Kvinnherad kommune MØTEINNKALLING Utval Komite for næring og samferdsel Møtedato 21.11.2014 Møtestad Kommunestyresalen, Rådhuset Møtetid 09:00 Kl 09:00: Gudrun Einbu frå Skyss presenterer deira ynskje om innspel til justeringar i busstilbodet. Etter møtet i komitè for næring og samfersle vert det arbeidsmøte vedkommande Kvinnheradpakken. Papira til dette vert sendt ut seperat. Forfall skal meldast til telefon 53 48 31 00 eller e-post: post@kvinnherad.kommune.no Vararepresentantane møter kun etter nærare avtale. Kvinnherad kommune side 1
SAKLISTE Saksnr PS 2014/3 Innhald Kollektivtilbodet i Kvinnherad - Innspel til Skyss Kvinnherad kommune side 1
Saksframlegg Kvinnherad kommune Saksmappe Saksbehandlar 2014/2768-2 Karin Thauland Saksgang Saksnr Utval Møtedato 2014/3 Komite for næring og samferdsel 21.11.2014 Kollektivtilbodet i Kvinnherad - Innspel til Skyss Innstilling frå rådmannen: Etter at Flaggruta vart lagt ned, er det igjen blitt fleire timars opphald mellom nest siste og siste snøggbåtrute mellom Leirvik og Sunde/Ranavik. I tillegg mista ein også som konsekvens av nedlegginga direkteruta til Bergen frå Sunde 19.30. Det er sterkt ønskje om å få tilbake ei kveldsrute mellom dei to siste avgangane frå Leirvik mot Sunde/Ranavik også andre vegen. Det er og behov for ein sein kveldsrute til Bergen, helst direkte. Reisande frå Stord/Bømlo nyttar i mykje større grad Kystbussen enn reisande frå Kvinnherad. Difor må fleire av snøggbåtrutene gå direkte frå Sunde mot Bergen og andre vegen for eit meir likeverdig reisetilbod. Det må elles gjerast eit arbeid for betre busskorrespondanse med snøggbåtrutene. Dette er i dag mangelfullt og det finst døme på at bussane køyrer frå kaien 5 minutt for båten legg til land. Det er stort behov for ei bussrute gjennom Kvinnherad som korresponderer med morgonruta med snøggbåten frå Sunde 07.30 Dette vil gjera det mogleg for skuleungdom og studentar frå Kvinnherad å dagpendla til skulane på Stord. Det bør være busstilbod til Valen, Sandvoll og Utåker seinare enn 19.12 på kvardagar. Saksutgreiing: Kvinnherad kommune v/ Rådmann fekk i skriv dagsett 30.10.2014 frå Skyss invitasjon til dialog om justeringar i kollektivtilbodet i Kvinnherad. Dei førebur ny anbodskonkurranse for buss i Hardanger, Voss og Sunnhordland. I 2013 gjort ein omfattande analyse og omlegging av hovudlinjene i Hardanger og Voss. Samnanger, Fusa, Tysnes, Etne og Kvinnherad var ikkje del av denne omlegginga, og vil ha fokus no. Kvinnherad kommune side 1
Skyss ber no om innspel til justeringar og omprioriteringar i busstilbodet, for betre å treffe behovet i kommunen. Aktuelle spørsmål dei ønskjer svar på: Kva er dei viktigaste reiserelasjonane for innbyggjarane? I kva geografiske område ser kommunen for seg endra behov? Kva kundegrupper ønskjer kommunen å prioritere? Kvar ser ein at få bruker tilbodet som er der i dag? Kva planar har kommunen for skulestrukturen? Kommentarar: Viktigaste reiserelasjonar for innbyggjarane: Skuleskyss til skulane. Skulane må tilpasse skuleruta etter kollektivtilbodet.det er ei utfordring for skulane og gir ofte liten fleksibilitet. Vi oppmodar Skyss til å varsle skulane dersom rutene vert endra i løpet av skuleåret. Hurtigbåtar/ ferjesamband til Bergen og Stord Geografiske område: Tilbod om buss til utkantane i kommunen er stort sett berre knytt til skulerutene. Det er ønskjeleg med betre tilbod. Forslag frå Kent Are Kjørsvik Pettersen: I dagens rute, går det ikkje buss til