HANDLINGSPLAN MOT MOBBING INDRE BARNE- OG UNGDOMSSKULE 1
FORORD Alle barn har rett til skulegang, og dei har rett til å eit godt og trygt skulemiljø, fritt for mobbing og krenkjande handlingar. Frå våren 2003 er det i lovs form slege fast at alle barn har rett til eit mobbefritt skulemiljø, og frå same tid kan foreldra krevje at skulen set i verk tiltak dersom deira barn blir mobba. Dei aller fleste skulane i landet vårt har arbeidd systematisk med å førebyggje mobbing og med å oppdage og kjempe ned den mobbinga som finst. Likevel viser undersøkingar at mobbing aukar i omfang i den norske skulen. Denne handlingsplanen er Indre barne- og ungdomsskule sitt verkty til å nå målet om nulltoleranse mot mobbing. I det forebyggjande arbeidet er det viktig å jobbe kontinuerlig for eit godt læringsmiljø på skulane våre. Aktivitetsplanane i skulen saman med handboka i klasseleiing, er viktige hjelpemiddel i det forebyggjande arbeidet vi gjer. Vi skal i det daglege arbeidet vårt leggje stor vekt på å ha god klasseleiing og fagleg fokus, Beggje delar er viktige faktorar for å ha eit godt læringsmiljø og ein god skule. Eresfjord 15. desember 2013 Hilde Toven Einingsleiar Plana er sist revidert i personalmøte 29.09.15. 2
INNHALDSLISTE 0. Mobbing, definisjon og mål for skulen sitt arbeid mot mobbing 1. Avdekking 1.1. Årleg undersøking av omfanget av mobbing ved skulen 1.2. Inspeksjon og tilsynsordningar 1.3. Ved mistanke om mobbing 1.4. Kommunikasjon lærar elev - foreldre 2. Problemløysing 2.1. Prosedyre ved skulen når mobbing er meldt eller oppdaga 2.2. Samarbeid med andre instansar ved mobbing 2.3. Arbeid i etterkant av ei mobbesak - elevarbeid 2.4. Arbeid i etterkant av ei mobbesak organisasjonsarbeid/læring 3. Forebygging 4. Kontinuitet 4.1. Ansvarskjede 4.2. Årshjulet 4.3. Årleg gjennomgang og revisjon av planen 3
0. Mobbing DEFINISJON Med mobbing eller plaging forstår me psykisk og /eller fysisk vald retta mot eit offer, utført av enkeltpersonar eller grupper. Mobbing forutset eit ujamnt styrkeforhold mellom offer og plagar, og at episodane gjentek seg over tid. (Roland og Sørensen Vaaland, i Zero, SAF`s program mot mobbing. Lærerveiledning, 2003). MÅLET Alle elevar skal oppleve eit trygt og godt læringsmiljø utan mobbing på skulen. SKULENS TILTAK MOT MOBBING I SKULENS HANDLINGSPLAN Og omfattar prinsippa: Avdekking av mobbing Problemløysing av mobbesaker Forebygging Kontinuitet i arbeidet 1. AVDEKKING 1.1. Årleg undersøking av mobbeomfanget ved skulen Elevane frå 5. trinn og oppover deltek kvart haust i Elevundersøkinga. Kontaktlærer har ansvar for å førebu elevane, gjennomføre undersøkinga og følgje opp resultatet så snart det er kjent. Personalet og skuleleiing brukar resultata for å rette på svakheiter som blir avdekka. Mobbing tas opp i alle elevsamtalar. 1.2. Vakt og tilsynsordning Alle som har vakt, har alltid på seg Zero-vest. Då er vakta synleg for elevane, og dei veit kven dei skal vende seg til viss dei treng hjelp. Skulen legg vekt på å ha eit godt tilsyn med elevane i utetida, og det er alltid 1-2 vaksne ute. Før skulestart: Vakta held seg i nærleiken av innkøyringa, slik at han kan helse på og ta imot elevane når dei kjem på skulen. 4
