Emisjonsavtale Gloppen Energi AS 1 UTKAST UNDER ARBEID Arkivnr. Revisjonsnr.: 127 6466-6 Revisjonsdato: 2015-08-12 Revidert av: SFE-OLLI Avtale om retta emisjon i Gloppen Energi AS mellom Gloppen kommune (GK), org.nr. 964 969 124, Gloppen Energi (GE), org.nr. 993 039 330 og SFE Produksjon AS (SFE), org.nr. 984 882 106 xx.09.2015
Emisjonsavtale Gloppen Energi AS 2 AVTALE OM RETTA EMISJON I GLOPPEN ENERGI AS (Emisjonsavtale) Den 00 september 2015 vart følgjande Emisjonsavtale (Avtalen) inngått mellom Gloppen kommune (GK), organisasjonsnummer 964 969 124, adresse Grandavegen 9, 6823 Sandane («Majoritetsaksjonær»), Gloppen Energi AS (GE), organisasjonsnummer 993 039 330, forretningsadresse 6823 Sandane ( «Utstedar») og SFE Produksjon AS (SFE-P), organisasjonsnummer 984 882 106, forretningsadresse c/o Sogn og Fjordane Energi AS, Bukta, 6823 Sandane i Gloppen kommune («Teiknar») Majoritetsaksjonær, Utstedar og Teiknar vert i fellesskap omtala som «Partane» og kvar for seg som «Part». 1. Bakgrunn og føremål Gloppen kommune (GK) har vore eigar av Trysilfossen, Eidsfossen og Evebøfossen kraftverk («Gloppenstasjonane») med tilhøyrande fall og reguleringsanlegg i Gloppenelva (Storelva) i Breimsvassdraget i Gloppen kommune. Kraftverka var tidlegare organisert i eininga Gloppen Energiverk (GEV). Kommunen ønskjer å omorganisere sitt engasjement i energi-sektoren slik at Selskapet GE frå 01.01.2016 vert eigar av Gloppenstasjonane med grunn-, fall- og reguleringsrettar, samt at eigarskapen til SFE-aksjane vert tilbakeført til GK. For å oppfylle GK og GE sine interesser om best mogleg verdiskaping frå Gloppenstasjonane og for effektivt å kunne nyttiggjere seg SFE-P sin kompetanse som lokalt forankra kraftprodusent har GK vidare valt å gjennomføre ein retta emisjon i GE mot SFE-P slik at Selskapet får tilført kapital og får med SFE-P som minoritetsaksjonær. 2. Retta Emisjon 2.1. Aksjar og aksjeklassar. Gloppen Energi AS skal ha Aksjar der samla tal aksjar og total pålydane aksjeverdi vert avgjort ved etablering av balanse pr 01.01.2016. 2/3 av aksjane skal vere A-aksjar som berre kan ervervast av eigarar som vert rekna som offentlege etter konsesjonslovgjevinga og 1/3 skal vere B-aksjar.
