Årsmelding for FAU (Foreldrerådets arbeidsutval) Kontaktinformasjon - medlemmer i FAU ved Kolltveit skule 2013/2014: Verv Namn For klasse Mobil e-post Leder Kjersti Hauge Foss 6. 412 38 636 kjerstihfo@hotmail.com Nestleder Laila Eithun Kobbeltvedt 2. 959 70 244 laila.kobbeltvedt@yahoo.no Kasserer Irene Gihl Lindberg 1. 489 90 663 irenegihl@gmail.com SMUrepr. 1 SMUrepr. 2 Lisbeth Andreassen 3. 922 59 637 lisbethandreassen@live.no Therese Henriksen 4. 926 14 637 therese.henriksen@broadpark.no KFU-repr. Elin Veland 5. 412 69 025 elin.veland@gmail.com Referent Bjørn Erik Kronheim SFO 452 19 896 bjorn-erik@online.no Medlem Vilhelm Viksøy 7. 402 26 237 vilhelm@viksoy.no FAU = Foreldrearbeidsutvalet SMU = Skulemiljøutvalet (to representantar frå FAU skal møte i skulemiljøutvalet). KFU = Kommunalt foreldreutval Leiar og nestleiar i FAU har møteplikt i SU (Samarbeidsutvalet). Alle andre FAU-medlemmar har møterett.
Møter: FAU har hatt 5 møter hausten 2013, og 7 møter våren 2013. Referat frå møta er sendt til Kolltveit skule ved Rektor. Skulen har også lagt referata ut på Kolltveit skule si heimeside. I tillegg møttes FAU to ganger i to ulike grupper for å forfatte brev til skuleleiinga i kommunen samt til politikarane vedrørande skulesamanslåinga. Frå FAU har Leiar og Nestleiar, SMU medlem 1 og 2, og SFO-representant delteke på møter i SU (Samarbeidsutvalet). Leiar i FAU sit også som leiar for SU. KFU repr. har delteke på møter i KFU. Saker 2013 2014: Faste arrangement. Det er tradisjon for at FAU ivaretek nokre arrangement som etter kvart har vorte ein tradisjon. Det går med litt tid kvart år til planlegging av desse arrangementa. FAU 2013/14 har brukt årshjulet som førre års FAU utarbeida som rettleiing til desse arrangementa. Dette har vore til god nytte, samstundes som vi har hatt fokus på å vidareutvikla årshjulet grunna ein del manglar. Litt informasjon om dei ulike arrangementa er også gitt nedanfor. Haustlunsj: Før haustferien vart det arrangert skulelunsj. FAU skaffa brød, smør og juice. Pålegg vart fordelt på elevane av klassekontaktane. Kvar klasse hadde foreldre som var med og hjelpte til. Dette er eit koseleg og populært arrangement. Også i år tok borna med kopp og fat (ikkje eingongs ) for å redusere avfallsmengda. Dette fungerte fint. Julefestane (arrangerast av1., 4. og 7. klasse): Då det dei seinare åra har vore veldig fullt i gymsalen, gjekk ein også i år ut og oppmoda om at kvar elev berre kunne ha med seg to gjester. Komitèen for julefestane oppmoda både lærarar og foreldre til å ta del i juletregangen, og ivareta/styrke denne tradisjonen. Dette fungerte fint, og det var meldt om vel gjennomførte arrangement. Grunna ein del usikkerheit rundt kven som skulle ta initiativ til oppstart av komitèarbeid for julefestane, kom dette arbeidet noko seint i gong. Dette må avklarast tidlegare hausten 2014. I tillegg var det manglande informasjon frå tidlegare års planlegging. Referat frå arbeidet er no lagt inn på felles plattform i Dropbox, sameleis er oppdatert årshjul vedrørande det same. Inngongsprisen vart sett til kr 20 pr vaksen, og 10 pr born. Dette beløpet bør vurderast økt ved neste julefest grunna lav inntjening.
