Hordaland fylkeskommune legg til rette for den regionale utviklinga i fylket. Fylkeskommunen har ansvar for Regionalt utviklingsprogram for Hordaland som er eit samarbeid mellom næringsliv, ulike offentlege aktørar og kompetansemiljø. Regionalt utviklingsprogram skal stimulere til næringsutvikling og entreprenørskap og kommersiell utnytting av forskning og innovasjon i gamle og nye næringar. Regionalt utviklingsprogram inneheld ei stor samling utviklingsprosjekt og gir dessutan retningsliner for den offentlege verkemiddelbruken på feltet. Regionalt Utviklings- Program Hordaland Regionalt Utviklingsprogram for Hordaland 2 0 0 5 Eit nyskapande Hordaland Framlegg utarbeidd av Regionalt Næringsforum februar 2005
REGIONALT UTVIKLINGSPROGRAM FOR HORDALAND 2005 FORORD s. 3 I REGIONALT UTVIKLINGSPROGRAM FOR HORDALAND 2005: EIT NYSKAPANDE HORDALAND s. 4 II MÅL OG STRATEGIAR FOR REGIONAL NÆRINGSUTVIKLING s. 5 III PRIORITERTE INNSATSOMRÅDE I 2005 s. 6 A. Næringar med særlege føremoner B. Innovasjon C. Livskraftige lokalsamfunn D. Næringsretta kompetanse IV FORDELING AV FYLKESKOMMUNALE VERKEMIDDEL TIL REGIONALT UTVIKLINGSPROGRAM I 2005 s. 9 V ANDRE VIKTIGE MEDSPELARAR s. 11 Regionalt Næringsforum Kommunane i Hordaland Bergen Universitetet, høgskulane og forskingsmiljøa Næringslivet VI IVERKSETJING AV REGIONALT UTVIKLINGSPROGRAM 2005 s. 12 Vedlegg: - SAMLA OVERSIKT OVER OFFENTLEGE VERKEMIDDEL TIL NÆRINGSRELATERT VERKSEMD I HORDALAND I 2005
Regionalt Utviklingsprogram for Hordaland 2005 Forord Hordaland er eit godt fylke å leve og arbeid i. Vi har solide industri- og næringsmiljø, tunge kunnskapsmiljø og innsatsvillige og kompetente arbeidstakarar. Fylket bidreg solid til vekst og verdiskaping i Norge. Vårt mål er at Hordaland skal vere mellom dei mest nyskapande og innovative regionane i Europa. Skal vi klare dette, må vi jobbe i lag! Regionalt Utviklingsprogram er nettopp eit felles verktøy for å fremje vidare verdiskaping i heile Hordaland. Eg utfordrar næringslivet, kommunane, kunnskapsmiljøa og alle offentlege etatar til å vere med og syte for ei vellykka iverksetting av Regionalt Utviklingsprogram for 2005. Februar 2005 Torill Selsvold Nyborg Fylkesordførar Regionalt Næringsforum i Hordaland legg med dette fram Regionalt Utviklingsprogram for 2005. Programmet er utarbeidd i tett samarbeid mellom dei etatane og organisasjonane som deltar i Regionalt Næringsforum, og etter dialog med kommunar, regionråd og representantar for næringslivet. Programmet vart endeleg vedtatt av Fylkesutvalet 17. februar. Innsatsen i 2005 skal konsentrerast om eit fåtal prioriterte område, med særleg vekt på næringane energi, maritim, marin, reiseliv og kulturbaserte næringar. Men det vil også i noko grad vere vere rom for gode prosjekt innanfor andre område. Vi ser fram eit spennande år med nye tak for næringsutvikling i Hordaland, og inviterer til å kome med forslag og idear til prosjekt og tiltak innanfor dei prioriterte innsatsområda! Bergen, februar 2005 Direktør Nina Broch Mathisen Landbruksdirektør Ole Bakkebø LO-sekretær Vigdis Ravnøy Innovasjon Norge i Hordaland Fylkesmannen i Hordaland LO Hordaland Regiondirektør Tom Knudsen Prorektor Rune Nilsen Fylkesarbeidssjef Tommy Johansen NHO Hordaland Universitetet i Bergen Aetat i Hordaland Regiondirektør Terje L. Magnussen Spesialrådgjevar Atle Markussen Rådgjevar Jan Otto Evjen Fiskeridirektoratet region Vest Norges forskningsråd, Hordaland Bergen kommune Ordførar Magne Rommetveit Gruppeleiar Marianne Haaland Næringskoordinator Lars Tveit Kommunenes Sentralforbund Hordaland fylkeskommune Hordaland fylkeskommune Strategi- og utviklingsdirektør Jan Per Styve Hordaland fylkeskommune (leiar) 2