Emisjonsavtale Gloppen Energi AS 3 Ved emisjonen skal Selskapet (GE) utstede nye Aksjar med 2/3 nye A-aksjar og 1/3 nye B-aksjar og slik at dei nye aksjane utgjer 30,0 % av både kvar aksjeklasse og totalt tal aksjar i Selskapet. SFE-P skal teikne seg for desse nye aksjane til i Selskapet på Gjennomføringstidspunktet, slik at GK eig 70 % og SFE-P eig 30% av totalt tal aksjar etter emisjonen. 2.2. Gjennomføring - Tid og stad for aksjeemisjonen Gjennomføringa skal skje i generalforsamling for selskapet tysdag 5. januar 2016 kl 12:00 (Emisjonstidspunktet) på Sandane i Gloppen Kommune i dei lokale GE vedtek. På emisjonstidspunktet skal SFE-P teikne seg for dei nye Aksjane i selskapet og bli innført i aksjeigarboka for Selskapet samstundes som vederlaget for aksjane skal betalast. Partane forplikter seg til å stemme i generalforsamlinga i samsvar med denne avtalen. 2.3. Utrekning av vederlaget Partane har avtala at verdien av kraftanlegga med tilhøyrande grunneigedomar, fallrettar og reguleringsrettar er på NOK 150.000.000 eithundreogfemtimillionar - («Kraftanleggsverdien») per 31. januar 2015. Partane er vidare samde om at vederlaget for å erverve 30,0 % av samtlige Aksjar i Selskapet etter gjennomført emisjon («Vederlaget») skal vere Kraftanleggsverdien med frådrag for Netto Gjeld i Selskapet pr. 1. januar 2016 dividert med 70 og multiplisert med 30. Netto gjeld vert definert som dei poster i Selskapet sin balanse pr. 1. januar 2016 som ikkje omfatter Kraftanleggsverdien, og består av følgjande poster: a) Tillegg for omlaupsmidlar i Selskapet b) Frådrag for eventuell gjeld i Selskapet knytt til restverdien av investeringar i leigeperioden. c) Frådrag for eventuell gjeld i Selskapet til SFE sine forskotterte kostnader til konsulentoppdrag for konsesjonsøknad for utvidingsprosjekt. d) Frådrag for eventuelt andre gjeldpostar, t.d. knytt til eksisterande lån i Sparebanken Vedlegg 2.3. viser oppsett for utrekning av endeleg vederlag for å erverve 30,0 % av aksjane etter gjennomført emisjon som består av Kraftanleggsverdien med frådrag for Netto Gjeld dividert med 70 og multiplisert med 30. Emisjonskursen pr aksje vert i samsvar med dette samla vederlagt dividert på tal aksjar i emisjonen. 3. Tilleggsvederlag ved investeringsvedtak om Utviding Ved konsesjonssøknader av 5. juni 2015 er det søkt om løyve til å utvide kraftproduksjonen i dei 3 kraftverka. Dette representerer moglege tilleggsverdiar for aksjonærane. Tilleggsverdiane er i første rekkje knytt til utviding i Eidsfossen kraftverk, men gjeld også Trysilfossen. Føreset nødvendig konsesjon for utvidinga i Eidsfossen kraftverk, stipulert ny produksjon av storleik 12,8 GWh, investeringsvedtak av styrande organ i Selskapet basert på innhenta tilbod medrekna bindande framdriftsplanar som tilseier at Selskapet vil oppnå elsertifikat for den nye
Emisjonsavtale Gloppen Energi AS 4 produksjonen i Eidsfossen kraftverk, skal Teiknar (SFE-P) betale eit Tilleggsvederlag stort NOK 6.771.000 ((NOK 15.800.000,-/70)*30) til Selskapet. Utløysing av Tilleggsvederlaga skjer på tidspunkt for bindande styrevedtak knytt til det aktuelle kraftverket i Selskapet i samsvar med føresetnadene ovanfor og med 30 dagar betalingsfrist for Teiknar (SFE-P). generalforsamling må då gjennomførast i denne 30 dagars perioden for å handsame emisjonen. 4. Kraftanleggsverdien Verdien av GE og nye aksjar i selskapet er i hovudsak knytt til Kraftanleggsverdien, dvs kraftstasjonar og reguleringsanlegg samt tilhøyrande grunn-, fall- og reguleringsrettar. Med bakgrunn i tidlegare leigeavtale og historikken for øvrig er det ikkje gjennomført ein Due Diligence prosess knytt til emisjonen. I Kraftanleggsverdien inngår følgjande: 4.1. Fall, reguleringsrettar og eigedomar (i) Oversyn over fallrettar med ervervskonsesjonar og eigedomar som GE skal eige er framstilt i Vedlegg 4.1. (ii) Gloppenstasjonane nyttar Reguleringskonsesjonen for Breimsvatnet av 9. september 1932 med seinare fastsett manøvreringsreglement og endringar. 