SAKSFRAMLEGG Saksbehandler: Gunnar Steine Arkiv: 233 G1 &85 Arkivsaksnr.: 11/309-2 Samhandlingsreforma - deltaking i samhandlingsprosjekt i Sogn og Fjordane. TILRÅDING: ::: Sett inn innstillingen under denne linja 1. Leikanger kommune ønskjer å delta i følgjande fellesprosjekt saman med dei øvrige kommunane i Sogn og Fjordane og Helse Førde: - Betre felles kunnskap og styringsinformasjon i helsetenestene - Betre praksis for utskrivingsklare pasientar i somatisk spesialisthelseteneste fase 2 - Telemedisin Sogn og Fjordane fase 1 - mobilt videoutstyr - Heilskaplege og koordinerte tenester i forventa pasientforløp for KOLSpasientar og utvikling av arbeidsmetodikk for pasientforløp - Kompetanseutvikling gjennom gjensidig hospiteringsordning 2. Leikanger kommune sluttar seg til og vil ta sin andel av finansieringa som er skissert i saksutgreiinga og i søknadene til Helsedirektoratet. ::: Sett inn innstillingen over denne linja... Sett inn saksutredningen under denne linja DOKUMENT: Brev av 28.04.11 frå KS Sogn og Fjordane (vedlegg) Prosjektomtale og søknader SAKSUTGREIING: Bakgrunn Det er lagt opp til at kommunane i stor grad skal førebu seg til samhandlingsreforma ved gjennomføring av prosjekt og utprøving av nye tiltak. Det er m.a. sett av kr 133 mill forvalta av Helsedirektoratet til delfinansiering av dette arbeidet. Helse Vest har sett av kr 10 mill til samhandlingsprosjekt i helseregionen.
Sogn og Fjordane var i 2010 det fylket som hadde klart lågast aktivitet og som fekk minst av dei prosjektmidlane som var avsett sentralt. Etter drøfting mellom KS og Helse Førde den 28.02.11 og i koordineringsrådet den 03.03.11, vart det tilrådd å søke om midlar til følgjande fylkesfemnande prosjekt: - Utvikling av felles styringsinformasjon med relevans for samhandling (herunder samanstilling av data for tilvisingspraksis og forbruk av spesialisthelsetenester). - Betre praksis for utskrivingsklare pasientar fase 2 implementering av gjeldande rutinar i helseforetaket og vidareutvikling av samhandling med kommunane. - Innføring av mobilt videoutstyr i kommunehelsetenesta til behandlings- og kompetanseutviklingsføremål. - Utvikling av godt pasientforløp for ei utvald pasientgruppe. I den påfølgende dialogen mellom KS og Helse Førde er det avklara at den utvalde pasientgruppa skal vere KOLS-pasientar. Ein har vidare kome fram til at det også bør gjennomførast eit prosjekt i høve til ei gjensidig hospiteringsordning. Dette har vorte fylgt opp i eit vidare samarbeid mellom KS i fylket og helseforetaket, og det er utarbeidd prosjektomtalar og søkt om midlar frå Helsedirektoratet og Helse Vest. Overfor Helsedirektoratet er det Førde kommune som står som søkjar på vegner av kommunane i fylket. Det har vore kort tid frå samhandlingsmidlane forvalta av Helsedirektoratet vart utlyste i midten av februar til søknadsfristen. Det har såleis ikkje vore mogeleg å gjennomføre ei tilfredsstillande forankring av prosjektet i kommunane før søknadene vart sendt. Ein har frå KS og Helse Førde si side søkt å informere kommunane om det ovannemnde på ulike måtar. I reglane for tildeling av tilskot frå Helsedirektoratet er det føresett at kommunane gjennom kommunestyrevedtak sluttar seg til samarbeidsprosjekta og søknadene. Informasjon om slike vedtak kan ettersendast innan 01.06.11. Nedanfor vert dei fem prosjekta kort omtalt. Det vert elles vist til vedlagde prosjektomtalar og søknader. Prosjekt Betre felles kunnskap og styringsinformasjon i helsetenestene Prosjektet skal avklare aktuelle kjelder for informasjon som kan vere viktige i høve til ei kunnskapsbasert utvikling av helse- og omsorgstenestene. Her vil m.a. EPJ-generert informasjon i helseforetaket, KOSTRA-data, kommunehelseprofilar, brukarundersøkingar og annan statistikk vere relevant. Ein skal konsentere seg om informasjon som ein meiner vil ha ein bruksverdi. Den informasjonen som ein ser det som viktig å trekke inn skal vurderast med tanke på datakvalitet og relevans (reliabilitet og validitet), kva informasjonen seier noko om og kva faktorar som påvirker. Dette kan t.d. gjelde statistikk over tilvisingspraksis og utskrivingsklare pasientar. Desse vurderingane skal dokumenterast. Ein vesentleg del av prosjektet blir og å syte for at viktig anvendbar informasjon faktisk er tilgjengeleg for aktuelle aktørar. Det skal utarbeidast eit konkret framlegg til elektronisk løysing og korleis Helse Førde og KS sine heimesider kan nyttast til dette.
