Møteinnkalling for Utval for levekår og kultur

Hjartdal kommune 3692 Sauland Møteinnkalling for Utval for levekår og kultur Møtedato: 05.11.2013 Møtestad: Kommunehuset Møtetid: Kl. 17.00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 28.10.2013 Einar Løndal leiar Sakliste Sak nr. Saktittel 029/13 GODKJENNING AV MØTEBOK 030/13 DELEGASJONSSAKER 031/13 SVAR PÅ SØKNAD OM KULTURMIDLAR 032/13 SAMHANDLINGSREFORMA - OVERORDNA SAMARBEIDSAVTALE - EVALUERING OG ENDRING

Hjartdal kommune Styre, råd, utval Møtedato Saknummer Sakshandsamar Utval for levekår og kultur 05.11.2013 029/13 ISO Saksansvarleg: Ingrid Sletta Olsen Arkiv: K1-033 Arkivnr.: 13/2167 GODKJENNING AV MØTEBOK RÅDMANNEN TILRÅR Møteboka frå LOK-møte 01.10.2013 blir godkjent slik ho ligg føre.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 05.11.2013 030/13 ISO Saksansvarleg: Ingrid Sletta Olsen Arkiv: K1-033 Arkivnr.: 13/2166 DELEGASJONSSAKER FLOK-025/13 26.09.2013: VEDTAK- SØKNAD OM SKJENKEBEVILLING FOR ENKELT HØVE VEDTAK I samsvar med alkohollova, forskrifter og alkoholpolitiske retningslinjer for Hjartdal kommune, gis Ungdomslaget Fram v/bjørg Sletta Rue løyve til å skjenke øl, rusbrus og vin under fyljande vilkår: 1. Skjenkeløyve gies frå laurdag 19.10.2013 kl. 20:00 til søndag 20.10.2013 kl. 02:00. 2. Konsum må opphøre senast 30 minuttar etter skjenketidas slutt. 3. Løyvet gjelder kun innandørs i Fossehalli (Tuddal). 4. Det er ikkje tillatt medbragt alkohol. 5. Det skal tilbys alkoholfrie drikke i tillegg til alkoholhaldig drikke. 6. Det er ikkje gitt løyve for skjenking av brennevin. 7. Bevillingshavar må påse ar det ikkje skjenkast alkohol til mindreårige eller synlig berusa personar. 8. Vedtaket føreset at Bjørg Sletta Rue har houvedansvaret for skjenkinga (løyvehavar) i hele perioden løyva er gitt og er ansvarlig for at regelverka og vilkåra i løyva blir fylgt. 9. Skjenkegebyret på kr. 280,00 må betalast til Hjartdal kommune på konto 2699.07.00019 innan 14 dagar etter vedtaket er gjort. Giro fylgjar vedlagt vedtake. FLOK-026/13 03.10.2013: TILSKOT TIL ELDREDAGEN 2013 VEDTAK Underskot i samband med Eldredagen 2013 dekkjast ved at det overførast kr. 6.171,78 frå konto 1.4700.260.3850 til Sauland Pensjonistlag sin konto 2699.11.34610. FLOK-033/13 18.10.2013: SVAR PÅ SØKNAD OM DISPENSASJON FRA UTDANNINGSKRAVET- SAULAND BARNEHAGE VEDTAK Søknad om dispensasjon frå utdanningskravet for. i stilling som pedagogisk leiar i perioden 01.09.2013-31.03.2014 imøtekomast.

RÅDMANNEN TILRÅR: Delegasjonssakene blir teke til orientering slik dei ligg føre.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 05.11.2013 031/13 BR Saksansvarleg: Bjørn Rugaas Arkiv: K2-C85 Arkivnr.: 13/2078 SVAR PÅ SØKNAD OM KULTURMIDLAR Dokument i saka: Nr T Dok.dato Avsendar/Mottakar Tittel 1 I 13.10.2013 Hjartdal Musikkorps SØKNAD OM KULTURMIDLAR Vedlagde dokument: Dokument nr.1 Aktuelle lover, forskrifter, avtaler m.m.: Ingen Saksgang: Utval for Levekår og kultur vedtek Bakgrunn for saka: Hjartdal Musikkorps v. kasserar Gunhild Haugen søkjer i brev av 14.10. 2013 om kr 12.000 i kulturmidlar til drift av Hjartdal Musikkorps. Musikkorpset var ikkje blant søkjarane ved hovudtildelinga av driftstilskot i form av kulturmidlar våren 2013. Det er høve til å søkje om tilskot utanom hovudtildelinga, dette står også i søknadsskjemaet som Musikkorpset har nytta. Hjartdal Musikkorps oppgjev i søknadsskjemaet at dei for tida har 13 medlemmer, både vaksne og unge. Korpset har trass i rekrutteringsproblem ein fast driftsstruktur med øving ein gong i veka. Korpset er fullt operativt, og tek del i tradisjonelle aktivitetar som julekonsert, 17. mai m.m. Korpset var seinast representert ved opninga av Ballbingen i Sauland. Vurdering: Korpsrørsla generelt er inne i ein periode der det konkurrerast med mange aktivitetstilbod til barn og unge. Slik er det også med korpset vårt, sjølv om korpset har ein kjerne av vaksne som bidreg til stabiliteten. Når det gjeld økonomi ser ein av vedlagte rekneskap at korpset har eit stabilt økonomisk grunnlag med ein eigenkapital på ca 133.000. Korpset syner også til eit overskot for 2012 på ca kr 8.500. Kommunen sine driftsmidlar for tilskot til lag og organisasjonar er å finne på ansvar 260. På dette ansvarsområdet syner rekneskapsoversyn pr 21.120.2013 at ressursane på er oppbrukte og med ei overskriding på ca kr 10.000. Ut frå dette må kommunen avslå søknaden. Ein bed korpset om å sende fornya søknad slik at dei vert med i vurderinga av tildeling for 2014.

