NY NÆRING UNDER GAMLE TAK Låveprosjekt Det er to sider ved en bygning; bruken og skjønnheten. Bruken tilhører eieren, skjønnheten hele verden Victor Hugo Sluttrapport 1
Innleiing Låvebygg er og har vert eit viktig element i landbruket sitt kulturlandskap i lange tider sjølv om form og funksjon har endra seg gjennom tidene. Som følgje av store endringar i landbruket dei siste 30-50 åra, har den mange stader mista sin funksjon i høve til opprinneleg bruk. Tidsmessig kan bygningar som for 50 til 100 år sidan vart laga for å huse både dyr, fôr og reiskap i dag være mindre aktuelle å bruke slik dei opprinneleg var, tilsvarande og for enno eldre låvebygg. Nokre stader kan dei bli gjort om til lager eller reiskapshus, medan andre stader står dei tomme. Tomme låvebygg treng like mykje vedlikehald som bygg som er i bruk om dei skal kunne haldast vedlike. Skal ein forsvare å halde låven ved like må ein dei fleste stader prøve å finne nye bruksområde for låven som gjer at denne kan fylle ein funksjon og være med på å gje inntening. Prosjekt Ny næring under gamle tak har sikta seg inn mot gardbrukarar og andre som har hatt tomme låvebygg ståande som dei har hatt eit ønske om å bruke i samband med ny næring. Prosjektet har vert opent for deltakarar frå heile Telemark. Prosjekt Ny næring under gamle tak er ei vidareføring av Den Raude Låve som vart gjennomført i Midt-Telemark og Notodden i perioden 2008-2010, men har hatt ein kortare tidshorisont med færre samlingar. Prosjektperioden har vert frå januar til og med mai 2011. Låveprosjekt 1. 2
Målgruppe Eigarar av låvebygningar som det er aktuelle å bruke til ny næringsverksemd. Prosjektet har vert opent for deltakarar frå heile Telemark. Prosjektet byrja med planlegging og førebuing i desember i 2010 og starta formelt opp frå 01.januar 2011. I januar og byrjinga av februar gjekk tida for ein stor del med til å drive marknadsføring av prosjektet. Det var sendt invitasjon til alle landbrukskontora i Telemark. Ein del av desse vart og med og marknadsførte prosjektet mot faglaga lokalt, og la ut informasjon på nettsidene til den enkelte kommune. Enkelte kommunar gav oss veldig mykje hjelp i høve tips om aktuelle deltakarar, og det har vert veldig viktig for oss. Me har og marknadsført prosjektet på vår eige nettside på www.landbruketshus.no Her vart det og samla linkar til låvar som har fått nytt liv i Telemark og andre stader, som har eige nettside. Prosjektleiar bruka mykje tid på kontakt med fylkes og lokalaviser. Me fekk til fleire fine oppslag med lokale døme på låvar som hadde fått nytt liv med nye bruksområde. Me var på Skare Gard i Morgedal, Grisebusten Maleverkstad i Bø, Galleri Nyhuus i Sauherad og me var hjå Olav Langkås på Hørte. Dei to sistnemnde stadene var dei med på Den Raude Låve. I tillegg fekk me og fleire mindre oppslag og notisar i fylkes og lokalaviser som resultat av at dei hadde lese om prosjektet på kommunale nettsider og i postlister. Under vegs i prosjektet vart det og eit oppslag med ein av deltakarane i prosjektet, Miguel Utreras, som har planer om å lage eit interkulturelt senter. Me hadde og annonser i fylkes- og lokalavisene i forkant av frist for påmelding, men effekten av desse var på langt nær så god som avisoppslaga. Prosjektleiar var og i kontakt med NRK Telemark og i april fekk me til eit innslag med utgangspunkt i gardsbutikken til Torgrim Kaasa og Halvor Holtan. Blant ideane som vart lufta blant dei prosjektet hadde kontakt med i forkant av kurset var nettbutikk, galleri, gjestehus, festlokale, teaterscene, kafé, vinhus, hus til baking, lager, gardsbutikk, treningssenter, forsamlingslokale, klatresenter og tradisjonelt landbruk. Prosjektet hadde kontakt med mange fleire enn det tal deltakarar me enda opp med til slutt. Målsetning Målsettinga var å få med 10 prosjekt for å skape nye næring i ledige låvebygningar og slik sikre låven sin plass i kulturlandskapet. Me hadde i utgangspunktet fått med 7 prosjekt, men 2 av dei trakk seg rett før oppstart. Kurset vart difor gjennomført med 5 prosjekt. 3