Læraren følgjer med i garderobar og toalett. Rektor har kontakt med buss-sjåførane for å høyre om forholda på skulevegen. 1.3. Kommunikasjon lærar elev - føresette Det psykososiale miljøet tas opp i alle faste foreldresamtalar. Mobbing tas opp i faste elevsamtalar. Mobbing og trivsel skal vere tema på kvart klasseforeldremøte. Resultat frå mobbeundersøking blir presentert. Ansvarleg: Kontaktlærar 1.3. Ved mistanke om mobbing Handlingsplikta: Dersom nokon av dei vaksne på skulen får mistanke om at nokon blir mobba, seier dei snarast frå til kontaktlæraren til offeret. Kontaktlæraren informerer dei andre vaksne om mistanken, og dei prøver å følgje med og observere for å finne ut kva som føregår. Kontaktlærar/inspektør/rektor gjennomfører kartleggingssamtale med offer. Informasjon til foreldra. Kontaktlærar/inspektør/rektor gjennomfører med mobbar/-ar. Informasjon til foreldra. Ved behov: Rektor/inspektør kallar inn til eit møte med foreldra til offeret. Ved behov: Rektor/inspektør kallar inn til eit møte med foreldra til mobbaren/-ane. Ansvarleg: Kontaktlærer/rektor 2. PROBLEMLØYSING MÅL: Skulen tar ansvar og initiativ for å stoppe mobbing. Dette blir gjort på ein måte som i neste omgang forebygger mobbing på skulen. Skulen sin fellesstrategi skal sikre at lærarar og føresatte som tar opp ein mobbesak, veit at den blir behandla seriøst og etter dei retningslinjer som føreligg. 9a-3 Det psykososiale miljøet (Opplæringslova) Skulen skal aktivt og systematisk arbeide for å fremje eit godt psykososialt miljø, der den enkelte eleven kan oppleve tryggleik og sosialt tilhør. Dersom nokon som er tilsett ved skulen, får kunnskap eller mistanke om at ein elev blir utsett for krenkjande ord eller handlingar som mobbing, diskriminering, vald eller rasisme, skal vedkomande snarast undersøkje saka og varsle skoleleiinga, og dersom det er nødvendig og mogleg, sjølv gripe direkte inn. Dersom ein elev eller ein foreldre ber om tiltak som vedkjem det psykososiale miljøet, deriblant tiltak mot krenkjande åtferd som mobbing, diskriminering, vald eller rasisme, skal skulen snarast mogleg behandla saka etter reglane om enkeltvedtak i forvaltningslova. Om skulen ikkje innan rimeleg tid har teke stilling til saka, vil det likevel kunne klagast etter føresegnene i forvaltningslova som om det var gjort vedtak. 5
2.1. Skulens prosedyre når mobbing er meldt eller oppdaga Når det er oppdaga tilfelle av mobbing, er det viktig at det blir reagert svært raskt! I utgangspunktet er det offeret som definerer kva som er mobbing. Vaksne på skulen som får kjennskap til mobbing, gir umiddelbart melding til kontaktlærar. Kontaktlærar i samarbeid med inspektør/rektor bruker vidare prosedyre for samtaler (Jamf. oppsett nedafor) 1. Kontaktlærar avtalar ein samtale med offeret. Læraren forklarer årsaken til samtalen og gjer det tydeleg at mobbing ikke er akseptert. Viktig at offeret opplever støtte. Samtalen skal også gi informasjon om kva som skal skje framover. Dersom foreldre ikkje allereie er involvert, skal offeret få beskjed om at dei blir kontakta. 2. Kontaktlærar informerer inspektør/rektor og offeret sine foreldre umiddelbart. Foreldre får informasjon om kva som skal skje framover. Det blir avtalt eige møte med foreldre etter behov. Rektor deltek etter behov. 3. Kontaktlærar informerer andre lærarar og assistentar som er involvert. 4. Kontaktlærar og eventuelt inspektør/rektor fører logg frå samtalar med elevar og føresette. 5. Kontaktlærar gjennomfører 2-3 oppfølgingssamtalar med offer. Siktemålet er at kontaktlærar skal danne seg eit heilskapleg bilete av situasjonen. 