I REGIONALT UTVIKLINGSPROGRAM FOR HORDALAND 2005: EIT NYSKAPANDE HORDALAND Regionalt utviklingsprogram er eit felles handlingsprogmram for regional utvikling i Hordaland. Programmet skal særleg stimulere til næringsutvikling og nyskaping i heile fylket, og sikre at alle aktørane jobbar i lag for å styrke verdiskapinga. Programmet er forankra i målsettingane og strategiane i forslaget til ny fylkesplan for Hordaland 2005-2008. Regionalt utviklingsprogram styrer bruken av fylkeskommunens økonomiske midlar til regional utvikling, og gir mål og retningsliner for andre offentlege etatar sitt utviklingsarbeid i Hordaland. Regionalt utviklingsprogram er utvikla av Regionalt Næringsforum, der desse deltar: Direktør Nina Broch Mathisen - Innovasjon Norge i Hordaland Regiondirektør Tom Knudsen - NHO Hordaland LO-sekretær Vigdis Ravnøy - LO Hordaland Landbruksdirektør Ole Bakkebø Fylkesmannen i Hordaland Fylkesarbeidssjef Tommy Johansen Aetat i Hordaland Prorektor Rune Nilsen - Universitetet i Bergen Regiondirektør Terje L. Magnussen Fiskeridirektoratet region Vest Rådgjevar Jan Otto Evjen - Bergen kommune Spesialrådgjevar Atle Markussen - Norges forskningsråd, Hordaland Ordførar Magne Rommetveit Kommunenes Sentralforbund Gruppeleiar Marianne Haaland - Hordaland fylkeskommune Næringskoordinator Lars Tveit - Hordaland fylkeskommune Strategi- og utviklingsdirektør Jan Per Styve Hordaland fylkeskommune, leiar. Sekretariat: Rådgjevar Hilde Fagerheim - Hordaland fylkeskommune Programmet blir vedtatt av fylkesutvalet i Hordaland. Gjennomføring av programmet skal skje gjennom program, prosjekt og satsingar i regi av både fylkeskommunen, statlege regionale organ, kommunane og næringslivet. Dels vil dette kunne vere nye tiltak, dels vil arbeidet knyte seg opp til pågåande utviklingsarbeid og prosjekt. 3
II MÅL OG STRATEGIAR FOR REGIONAL NÆRINGSUTVIKLING Hordaland er ein ressursrik og sterk region med rike naturressursar, sterke industri- og næringsmiljø og tunge kompetansemiljø. Fylket har gode såleis føresetnader for auka verdiskaping og innovasjon, til beste for både fylket og nasjonen. For å kunne utløyse dette potensialet, krevst det felles mål og strategiar og samordna bruk av verkemiddel og innsats. Fylkesplan for Hordaland 2005 2008 (høyringsutkastet) fastset mål og strategiar for næringspolitikken i Hordaland. Hovudmål: Hordaland skal vere mellom dei mest innovative regionane i Europa i næringar der fylket har særlege føremoner med vekt på lønsemd, internasjonal konkurransekraft og evne til omstilling. Konkrete næringsmål Utfrå dette er det i fylkesplanen fastsett slike konkrete næringsmål: - Hordaland skal ha best moglege rammevilkår for framvekst av næringsliv som kompetanse, kapital og infrastruktur - Potensialet for verdiskaping skal utløysast i næringar der vi har særlege føremoner - Innovasjonen skal aukast i samspel mellom næringslivet, FoU-miljøa og offentlege styresmakter - Lokalsamfunna skal ha livskraftig næringsliv basert på eigne føremoner og særtrekk, og som grunnlag for gode arbeidsplassar Næringsstrategiar For å nå desse måla skal innsatsen særleg konsentrerast om