I tillegg skal prosjektet vektlegge at informasjonen skal nyttast, og at den er utan verdi dersom det ikkje skjer. Det skal utarbeidast ein plan for informasjonspreiing og motivasjon, der m.a. informasjons- og motivasjonsforedrag på alle klinikkar i helseforetaket, i alle regionråd/aktuelle samarbeidsfora og i dei mest aktuelle brukarorganisasjonane inngår. Eit slikt arbeid må sjåast opp mot nasjonalt kunnskapsutviklingsarbeid, men også avklare spesielle regionale/lokale forhold. Sogn og Fjordane har eit godt utgangspunkt med kvalitativt gode og nokså fullstendige data ut frå EPJ (elektronisk pasientjournal). Tidsplan: Oppstart 01.06.11, varighet to år. Prosjektdeltakarar og organisering: Prosjekteigar: Prosjektgruppe: Referansegruppe /ressursar: KS Sogn og Fjordane, på vegner av dei 26 kommunane, og Helse Førde. Blant kommunane står Førde kommune som koordinator og hovudansvarleg. Prosjektleiar frå kommune Prosjektdeltakar frå kommune Leiar for Senter for helseforsking Fagdirektør Helse Førde Prosjektdeltakar frå brukarutvalet ved Helse Førde IT-sjef Helse Førde Helse Vest Nasjonalt kunnskapssenter for helsetenesta Helsedirektoratet Økonomi: Utgifter: Prosjektleiar 100 % stilling i to år 1.400.000 Frikjøp av aktuelt personell (m.a. legar) 400.000 Øvrige utgifter (reiser, opplæring møte) 200.000 Sum 2.000.000 Finansiering: Eksternt tilskot 1.000.000 Eigenfinansiering ved arbeidsinnsats, møte, reiser m.v. (i gjennomsnitt ca kr 30.000 pr kommune 750.000 Eigne midlar 250.000 Sum 2.000.000 Helseforetaket har på si side under planlegging eit tilgrensande prosjekt som må sjåast i samanheng med dette. Det har fått nemninga Samhandlingsatlas i Sogn og Fjordane. Dette går meir eksplisitt på å drøfte og kvalitetssikre data om tilvising av pasientar og variasjonar i
forbruk av spesialisthelsetenester og samanstille /tilgjengeleggjere desse på ein god måte. Prosjektet har ei samla kostnadsramme på kr 1,9 mill over 2,5 år, og det er søkt Helse Vest om tilsvarande beløp. Dette skal m.a. dekke ei 100 % prosjektstilling over to år i tillegg til frikjøp av primærlegar. Utover dette har Helse Førde tidlegare fått midlar til å dekke ei 50 % prosjektstilling i to år. Ein tenker seg at desse ressursane vert kobla saman med ressursane det er søkt om i prosjekt Betre kunnskap og styringsinformasjon i helsetenestene, og at dette vert eit samla fellesprosjekt. Betre praksis for utskrivingsklare pasientar i somatisk spesialisthelseteneste fase 2 I ein fase 1 er det utarbeidd prosedyrar, sjekkliste og standardbrev til kommunane som skal nyttast av legar og anna helsepersonell på alle avdelingar i Helse Førde i høve til utskriving av pasientar. Dette er utvikla i eit samarbeid med kommunane. Det er krevjande å få dette implementert og syte for at systemet faktisk blir brukt i Helse Førde på alle avdelingar. Det er behov for å arbeide vidare med dette. Det er også eit stort behov for at kommunane har kjennskap til Helse Førde sine rutinar for å kunne vite kva som kan forventast og kva som er eigne oppgåver, slik at kommunikasjonen og samhandlinga fungerer. Kommunane må truleg også evaluere og utvikle eigne rutinar. Det er behov for ei vidareutvikling av kontaktlinene der det blir avklara kven partane skal ha kontakten med i samband med utskriving. Det er vidare mange meldingar om avvik og uønska hendingar knytt til pasienttransport. I tillegg er det behov for kompetanseoverføring begge vegar for å sikre at pasienten får rett omsorg og behandling etter utskriving. Del 1: Internt arbeid i Helse Førde. Utvikle system for å auke