6. Kontaktlærar har ansvaret for å gjennomføre første samtale med han som plagar. Plagar skal ikkje være informert om ein slik samtale på førehand. Dersom det er fleire plagarar, skal samtalane bli gjennomført fortløpande utan at plagarne får høve til å snakke saman. I forlenginga av dei individuelle samtalane tas en gruppesamtale. 7. Kontaktlærar informerer foreldre til plagar/-ar umiddelbart og avtalar, ved behov, eit møte. Dersom det fins fleire plagarar, kan det være aktuelt med eit fellesmøte. Dette blir vurdert ut i frå situasjonen. Rektor deltek. 8. Kontaktlærar gjennomførerer oppfølgingssamtalar med offer og plagar. Kontaktlærar vurderer omfanget av dette, og om det er aktuelt å ha felles oppfølgingssamtale (offer + plager). 9. Under heile denne prosessen haldes inspektør/rektor informert. Dei deltek etter behov, og saman med kontaktlærar vurderer dei om andre ytre instansar skal trekkast inn, (PPT, helsesøster o.l.) Ansvarleg: Kontaktlærar og inspektør eller rektor om ikkje kontaktlærar er tilstades. 6
2.2. Samarbeid med andre instansar ved mobbing Aktuelle samarbeidspartnarar utanfor skulen er: Helsesøster PPT Prosedyrer for samarbeid med partar utanfor skulen: Skulen har faste besøksdagar for helsesøster og PPT. Skuleleiinga og/el personalet kan her drøfte arbeid mot mobbing generelt, evt. ta opp enkeltsaker. Skulen melder frå til helsesøster/ppt på førehand om behov for slike samtaler. Ansvarleg: Rektor 2.3. Arbeid i etterkant av ei mobbesak - elevarbeid Kontaktlæraren følgjer opp både offer og plagarar over lang tid i form av spørsmål og avtalte møte. Offeret må føle seg trygg på at dei vaksne følgjer med. Kontaktlæraren held kontakten med foreldra til offeret over lang tid i alvorlege tilfelle. Ansvarleg: Kontaktlærar 2.4. Arbeid i etterkant av ei mobbesak organisasjonsarbeid/læring Når ei mobbesak er avslutta, skal skulen ha ein gjennomgang for å kunne vurdere kva rutiner som fungerte og kva som ikkje fungerte. På denne gjennomgangen skal kontaktlæraren, rektor og eventuelt andre involverte lærarar delta. Rektor har ansvaret for gjennomgangen. Rektor har ansvaret for å orientere personalet om korleis rutinene har fungert, og for å kome med framlegg til endringar når planen skal rullerast. Ansvarleg: Rektor 3. FOREBYGGING Viser til Plan for arbeid med det psykososiale arbeidet som gir utfyllande informasjon om skulen sitt forebyggande arbeid. 4. KONTINUITET MÅL: Skulen sitt arbeid med å forebyggje, avdekke og stoppe mobbing foregår kontinuerleg. 4.1. Ansvarskjede Prinsippet er at problem blir løyst på lavast mogleg nivå, men at lærarane veit når saker skal bli meldt vidare og dei veit kven dei skal melde frå til viss dei sjølve ikkje kan løyse problemet. 4.2. Årshjulet For å sikre kontinuitet i tiltak for å forebygge og avdekke mobbing, så blir dei faste tiltaka i skulen satt inn i ein kalender for skuleåret. Viser også årshjul i Plan for arbeid med det psykososiale arbeidet. 7
August God skulestart kontaktlæraren Gjennomgang av ordensreglar kontaktlæraren September Foreldremøte mobbing tema kontaktlæraren Elevsamtalar kontaktlæraren Årleg gjennomgang av mobbeplana rektor Oktober Utviklingssamtale tema mobbing kontaktlæraren Februar Foreldremøte tema mobbing kontaktlæraren Mars Elevsamtalar kontaktlæraren Utviklingssamtale kontaktlæraren 4.3. Årleg gjennomgang og revidering planen For at planen skal vere eit aktivt verkty for skulen, går me gjennom den kvart år i sept/okt og vurderer om planen fungerer tilfredsstillande eller om det er nødvendig å revidere den. Ansvarleg: Rektor 8