følgjande næringsstrategiar: Betre rammevilkår - Påverka statlege styresmakter - Samordne verkemiddelbruken - Leggje til rette for investeringar frå offentleg og privat kapital i verksemder med vektspotensial Satse på næringar med særlege føremoner - Særleg satsing på energi, marine, maritime, reiseliv og andre vekstkraftige næringar Fremje innovasjon - Aktiv bruk av ny kunnskap - Stimulere til innovasjonskultur - Leggje til rette for næringsklynger og nettverk Livskraftige lokalsamfunn - Utvikle samspelet mellom landbruk, kultur og reiseliv - Næringsvenleg offentleg sektor Kunnskap og kompetanse er ein viktig føresetnad for verdiskaping og innovasjon. Fylkesplanen slår fast at det derfor også må satsast på ei rekkje tiltak for å sikre aktiv utvikling og bruk av kunnskap og kompetanse. For Regionalt utviklingsprogram er følgjande strategiar særleg viktige *) - Vidaregåande skular for ressurssentre for lokalsamfunna - Møteplassar og tettare samarbeid mellom kunnskapsinstitusjonane og næringslivet - Alle vidaregåande skular skal gi tilbod om opplæring i entrepenørskap Infrastruktur samferdsel: Investeringar i vegnettet, som kan sikre betre framkomst for næringslivet, er viktige tiltak for å auke lønsemd og konkurranseevne. Dette innsatsområdet blir tatt vare på i fylkeskommunen si handsaming av Nasjonal Transportplan og seinare handlingsprogram til Fylkesplan for Hordaland 2005 2008. Regionalt Utviklingsprogram omhandlar såleis ikkje dette temaet særskilt. *) Mål og strategiar innan kompetanse er nærare utdjupa i framlegget til fylkesplan 2005-2008 4
III PRIORITERTE INNSATSOMRÅDE I 2005: Mål og strategiar for næringspolitikken i Hordaland spenner breitt, og krev aktiv innsats på mange felt. Det er derfor nødvendig å avgrense og målrette innsatsen kvart år. I 2005 vil følgjande innsatsområde bli prioritert: A. NÆRINGAR MED SÆRLEGE FØREMONER: A1 ENERGI: Energisektoren har tre satsingsfelt; eit i høve til utfordringar i offshorerelatert verksemd, eit i høve til auka bruk av gass og dessutan betre utnytting av vasskraft. Auka innovasjon og internasjonalisering gjennom meir samspel og nettverk mellom bedrifter i verdikjeda, mellom FoU og bedriftene og gjennom særlege kompetansetiltak er og ei hovudutfordring. 1. Leggje til rette for bruk av gass på sjø og land ved etablering av gassterminalar og gassinfrastruktur, og styrke FoU-innsatsen knytt til alternativ bruk av gass. 2. Stimulere til meir innovasjon i energisektoren for å få fram nye produkt, bedrifter og kunnskapsmiljø. 3. Stimulere til auka utbygging av småkraftverk og satsing på bioenergi i Hordaland. A2 MARINE NÆRINGAR: Hordaland er Noregs viktigaste oppdrettsfylke og har Europas største konsentrasjon av marinrelatert forsking. Fiskeri- og havbruksnæringa utgjer ein viktig del av sysselsettings- og verdiskapingsgrunnlaget langs kysten. Utviklinga i dei internasjonale rammevilkåra og det høge kostnadsnivået i Noreg gjer at vi må sikre vidare vekst og utvikling basert på våre ressurs- og kompetansemessige fortrinn og på innovasjon og marknadstilpassa produksjon som verktøy for styrka konkurransekraft og auka lønsemd. 1. Større verdiskaping frå sjømatproduksjon ved satsing på større vidareforedlingsgrad, kvalitet og kompetanse. 2. Hardanger og Sunnhordland er målregion for utvikling i skjeringsfeltet mellom havbruk, miljø og reiseliv. Målet er å ta ut verdiskapingspotensialet i form av produktutvikling og bedriftsetablering. 