HORDALAND FYLKESKOMMUNE Regionalavdelinga Utviklingsseksjon Arkivsak 201001173-1 Arkivnr. 135 Saksh. Torgersen, Matti Saksgang Møtedato Fylkesutvalet 18.02.2010 BRUK AV KONSESJONSKRAFTMIDLAR TIL REGIONALE UTVIKLINGSTILTAK - SØKNAD OM FORLENING AV TILSEGN FOR DALE FABRIKKUTSALSENTRUM - SØKNAD OM ENDRA TILSEGN FRÅ ULVIK HERAD (GNIST) - NY UTLYSING SAMANDRAG Det er kome inn søknader knytt til to prosjekt som det tidlegare har vore gitt tilsegn til. Dette gjeld Dale fabrikkutsalsentrum, der tilsegn vart gitt i 2004, men der prosjektet er blitt utsett fleire gonger grunna at det førebels ikkje har lete seg realisere. Det er no interesserte investorar som ser ut til å gå inn i prosjektet. Det gjenstår 1 mill kr. att av tilsegnet til dette prosjektet. Det andre er Gnist Hardanger (tidlegare Hardanger Rehabiliteringssenter).. Kommunen legg no opp til å avvikle prosjektet i opphavleg form, og heller sjå på andre alternativ for å realisere tomta og å skaffe nye arbeidsplassar. Det opphavlege tilsegnet var på 10 mill kr, men dei søkjer no om å oppretthalde 3,5 mill. kr. av tilsegnet til alternativ anvending av tomta, ut 2010. Fylkesrådmannen meiner prinsipielt at når prosjekt vesentleg endrar karakter, bør det fremjast ny søknad der det vert konkurrert med andre aktuelle prosjekt. På dette grunnlag og av di planane i Ulvik førebels er lite konkretiserte, finn fylkesrådmannen ikkje grunnlag for å oppretthalde delar av tilsegnet. Det betyr at det må søkjast på nytt når ledige midlar blir lyst ut. Etter fylkesrådmannen si meining er fabrikkutsalsentrumet på Dale er i ein litt anna situasjon. Her er prosjektet i tråd med opphavleg søknad. Det er likevel tvilsamt å oppretthalde eit tilsegn så lenge som har vore gjort i dette tilfelle. Men på Dale ser det likevel ut til at man har lukkast med å få ein investor med lokal tilknyting som er viljug til å satse på prosjektet, og vil difor rå til å forlengje tilsegnet, men med ein endeleg tidsfrist for vedtak om å realisere planane. Det er i budsjettet for 2010 ikkje lagt opp til å lyse ut midlar i inneverande år, såfremt ikkje planane for Gnist i Ulvik vert avvikla. Eg vil difor rå til at midlar for 2009 og 2010 vert lyst ut i tråd med
vanleg praksis. Det er etter det eg kjenner til fleire prosjekt som er aktuelle for finansiering gjennom denne ordninga rundt i fylket. FORSLAG TIL VEDTAK 1. Tilsegnet for Dale fabrikkutsalsentrum vert vidareført fram til 1. juni 2010. Innan den tid må kommunen ha forpliktande planar for bruk av midlane, og det må liggje føre eit vedtak om at prosjektet blir realisert. Dersom dette ikkje ligg føre innan fristen, vert tilsegnet trekt tilbake. 2. Fylkesutvalet registrerer at Ulvik Herad ikkje går vidare no med prosjektet. På prinsipielt grunnlag meiner fylkesutvalet at når eit prosjekt i vesentleg grad endrar karakter, må prosjektet konkurrere på like vilkår med andre søkjarar. Fylkesutvalet finn difor at det ikkje er grunnlag for å omgjere tilsegnet til Gnist til det nye prosjektet. Det betyr at det må søkjast på nytt når nye midlar blir lyst ut. 3. Dei frigjorte midlane for 2010 og 2011 blir lyst ut igjen til kommunane i tråd med vilkår og føremål som er gitt ved tidlegare utlysingar av midlane. Paul M. Nilsen Jan Per Styve Vedlegg: Brev frå Vaksdal kommune datert 1. desember 2009 Brev frå Ulvik Herad datert 29. desember 2009 2