4.2. Kraftstasjonar og reguleringsanlegg (i) Oversyn over kraftstasjonar og reguleringsanlegg (anleggsobjekta) er framstilt i Vedlegg 4.2.A. (ii) Grensesnittet mellom kraftverka/gloppenstasjonanen AS og SFE Nett sine anlegg er vist i Vedlegg 4.2.B. 5. Plikter mellom Signering og Gjennomføring For at Gjennomføring skal kunne skje som føresett 5. januar 2016 er partane avhengige av ei rekkje handlingar i tida frå Signering av denne Avtalen til Gjennomføring av Avtalen på Emisjonstidspunktet: 5.1. Majoritetsaksjonær og Utstedar sine plikter GK og GE sine plikter i perioden frå Signering til Gjennomføring er: (i) På signeringstidspunktet er Gloppen Kommune (GK) eigar av Gloppenstasjonane. GK og GE plikter å få overdrege alle kraftverks- og reguleringsanlegg samt alle grunn-, fall- og reguleringsrettar til Selskapet seinast 1. januar 2016. (ii) Seinast 3 veker etter Signering av denne Avtalen skal GE syte føre at det vert søkt om ervervskonsesjon for overdraging av alle fallrettar til Selskapet og om overføring av reguleringkonsesjonen for Breimsvatnet til Selskapet, samt om andre nødvendige konsesjonar og løyve. (iii) GE skal etablere nødvendige forsikringordningar for kraftanlegga og kraftproduksjonen i GE men verknad frå 1. januar 2016. 5.2. Teiknar sine plikter SFE-P sine plikter i perioden frå Signering til Gjennomføring er:
Emisjonsavtale Gloppen Energi AS 5 (i) (ii) SFE-P bistå Utstedar med nødvendig informasjon og materiale for å kunne søkje om ervervskonsesjon og overføring av reguleringskonsesjonen til GE. SFE-P er leigetakar i perioden fram t.o.m. 31.12.2015 og plikter å så langt som råd å oppretthalde normal drift på anlegga i resten av leigeperioden. Utstedar skal haldast orientert ved eventuelle unormale forhold av vesentleg karakter. 6. Vilkår for overdraging av aksjane Teiknar og Majoritetsaksjonær/Utstedar sin plikt til å gjennomføre emisjonen med teikning av nye aksjar i samsvar med punkt 2 og 3 er under føresetnad av at pliktene under punkt 5 anten er oppfylt eller fråfalle av Partane. Denne Avtalen er ein del av omorganisering av GK sitt engasjement i energi-sektoren som inkluderer overdraging av GK sine aksjar i SFE AS frå GE tilbake til GK. Det er eit vilkår for gjennomføring av denne Avtalen at overdraginga ikkje utløyser forkjøpsrett til GK sine SFEaksjar frå øvrige aksjonærar i SFE AS eller at slik eventuell forkjøpsrett vert frafalle av øvrige aksjonærar i SFE AS. 7. Utstedar sine garantiar og inneståelser Teiknar (SFE-P) har drifts- og vedlikehaldsansvar for kraftverk og reguleringsanlegg i leigeperioden, og kjenner tilstanden til anlegga godt. Utstedar gjev ikkje garantiar for tilstanden til anlegga. Utstedar garanterer på dato for denne avtalen og på gjennomføringstidspunktet: (i) (ii) (iii) At Selskapet er lovleg stifta og registrert i Foretaksregisteret. At Selskapet sin balanse pr 31.12.2015 / 01.01.2016 er korrekt og vil vere i samsvar med endeleg revidert balanse. At Selskapet har eigedomsrett til alle anlegg, faste eigedomar, fall, rettar og vesentlege eigardelar og driftsmidlar som vert nytta i dagleg drift. (iv) At Selskapet sitt framførbare underskot i samsvar med sjølvmelinga for året 2014 ikkje er nytta før gjennomføringa av emisjonen. 8. Utstedar sine brot på garantiar Utstedar skal erstatte eit kvart økonomisk tap som Teiknar vert påført som følgje av brot på nokre av Utstedar sine garantiar i punkt 7. Erstatningen skal reknast ut med bak bakgrunn i alminnelege erstatningsrettslege prinsipp og oppgjer skal skje gjennom justert emisjonskurs. Utstedar er ikkje erstatningsansvarleg for tap pga handling eller utelatt handling frå Kjøpar sin side eller tap som følgje av endra lovgjeving rammevilkår.