3. Støtte utnytting av nye artar i havbruk gjennom arbeid med FoU, finansiering og andre rammevilkår. 4. Stimulere til auka verdiskaping i marin bioteknologi - i nært samarbeid med forskingsmiljøa i Hordaland. A3 MARITIME NÆRINGAR: Hordaland har ei komplett maritim klynge som betyr svært mykje for sysselsetjing og verdiskaping i fylket. Den internasjonale konkurransen er ei hovudutfordringa i maritim sektor og satsinga i Hordaland må gjere heile miljøet, spesielt det tunge utstyrsmiljøet, meir innovativt og internasjonalt konkurransedyktig. Samarbeid, nettverk og kompetanse er stikkord for satsinga. 1. Innovasjon, internasjonalisering og knoppskyting i eksisterande bedrifter. 2. Stimulere til auka samarbeid mellom næringslivet og kunnskapsmiljøa, for å oppnå tyngre FoU-innsats som fremjar auka verdiskaping. 3. Arbeide for å oppnå likeverdige rammevilkår som sikrar at norsk offshoreretta industri er konkurransedyktig i høve til andre land. 5
A4 REISELIV: Hordaland er kanskje det fremste og mest komplette reiselivsfylket i landet, og har synlege konkurransefortrinn relaterte til hav, fjord, fjell, kulturlandskap og det levande urbane. Kontrastane mellom årstidene styrkjer Hordaland som reisemål i mange ulike marknadssegment. Det er ei utfordring å synleggjere den sterke forskings-, utdannings- og kunnskapsbasisen Hordaland har for kultur- og naturbasert reiseliv. Det er og ei stor utfordring å vidareutvikle og skape nye reiselivsprodukt som tek ut vekstpotensialet i ein aukande, internasjonal marknad. 1. Utvikle reiselivsprodukt med særpreg og lokal forankring, slik at fylket og regionen sine konkurransefortrinn legg grunnlag for auka verdiskaping. 2. Profilering av Hordaland mot den norske og utanlandske marknaden, tufta på regional og nasjonal merkevarebygging. Satsinga skal spisse Hordaland sin identitet, og byggje opp under idretts-, opplevings-, kultur-, og naturbasert reiseliv. 3. Auka samarbeidet mellom næringsaktørane gjennom nettverksbygging, koordinert marknadsføring og kompetanseutvikling. A5 KULTURBASERTE NÆRINGAR: Hordaland er eit rikt kulturfylke med eit unikt utgangspunkt og stort potensial for å vidareutvikle kulturbaserte næringar med storbyen Bergen som eit geografisk og kulturelt tyngdepunkt. Fleire kulturbaserte næringar er internasjonale vekstnæringar og viktige for verdiskapinga både i seg sjølv og i samarbeid med andre. Satsinga i 2005 vil konsentrere seg om dei delar av næringane som er kommersielle og har eit internasjonalt utviklingspotensial innan til t.d media/film, design og pop/rock. 1. Medverke til at design blir tatt i bruk som eit strategisk verktøy for å styrke verdiskapinga innan viktige næringar i Hordaland mellom desse reiseliv og marin sektor. 2. Stimulere til auka økonomisk verdiskaping ved å kommersialisere dei kulturbaserte næringane. B. INNOVASJON: Hordaland har sterke FoU- og næringsmiljø. Desse representerer eit stort potensial for auka etablering av nye, kunnskapsbaserte bedrifter både nasjonalt og internasjonalt. Samstundes må også eksisterande bedrifter ha fokus på produktutvikling og innovasjon, og i aukande grad trekkje vekslar på FoU- og kompetansemiljøa i fylket. Etablerarar må sikrast kyndig hjelp og rettleiing i møte med førstelinetenesta, og den allmenne entreprenørskapskulturen og kunnskapen i Hordaland styrkast. 