kompetansen hos helsepersonell i helseforetaket om dei fastsette rutinane og kva desse inneber i praksis. Avklare ansvar og rutinar i høve til pasienttransport. Del 2: Ein vil invitere med fire kommunar til å delta i denne delen for å vurdere korleis dei fastsette rutinane fungerer. I tillegg skal kommunane evaluere og evt. utvikle eigne rutinar for å ta imot utskrivingsklare pasientar. Prosjektet skal også gjennomføre møte med alle kommunar enkeltvis og evt. regionalt for å informere og ha dialog om arbeidet. Det vil bli etablert ein dialog med brukarutvalet i Helse Førde og ein tenkjer at det skal vere møte med råd for eldre og funkjsonshemma i fire deltakande kommunane. Målet med arbeidet er m.a. at pasientane skal bli utskrivne til rett tid, at pasientar/tilsette opplever at prosessane er gode og at pasientane får rett omsorg/behandling i kommunen etter utskriving. Helse Førde har søkt Helse Vest om såkornmidlar til prosjektet (kr 200.000). Det er og søkt om kr 500.000 i samhandlingsmidlar frå Helse Vest. Dette er tenkt å finansiere naudsynte prosjektstillingar i helseforetaket og på kommunal side. Kommunane sin medverknad vil her vere avgrensa til å dekke eigne utgifter med arbeid/møte, reiser o.l.
Telemedisin Sogn og Fjordane fase 1 - mobilt videoutstyr Som ein start på eit arbeid med å utvikle aktuelle telemedisinske løysingar har det vore drøfta eit prosjekt for å avklare aktuell bruk av mobilt videoutstyr og førebu dette. Prosjektet skal identifisere aktuelle funksjonar og oppgåver som det kan leggjast til rette for ved bruk av mobilt videoutstyr. Dette kan omfatte kommunikasjon mellom samarbeidande instansar, kompetanseoverføring, konkrete diagnosesituasjonar, behandlingar og rehabiliteringstiltak lokalt som kan gjerast mogeleg gjennom videoverføring av bilete/informasjon og støtte frå spesialistehelsetenesta. Prosjektet skal støtte den enkelte kommunen i høve til naudsynt organisering og kompetanse for å kunne utvikle aktuelle telemedisinske løysingar på dette grunnlaget. Tilsvarande må det tilretteleggjast for naudsynt organisering i helseforetaket. Gjennom prosjektet skal det etablerast rutinar for bruk av videkonferanseutstyr i høve til kommunikasjon og koordinering av aktuelle instansar som har behov for dette til samhandlingsføremål. Prosjektet skal bidra til utvikling av aktuelle kompetanseutviklingstiltak som kan nyttiggjerast av helsepersonell i kommunane gjennom bruk av videokonferansar. Prosjektet skal nyttiggjere seg erfaringane frå prosjektet Fylkesdekkande IT-tenester for helse i Sogn og Fjordane og trekke vekslar på Nasjonalt senter for samhandling og tele-medisin. Vidare skal det vere ei god kobling mellom dette prosjektet og utprøving av videokonferanseutstyr i kommunane Høyanger og Askvoll. Det same gjeld eit prosjekt som omfattar bruk av videoutstyr i samband med hudrelaterte lidingar og sårbehandling i Gulen og Hyllestad. Prosjektet skal utgreie kva teknisk utstyr, avtalar og driftsopplegg det er behov for for å nå måla med prosjektet. Det praktiske i høve til innhenting av tilbod og gjennomføring av innkjøp for dei deltakande kommunane skal tilretteleggjast, og kommunane skal få naudsynt støtte i denne prosessen og økonomisk bistand. Før det tekniske utstyret blir innkjøpt og implementert, skal det ligge føre ein rapport om det førebuande arbeidet og vere gjort avklaringar i høve til bruk, avtalar, organisering, kompetanse og rutinar som er omtalt ovanfor. Dette får status som eit forprosjekt. Helseforetaket vil på si side arbeide med den interne organiseringa og tilrettelegginga for at aktuelt personale nyttar videoutstyr i kommunikasjon og samhandling med kommunane. Tidsplan: Oppstart 01.06.11, varighet eitt år. Prosjektdeltakarar og organisering: Prosjekteigar: Prosjektgruppe: KS Sogn og Fjordane på vegner av dei 26 kommunane. Blant kommunane står Førde kommune som koordinator og hovudansvarleg. Prosjektleiar frå kommune Prosjektdeltakar frå kommune
