Eit liberalt Sund «Mennesket er viktigare enn systemet. Venstre prioriterer folk først.»
Eit liberalt Sund Kunnskap og like muligheter Kvaliteten på tilbodet til kvar einskild elev i kommunen må alltid koma først Et klimavenleg samfunn Eit godt, reint og berekraftig miljø er naudsynt for at folk skal kunne leve og trivast i kommunen i generasjonar framover. Varm velferd når du treng det Dei som treng pleie og omsorg skal behandlast med respekt og verdigheit. Eit kreativt og verdiskapande Sund For at kommunen skal være ein attraktiv plass å bu og ha økonomi til å vekse inn i framtida, må vi få til god næringsutvikling. Når vala skal takast vil vi alltid prioritere folk først! Saman skal vi gjere Sund attraktiv for ungdom og ønskje dei som vil etablere seg her velkomne! Ronald Slettebakken, vår 1. kandidat
Kunnskap og like muligheter Vi trur det er bra for born å gå på skule der dei bur, men kvaliteten på tilbodet til kvar einskild elev i kommunen må alltid koma først. Alle born i kommunen skal ha like moglegheiter til eit sunt og utviklande læremiljø. Sund skal alltid ha full barnehagedekning. Dersom det skal byggast eit 25-meters basseng i kommunen bør dette skje som ei utviding av dagens symjebassenget på Stranda skule. Venstre meiner motiverte lærarar er nøkkelen til ein god skule. Difor vil vi at lærarane våre får eit kompetanseår til eigen fagleg utvikling etter mange års arbeid i skulen. Venstre ønskjer at læraren skal bruke tida si på å undervise og ikkje på administrasjon. Vi må heile tida vurdere og evaluere om den skulestrukturen me har den rette.
Eit klimavenleg samfunn For Venstre er det å ta vare på natur og miljø ei hovudsak. Eit godt, reint og berekraftig miljø er naudsynt for at folk skal kunne leve og trivast i kommunen i generasjonar framover. Venstre vil: arbeide for betre kollektivtransport, både internt i kommunen og inn mot Bergen ha hurtigbåt til Flesland og byggje ut eit rutetilbod med buss-båtar ha gang- og sykkelvegar og veglys i nærleiken av alle skulevegar og bustadområde arbeide for maksimal kjeldesortering for å redusere restavfall, få til betre bruk av gjenbruksstasjonen og få fleire til å drive varmkompostering. Alle skal ha ein økonomisk gevinst av det at forsøk med gass som energikjelde i offentlege og private bygg må halde fram. bevare kulturlandskapet, sjå til at det vert sett av område til friluftsliv og kartleggje naturtypane i kystsona vår legge forholda til rette for meir økologisk drift i landbruk og fiskeoppdrett i Sund og for ein berekraftig bruk av naturen ha eit vakkert kommunesentrum som innbyggjarane i kommunen kan være stolte av
Det ligg svært godt til rette for å satse på reiseliv og servicenæringar i Sund. Vi er gjestfrie av natur og det vil vere flott om fleire fekk bli kjende med oss og fekk ta i bruk det vi har å by på.
Eit kreativt og verdiskapande Sund For at kommunen framleis skal være ein attraktiv plass å bu og samstundes skal ha økonomi til å vekse inn i framtida, må vi få til ei god næringsutvikling med fleire arbeidsplassar i kommunen. For å få dette til må vi styrka infrastruktur og samferdsle. Venstre vil: ha gul-stripe standard for alle hovudvegar i kommunen at sambandet over Lerøyosen vert styrka allereie no medan vi ventar på nytt fastlandssamband ha tilbake sambandet til Austevoll når dei no har fått bruene sine på plass går inn for to-felts veg med gang og sykkelveg frå Austefjorden til Ågotnes at eit nytt samband mellom Sotra og Bergen må komme i sør. Vi meiner dette er rett val fordi det gir oss eit alternativ til dagens Sotrabru, det styrkar beredskapen og det minkar forureininga ved å føre mykje trafikk utanom Bergen
Venstre vil ha straksløysingar med: kollektivfelt frå Straume til Sotrabrua lysregulering på brua med forkjørsrett for bussar i rushtida påkjøringsrampar på Valen, Knarvik og Drotningsvik utbygging av busslommene på båe sider av brua Venstre meiner det er naturleg for Sund å satse på næringar som fiske, oppdrett og fiskeindustri. Det må leggjast til rette for funksjonelle nausttomtar for næringsdrivande. som ønskjer å starte eigen verksemd. Det er viktig at det i større grad enn idag vert opna for fortetting av bustader i eksisterande bumiljø sjølv om det ligg innanfor strandsona. Mange bygder treng og tilrettelagde bustadområder slik at ein unngår forgubbing og fråflytting. Venstre vil fjerna eigedomsskatten! Venstre vil ta initiativ til å etablere næringsparkar og gje betre vilkår for borgarar
