Kvinnherad kommune Kvinnherad brannvern Akasia Valen Barnehage v/brannvernleiar Valevegen 36 5451 Valen Rosendalsvegen 10 5470 ROSENDAL Tel: 53483100 Fax: 53483130 Org. nr: 964 967 636 Bankgiro: 3460.07.00083 post@kvinnherad.kommune.no www.kvinnherad.kommune.no Saksbehandlar Atle Josdal Tlf. direkte innval Vår ref. Kari B Teigen Dykkar ref. 2015/860-3 Dato 06.10.2015 TILSYNSRAPPORT Navn på objekt: Akasia Valen Barnehage Gnr/bnr: 185/96 Adresse: Valevegen 36, 5451 Valen Kvinnherad brannvern gjennomførte tilsyn den 30.09.2015 i ovannemnde objekt. Tilsynet vart føreteke i medhald av Lov av 20. juni 2002 nr. 20 (brann- og eksplosjonsvernlova) 13 andre ledd og Forskrift av 26. juni 2002 nr. 847 (førebyggande forskrift) 6 2. Sikkerheitsnivået i objektet er vurdert i samsvar med krava i førebyggande forskrift og HMSlovgjevinga. Tilstade ved tilsynet: Brannvernleiar: Kari Bakke Teigen Verneombud: Terese Helland Vedlikehaldsansvarleg: John Gullbrå For brannvernet: Atle Josdal Innleiing Hensikten med tilsynet er å vurdera om eigar/verksemd/brukar av objektet arbeidar systematisk med brannsikkerheita. Frå brannvesenets side vert det vektlagt å foreta ei heilheitleg vurdering av alle forhold som kan påverka sannsynligheita for at brann bryt ut, og konsekvens av utbrote brann. Eit slikt tilsyn er ikkje ein tilstandsrapport for objektet. Tilsynet omfatta blant anna undersøking av: At brannobjektet er bygget, utstyrt og vedlikehaldt i samsvar med gjeldande lover og forskrifter om førebygging av brann At brannobjektet er tilgjengeleg og tilrettelagt for rednings- og slokkeinnsats At verksemdas internkontroll er hensiktsmessig for å nå mål på sikkerheitsområdet At spesifiserte aktivitetar vert etterlevd slik som beskrevet
Omfang Tilsynet vart innleia med ein gjennomgang av internkontrollrutinar, brannteknisk dokumentasjon og teikningar. Deretter vart det føreteke ei synfaring på objektet før resultatet frå tilsynet vart oppsummert. Oppfølging etter siste gangs tilsyn Akasia Valen Barnehage vart registrert som eit særskild brannobjekt i 2015, og dette var første tilsyn etter registreringa. Generelt Akasia Valen Barnehage er ein privateid barnehage som er eigd av Bergenshagane AS. Barnehagen har ca. 15 tilsette og 60 barn fordelt på 3 avdelingar. Bygningen er utstyrt med brannalarmanlegg utan direktevarsling til døgnbemanna vaktsentral. Definisjonar: AVVIK: Overtredelse av krav fastsatt i eller i medhald av helse-, miljø- og sikkerheitslovgivninga. MERKNAD: Forhold som tilsynsmyndigheitene meiner det er riktig å påpeika for å ivareta helse, miljø og sikkerheit, og som ikkje omfattas av definisjonen for avvik. KOMMENTAR: Utfyllende beskrivelse av avvik og/eller merknadar som beskriver dei faktiske forhold ved objektet. Avvik Følgende avvik og merknadar vart konstatert under tilsynet: Avvik 1: Manglande dokumentasjon på kartlegging av farar og problemer og på denne bakgrunn vurdera risiko, samt utarbeida tilhørende planer og tiltak for å redusera risikoforholda Førebyggjande forskrift 2 2 og Internkontrollforskrifta 5, 2. ledd pkt. 6 Risikoanalyse: Det kunne ikkje visas til dokumentasjon på at verksemda har gjennomført ei risikoanalyse for objektet. Risikoanalysa utføras ved å kartlegga sannsynlege uønska hendingar, for deretter å finna årsak og konsekvens av desse hendingane. Med bakgrunn i denne kartlegginga må dei forskjellige risikoforholda overføras til ein handlingsplan som angir konkrete tiltak for å redusera risikoforholda. Vedlegg 1 i førebyggjande forskrift syner prinsippet for korleis ein enkel risikoanalyse med tilhøyrande handlingsplan kan utføras.
