Bø kommune Plan for kvalitetsutvikling i grunnskulen 2016 2019 1
Innhold 1. Politisk og administrativ organisering... 3 2. Nøkkeldata... 3 3. Lærarsituasjonen... 4 4. Samarbeid internt i Bø kommune... 4 5. Vurderingsrutinar... 4 6. Samarbeid med andre kommunar... 4 7. Lærande nettverk:... 4 8. Eksterne samarbeidspartnarar... 5 9. Visjon for grunnskulen i Bø kommune... 6 10. Pedagogisk plattform og verdigrunnlag.... 6 11. Overordna mål for skulane i Bø... 6 12. Prioriterte område:... 7 13. Oppfølging av plan på kommunalt nivå... 7 14. Vedlegg... 7 2
1. Politisk og administrativ organisering Politisk Utval for oppvekst og kultur, OK-utvalet, med 7 medlemer, er det politiske styringsorganet for grunnskulen i Bø kommune. Utvalet har fullmakt til å gjera vedtak etter reglane i relevante særlover, og det er fagleg innstillingsorgan for formannskap og kommunestyre i høve til saker som gjeld budsjett, økonomisaker som går ut over dei tildelte rammene til einingane, samt planarbeid generelt. Administrativt Kommunalsjefen er den øvste administrative leiaren av grunnskulen i Bø kommune, og er skulefagleg ansvarleg. I tillegg fungerar økonomi- og personalavdelingane som støttestruktur for grunnskulane innom sine fagområde. Skulane er etablerte tenesteeiningar innafor sektoren oppvekst. Rektorane ved skulane er dei formelle leiarane av tenesteeiningane, men dei beheld nemninga rektor. Tenesteeininga Bø skule omfattar grunnskuleverksemda, skulefritidsordninga og Jønnbu leirskule. Tenesteeininga Folkestad skule omfattar grunnskuleverksemda og skulefritidsordninga, medan tenesteeininga Bø ungdomsskule er identisk med skulen. Som einingsleiarar har dei avgjerdsrett i høve til personalspørsmål, unnateke tilsetjingar som vert gjort i eit tilsetjingsutval, og driftsspørsmål innom ramma for eininga. Alt dette må ligge innom rammene for gjeldande lov, avtaleverk og planar. 2. Nøkkeldata Nøkkeldata GSI Skule- Elevar Årsverk Elevar Årstimar til elevar år enkelt- Adm Ped Anna vedtak Min.språk Spesped Total 2009-10 682 3,85 56,48 11,12 76 484 7551 35979 2010-11 684 3,85 59,34 13,73 87 741 9260 37231 2011-12 673 3,95 61,64 13,24 79 684 11348 41469 2012-13 673 3,69 59,48 8,72 89 399 11 621 38 786 2013-14 682 3,69 60,05 7,84 34 655 8806 39 208 2014-15 690 3,86 60,29 7,53 64 456 10502 37613 2015-16 723 4,30 70,03 7,74 64 1026 11528 44502 Prognose for elevtal i grunnskulen i Bø; tal frå SSB, lav vekst År 2018 2022 2026 2030 Forventa elevtal 745 793 810 827 3
Fysiske tilhøve Barneskulane har nå nye og tidshøvelege skulebygg, og gode uteområde som stettar krava i forskrift om miljøretta helsevern. Bø ungdomsskule har eit sterkt behov for vedlikehald både ut og inne, og klasseromma er jamt over for små. Bø skule har behov for ENØK-tiltak på gamal bygningsmasse. Folkestad skule har behov for større parkering for buss og bil. 3. Lærarsituasjonen Bø kommune har god tilgang på kvalifiserte lærarar til ledige stillingar i grunnskulen, og har til vanleg ikkje tilsette utan godkjent utdanning. Det er eit godt utgangspunkt for kvalitetsutvikling at skulane har god tilgang på kvalifiserte lærar. Lærartettleiken er jamt over låg i skulane i Bø. 4. Samarbeid internt i Bø kommune Skulane samarbeider særleg med helsestasjon, open omsorg, integrering og miljøarbeid, barnehagane, kultur og NAV. Dette samarbeidet omfattar område som: - Miljøretta helsevern i skule og barnehage - Samordning av tiltak for barn med særlege behov - Integrering av flyktningar og asylsøkjarar - Samarbeid mellom musikkskulen og grunnskulen både når det gjeld musikk og musikkterapi - Kulturformidling til barn i barnehage og skule Det er tverrfaglege samarbeidsmøter i skulane, og her deltek helsestasjon, PPT og barnevern. BUP deltek og på ein del saker. Eit sentralt mål er å sikre heilskap og samanhang i innsatsen både i høve til den einskilde og i høve til familien/fellesskapet. Frå hausten 2013 har PPT innført fast samarbeidstid på skulane kvar veke/annakvar veke. Her skal dei støtte og rettleie skulane i førtilmelding, organisasjonsutvikling, enkeltsaker og systemsaker. 5. Vurderingsrutinar Det skal kvar år gjennomførast driftssamtalar med alle skulane og medarbeidarsamtalar med rektorane. Faste rektormøter blir knytt opp til budsjettarbeid, rapportering drøfting og oppfølging av læringsresultat. Det er ønskeleg at stabsleiarane trekkas inn i eit til to rektormøter i året. 6. Samarbeid med andre kommunar Samarbeidet mellom dei tre kommunane i Midt-Telemark, Bø, Sauherad og Nome er formalisert og velutvikla. Grunngjevinga for dette var etablering av Midt-Telemark som eigen region innom alle kommunale innsatsområde. Skuleleigarar frå grunnskulane i heile regionen er organiserte i nettverk. Kommunane vil også ha eit tett samarbeid kring Vurdering for Læring 2016 2018. 7. Lærande nettverk: Lærande nettverk er nettverk som skal jobbe for kompetanseutvikling og kunnskapsdeling, og skal stimulere til å drive utviklingsarbeid og samarbeid. Erfaringsutveksling er viktig i eit lærande nettverk. Vi har fleire nettverk og har intensjon om at ein skal etablere/utvikle nettverka som lærande nettverk. 4
Kvalitetsforum: eit samarbeid mellom kommunane i Midt-Telemark og Telemark Fylkeskommune beståande av skuleeigarar, rektorar på ungdomsskular og rektorar på vidaregåande skular. Kvalitetsforum er etablera bl.a. som naturleg oppfølging av overgangsprosjektet i Ny Giv. Midt-øst-regionen: regionssamarbeid på skuleeigarnivå mellom kommunane Nome, Sauherad, Notodden, Tinn, Hjartdal og Bø. Rektornettverk : samarbeid mellom rektorane i Midt-Telemark 8. Eksterne samarbeidspartnarar Høgskulen i Telemark / Telemarksforsking Vi har samarbeidsrelasjonar til avdelingane på Notodden og i Bø både når det gjeld Høgskulen i Telemark og Telemarksforsking. Notodden først og fremst i høve til kompetanseutvikling for lærarane og andre medarbeidargrupper, medan Bø er inne i høve til prosjekt og aktivitetar. Vi har og hatt gode erfaringar i høve til å bruke studentar frå høgskulen i Bø når det gjeld planlegging av ute- og aktivitetsareal. Midt-Telemarkrådet Etter etablering av det formelle regionsamarbeidet i Midt-Telemark har Midt-Telemarkrådet blitt ein samarbeidspartnar innom ulike prosjekt, til dømes Talenter for framtida. Andre Fylkesmannen i Telemark v/barnehage- og utdanningsavdelinga, Telemark fylkeskommune v/kulturavdelinga, Bø vidaregåande skule, næringsorganisasjonar og einskildverksemder gjennom partnerskap er døme på viktige samarbeidsrelasjonar. Udir: Frå 01.01.14-31.12.17 er Telemark fylke tildelt 2 stillingar som utviklingsrettleiarar. Desse skal bistå skuleeigarar og skuleleiarar med satsinga på mellom anna ungdomstrinn i utvikling og Vurdering for læring. Begge stillingane er pr. 2016 lagt til Bø kommune, og har kontor på kommunehuset i Bø. 5