Valen, Sandvoll og Utåker etter kl. 19.12 på kvardagar. Bussen kl. 19.05 frå Husnes går berre til Valen Sjukehus. Sjå https://www.skyss.no/globalassets/bussruter/hostruter-2014/hardanger-voss/linje_791.pdf Kundegrupper KK ønskjer å prioritere: Arbeidspendlarar til Stord og skuleelevar til Kvinnherad vidaregåande og til skulane på Stord. Få bruker tilbodet: Planar for skulestrukturen Det er Pr i dag ikkje planar om endringar. Forslag frå Håkon Røstbø. Etter at Flaggruta vart lagt ned, er det igjen blitt fleire timars opphald mellom nest siste og siste snøggbåtrute mellom Leirvik og Sunde/Ranavik. I tillegg mista ein også som konsekvens av nedlegginga direkteruta til Bergen frå Sunde 19.30. Det er sterkt ønskje om å få tilbake ei kveldsrute mellom dei to siste avgangane frå Leirvik mot Sunde/Ranavik også andre vegen. Det er og behov for ein sein kveldsrute til Bergen, helst direkte. Reisande frå Stord/Bømlo nyttar i mykje større grad Kystbussen enn reisande frå Kvinnherad. Difor må fleire av snøggbåtrutene gå direkte frå Sunde mot Bergen og andre vegen for eit meir likeverdig reisetilbod. Det må elles gjerast eit arbeid for betre busskorrespondanse med snøggbåtrutene. Dette er i dag mangelfullt og det finst døme på at bussane køyrer frå kaien 5 minutt for båten legg til land. side 2 Kvinnherad kommune
Det er stort behov for ei bussrute gjennom Kvinnherad som korresponderer med morgonruta med snøggbåten frå Sunde 07.30 Dette vil gjera det mogleg for skuleungdom og studentar frå Kvinnherad å dagpendla til skulane på Stord. Økonomisk konsekvens: Betre tilbod kan føre til at fleire kan bu i Kvinnherad sjølv med arbeidsplassen i nabokommunane. Miljømessig konsekvens: Betre kollektivtilbod kan føre til mindre privatbilisme. Vedlegg: Skriv frå Skyss Kvinnherad kommune side 3
Kvinnherad kommune v/rådmann Rosendalsvegen 10 5470 ROSENDAL Vår ref.: 2014/22783-4 Dykkar ref.: Bergen, 30.10.2014 Invitasjon til dialog om justeringar i kollektivtilbodet i Kvinnherad I samband med førebuingar til nye anbodskonkurranse for buss i ruteområda Hardanger, Voss og Sunnhordland blir det no gjort ei vurdering av linjenett og rutetilbod i områda. Kollektivstrategi for Hordaland er vedteke i fylkestinget, og legg dei strategiske rammene for utviklinga av kollektivtilbodet. Dei økonomiske rammene for rutetilbodet vil vere om lag dei same som i dag. Som kjent vart det i 2013 gjort ein omfattande analyse og omlegging av hovudlinjene i Hardanger og Voss. Samnanger, Fusa, Tysnes, Etne og Kvinnherad var ikkje del av denne omlegginga, og vil ha fokus no. Skyss ber no om innspel til justeringar og omprioriteringar i busstilbodet, for betre å treffe behovet i kommunen. Aktuelle spørsmål vi ønskjer svar på: Kva er dei viktigaste reiserelasjonane for innbyggjarane? I kva geografiske område ser kommunen for seg endra behov? Kva kundegrupper ønskjer kommunen å prioritere? Kvar ser ein at få bruker tilbodet som er der i dag? Kva planar har kommune for skulestrukturen? Skyss inviterer med dette kommunen til å komme med innspel. Vi kjem gjerne til eit møte med representantar frå kommunen, og vil ta kontakt om dette i nær framtid. Skyss vil i møtet stille med representantar frå avdeling Trafikktilbod. Har de spørsmål i forkant ta kontakt med Gudrun Einbu (gudrun.einbu@skyss.no, mob. 991 58 084). Med vennleg helsing, Målfrid Vik Sønstabø Leiar Trafikktilbod Gudrun Einbu Seniorrådgjevar Brevet er godkjent elektronisk og har derfor ingen underskrift.