidareføre ei ordning med politisk valde representantar. Det vert tilrådd at ein vidarefører ordninga med felles samarbeidsutval for skule og barnehage ved Fjordtun oppvekstsenter. Når det no også er oppvekstsenter på Nessane, vert det tilrådd at det også her skal vere felles samarbeidsutval for skule og barnehage. Det vert vidare tilrådd at samarbeidsutvala vert tillagt funksjonen som skulemiljøutval. Rådmannen si tilråding:
Sak 2/08 Samarbeidsutvala ved skulane vert tillagt funksjonen som skulemiljøutval etter opplæringslova 11-1a. Det skal vere felles samarbeidsutval for skule og barnehage ved Fjordtun oppvekstsenter og Nesse oppvekstsenter. Fylgjande vert valde til samarbeidsutvala for skular og barnehagar for 2008-2011: Samarbeidsutvalet for Sagatun skule:.. Samarbeidsutvalet for Sagatun barnehage:.. Samarbeidsutvalet for Fjordtun oppvekstsenter:.. Samarbeidsutvalet for Nesse oppvekstsenter:..