FYLKESRÅDMANNEN, 03.02.2010: Innleiing Ordninga med bruk at konsesjonskraft til regionale utviklingsføremål er å støtte opp under større "fyrtårnsprosjekt" - strategisk viktige prosjekt - der ein kan skapa noko unikt for heile eller delar av fylket, eller til prosjekt som medverkar til å skapa attraktive og konkurransedyktige regionar. Midlane skal primært gå til investeringar. Det har vore gitt midlar sida 2003. Etter vedtak i fylkestinget, har det vore gitt midlar på påfølgjande år sine rammer. Dei siste åra har rammene vore på 15 mill kr. Fylkestinget har vedteke at det kan verte fordelt midlar på rammene for påfølgjande år. Det er kome inn søknader knytt til to prosjekt som det tidlegare har vore gitt tilsegn til. Dette gjeld Dale fabrikkutsalsentrum, der tilsegn vart gitt i 2004, men der prosjektet er blitt utsett fleire gonger grunna at det førebels ikkje har lete seg realisere. Det er no interesserte investorar som ser ut til å gå inn i prosjektet. Det andre er Gnist Hardanger (tidlegare Hardanger Rehabiliteringssenter), som avviklar prosjektet slik det opphavleg vart lagt opp til. Søknadene følgjer vedlagt. Dale fabrikkutsalsentrum Prosjektet med å få realisert eit senter / samling av fabrikkutsal for kjente merkevarar lokalisert til Dale, starta i 2004 under tittelen "Dale Fabrikkutsalssentrum". Kommunen søkte tilskot frå Hordaland fylkeskommune gjennom ordninga med bruk av konsesjonskraftmidlar til regionale utviklingstiltiltak i 2004. Det vart søkt om 10 mill kr, men det vart gitt tilsegn om 1,5 mill kr. Det vart utbetalt 0,5 mill. kr til prosjektet i november 2004. Kommunen har fleire gonger søkt om å utsetjing av utbetaling av dei resterande "Fyrtårnsmidlar" på 1 mill kr. littala AS (Høyang-Polaris) opna utsal på Dale Stasjon 01 Juli 2004. Dette vart flyttet til Dalegården juni 2005, samlokalisert med andre norske merkevarer, dette i regi av Dale Næringshage AS. littala AS avslutta sitt utsal sommaren 2006. Resten av fabrikkutsala flytta til Dale Sentrum august/september 2006. Drifta av utsalet varte frem til 01.06.07, då Dale Næringshage AS ble solgt, og utsalet ble etter kvert trappa ned og avvikla (Januar 2008). Vaksdal kommune overtok prosjektet hausten 2006, og engasjerte ein privat konsulent som prosjektleiar. Målsetjinga var å etablere forpliktande intensjonsavtalar med merkevareleverandører og evt. med investorar som er villige til å føre prosjektet videre. Hordaland fylkeskommune støtta dette gjennom RUP-midlar med ei tilsegnsramme på kr 250.000. Midlane vart utbetalt ved utgangen av 2007. Det er etablert ei intensjonsavtale mellom Vaksdal kommune og Nistadgruppen AS og Arne Dalseide / Svein Fløysand, om vidare utvikling av konsept, bygningsmasse og evt. infrastruktur for Dale Factory Outlet. Nistadgruppen AS og Dalseid & Fløysand eier Daleelva Eiendom AS, som igjen eig fabrikkbygget som Dale of Norway AS held til i. Det er utarbeida ei brosjyre for konseptet Dale Factory Outlet, samt arealplanløysning for fabrikkbygget som Dale of Norway AS disponerer. Det er lagt opp til at ca. 3.500 m2 av fabrikkbygget skal