Referansegruppe /ressursar: Prosjektdeltakar(ar) frå Helse Førde Prosjektdeltakar frå brukarutvalet ved Helse Førde IT-sjef Helse Førde Fagdirektør Helse Førde Avd.leiar avd. for medisinsk-teknisk utstyr Helse Førde Prosjektansvarleg for utprøving av videoutstyr i kommunane Høyanger og Askvoll Prosjektansvarleg for utprøving av videoutstyr i kommunane Gulen og Hyllestad Norsk senter for samhandling og telemedisin Norsk helsenett IT-forum Sogn og Fjordane Økonomi: Utgifter: Prosjektleiar 100 % stilling i eitt år 700.000 Kjøp av teknisk utstyr til kommunane etablering av naudsynte abonnement m.v. 2.500.000 Øvrige utgifter (reiser, opplæring møte mv.) 100.000 Sum 3.300.000 Finansiering: Eksternt tilskot 1.150.000 Eigenfinansiering ved arbeidsinnsats, møte, reiser m.v. (i gjennomsnitt ca kr 50.000 pr kommune 1.300.000 Eigne midlar 850.000 Sum 3.300.000 Heilskaplege og koordinerte tenester i forventa pasientforløp for KOLS-pasientar og utvikling av arbeidsmetodikk for pasientforløp Prosjektet skal utgreie, utvikle og prøve ut kva behandlingsforløp som kan forventast for pasientar med KOLS (kronisk obstruktiv lungesjukdom). Forløp er den kronologiske kjeden av hendingar som utgjer pasientens møte med ulike deler av helse- og omsorgstenestene. Gode forløp er kjenneteikna ved at disse hendingane er sett saman på en rasjonell og koordinert måte for å møte pasientens ulike behov i. Dette arbeidet må avklare kva oppgåver som ligg til dei ulike delane av helsetenestene, tidslina i dette (flytskjema) og korleis samarbeidet skal foregå. Prosjektet skal bygge på at pasientane er dei fremste ekspertane på sin situasjon og trekke desse aktivt med. Det skal og legge vekt på pasientane sjølve og deira eigenmeistring som ein viktig del av forløpet. Forløpet skal vidare vere forankra i fagleg evidens og kopla til effektiv ressursutnytting. Samstundes skal erfaringane frå dette arbeidet vere med og danne grunnlag for ein framtidig arbeidsmetodikk når slike heilskaplege pasientforløp skal utviklast. Det vil difor vere sentralt i prosjektet å omtale og evaluere arbeidsmetoden og lage eit framlegg til metodikk. Det vil i i St.meld. nr. 47 (2008 2009) Samhandlingsreformen s 15
denne samanhengen vere viktig å trekke ut erfaringar med tilsvarande arbeid også i andre prosjekt. Dette gjeld m.a. Helse- og omsorgsdepartementet sitt forløpsprosjekt frå 2009, eit eige forskingsprosjekt i Helse Førde: Patient handover - Quality and Safety within Elderly Health and Care Services og eit prosjekt relatert til KOLS i Årdal kommune. Prosjektgruppa må vidare forhalde seg til Helse Vest sitt program for metode for pasientforløp. Det vil vere viktig å bygge på anerkjente arbeidsmetodar frå forbetringsarbeid, som t.d. forbetringsprogrammet i Helse Førde. Prosjektet vil søke å tilrettelegge for ein god løpande informasjonsutveksling i høve til aktuelle tilsetteorganisasjonar. Prosjektet vil invitere tre kommunar i fylket i eit pilotprosjekt for å finne fram til eit godt pasientforløp med ei rett oppgåvefordeling og gode vekslingar mellom spesialist- og kommunehelsetenesta. Etter ei utvikling og utprøving i eit samarbeid mellom Helse Førde og dei tre kommunane, vil