1. Støtte tiltak som fremjar innovasjon og nyskaping i eksisterande bedrifter, til dømes gjennom auka bruk av ekstern kompetanse og vidareutvikling av kunnskapsbasen i eiga bedrift. 2. Auke talet på vekstentreprenørar i Hordaland ved å stimulere sterke FoU- og næringsmiljø til å byggje opp kunnskapsbaserte bedrifter med internasjonale vekstambisjonar. Samstundes stimulera til samhandling og nettverksbygging mellom aktuelle utviklingsaktørar for å sikra tilgang på kapital og kompetanse. Forskings- og næringsparkar, som arenaer for innovasjon, vil få auka fokus. 3. Styrke entreprenørskapskulturen i fylket, spreie informasjon og auke kunnskapen om entreprenørskap på alle nivår i utdanningssystemet, og hjelpe fram interesserte gjennom rettleiing, etablerarkurs og nettverksbygging. 6
C. LIVSKRAFTIGE LOKALSAMFUNN: Lokalsamfunn er område som er geografisk avgrensa, der det skjer sosial interaksjon og eksisterer felles band og forpliktingar mellom menneske. Folk buset seg eller lokaliserer bedrifta si til ein plass eller lokalsamfunn der dei trur dei vil trivst og kan utvikle bedrifta. Ei kjensle av at lokalsamfunnet og kommunen er utviklingsorienterte, verdset og ser positivt på nye initiativ, fremjar etablering av nye bedrifter og støttar opp om nyskaping i eksisterande næringsliv, er kanskje det sterkaste kjenneteiknet for eit livskraftig lokalsamfunn. For å stimulere til verdiskapinga i Hordaland må lokalsamfunna i fylket gjerast meir attraktive - både med tanke på busetjing og trivsel, for bedrifter og tilreisande. 1. Vidareføre omstillingsarbeidet i Stord/Fitjar/Sveio gjennom selskapet SNU AS. Utarbeide årlege sårbarheitsanalyser for å identifisere område i fylket der ein bør vurdere å setje i verk særskilde omstillingstiltak for å bøte på skadeverknader av uventa utvikling. 2. Tettstadutvikling som kan bidra til å gjere sentra og tettstader attraktive. 3. Landskapsrestaurering og grøn næringsutvikling som innsats i reisemåls- og bygdeutvikling. Ein invitasjon til eit knippe pilotprosjekt i nokre utvalde reiselivsbygder og/eller verdifulle kulturlandskapsområde i fylket. D. NÆRINGSRETTA KOMPETANSE: Kompetanse er ein viktig føresetnad for verdiskaping og innovasjon. Hordaland har mange og tunge utdanningsog forskingsmiljø. Utfordringa er å ta kunnskapen i bruk - og gjere den relevant og nyttig for næringslivet. Samtidig må næringslivet sjølv aktivt etterspørje kunnskap og kompetanse. Arbeidsmarknadstiltaka skal støtte opp under næringslivet sitt behov for kompetanse og arbeidskraft. 1. Utvikle og ta i bruk vidaregåande skular som lokale ressurssentra for næringsutvikling og lokalsamfunnsutvikling. Etterkvart må alle skulane tilby opplæring i entreprenørskap. 2. Tiltak som aukar samhandlinga mellom næringsliv og kunnskapsinstitusjonane. Dette skal bidra til å næringsrette kunnskapsproduksjon, forsking og formidling - og gi bedrifter konkret og anvendbar kunnskap og kompetanse for innovasjon og auka verdiskaping. 3. Leggje til rette for relevante og tilpassa opplæringstilbod som motiverer ungdom til å ta leiaroppgåver på aktuelle nivå i bedriftene i fylket. 7