stillast til disposisjon for fabrikkutsalae, fellesareal, toalett og kafé. Det er også utarbeida eit forprosjekt for et "Opplevingssenter for Vossolaks", som kan bli lokalisert i kontordelen av fabrikkbygget. Ei evt. etablering av opplevingssenteret kan også gje grunnlag for gjensidige synergieffektar av besøkstal og omsetning. Prosjektet har p.t. hatt kontakt med 50 potensielle interessentar/ leigetakarar - 16 av disse har vært positivt interessert i konseptet, men ingen intensjonsavtaler er etablert. Det er ein dialog med eit firma som driv same type konsept på Austlandet og i Sverige. 3
Investorane meiner at det er naudsynt med søndagsope både for å få eit tilstrekkeleg kundegrunnlag og for å få merkevareleverandørar interessert i konseptet. Føresetnaden for å kunne halde søndagsope er at staden får status som typisk turiststad. Fylkesmannen sendte søknad frå Vaksdal kommune om dette til fråsegn før jul, og fylkesutvalet støtta i desember 2009 at Dale bør få status som typisk turiststad og dermed få høve til å halde søndagsopent. Fylkesmannen har godteke dette, og det ser dermed ut at investorane med dette som utgangspunkt vil realisere prosjektet. I følgje kommunen har investorane brukt i overkant av 2,6 mill. kr i prosjektet. Saman med kommunen sitt engasjement skal kostnadene totalt ha vore ca 4 mill kr. Det krev betydleg investering for å få rusta bygget. Arbeidet med dette er førebels ikkje sett i gang. Vaksdal søkjar om at midlane i hovudsak kan bli nytta til opparbeiding av parkeringsplass, skilting av tilkomst til senteret og evt. andre tiltak knytt til infrastruktur for senteret. Kostnad til opparbeiding av ny parkeringsplass (6 dekar) er så langt ikkje beregnet, men vil truleg liggje rundt 2 mill. kr inkl. asfaltering og merking. Parkeringsplassen vil bli til ålmenn bruk, og kan nyttast i samband med med større arrangement på Dale. Nistadgruppa antar at parkeringsplass kan vere opparbeidd i løpet av forsommaren 2010. Ulvik Det har vore arbeidd med å etablere ein opptreningsinstitusjon/rehabiliteringssenter i Ulvik i om lag 15 år, og Hordaland fylkeskommune har ved fleire høve støtta dette arbeidet politisk. Fylkeskommunen løyvde i september 2005 800.000 kr til prosjektet Ulvik herad søkte i 2008 om midlar gjennom ordninga Bruk av konsesjonskraftmidlar til regionale utviklingstiltak til prosjekt Hardanger Rehabiliteringssenter, etter kvart omdøypt til Gnist Hardanger. Fylkesutvalet løyvde 10 mill kr.. I den opphavlege tilsegnet vart det føreset at det vart teke avgjerd om bygging av senteret i løpet av 2008. Fylkesutvalet lenga tilsegnet til ut 2009. Vidare vart det føreset at det vart inngått samarbeidsavtale med ein stor ideell organisasjon eller anna samarbeidspart om drift av senteret. Gjennom arbeidet i 2009 har det synt seg svært vanskeleg å få til førehandsavtalar om kjøp av institusjonsplassar, slik ein hadde til intensjon å gjera. Dermed er det lite sikring for investorpengar i Gnist-prosjektet. I styremøte i november 2009 vart det konkludert at det ikkje var grunnlag for å gå vidare med saka. Ulvik Herad har brukt om lag 6,5 mill kr til prosjektutviklinga. I tillegg kjøpesum for tomta (4,5 mill kr) og grunnarbeid for å gjera tomta byggjeklar (om lag 5 mill kr). Grunnen til dette var at dersom Gnist Hardanger vart realisert ville det føra med seg optimisme, arbeidsplassar, positiv folketalsutvikling, og gode ringverknadar for bygda. Kommunen har vurdert følgjande 3 alternativ: 1) Eitt alternativ ville vera å driva prosjektet på låg intensitet i 2010, å halda fram med å skaffa avtalar om sal av plassar og å utarbeida anbodsdokument til Helse Vest. Ulvik herad vurderer dette som lite realistisk. 