Alle som var tildelt oppgåver ivaretok disse på ein god måte. Overskuddet vart gitt til Streetlight, ein barneheim som vart hardt råka under katastrofen på Filippinene seinhaustes 2013. 17. mai: 17 mai komiteen gjorde også i år ein flott jobb, og det vart ei fin feiring på skulen. 17. Mai komiteen har skrive eige referat, og utarbeidd eigen dokumentasjon. Økonomien var i år ganske god, med eit overskot på vel 31 000 kr. Elevkveld 5-7. klasse: FAU har tidlegare arrangert eit diskotek om hausten og eit om våren for 5. til 7. klassingar. Profesjonell discjockey har vore leigd inn, Red Light Event ved Steffen Haganes. Disco vart i vår omgjort til ein elevstyrt «elevkveld». FAU handla inn kioskvarer som vart selt til kostpris. Elever frå Ekerhovd var invitert og fleire av dei kom. Det var god aktivitet og ein fin kveld. Eigen evaluering føreligg. Økonomisk støtte til skulen: FAU har i år gjeve økonomisk støtte til: - Bussutgiftene for 5-7. klasse sin skøytedag Kr. 3000,- (Skidag utgjekk grunna manglande snø) - Skulpturvandring/avslutning for 7. klasse kr. 3000,- - Julegåve til Streetlight, kr. 2000,- - Red Light Event, disco haust 2013 kr. 3000,- Skulesamanslåing med Ekerhovd skule. Den viktigaste saka FAU har hatt på agendaen i år er samanslåinga med Ekerhovd skule. Vi jobba mykje mot kommunen for at dei skulle oppfylla vilkåra for å gjera i stand Kolltveit Skule til å ta i mot elevane frå Ekerhovd. FAU har heile tida hatt fokus på å ynskje elevar og foreldre frå Ekerhovd velkomne til Kolltveit skule. Samstundes har vi jobba mykje for at så mykje som mogleg av eksisterande skuleplass skulle bevarst ved plassering av ny paviljong. Vi forfatta bl.a eit brev til Skulesjefen og kommunen der vi fremma saka vår. Representantar frå FAU har også delteke på diverse møter med både skuleleiinga og kommunen vedrørande saka. Det var også ei sak i Vestnytt der FAU fekk kome med argument MOT å plassera paviljongen på skuleplassen. Vidare skreiv FAU eit lesarinnlegg i Vestnytt som motsvar til skuleleiinga i kommunen der dei meinte at paviljongen kunne plasserast på skuleplassen utan særleg
omsyn til eksisterande uteareal. Det har vore viktig for oss å framstå saklege og med gode argument. Vi veit at vi vart teken seriøst og vart lytta til. Dette er ein av grunnane til at paviljongen vart plassert bak skulen, slik at skuleplassen framfør skulen kunne ivaretakast. Vidare har vi jobba mykje for at arealet inne skulle oppgraderast ved samanslåinga. Mykje av dette arbeidet vart gjort i samarbeid med skuleleiinga både via SU og på andre arenaer. På slutten av året dukka det også opp oppslag i Vestnytt og Bergens Tidende om at paviljongen er bygt for nær høgspentkabelen ved skulen. Det var krefter frå Ekerhovd skulekrins som fremma denne saka, og laga oppslag om at det er stor fare for å utvikle leukemi ved å opphalde seg så nære kabelen. Med bakgrunn i kampanjen som oppstod, tok FAU kontakt med BKK, Fjell Kommune og Statens Strålevern for å få verifisert desse påstandane. Det har så langt ikkje kome fram opplysningar frå dei nemnde instansar om at det er fare ved å opphalde seg i paviljongen, og FAU har valgt å halde seg til desse opplysningane. Paviljongen er bygt i godkjent avstand frå kabelen etter nasjonale føresegner. For andre enkeltsaker som har vore på agendaen, viser vi til referat som ligg tilgjengeleg på skulen si heimeside; www.fjell.no/kolltveitskule.no Trafikksikring: FAU har i år hatt mykje