IV FORDELING AV FYLKESKOMMUNALE VERKEMIDDEL TIL REGIONALT UTVIKLINGSPROGRAM I HORDALAND I 2005 For 2005 disponerer fylkeskommunen til saman kr. 116.840.000 til regional utvikling. Av desse vert kr. 56.500.000 styrde gjennom eigne program og vedtak (konsesjonskraftmidlar og kompensasjonsmidlar for auka arbeidsgjevaravgift). Dessutan vert Kr. 6.732.000 av total ramme fordelt til ulike organisasjonar og tiltak gjennom politisk vedtak av Årsbudsjettet for 2005. Pengane som er øyremerka tiltak under Regionalt Utviklingsprogram 2005, er i hovudsak statlege overføringar - i tillegg til midlar løyvde over fylkesbudsjettet. Bruken av dei statlege midlane er bunden opp i regelverk som set rimeleg klare grenser for korleis pengane kan nyttast. Dei fylkeskommunale midlane kan nyttast friare. Nedanfor er det i korte trekk gjort greie for dei sentrale postane i budsjettet for Regionalt Utviklingsprogram for Hordaland 2005. A. Bedriftsretta verkemiddel Ein vesentleg del av dei midlane fylkeskommunen forvaltar, blir kanaliserte direkte mot einskildbedrifter. Innovasjon Norge har fått i oppdrag av fylkeskommunen å fordele desse pengane. Det er inngått eigen avtale som regulerer pengebruk, rapportering og samarbeidet mellom partane. B. Tilrettelegging for næringsutvikling Midlane som er stilte til rådvelde under denne posten skal brukast på tiltak og prosjekt innan utvalde næringar og innsatsområde i Regionalt Utviklingsprogram for 2005. Desse er energi, marin sektor, maritime bransjar, reiseliv, kulturbaserte næringar, innovasjon, livskraftige lokalsamfunn og næringsretta kompetanse. C. Regionale næringsfond Det er sett av midlar for overføring til dei regionale næringsfonda. Desse skal forvaltast lokalt, og medverke til å løyse ut verdiskapingspotensialet i fylket sine distriktsregionar. Midlane skal nyttast i tråd med mål og strategiar i Fylkesplanen og Regionalt Utviklingsprogram for Hordaland 2005. D. Omstilling og nyskaping Område i fylket vert til tider råka av uventa næringsutvikling, og det vert naudsynt å gå inn med særskilde verkemiddel og tiltak. Omstillingsprogrammet for Stord/Fitjar/Sveio er for tida det einaste av slike tiltak i fylket, og får støtte frå Hordaland fylkeskommune og aktuelle kommunar. Programmet skal førast vidare i 2005. E. Til rådvelde for Regionalt Næringsforum Regionalt Næringsforum er sett saman av ressurspersonar med relevant og omfattande kunnskap om næringslivet i fylket. Det er ønskjeleg å utnytte denne kompetansen, og stille til rådvelde midlar som RNF kan forvalte på eit noko friare grunnlag enn elles. F. ENABLE - programmet Dette er eit regionalt rammeprogram under Interreg IIIC, som arbeider for å knytte saman bedrifter og organisasjonar i fire europeiske land (Tyskland, Austerrike, Litauen og Noreg). Aktørane er heimehøyrande i ein region i kvart land. Hordaland fylkeskommune og Sogn & Fjordane fylkeskommune har gått saman i ein vestnorsk region. Målet er at utvalde bedrifter i fellesskap skal utvikle instrument for betre å utnytte FoU, bygge føremålstenlege nettverk og stimulere til entreprenørskap. 8
Satsingsområde og økonomi Regionalt Utviklingsprogram 2005 A. Bedriftsretta verkemidlar (IN) B. Tilrettelegging for næringsutvikling (HFK) C Regionale næringsfond 1) (HFK) D. Omstilling og nyskaping (HFK) Budsjett 2005 Førebels ramme i kroner Budsjett 2004 Endeleg ramme i kroner Innovasjon Norge : - Bedriftsretta verkemiddel som skal nyttast i samsvar med prioriteringane i Regionalt Utviklingsprogram for Hordaland 2005 Totalt 28.750.000 30.237.600 Bransjesatsingar : - Energi - Marin satsing - Maritim satsing - Reiseliv - Kulturbaserte næringar Innovasjon Livskraftige lokalsamfunn, herunder tettstadutvikling Næringsretta kompetanse Totalt 10.358.000 10.650.200 