2) Knyte Gnist opp mot Samhandlingsreforma. Det synest vanskeleg å forsvara større investeringar i ny verksemd slik signala om økonomi er i føreliggjande stortingsmelding. 3) Vidareføra Gnist som eit salstilbod basert på den tilrettelagde tomta med tilhøyrande immaterielle verdiar som er skapte i Gnist-prosjektet. Kommunen vil engasjere Lars Sponheim fram mot l. juni. for å gå til utvalde investorar i marknaden innan reiseliv og eigedomsutvikling basert på opplevings- og livsstilsprofilering. 4) Siste alternativ er å leggja prosjektet heilt i dvale, no. Ut frå desse fire skisserte alternativa, gjorde Ulvik heradsstyre slikt vedtak 16.12.2009 (sak 075/09): 1. Ulvik herad fullfører arbeidet med klargjering av tomta på Skeie. 2. Heradsstyret gjev løyve til å nytta overskytande midlar frå Gnist Hardanger-prosjektet 2009 til aktivitet i 2010, med inntil kr 500 000 4
3. Lars Sponheim vert engasjert som konsulent i perioden januar-mai 2010 for å marknadsføra tomt og tilhøyrande konsept til kommersielle aktørar. Formannskapet er styringsgruppe og skal rapportera til heradsstyret i juni 2010. 4. Ei etablering på Skeie-tomta skal høva for Ulvik, ikkje bryta med reguleringsplan for området, og gje positiv utvikling m.a med tilføring av arbeidsplassar. Heradsstyret skal ha kontroll med og godkjenna kva type ny verksemd som vert etablert på tomta. 5. Prosjektet Gnist Hardanger, forstått som etablering av ein rehabiliteringsinstitusjon innafor helsetenesta, vert avslutta. Ulvik herad framhevar at stønad frå Hordaland fylkeskommune har vore svært viktig for Gnist Hardanger gjennom fleire fasar av prosjektet. Når Ulvik no dreier utviklingsprosjektet bort frå ein ideell helseinstitusjon og over i eit meir kommersielt prega produkt, kan ein framleis sjå eit potensiale m.o.t. arbeidsplassar og aktivitet. Namnet Gnist Hardanger og mange av ideane som er utvikla i prosjektet så langt vil verta nytta vidare. Kommunen viser til at dette har også vore grunngjevinga frå Hordaland fylkeskommune for å støtte prosjektet. Ulvik herad søkjer no om å få behalde tilsegn på 3,5 mill kr ut 2010. Økonomiske rammer for ordninga Bruk av konsesjonskraftmidlar til Regionale utviklingstiltak Tabellen nedanfor viser kva for det er gitt midlar til ulike prosjekt gjennom ordninga. Tabellen syner åra tilsegna er gitt, ein del av prosjekta har fått midlar frå budsjetta i påfølgjande år. Prosjekt Tilsegnsbeløp Kommentarar 2003 Cruisekai Eidfjord 11,0 Utbetalt 2004 Ekspressheis Bavallen, Voss 3,0 Utbetalt Dale Fabrikkutsalssentrum, Vaksdal 1,5 Gjenstår 1,0 mill kr Folgefonna informasjons- og nasjonalparksenter, 2,0 Utbetalt Kvinnherad (steinparken) 2006 Marstein fyr, Austevoll 3,5 Prosjektet er venta ferdigstilt i løpet av året. Gjenstår kr 330 