Låveprosjekt 2. Delmål 1: Stimulere til utvikling av eksisterande eller ny næring med lokalitet i låvebygningen. Her stilte deltakarane litt ulikt. Nokon hadde drive med alternativ næring i lengre tid og trong meir plass til å utvikle denne ytterlegare, medan andre vil ha ein litt lengre veg å gå. Uansett utgangspunkt gav prosjektet dei høve til å arbeide og utvikle sine idear vidare. Deltakarane hadde gode idear som dei fekk sett enno meir i system gjennom blant anna å arbeide med foretningsplan og konkret handlingsplan for sine prosjekt. Delmål 2: Identifisere hindringar for bruksendring og gjenbruk. Dette var blant dei emna som vart diskutera. Ei av samlingane var på Lien Fjellgard, der fekk med og omvisning og fekk høyre om deira erfaringar med å utvikle staden. I tillegg organiserte prosessrettleiar Hans Huseby ein tur til Vestfold som vart eit tillegg til den formelle delen av kurset, der alle som var med vart invitert med på ein rundtur som starta på Hedrum Bygdetun i Kvelde og med vidare med besøk på Hasle Gard som driv med grøn omsorg og lukka selskap i Sandefjord. Så fekk med mat heime hjå Hans Huseby og til sist var på besøk hjå Hunsgaar som hadde gjenbruk av byggemateriale som utgangspunkt for fleire av sine bygningar på garden. Her var fleire originale løysingar, blant anna i høve bruk av vindauge. For kursdeltakarane var det lærerikt å sjå ulike løysingar. 4
Delmål 3: Hjelp til planlegging, ombygging og dimensjonering Me hadde ein eigen kveld med bygningsteknikk som tema. Me hadde fått med oss Kjell Tangen frå Norsk Landbruks Rådgivning Østafjells og Trond Lage Edvardsen frå Skien Kommune. Kursdeltakarane sendte inn bilete av sine låvebygg og dei som hadde teikningar sendte inn desse. Kjell Tangen tok så utgangspunkt i desse og tok ein gjennomgang av kvart enkelt prosjekt. Trond Lage Edvardsen gjekk gjennom krav i høve Plan og Bygningsloven. Låveprosjekt 3. Aktivitet Me har hatt til saman 4 seminar i kurset. Eit på Bø Hotell, eit på Lien Fjellgard, på landbrukets Hus og på Norsjø Hotell. Me har hatt foredrag frå fagpersonar i Norsk Landbruks Rådgivining Østafjells, Skien Kommune, Innovasjon Norge og Midt- Telemark Landbrukskontor. I tillegg har me arrangert eit ope møte på Evju Bygdetun der tema var låven som eit viktig element i kulturlandskapet. Her viste Halvor Sem lysbilete og fortalde frå forprosjektet til Raude Låver, Dag Gjermund Roheim tok for seg SMIL midlar til restaurering og Trond Lage Edvardsen gjekk gjennom krav i høve Plan og Bygningsloven. Me fekk og sjå oss om og fekk omvisning i delar av bygdetunet for dei som ville. Det kom 15 personar på møtet. 5
Dialog med og forankring i kommunens byggansvarlige etat. Her har Trond Lage Edvardsen i Skien kommune vert ein verdifull støttespelar og ressurs for prosjektet. Prosjekt 4. Organisering Prosjektleiar har hatt ansvar for marknadsføring av kurset og for den tekniske og praktiske gjennomføringa. Hans Huseby har vert prosessrettleiar og har hatt ansvar for å følgje opp kvart enkelt prosjekt med heimelekser og gjennomgang på samlingane. Prosjektet har hatt ei styringsgruppe som har bestått av : Karl Erik Gonsholt - Fylkesmannes landbruksavdeling Trond Lage Edvardsen - Skien Kommune, Planetaten. Astrid Staurheim - Telemark bondelag Teresa Dalen Grenland Landbrukskontor Tora S.Aarnes - Midt-Telemark Landbrukskontor 6
Prosjektleiar har vert Halvor A.Midtbø. Han har fungert som sekretær for styringsgruppa. Det har vert 2 møte i styringsgruppa i løpet av prosjektperioden. Samandrag I kurset Ny næring under gamle tak har me hatt med 5 ulike prosjekt som har vil skape ny eller utvikle eksisterande næring med utgangspunkt i tomme låvebygg. Eit av prosjekta har vert eit bryggerhus/ eldhus. Dette var på ein gard der låven var godt utnytta frå før. Me har hatt følgje med 5 spennande prosjekt frå ulike delar av Telemark. Gjennom heimearbeid og arbeid på samlingane har kvart prosjekt utvikla sin eigen foretningsplan og konkret handlingsplan for å nå sine ønska mål. Dette har vert eit spennande arbeid med mange gode idear, spenstige forslag og konstruktive tilbakemeldingar frå prosessrettleiar og internt mellom dei deltakande prosjekta. Me har forsøkt å sette fokus på dei utfordringane som ein møter i prosessen med å skulle skape ny aktivitet innanfor ramma av ein tom låve. Landbrukets Hus 30.05.11 Halvor A.Midtbø prosjektleiar Vedlegg 1: Artikkel i Varden 20.12.2010 Vedlegg 2: Omtale i Telen desember 2010 Vedlegg 3: Artikkel i Kanalen 26.01.2011 Vedlegg 4: Artikkel i VTB 01.02.2011 Vedlegg 5: Artikkel VTB nett 01.02.2011 Vedlegg 6: Artikkel i TA 02.02.2011 Vedlegg 7. Artikkel i Bø Blad 10.02.2011 Vedlegg 8: Artikkel i Telen 29.02.2011 7
Vedlegg 1.
Vedlegg 2.
Vedlegg 3.
Vedlegg 4.
Vedlegg 4.
Vedlegg 5.
Vedlegg 5.
Vedlegg 6. Vedlegg 6.
Vedlegg 7.
Vedlegg 8.