Regionar : - Sunhordland - Hardanger - Nordhordland - Osterfjorden - Bjørnefjorden - Voss 1.500.000 2) 1.400.000 458.600 458.600 258.600 258.600 Totalt 4.700.000 4.334.400 Områdetiltak : 8.700.000 8.668.800 - Stord / Fitjar / Sveio E. Til rådvelde for Regionalt Næringsforum Verkemiddel for særskilde tiltak (fyrtårn, el.l) 500.000 1.032.000 F. ENABLE - programmet(hfk) Internasjonalisering og internasjonalt samarbeid 600.000 0 Totalramme - HFK 53.608.000 54.923.000 Fotnotar: 1) Fordeling av midlar til Regionale næringsfond vil koma i eiga sak til Fylkesutvalet seinare 2) Tildelinga inkluderer kr. 500.000 øyremerka arbeidet med fleirbrukshall på Tysnes 9
V ANDRE VIKTIGE MEDSPELARAR Den nasjonale politikken og verkemiddelbruken er prega av fragmentering og sektorisering. Gjennom samarbeid i regionen kan vi likevel klare å målrette verkemiddel og utviklingsarbeidet slik at det tener utviklinga i vårt fylke. Regionalt utviklingsprogram skal vere vårt felles verktøy og rettesnor. Bak dette programmet står Hordaland fylkeskommune, Innovasjon Norge, Fylkesmannen i Hordaland, LO Hordaland, NHO Hordaland, Universitetet i Bergen, Aetat, Fiskeridirektoratet region Vest, Norges forskningsråd, Bergen kommune og Kommunenes Sentralforbund. Andre viktige medspelarar er: Kommunane har sentrale oppgåver overfor sitt næringsliv og spelar ei viktig rolle for å fremje nyskaping og utvikle gode lokalsamfunn. Vi ønskjer at kommunane særleg satsar på å: - Utvikle seg i tråd med behova for ein meir næringsvenleg offentleg sektor - Sikre at næringsarbeidet får fokus og ressursar i det kommunale apparatet - Leggje til rette for opplæring i entrepenørskap i grunnskulen - Stimulere til fruktbart samspel mellom landbruk, reiseliv og kultur - Utvikle attraktive lokalsamfunn som trekkjer til seg nye næringsverksemder og klarar å halde på ungdom og kompetanse - Byggje ut infrastruktur tilpassa næringslivet sine behov - Ha ein struktur som fremjar nyskaping og innovasjon. Bergen har tunge kompetansemiljø og store næringsmiljø som har betydning for heile regionen. Samspelet mellom Bergen og regionen er avgjerande for vekst og utvikling både i byen og regionen omkring. Gjennom det nasjonale programmet Innovasjon 2010 som Bergen deltar i, skal ein arbeide for auka innovasjon både i storbyane og regionen gjennom særleg å styrke samarbeidet mellom næringsliv, kunnskapsmiljø og offentlege styresmakter. Vi ønskjer at - Bergen og fylkeskommunen samarbeider for å oppnå gode resultat gjennom Innovasjon 2010 - Bergen deltar aktivt i arbeidet med å gjennomføre Regionalt Utviklingsprogram - Regionalt Utviklingsprogram blir eit verktøy for å styrke samarbeidet mellom Bergen og regionen Universitetet, høgskulane og forskingsmiljøa i Hordaland utgjer tunge FoU-miljø som gjev Hordaland eit unikt fortrinn i arbeidet med å fremje nyskaping og næringsutvikling. Å klare å utløyse dette potensialet inn mot næringsverksemd, er avgjerande i arbeidet med Regionalt utviklingsprogram. Regjeringa har utfordra desse institusjonane til å styrke si regionale utviklingsrolle og etablere tettare samarbeid med samfunns- og næringsliv i regionane. Vi ønskjer at Universitetet i Bergen, høgskulane og forskingsmiljøa skal: - Engasjere seg sterkt i arbeidet med å realisere måla i Regionalt Utviklingsprogram gjennom forsking og innovasjon; og styrke høgre utdanning. Forskarutdanninga må ha eit særleg fokus. - Styrke