754,-. Stordalen skitrekk, Masfjorden 3,5 Utbetalt Sentrumsutvikling Osøyro, Baronselva, Os 1,5 Under arbeid, ikkje utbetalt. Innfallsport Jondal 1,5 Utbetalt 2007 Nye verkstader ved Vestnorsk kulturakademi 2,0 Prosjektet er utsatt, venteleg ferdig 2010. Odda Vitensenter 2,0 Prosjektet pågår. Gjenstår kr 460 000,- Perler i Nordsjøløypa 2,0 Prosjektet pågår. Gjenstår kr 500 000,- Besøksmål i Folgefonna Nasjonalpark 2,0 Prosjektet påg år. Gjenstår kr 1 157 000,- Fedje fleirbrukshall 2,0 Utbetalt Nye Folgefonna Nasjonalpark- og Informasjonssenter i Rosendal 2,5 Prosjektet er omgjort, kommer med søknad i løpet av våren om endring av prosjektet 2008 Os kunst- og kultursenter 4,5 Under bygging, ikkje utbetalt Kompetansesenter for avansert maskinering 2,0 Pågår, gjenstår kr. 750.200 for utbetaling Historisk grunn Onarheim 2,0 Under planlegging, ikkje utbetalt 5
Trallebana Skjeggedal 2,0 Under planlegging, ikkje utbetalt Kunstnarhus i Fartein Valen sitt landskap 0,5 Utbetalt Gnist 10,0 Jf denne saka Utbetring av FV 381 Matre-Stord 12,0 Ikkje utbetalt, arbeid pågår. Det vart ikkje fordelt midlar i 2009. Det er lagt til grunn at det vert gitt årleg 3,0 mill kr. årleg frå ordninga til Kulturelt utviklingsprogram og 2,5 mill kr til Business Region Bergen. Tabellen nedanfor viser dei tilsegna som er gitt for dei neste åra (Gnist ikkje medrekna). Vi gjer merksam på at eit par av prosjekta fekk tilsegn i 2008 om midlar for 2010. Difor er det eit par prosjekt som er nemnt både i tabellen ovanfor og i tabellen nedanfor. Prosjekt 2010 2011 Vestnorsk utvandringssenter museums- og infosenter 2,0 Utbetring av Fylkesveg 381 Matre-Stordalen 4,0 Prosjektstøtte Business Region Bergen 2,5 2,5 Kulturelt utviklingsprogram 3,0 3,0 Sum tilsegn 11,5 5,5 Det er avsett 15 mill kr. årleg til ordninga. Tabellen er altså utanom Gnist, slik at dersom søknaden til Ulvik om vidareføring av tilsegn på 3,5 mill kr vert innvilga, er det ikkje midlar att i 2010. Dersom det også vert løyvd 15 mill kr til neste år, er det 9,5 mill kr. til fordeling av desse midlane. I budsjettet for 2010 står det følgjande om utlysing av midlar i 2010: Slik det no ser ut, er det ikkje disponible midlar før i 2011. Sidan midlane er bunde opp for 2010, finnfylkesrådmannen ikkje grunnlag for utlysing dette året. Dersom Ulvik Herad likevel ikkje vel å byggeut Gnist Hardanger, kan det verta ledige midlar for utlysing. Ved føre fordeling av midlar (fuv-sak 117/08) vart det også m.a. gjort følgjande vedtak: 3. Når det gjeld nye Folgefonna nasjonalpark- og informasjonssenter i Rosendal, som i 2007 fekk løyvd 2,5 mill kr, vil ein koma attende til evt. vidare løyving når den statlege deltakinga, og dermed det endelege senterkonseptet, er klarlagt. 4. Restfinansiering for Os kunst- og kultursenter vert vurdert opp mot midlar for 2010 når desse vert lyst ut. 6. Fylkesrådmannen vil kome attende til ev. løyving til fleirbrukshall i Vaksdal kommune når prosjektet er planavklart, tidlegast i 2009. Vidare gjorde fylkesutvalet slikt vedtak i fuv-sak 110/09: Søknader frå Voss kommune (Voss kulturhus) og Sveio kommune/fartein-valen-stiftelsen (Fartein Valen senter i Valevåg) blir behandla i samband ed neste utlysing av konsesjonskraftmidar, dvs. i 