RÅDMANNEN TILRÅR: Søknad frå Hjartdal Musikkorps om driftstilskot på kr 12.000 vert ikkje imøtekomen fordi budsjettert tilskotsramme for 2013 er oppbrukt.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 05.11.2013 032/13 RE Formannskapet 11.11.2013 RE Råd for eldre og menneskje med nedsett 25.11.2013 RE funksjonsevne Kommunestyret 27.11.2013 RE Saksansvarleg: Rune Engehult Arkiv: K2-G00, K2- Arkivnr.: 13/2153 SAMHANDLINGSREFORMA - OVERORDNA SAMARBEIDSAVTALE - EVALUERING OG ENDRING funksjonsevne Dokument i saka: N T Dok.dato Avsendar/Mottakar Tittel r 2 I 27.10.2013 Sykehuset Telemark OVERORDNA SAMARBEIDSAVTALE MELLOM SYKEHUSET TELEMARK HELSEFORETAK OG KOMMUNENE I TELEMARK 3 I 23.10.2013 Sykehuset Telemark AVTALE OM SAMHANDLINGSRESSURS MELLOM SYKEHUSET TELEMARK HF (STHF) OG KOMMUNENE HJARTDAL,NOTODDEN,TINN,BØ,NOME OG SAUHERAD Vedlagde dokument: Dokument nr.2 og 3 Aktuelle lover, forskrifter, avtaler m.m.: Lov om kommunale helse- og omsorgstjenester Saksgang: Utval for levekår og kultur tilrår Formannskapet tilrår Råd for eldre og menneske med nedsett funksjonsevne gjev uttale Kommunestyret gjer vedtak Bakgrunn for saka: I overordna samarbeidsavtale mellom Sykehuset Telemark Helseforetak (STHF) og kommunane i Telemark knytt til samhandlingsreforma går det fram at det skal vera fire samhandlingsregionar i Telemark.

I samband med den årlege evaluering a av samhandlingsreforma har det i år vore særleg fokus på Telemarksmodellen. Styringsgruppene i Midt- og Aust-Telemark har kome fram til at dei to styringsgruppene bør bli slått saman til ein styringsgruppe. I og med at regioninndelinga er omtalt i overordna samarbeidsavtale er det kommunestyra som må fatte vedtak om ein slik endring. Styringsgruppene i Midt- og Aust-Telemark har òg kome fram til forslag til avtale om felles samhandlingsressurs. Forslaget inneber ei vidareføring av den modellen som begge regionane har hatt tidlegare. Det nye nå er at det blir ein samhandlingskoordinator i staden for to, men at stilling blir gjort om frå mellombels til fast. Vurdering: Erfaringa med samhandlingsreforma er at det har vore mykje arbeid, men at den organiseringa STHF og kommunane har vald har vore hensiktsmessig. Ein gruppe kommunar har hatt kvar sin samhandlingskoordinator, samtidig som alle samhandlingskoordinatorane har hatt eit fagleg nettverk og arbeidd på tvers av regionane. To av regionane har bestått av 6 kommunar (Grenland og Vest-Telemark) og to regionar har bestått av 3 kommunar (Midt- og Aust-Telemark). Det blei vurdert ein felles region for Mist- og Aust-Telemark ved oppstart av samhandlingsreforma òg, men konklusjonen blei den gangen to regionar. Erfaring frå dei andre regionane er at det fungerar bra med 6 kommunar. I Midt- og Aust-Telemark samarbeider allereie fleire av kommunane om legevakt. Det har vore gunstig med 4-5 samhandlingskoordinatorar i starten, men det er grunn til å tru at arbeidsmengda vil gå noko ned etter kvart som ting er kome på plass. Samtidig viser erfaringane så langt at det vil vere behov for permanente ressursar til dette arbeidet. I samband med evalueringa har ein òg diskutert størrelsen og tal på representantar i styrings- og arbeidsgruppene. Her har det vore litt ulik praksis i regionane. Jfr Overordna avtale pkt 6.1 skal styringsgruppa bestå av: direktør ved ST HF, rådmennene i regionen, to brukarrepresentantar representantar for dei tilsettes organisasjonar. Jfr Overordna avtale pkt 6.2 skal arbeidsgruppa bestå av: kommunal-/etatsjef klinikksjef-/seksjonsleiarnivå Tilsette har òg hatt representantar i nokre av regionane. I tillegg er det underskrive delavtale med brukarorganisasjonane, delavtale 4.4.4 som i pkt 5 beskriv brukarane sin medverknad: Det velges to representanter som skal delta i styringsgruppene i hver region. De samme to representantene deltar i arbeidsgruppene i hver region. Dersom ønskelig kan organisasjonene etablere et nettverk for disse representantene. Organisasjonen må drifte dette selv. Brukerrepresentantene velges for to år av gangen.