ein utarbeide framlegg til avtale og prosedyre som går til handsaming i fagrådet og koordineringsrådet for denne konkrete pasientgruppa. Det vil deretter bli gitt eit innspel til pasientforløpsprosjektet i Helse Vest og arbeidd vidare med ein metode for utvikling av pasientforløp med grunnlag i dette arbeidet. Tidsplan: Oppstart 01.08.11, varighet to år. Prosjektdeltakarar og organisering m.v.: Prosjekteigar: Prosjektgruppe: Referansegruppe /ressursar: Referansar: KS Sogn og Fjordane på vegner av alle dei 26 kommunane i fylket. Blant kommunane står Førde kommune som koordinator og hovudansvarleg. Prosjektmedarbeidar frå kommune Prosjektmedarbeider frå Helse Førde Prosjektdeltakarar frå tre kommunar og prosjektdeltakar(ar) frå Helse Førde som saman utgjer ei aktuell tverrfagleg gruppe Prosjektdeltakar frå brukarutvalet ved Helse Førde Brukarutvalet ved Helse Førde LHL Lærings- og meistringssenteret i Helse Førde Ressursgruppa for lungerehabilitering i Sogn og Fjordane Senter for helseforsking i Sogn og Fjordane Praksiskonsulentane Allmenlegeforum i Sogn og Fjordane Fagdirektør Helse Førde Prosjekt pasientforløp i Helse Vest (ansvarleg: Helse Bergen) Helse- og omsorgsdepartementet (2009): Forløpsprosjektet våren 2009 Samhandlingsreformen. KOLS-prosjektet Årdal kommune
Prosjektet Patient handover - Quality and Safety within Elderly Health and Care Services (stipendiat Kristin Laugaland, professor Karina Aase) Økonomi: Utgifter: Prosjektleiar 50 % stilling i to år 700.000 Øvrige utgifter (reiser, møte, frikjøp av fagpersonale) 500.000 Sum 1.200.000 Finansiering: Eksternt tilskot 600.000 Eigenfinansiering ved arbeidsinnsats, møte, reiser m.v. (i gjennomsnitt ca kr 100.000 pr kommune og HF) 400.000 Eigne midlar 200.000 Sum 1.200.000 Helse Førde har søkt Helse Vest om samhandlingsmidlar til dekning av ei 50 % prosjektstilling i same periode og sitt arbeid med prosjektet. Kompetanseutvikling gjennom gjensidig hospiteringsordning Ei tilrettelegging som gjer det mogeleg at helsepersonell i kommunane hospiterer i spesialisthelsetenesta og omvendt har vore mykje etterspurt. Innan Helse Vest har dei andre helseforetaka i stor grad utvikla slike ordningar, medan dette ikkje har vore sett i system på same måten i Sogn og Fjordane. Prosjektet skal gi ei nærare avklaring av: Behovet for gjensidig hospitering Kva verksemder og kva grupper av tilsette som skal vere omfatta Omfang og økonomiske rammer Kva som er naudsynt praktisk tilrettelegging for å få til ordninga Avklaring av formelle forhold i samband med hospitering (arbeidsgjevaransvar, tariffmessige rettar, ansvar for skade, teieplikt m.m.) Prinsipp og plan for hospiteringsopplegg (stillingsstorleikar, varighet, tal personar, årsplan m.v.) Grunnlag for ein gjensidig forpliktande avtale mellom Helse Førde og kommunane om hospiteringsordninga til handsaming i fagrådet, koordineringsrådet og hos partane Vidare skal prosjektet tilrettelegge ei utprøving av hospiteringsordninga i eitt år, og deretter utarbeide eit evalueringsopplegg og sluttrapport som grunnlag for avgjerd om vidareføring. Prosjektet er såleis delt inn i desse fasane: 1. Utgreiing, utvikling av hospiteringsopplegget 2. Prosess i høve til handsaming av gjensidig forpliktande avtale 3. Utprøving og evaluering Tidsplan:
01.09.11 01.03.12 Utvikling av hospiteringsopplegget og gjensidig forpliktande avtalar 01.03.12 01.03.13 Utprøving av hospiteringsordninga, evaluering og sluttrapport Hospiteringsordninga er i utgangspunktet primært tenkt å gjelde for sjukepleiarar og helsefagarbeidarar og tilsvarande fagpersonale. Prosjektdeltakarar og organisering: Prosjekteigar: Prosjektgruppe: Referansegruppe /ressursar: KS Sogn og Fjordane på vegner av alle dei 26 kommunane i fylket og Helse Førde. Blant kommunane står Førde kommune som koordinator og hovudansvarleg. Prosjektleiar frå kommune Prosjektdeltakarar frå tre utvalde kommunar og prosjektdeltakar(ar) frå Helse Førde som saman utgjer ei aktuell tverrfagleg gruppe Prosjektdeltakar frå brukarutvalet ved Helse Førde Representant frå aktuell arbeidstakarorganisasjon Arbeidstakarorganisasjonane Praksiskonsulentane Brukarutvalet ved Helse Førde Nettverk for ressurs-sjukepleiarar i kreftomsorga Økonomi: Utgifter: Prosjektleiar 50 % stilling i 18 mndr 380.000 Øvrige utgifter (reiser, opplæring møte, løn/stillingsressursar i utviklingsog utprøvingsperioden) 400.000 Sum 780.000 Finansiering: Eksternt tilskot 390.000 Eigenfinansiering ved arbeidsinnsats, møte, reiser m.v., løn/stillingsressursar for hospitantar i utprøvingsperioden 390.000 Sum 780.000 Det er ikkje lagt opp til overføring av midlar frå kommunane til hospiteringsprosjektet, men det er føresett at kommunane forpliktar seg til å dekke utgiftene relatert til deltaking i prosjektet for eigne tilsette. Dette gjeld og utgifter knytt til hospitantar i det siste året av prosjektperioden. Korleis det konkrete hospiteringsopplegget skal vere og kva omfang det kan bli på hospitering for den enkelte kommunen vil ein måtte avklare i den fyrste fasen av prosjektet. Det er difor ikkje grunnlag for å seie noko meir konkret om det no. Samla sett er utgiftene som kommunane skal dekke førebels stipulert til kr 390.000 over dei 18 månadene,
som det går fram ovanfor. Dette vil det vere mogeleg å planlegge nærare i høve til budsjett for 2012 m.v.. I tillegg til ressursinnsatsen omtalt i denne saka, har Helse Førde søkt om samhandlingsmidlar frå Helse Vest til dekning av ei 50 % prosjektmedarbeidarstilling i helseforetaket i same perioden. Får ein imøtekome begge søknadene, vil det såleis vere ei 50 % prosjektstilling både på kommunesida og i helseforetaket. Vidare har Helse Førde søkt Helse Vest om midlar til dekning av helseforetaket sine utgifter knytt til hospitering i prøveperioden. Samla framstilling av økonomiske forhold I tabellen nedanfor er prosjektutgiftene og planlagd finansiering samanstilt for dei prosjekta som det er søkt Helsedirektoratet om samhandlingsmidlar til. Styringsinformasjon Telemedisin Pasientforløp Hospitering Sum Sum finansiert av kommunane 250 000 850 000 200 000 0 1 300 000 Arbeid, reise, møte m.v. 750 000 1 300 000 400 000 380 000 2 830 000 Eksterne tilskot 1 000 000 1 150 000 600 000 390 000 3 140 000 Sum 2 000 000 3 300 000 1 200 000 780 000 7 280 000 Dersom prosjekta vert realiserte og ein får tilskot som omsøkt, alle kommunane deltek og ein fordeler eigendelen med halvparten likt og halvparten etter folketal pr 01.01.11, får ein følgjande stipulerte andel for dei enkelte kommunane. Deltakar Innb.tal Fordelt likt Etter folketal Sum 2011 Flora kommune 11 588 25 000 69 910 94 910 47 455 Gulen kommune 2 299 25 000 13 870 38 870 19 435 Solund kommune 862 25 000 5 200 30 200 15 100 Hyllestad kommune 1 483 25 000 8 947 33 947 16 973 Høyanger kommune 4 280 25 000 25 821 50 821 25 410 Vik kommune 2 758 25 000 16 639 41 639 20 819 Balestrand kommune 1 343 25 000 8 102 33 102 16 551 Leikanger kommune 2 225 25 000 13 423 38 423 19 212 Sogndal kommune 7 160 25 000 43 196 68 196 34 098 Aurland kommune 1 689 25 000 10 190 35 190 17 595 Lærdal kommune 2 224 25 000 13 417 38 417 19 209 Årdal kommune 5 