9. Visjon for grunnskulen i Bø kommune Skulane i Bø skal vere ein stad der alle elevar, uavhengig av bakgrunn, finn seg til rette, trivst og får høve til å utvikle seg fagleg og sosialt i tråd med eigne føresetnader. Dette skal ein oppnå ved brei deltaking og nært samarbeid mellom alle grupper i skulesamfunnet, og ved at grupper og einskildpersonar stiller klare og realistiske krav til seg sjølve og kvarandre. Skuleanlegga skal både vere ei god ramme rundt læringsarbeidet, og ha gode estetiske kvalitetar. Jf Kommuneplan 2013-2025, samfunnsdelen, skal Bø kommune ha ein oppvekstpolitikk der det langsiktige målet er at barn som veks opp i Bø gjennomfører vidaregåande utdanning. 10. Pedagogisk plattform og verdigrunnlag. Barn og unge er kompetente! Barn tek med seg sine erfaringar inn i skulen og dette skal prege møtet med den profesjonelle vaksne. Elevane lærer best når dei sjølve er aktive i læringsprosessen og konstruerar eigen kunnskap. Undervisning og læring er ikkje det same. Elevane sin eigen innsats i læringsarbeidet er avgjerande for at læring skal skje. Lærarane må ha ein aktiv rolle i å rettleia elevane i deira læringsprosessar, og utvikle gode rutinar for skulearbeid, lekser og tilbakemeldingar. Lærarane må hjelpe elevane til å lære seg å lære. Det er viktig at lærarane kjenner den einskilde eleven og har stor respekt for korleis elevane tenker om eiga læring. I Bø vil vi at elevane i grunnskulen skal møte vaksne som formidlar følgjande: Eg ser deg og har lyst til å bli kjent med deg. Eg hører deg og er interessert i å høre kva du seier og kva du tenker. Det betyr noko for meg korleis du har det. Eg trur at du er kompetent og at du har lyst til å samarbeide. Eg lærer noko om meg sjølv i møte med deg, og du lærer noko om deg sjølv i møte med meg. 11. Overordna mål for skulane i Bø Implementere konkrete styringsdokument o Planar for skuleutvikling, vurdering, spesialundervisning og elevane sitt psykososiale miljø. o Klare planar for fag, periodar og/eller tema med tydeleg profil av vurdering for læring. o Årshjul for driftssamtalar, oppfølging av resultat og rapporteringar Undervisninga skal vere variert, praktisk og relevant Nulltoleranse i høve til mobbing og gode prosedyrer på avdekking / handsaming / førebygging av mobbing jfr. «Plan for elevane sitt psykososiale miljø» Vidareutvikle god klasseleiing og godt læringsmiljø Utvikle kommunikasjon og samhandling mellom skulane og mellom skule-heim Utvikle tverrfagleg samarbeid, både på den einskilde skule og i kommunen Den einskilde skulen må sjølv utvikle målsettingar og lage årlege utviklingsplanar som bidrar til at både nasjonale føringar og overordna mål vert nådd i planperioden. 6
12. Prioriterte område: Vurdering for læring Bruk av lekser i skulen Gode, operative planar for fag Spesialundervisning og tilpassa opplæring Tverrfagleg samarbeid med fokus på «Barn som bekymrer» 13. Oppfølging av plan på kommunalt nivå Planen skal til behandling i Utval for oppvekst og kultur, og skal til årleg evaluering. Kvar einskild skules kvalitetsutviklingsplan skal evalueras årleg, og gjennomgåas med kommunalsjef i driftssamtale. 14. Vedlegg Kvalitetsutviklingsplan Bø ungdomsskule Kvalitetsutviklingsplan Bø skule Kvalitetsutviklingsplan Folkestad skule 7