Emisjonsavtale Gloppen Energi AS 6 9. Heving Kvar av partane kan heve denne avtalen om nødvendige offentlege konsesjonar og løyve for å etablere og drive Selskapet i samsvar med Avtalen ikkje vert gitt. Om dette skjer etter gjennomføring av emisjonen skal denne reverserast. Partane skal i størst mogleg grad stillast som om transaksjonen ikkje vart gjennomført. 10. Lovval og tvisteløysing Ei kvar tvist etter denne Avtalen skal søkjast løyst ved forhandling. Om Partane ikkje oppnår semje skal tvisten avgjerast ved dei ordinære domstolar med Fjordane Tingrett som verneting. * * * * * * Denne Avtalen er utarbeidd i 3 eksemplar - eit til kvar av Partane. Sandane, xx september 2015 Gloppen kommune Gloppen Energi AS SFE Produksjon AS
Emisjonsavtale Gloppen Energi AS 7
Emisjonsavtale Gloppen Energi AS 8 Emisjon i Gloppen Energi AS Utrekning av Endeleg Kjøpesum og emisjonskurs Vedlegg 2.3. Tabellen er døme / mal for utrekning av verdi / emisjonskurs pr 01.01.2016 og tala skal oppdaterast til rett verdi pr 01.01.2016 Verdi av 100 % av aksjane i Gloppen Energi AS pr. 01.01.2016 Verdi pr. 01.01.2016 1 Kraftanleggsverdi: Framforhandla verdi av kraftstasjonar med reguleringsanlegg samt alle grunn-, fall- og reguleringsrettar, føresett 30,0% medeigarskap for SFE Produksjon AS (30,0 % av verdien er 43,5 MNOK) NOK 145.000.000 2 Netto Gjeld: a) Verdi av framførbare skattemessige underskot, som partane + 5.000.000 under forhandligane har avtala som ein fast verdi på NOK 5.000.000,- føreset at framførbart skattemessig underskot pr 31.12.2015 / 01.01.2016 er av om lag same storleik som i avlagt rekneskap for året 2014. b) Omlaupsmidlar + 0 c) Gjeld - Restverdi av Utskiftingar og Investeringar - 25.000.000 d) Gjeld Forskotterte kostnader konsesjonssøknader - 1.000.000 Utvidingsprosjekt e) Gjeld Andre gjeldsposter - 60.000.000 3 SUM: Verdi av 100 % av aksjane i Gloppen Energi AS før emisjon = 64.000.000 Vederlaget for teikning av nye aksjar som skal utgjere 30,0 % av aksjane etter gjennomført emisjon. (Verdi av 100 % av aksjane før emisjon) * 30 / 70 = 27.429.000 Emisjonskurs: Tal aksjar som utgjer 30,0 % av totalt tal aksjar etter emisjon Kurs pr aksje - emisjonskurs (Tal aksjar) (Vederlag / tal aksjar)
Emisjonsavtale Gloppen Energi AS 9 Vedlegg Gloppensatsjonane Spesifikasjon av skattemessige verdiar på driftsmidla
Emisjonsavtale Gloppen Energi AS 10 Oversyn over fallrettar med ervervskonsesjonar og eigedomar Vedlegg 4.1
Emisjonsavtale Gloppen Energi AS 11 Vedlegg 4.2.A. Gloppenstasjonane oversyn over kraftstasjonar og reguleringsanlegg mv.
Emisjonsavtale Gloppen Energi AS 12 Gloppenstasjonane Einlinjeskjema mv Grensesnitt mot SFE Nett Vedlegg 4.2.B.