fokus på refleksbruk, og har saman med skulen gjennomført to refleksaksjonar med konkurransar mellom klassane. Kolltveit skule har ei trafikksikringsgruppe som er ei faggruppe for FAU angåande trafikksikkerheit. Det er som regel ein eller fleire representantar frå trafikksikringsgruppa i starten av kvart FAU-møte for å informere om deira arbeid, og for å kunne ta vidare innspel frå FAU angåande trafikksikring. I følgje representantane i trafikksikringsgruppa er det ofte komplisert å få gjennomslag for sakene som blir fremma, då det er mange involverte partar. Det er mange innspel og saker som ligg inne frå tidligare, og som kjem opp igjen år etter år. Trafikksikringsgruppa forfatta hausten 2013 eit brev til Fjell Kommune i samarbeid med FAU i forbindelse med at vi ynskjer fortgang i sikring av skuleveg frå Bildøy. Kommunen fatta i ettertid vedtak om at vegen skal definerast som farleg skuleveg, og innførte heilårleg skuleskyss. Skuleskyss heldt fram også i 2014/15. Gruppa ynskjer no å fokusera på trafikktryggleig på Kolltveit. Samstundes ynskjer dei òg å få inn personar frå Ekerhovd/Lie, og dermed få fokus på skulevegen også frå dette området.
KFU - Kommunalt foreldreutval: 7. klasse sin representant i FAU har i år hatt vervet som KFU-representant. KFU er eit kommunalt utval, og er samansett av foreldrerådsrepresentantar for barne- og ungdomsskulane i Fjell, samt ein representant frå skuleavdelinga. Utvalet skal arbeide for fellessaker, og er ein møteplass for erfaringsutveksling. Utvalet har hatt to møter. Utvalet har vore nede det seinaste året, og det vart jobba med å få utvalet opp og stå att. Økonomi: Det er etablert ei innkjøpsordning der FAU kan få handle på kreditt på Rema 1000 på Straume, og så får kasserar tilsendt faktura. Dette for å gjere det lettare å handle, utan å måtte leggje ut av eigne pengar, når nokon i FAU skal kjøpe inn noko til dei ulike arrangementa. Boksesystem og skjema for inngangspengar, etc. til julefestene frå 2012 vart overlevert til ny kasserar og brukt på same måte i 2013. Det har vore eit problem at pengane frå 17. Mai kjem inn på konto veldig seint. Oppgjøret bør vere på konto før utgangen av skuleåret. Det er etablert oppgjørsskjema som skal brukast ved ulike arrangement, slik at det blir lettare å ha detaljoversikt over økonomien for kvart arrangement. Det har vore forslag om at ein forsøker å utforme nokre retningslinjer for kva FAU ønskjer å bruke pengane våre på. Det må gå rundt, slik at ein ikkje etter kvart sit igjen utan pengar eller med eit reelt underskot. FAU har i 2013/14 hatt ein relativt dårleg økonomi, med større utgiftar enn inntektar. Dette skuldast i stor grad lav inntekt i samband med 17. mai feiring i 2013. Rekneskap for perioden 2013/2014 er lagt ved. FAU skal omorganiserast og få organisasjonsnummer slik at vi kan opprette bankkonto uten at den må stå på en privatperson. FAU v/elin Veland har utarbeidd vedtekter for FAU, slik at vi kan gjennomføre omorganiseringa formelt. Årsmøtet skal vedta vedtektene. Årsmøte: Årsmøte vert arrangert ved Kolltveit skule 30. September 2014. Der vil det også foregå en overlevering til neste FAU.
Vedlagt: 1. Rekneskap 2. Faste ting for FAU ( Årshjul ) FAU har samarbeidd godt med skuleleiinga, og vi legg vekt på at det nye FAU vidareførar det gode samarbeidet også i 2014-15. For FAU Kolltveit skule 2013/2014 Kjersti Hauge Foss Laila Kobbeltvedt Irene Gihl Lindberg Leiar Nestleiar Kasserar