samarbeidet med næringslivet - Leggje til rette for arbeidsdeling og spesialisering som sikrar best muleg samsvar mellom særtrekka og behova i næringlivet og kunnskapstilbodet i forsking og undervisning - Leggje til rette for profilering av Hordaland som kunnskapsregion med stort potensiale for næringsutvikling, til dømes gjennom felles databasar. Næringslivet sin eigen innsats er avgjerande for at vi skal lykkast. Vi ønskjer at næringslivet: - Aktivt tar i bruk ny kunnskap - Aktivt utfordrar og gjer bruk av kunnskaps- og forskingsmiljøa i fylket - Stimulerer til innovasjon og produktutvikling i eiga verksemd - Er krevjande kundar overfor offentleg sektor - Dei prioriterte næringane i Regionalt Utviklingsprogram 2005 er utsatt for sterk internasjonal konkurranse og konjunkturar. Skal dei overleve og utvikle seg vidare, er det ikkje nok å vere best i Hordaland. Det er difor behov for ein økonomisk politikk som bidreg til stabil lav rente og kronekurs. 10
VI IVERKSETJING AV REGIONALT UTVIKLINGSPROGRAM 2005 Operativt ansvar og samarbeidspartar Regionalt utviklingsprogram 2005 legg føringar for den regionale næringspolitikken i Hordaland, og skisserer korleis den skal setjast ut i livet. Programmet gjev retning for bruken av offenlege, næringsretta verkemiddel for alle etatar som forvaltar slike, ikkje berre for Hordaland fylkeskommune. Derfor er Regionalt utviklingsprogram utarbeidd i tett samarbeid mellom dei ulike aktørane som deltar i Regionalt Næringsforum. Dette sikrar at programmet rettar seg mot dei viktigaste, næringsrelaterte utfordringane i fylket. Gjennom slikt samarbeid blir det også enklare å samordne verkemiddelbruken mellom ulike forvaltningsorgan. Plan for gjennomføring av Regionalt utviklingsprogram For alle som forvaltar verkemiddel til næringsutvikling er det ei kjernesak å spreie kunnskap om rammer, vilkår og søknadsprosedyrer. I 2005 er det lagt opp til ei rekkje aktivitetar, mellom anna i regionane, for å inspirere, lytte og informere om korleis offentlege verkemiddel kan støtte opp om gode og innovative tiltak. Representantar frå Regionalt Næringsforum vil ta del i desse aktivitetane. Målet er å stimulere til nytenking og bidra til nyskaping - både i eksisterande verksemder og til etablering av nye føretak. For å støtte opp under marknadsføringa av tilgjengelege prosjekt- og tiltaksmiddel, vil informasjon bli sirkulert både i annonser, på Internett og i tilknytting til anna møteverksemd. Oversikt over etatar og organ som forvaltar verkemiddel til næringsføremål i Hordaland, er lista bakerst i programmet. Her finn du også nødvendige adresser og telefonnummer om du ønskjer nærare kontakt, eller informasjon om møteaktivitetar. 11
Vedlegg: SAMLA OVERSIKT OVER OFFENTLEGE VERKEMIDDEL TIL NÆRINGSRELATERT VERKSEMD I HORDALAND I 2005 (Oversikta er under utarbeiding og vil bli delt ut under møtet i Fylkesutvalet 17.02.05) 12
Dei sentrale samarbeidspartane i Regionalt utviklingsprogam er Regionalt Utviklings- Program Hordaland Fylkesmannen i Hordaland,Landbruksavdelinga - Bergen Kommune - LO: LOs distriktskontor Hordaland - Fiskeridirektoratet, Region vest - Norges forskningsråd - Universitetet i Bergen - Innovasjon Norge, Hordaland - Aetat Hordaland - KS Hordaland - NHO Hordaland - Hordaland fylkeskommune: Strategi og utviklings avdelinga, Opplæringsavdelinga Agnes Mowinckels gt. 5, Postboks 7900, 5020 Bergen Telefon 55 23 90 00