Hemsedal KRF Program

Transkript

1 Hemsedal KRF Program

2 HEMSEDAL KRF MEINER AT: - Hemsedal kommune skal bestå som eigen kommune, og ha gode samarbeidsavtaler med nabokommunane. - det må byggjast gangveg mellom Trøim sentrum og Venås bru - tidleg innsats og forebyggjande helsearbeid skal vera satsingområde. - Hemsedal kommune skal vera villig til å busetja og integrere flyktningar OPPVEKST Borna våre er Hemsedal si framtid. Vi må gjere alt som er mogleg for at dei skal få ein trygg og god oppvekst. Skulane og barnehagane må få økonomiske rammer som gjer at dei framleis kan halde ein høg standard. - barnehage og skule har nok ressursar til å skape gode relasjonar, fremje vennskap og motverke mobbing. - elevar med særskilde behov og elevar med utanlandsk opphav får den tilrettelagde opplæringa dei treng. Gode alternative undervisningstilbod, som t.d. Inn på tunet, må vidareførast. - barnehage og skulestrukturen vert oppretthalden, om mogeleg. - samarbeidet mellom skule/barnehage og kyrkje må halde fram. - det framleis skal vere eit godt kultur- og idrettstilbod for barn og unge. - ungdomsrådet skal vere eit viktig talerøyr.

3 HELSE OG OMSORG Kommunen vår må ha ei god helse- og omsorgsteneste. Alle i Hemsedal skal føle seg trygge på at dei får hjelp når dei treng det i alle fasar av livet. - det skal prioriterast førebyggjande helsearbeid retta mot barn, unge og foreldra deira. Samarbeid mellom ulike etatar må utviklast vidare. - personar over 18 år med nedsett funksjonsevne får tilbod om tilrettelagde bustader. - dei som arbeider frivillig for menneske som treng hjelp, skal få støtte til å drive dette arbeidet. - Bygdaheimen og heimebaserte tenester skal ha nok ressursar, slik at trengande kan få den hjelpa dei har behov for. - eldrerådet skal vera eit viktig talerøyr

4 NATUR OG MILJØ All kommunal planlegging må ta vare på urørt natur og verne dyrka mark. Det må vera stort fokus på miljøtiltak og bevaring av kulturlandskapet. - ordninga med kjeldesortering av avfall må betrast. - fjellområda på nordsida av dalen blir bevart som rekreasjonsområde. - ei vidare utvikling av næringslivet må gjerast med omsyn til naturen og bygdemiljøet. - bustadfelta har gode og trygge område for leik og rekreasjon. - ski- og turløypene i bygda vert teke vare på og oppretthalde i god stand.

5 SAMFERDSEL Gode og trygge vegar er naudsynt for næringslivet og busetjing i bygdene. Sikre gangvegar er viktig for borna våre og eit godt tiltak for folkehelsa. - Rv 52 vert lagt utanom Ulsåk, Trøim og Tuv. - skulane og barnehagane våre må ha ei sikker trafikkavvikling. - det vert gangveg mellom Trøim sentrum og Venås bru. - kommunen saman med samarbeidspartnerar arbeider for å realisere fleire gangbruer i Hemsedal sentrum.

6 KULTUR OG KYRKJE Kulturtradisjonane er viktige i Hemsedal. Frivillige lag og organisasjonar er særs viktige for alt det positive som skjer i bygda vår. Dette gjeld særleg alt arbeidet som blir gjort for barn og unge. - frivillige lag og organisasjonar skal ha gode rammevilkår, som t.d. gode støtteordningar og møtestadar til disposisjon. Vi må gjera det vi kan for å halde oppe dugnadsanden vi har i bygda. - dei økonomiske rammene til kyrkja skal vere gode. - kommunen sikrar framtidig drift av musikk- og kulturskulen. - det vert jobba aktivt for å ta vare på dialekt- og lokalhistorisk materiale.

7 NÆRINGSLIV Det er viktig at Hemsedal i framtida både kan vera ei levande jordbruksbygd og ei reiselivskommune med høg kvalitet. - Hemsedal skal ha eit allsidig næringsliv. Kommunen må kunne støtte nye næringstiltak og leggje til rette for utvikling av det næringslivet vi har no. - kommunen skal leggja forholda til rette slik at det bur folk på gardsbruka og at dyrka mark vert halde i hevd. - reiselivet må ha høg kvalitet og marknadsføringa skal ha ein familieprofil. Heilårsturisme må prioriterast. - Trøim skal bevarast som bygdesentrum der både gjester og fastbuande kan trivast, vere trygge og kjenne seg heime. - det vert oppretthalde ei fagleg dyktig landbruksforvaltning i kommunen. RUSPOLITIKK Rusmiddel skal ikkje vere med på å øydeleggje oppvekstvilkåra og det gode miljøet i bygda. - barn og unge skal få vekse opp i eit rusfritt miljø. Det skal finnast rusfrie tilbod og opphaldsstader for ungdom. - kommunen skal jobbe aktivt for å få ned rusmiddelbruken i Hemsedal. Dette ved å vere tilbakehalden med skjenkeløyve og opningstider. Hemsedal Krf vil ikkje gå inn for nye skjenkeløyver i sentrum. - haldningsskapande arbeid skal ha stort fokus blant born, unge og foreldre deira. - det vert jobba for å få ein alkoholfri samlingsstad på Holdebakken.

8 Hemsedal KrF si liste til kommunevalet 2015: 1 Olav Støyten, 1963 (kum) 2 Solveig Juven Gjerde, Ingar Nergård, Monika Randar, Helge Haraldset Hafsås, Margunn Høydal Mythe, Elin Ruud, Inger Marie Engene, Ole Juven, Gunhild Hals, Jon Thorset, 1942 Hallingdal Trykk as Vi ynskjer oss fleire representantar i det nye kommunestyret For å få til det, treng vi di stemme ved valet. Bruk røysteretten.