Avvik 2: Manglande dokumentasjon på kontroll av branntekniske installasjonar og utstyr utført av kvalifisert personell Førebyggande forskrift 2 4 og Internkontrollforskrifta 5, 2. ledd, pkt. 7 Eigar av bygning har plikt til å syta for at aktive og passive brannsikringstiltak blir regelmessig kontrollert, ettersett og vedlikehaldt. Dersom eigar sjølv ikkje er kvalifisert til å utføra nødvendige arbeider, må det inngås serviceavtalar med kvalifisert personell. Eksterne servicerapportar på tekniske branntryggleikstiltak skal inngå i branndokumentasjonen. Det kunne ikkje visas til dokumentasjon på serviceavtale med kvalifisert personell på brannalarmanlegg og håndslokkeutstyr. Avvik 3: Manglande dokumentasjon på utført ettersyn av branntekniske installasjonar og utstyr Førebyggande forskrift 2 4 og Internkontrollforskrifta 5, 2. ledd, pkt. 7 Det skal utføras regelmessig ettersyn (eigenkontroll) på branntekniske installasjonar og utstyr, for å syta for at desse fungerer som føresett. Ved tilsynet vart det avdekka at det ikkje kan dokumenterast at det gjennomføras regelmessig ettersyn på branntekniske installasjonar og utstyr. Det må føreliggja rutinar for fysisk oppretting av avvik eller merknader som kjem frem under gjennomført ettersyn. Ettersynet av branntekniske installasjonar og utstyr må dokumenteras. Avvik 4: Manglande dokumentasjon på utført brannvernopplæring av nytilsette og vikarar Førebyggande forskrift 3 3 og Internkontrollforskrifta 5, 2. ledd, pkt. 2 Det kunne ikkje visas til dokumentasjon på at det føreligg prosedyrar for grunnleggande brannvernopplæring for nytilsette og vikarar. Det er viktig at alle har kjennskap til korleis dei skal opptre i ein brannsituasjon. Brannvernopplæring skal gis før nytilsette og vikarar settes i arbeid. Opplæring må dokumenteras. Gjennomført brannvernopplæring kjem i tillegg til regelmessige brannøvingar.
Avvik 5: Manglande dokumentasjon på utført brannøving Førebyggande forskrift 3 3 og Internkontrollforskrifta 5, 2. ledd, pkt. 2 Det kunne ikkje visas til dokumentasjon på at det er gjennomført brannøving ved objektet. I henhold til førebyggjande forskrift skal det gjennomføras regelmessige brannøvingar for alle tilsette og leiare. Brannøvingar kan ha forskjellig innhald når det gjelder teori og praksis, men øvingsplanlegging og gjennomføring må alltid ha langsiktige mål og byggja på den grunnleggjande brannvernopplæringa som er gitt. Den enkelte øving bør ha eit mål, være tilpassa risikoen i objektet og evalueras i ettertid. Avvik 6: Manglande dokumentasjon på rutiner når brannsikringstiltak er ute av drift Førebyggande forskrift 3 6 Brannsikringa må vias spesiell merksemd dersom det oppstår forhold som kan medføre at ein brann ikkje vil detekteras som føresett, eller dersom den på grunn av spesielle forhold kan få stor spreiing. Dersom eit objekt nyttast til andre føremål enn det objektet er berekna for kan dette auka risikoen. Døme på slike forhold er: Når heile eller deler av brannalarmanlegget er defekt eller utkopla Når det utføras elektriske, sambandstekniske, VVS- eller anna arbeid som medfører at brannskille er brote gjennom eller svekka Arrangement Det må kunne visas til dokumentasjon som seier kva tiltak som skal settas i verk under slike høve. Merknad 1: Branntekniske teikningar bør oppdaterast Det føreligg branntekniske teikningar, men desse bør oppdateras slik at dei syner byggverkets totale branntekniske løysingar. Teikningane bør ha påført detektor nummer slik at innsatspersonale raskt kan finna fram i objektet. Vidare var det påført nøkkelsafe på teikningane, noko som ikkje stemmer. Merknad 2: Hindringar i rømmingsveg Synfaringa avdekka ein fryseboks som var plassert i ein rømmingsveg. Det er gode rømmingsforhold ved barnehagen, men alle definerte rømmingsvegar må til ei kvar tid dekka behovet for rask og sikker rømming. Hindringar i rømmingsvegar bør inngå som ein del av risikovurderinga av barnehagen.
Andre forhold Brannalarmanlegg er eit viktig persontryggingstiltak som skal korta ned rømmingstida frå bygget. God detektering i bygget er naudsynt for å gje tidleg varsel om branntilløp. Med eit direkte varsla brannalarmanlegg vil ein også få varsla brannvesenet i ein tidleg fase. Dette vil kunna sikra rask innsats frå brannvernet ved brann, samtidig som det er eit egna tiltak for å sikra materielle verdiar jf. Temaveiledning HO2/98 Brannalarm. Vidare seiar veiledninga at utløyst brannalarm må, dersom det forutsettas innsats frå kommunens brannvesen, overførast til døgnbemanna brannalarmsentral (110- sentral), som øyeblikkeleg kan utløyse slokke- og redningsinnsats. Bygning utan overvaking eller tilstedeværelse døgnet rundt, bør ha alarmoverføring. Dette vil sikre rask innsats ved ein eventuell brann, også til tider kor det ikkje er personell i bygningen. Brannvernet anbefaler at brannalarmanlegget vert kopla opp mot døgnbemanna vaktsentral. Oppsummering av tilsynet Ved oppsummeringsmøte vart dei registrerte avvik og merknadar gjennomgått. Det var einigheit om at eigar/verksemd/brukar finn løysingar for å retta opp dei avvik og merknadar som er angitt i rapporten. Tilbakemelding Under henvisning til førebyggande forskrift 6 2 første ledd, ber brannvernet om ei skriftleg tilbakemelding med fremdriftsplan som viser når og korleis påpekte avvik og merknadar vil bli retta. Fremdriftsplanen oversendes til Kvinnherad brannvern innan 13.11.2015. Med helsing Atle Josdal branningeniør