Brukerrepresentasjonen bør sees i sammenheng med brukerrepresentasjonen i STHF brukerutvalg og kommunene sine brukerråd. I Grenland har ein hatt ein styrings- og to arbeidsgrupper, mens i dei andre tre regionane har det vore ein styrings- og ein arbeidsgruppe. Etter ei samla vurdering har ein kome fram til at det er meir hensiktsmessig å ha ein styringsgruppe og ein arbeidsgruppe for kvar region. Dette for at alle i regionen skal få den same informasjon, til same tid og som vil forenkle vedtaksprosessane. I høve til storleiken på styrings- og arbeidsgruppene var det ein brei diskusjon når delavtale for brukarmedverknad blei utarbeidd. Konklusjonen var at brukarorganisasjonen fekk med to brukarrepresentantar i både arbeids- og styringsgruppa, men at det skulle vera dei same to i både gruppene (gjennomgåande representasjon). I Grenland har det vore ein annan praksis. De tilsette har ikkje vore representert i arbeidsgruppene, men har hatt seks representantar i styringsgruppa. I dei tre andre regionane har dei tilsette vore representert med to representantar i kvar av gruppene, men ikkje hatt gjennomgåande representasjon. I siste styringsgruppemøte i Midt- og Øst-Telemark var ønske frå dei tilsettes representantar å få med fire representantar i kvar av gruppene. For at gruppene ikkje skal bli for store anbefalar ein to representantar i styringsgruppa og to representantar i arbeidsgruppa både frå brukarane og dei tilsette. Ein treng ikkje å ha gjennomgåande representasjon, dvs at fleire organisasjonar kan være representert, men dette er det opp til organisasjonane å bestemme. For Hjartdal kommune sin del vil samanslåing av regionane, med ein felles samhandlingskoordinator innebere at den årlege kostnaden blir halvert frå ca 40.000,-/år til ca 20.000,-/år. Kostnaden er innarbeidd i økonomiplanen. På bakgrunn av den evalueringa som er føreteke er styringsgruppene kome fram til følgjande Konklusjon/framlegg: Pkt 5.1 i Overordna avtale justerast til: Regioninndeling Samhandlinga mellom ST HF og de 18 kommunane i Telemark er basert på fylgjande regioninndeling Vest Telemark ST HF samarbeider med kommunane Seljord, Kviteseid, Tokke, Vinje, Fyresdal og Nissedal. Grenland ST HF samarbeider med kommunane Drangedal, Kragerø, Bamble, Porsgrunn, Skien og Siljan. Midt og Øst Telemark ST HF samarbeider med kommunene Nome, Sauherad, Bø, Tinn, Hjartdal og Notodden Styringsgruppa i kvar region består av: direktør ved STHF rådmennene i regionen to brukarrepresentantar to representantar for dei tilsettes organisasjonar

samhandlingskoordinator er sekretær for gruppa, legg frem sakene, men har ikkje stemmerett Arbeidsgruppa i kvar region består av: en kommunal-/etatsjef frå kvar av kommunane en klinikksjef-/seksjonsleeiar frå sjukehuset to brukarrepresentantar to representantar for de tilsettes organisasjonar samhandlingskoordinator er sekretær for gruppa, legg fram sakene, men har ikkje stemmerett Brukarrepresentasjon må ein sjå i samanheng med brukarrepresentasjonen i STHF sitt brukerutval og kommunane sine brukar-/eldreråd, slik at det er ein representant frå sjukehuset og ein frå kommunane i både styrings- og arbeidsgruppa. Tilsettes representantar må ha ein frå sjukehuset og ein frå kommunane i både styrings- og arbeidsgruppene. Ein treng ikkje å ha gjennomgåande representasjon frå organisasjonen. Dersom den einskilde regionale styringsgruppe ynskjer å utvide talet på tilsetterepresentantar i styringsgruppa eller arbeidsgruppa har dei høve til det. Underordna samarbeidsavtaler som blir påverka av den overordna samarbeidsavtala vil bli justert administrativt. RÅDMANNEN TILRÅR: 1. Hjartdal kommune sluttar seg til forslag til endra Overordna samarbeidsavtale mellom Sykehuset Telemark Helseforetak og kommunane i Telemark slik den ligg føre. 2. Hjartdal kommune sluttar seg til Avtale om samhandlingsressurs mellom Sykehuset Telemark HF og kommunene Hjartdal, Notodden, Tinn, Bø, Nome og Sauherad slik den ligg føre.