Kultur gir trivsel og vekst Kystkulturen er ein viktig del av kommunen og er med på å samla folk som bur her. Det regionale samarbeidet om kulturskulen må halda frem og kulturskulen må få eigen rektor. Kulturarven er viktig for vårt lokale særpreg, miljøet og oppleving av å høyre til ein stad. Vi ønskjer ei levande utvikling i den lokale kulturen. Dette skjer i hovudsak gjennom den frivillige innsatsen til lokale lag og organisasjonar. Vi skal støtte dette og samstundes arbeide for at også dei som ikkje driv organisert fritidsaktivitet får eit tilbod. Kommunen skal leggja til rette for at alle funksjonshemma kan nytte kulturtilbodet i kommunen. Det skal vere teleslynge og tilgjengelig tilkomst til alle offentlege bygg og lokale som vert brukt som samlingsplassar. Sjø- og båtliv er viktig for trivsel og næring. Kommunale planar må sikre tilkomst til sjø og båtplassar ved å leggje til rette for felles båthamner. Kommunen må arbeide for å
styrkje Bergen og Omland friluftsråd og søkje å sikra innbyggjarane tilgang til dei verdifulle strandsonene som blir eit pressområde når Lerøy og Bjelkarøy får fastlandsforbindelse. Kommunen har eit særleg ansvar for å ta vare på kulturminne. Kommunen må ta ansvaret for at dei verdiane som ligg i Berge bygdemuseum vert tekne vare på. Kommunen må bruke Nordsjøfartmuseet og Nordsjøløypa aktivt både i kulturformidling og reiselivssatsing. Folk som må flykta frå heimlandet sitt må også i framtida kjenne seg velkomne i Sund. Vi må ha ressursar til å gje dei flyktningar og asylsøkjarar vi tek i mot ein forsvarleg start. Kommunen må syte for å gje dei innføring i kva for kommunale og frivillige tilbod vi har i kommunen og på korleis dei kan bidra til fellesskapet med eigne ressursar.
Varm velferd når du treng det Dei som treng pleie og omsorg skal behandlast med respekt og verdigheit. Individet er alltid viktigast for oss. Førebyggjande helsearbeid er ei investering i framtida. Venstre vil styrkje innsatsen mot rusmisbruk og gjere psykisk helsevern til eit satsingsområde. Vi trur at eit målretta førebyggjande barnevern kan forhindra framtidige problem for familiar som i periodar har det tøft. Vi treng avlastingsplassar slik at dei som tek ansvar for sine pleietrengande kan få pusterom. Alle borgarar må få bu heime så lenge dei ønskjer. Venstre vil bruke ressursane på folk og ynskjer ei effektivisering av kommunale tenester. Der det er høveleg vil vi sjå på samorganisering med dei andre kommunane i regionen for å kunne gje våre innbyggjarar eit betre tilbod. Vi vil jobbe for ein moderne og effektiv kommuneadministrasjon med gjennomsiktige prosessar og reell mogelegheit forat innbyggjarane medverkar.
Hordaland - framtidsfylket Grøn vekst på Sotra Venstre vil løyse trafikkutfordringane på Sotra ved å byggje nytt samband frå søre Sotra til Fana, og byggje kollektivfelt og sykkelvegar i nord. Fjell og Sund er ein vekstregion som treng gode løysingar for grøn utvikling. Venstre vil leggje til rette for eit miljøvenleg og nyskapande næringsliv. Det er naudsynt med ein næringsvenleg fylkeskommune som kan leggje til rette for lokale initiativ og nyetableringar på tvers av kommunegrensene. Venstre vil nytte fylkespolitikken til å hjelpe fram små og mellomstore verksemder, og sikre ein grøn og miljøvenleg verdiskaping i regionen. Venstre i fylkestinget vil: Byggje nytt Sotrasamband frå søre Sotra til Fana Byggje kollektivfelt på nordre innfartsåre til Bergen Setje i gang ei ordning med båtbuss til Flesland eller Hjellestad På sikt byggje ut Bybanen i Bergen til Straume
Venstre sine kandidatar i Sund Foto: Pia Kleppe Marken 1. Ronald Slettebakken (61) Fagarbeidar, Førdestraumen 2. Elizabeth Toft Erichsen (27) Resepsjonsmedarbeider Steinsland 3. Karsten Kleppe (37) R&D manager, Kleppe 4. Jonas Kvinge (31) Skogsvåg 5. Torvald Bakke (50), Glesvær 6. Vegard Sælensminde (35) Børnes 7. Pia Kleppe Marken (38) Kleppe 8. Jarle Sælensminde (67) Klokkarvik 9. Hans Golten (61) Skogsvåg 10. Kari Østervold Toft (56) Steinsland 11. Ellen Pedersen (56) Glesvær 12. Robert Skjoldal (81) Førde... les meir på våre nettsider: www.sund.venstre.no