2010. Fylkesrådmannen si tilråding Ulvik herad har i mange år arbeidd tungt og målretta mot å realisere eit rehabiliteringssenter i Ulvik. Det er difor leit at desse planane ikkje har lete seg realisere. Dette henger delvis saman med at Helse Vest har ved fleire høve fått signal om midlar til nye rehabiliteringsfunksjonar, men dette har vist seg likevel å ikkje blitt noko av. Det er difor leit at kommunen ikkje har greidd å realisere dette prosjektet, men eg har full forståing for at dei no velgjer å avvikle prosjektet i opphavleg form, og heller sjå på andre alternativ for å realisere tomta og å skaffe nye arbeidsplassar. 6
Ulvik treng nye arbeidsplassar. Eg finn likevel det nye konseptet på noverande tidspunkt som såpass diffus at det er vanskeleg å vidareføre tilsegnet. Prinsipielt meiner eg også at når prosjekt som dette endrar karakter i vesentleg grad, bør det fremjast ny søknad. Det er då naturleg at prosjektet konkurrerer med andre aktuelle prosjekt. Fabrikkutsalsentrumet på Dale er i ein litt anna situasjon. Her er prosjektet i tråd med opphavleg søknad. Det er likevel tvilsamt å oppretthalde eit tilsegn så lenge som har vore gjort i dette tilfelle. Det er ein utfordring å finne fram til når eit prosjekt bør sluttførast. Men på Dale ser det likevel ut til at man har lukkast med å få ein investor med lokal tilknyting som er viljug til å satse på prosjektet. Eg finn å kunne rå til at tilsegnet til Vaksdal om Dale fabrikkutssentrum vert vidareført. Det bør likevel bli sett ei endeleg frist for å realisere prosjektet og for å kome med endelege planar om kva midlane skal nyttast til. Grunna at fylkeskommunen ikkje har høve til å gje midlar direkte til ein einskildverksemd i følgje reglane for offentlege tilskot, må dei gå til infrastrukturutbygging. Det lar seg difor gjere at det går til utvikling av veg- og parkeringsområde. Føresetnaden må vere at arealet ikkje skal nyttast eksklusivt av fabrikkutsalet, men kan nyttast også av andre næringsdrivande. Eg vil difor rå til å imøtekomme søknaden frå kommunen om å nytte det til infrastruktur rundt senteret. Dersom det er midlar att i 2010, vil eg rå til at det vert ei ny utlysing av midlar i 2010. I tråd med tidlegare praksis kan midlar også for 2011 bli fordelt i år. Utlysinga kan skje utan at det er fastsett faste rammer. Rammene bør vurderast ut i frå den aktuelle søknadsmassen. Utlysinga kan skje etter same ordning som no. Som tabellen føre i saka viser, har det teke lang tid å realisere alle prosjekta som ligg i ordninga. Det er uheldig. Samstundes er ordninga meint å bidra til å kunne realisere gode prosjekt som det elles ikkje ville ha blitt noko av. Det betyr at mange prosjekt ikkje er fullfinansiert, og følgjeleg er det ein vesentleg risiko for at prosjekta ikkje let seg realisere. Eg finn likevel ordninga som viktig, og er kjent med fleire prosjekt i Hordaland som sikter mot ein delfinansiering gjennom denne tilskotsordninga. Det er eit stort behov for ei slik ordning for å kunne realisere gode prosjekt som det elles ikkje ville kunne blitt noko av. Vi må nok også rekne med at fylkeskommunen vil bli utfordra på å bidra i denne type prosjekt, uansett om det er ein eiga budsjettpost for dette. 7