601 25 000 33 790 58 790 29 395 Luster kommune 5 023 25 000 30 303 55 303 27 652 Askvoll kommune 3 000 25 000 18 099 43 099 21 549 Fjaler kommune 2 909 25 000 17 550 42 550 21 275 Gaular kommune 2 798 25 000 16 880 41 880 20 940 Jølster kommune 3 021 25 000 18 225 43 225 21 613 Førde kommune 12 207 25 000 73 644 98 644 49 322 Naustdal kommune 2 687 25 000 16 210 41 210 20 605 Bremanger kommune 3 910 25 000 23 589 48 589 24 294 Vågsøy kommune 6 030 25 000 36 379 61 379 30 689 Selje kommune 2 810 25 000 16 953 41 953 20 976 Eid kommune 5 905 25 000 35 624 60 624 30 312 Hornindal kommune 1 207 25 000 7 282 32 282 16 141 Gloppen kommune 5 705 25 000 34 418 59 418 29 709 Stryn kommune 7 018 25 000 42 339 67 339 33 670 Sum finansiert av kommunane 1 300 000 650 000
Arbeid, reise, møte m.v. 2 830 000 Øvrige 0 Eksterne tilskot 3 140 000 Sum 107 742 7 280 000 Det er viktig å sjå på dette som eit førebels overslag som kan gje ein indikasjon på storleiken på utgiftene for den enkelte kommunen. Ein vil måtte kome tilbake til dette meir konkret når det er avklart kva prosjekt som får tilskot og som vert igangsette og dei nærare føresetnadene. Kommunane er bedt om å ta førebels stilling til tilslutning på dette grunnlaget, og så vil saka kome att til kommunane når det ovannemnde er avklara. VURDERING Målet i samhandlingsreforma er at spesialist- og kommunehelsetenesta skal samarbeide som likeverdige partar og utvikle tenestene basert på kunnskap. Det er då naudsynt at dette i større grad enn i dag er tilgjengeleg og felles kunnskap. Det inneber at det bør samarbeidast om å identifisere den kunnskapen som er relevant og viktig, korleis den kan tolkast og korleis den skal samanstillast og tilgjengeleggjerast. I dag skjer for mykje utvikling utan eit medvite forhold til å nyttiggjere seg den beste kunnskapen, og ofte er det ulike oppfatningar av fakta, ikkje minst mellom spesialist- og kommunehelsetenesta. Det prosjektet som her er omtalt som betre felles kunnskap og styringsinformasjon i helsetenestene er unikt i landssamanheng og rådmannen ser det som viktig for å kome videre med ei god tilrettelegging i høve til samhandling. Å utvikle og implementere gode rutinar for utskrivingspraksis er kritisk viktig for god pasientflyt og realisering av samhandlingsreforma. Å arbeide vidare med dette i eit samarbeid mellom helseforetaket og kommunane som likeverdige partar, er noko som mange er opptekne av. Det er også eit uttalt mål i samband med samhandlingsreforma at helse- og omsorgssektoren skal ta i bruk teknologi for å fremje nye samarbeidsmåtar og nye måtar å levere helse- og omsorgstenester på. Telemedisinske løysingar kan legge til rette for at helse- og omsorgstenester i større grad kan ytast lokalt, nærare der folk bur. Det kan og bidra til at det er praktisk mogeleg å gjennomføre kompetanseoverføring og kompetanseheving for aktuelle personellgrupper. Dette vil i sin tur bidra til kvalitet i tenestene og grunnlag for nye tilbod. Etter rådmannen si vurdering er det no ikkje eit spørsmål om kommunane skal ta i bruk slikt utstyr, men når. Dette er ei løysing for framtida, og det kan vere gunstig å nytte høvet til å skaffe seg ressursar til i fellesskap å få etablert dette innen relativt kort tid når det no er lyst ut betydelege samhandlingsmidlar. Det vil vere behov for ein del støtte til den enkelte kommunen i samband med avklaring av kva funksjonar ein kan løyse ved videoutstyr, avtalar om kommunikasjon (i utgangspunktet Norsk helsenett), organisering og rutinar. I tillegg kjem det å få sjølve utstyret på plass, som kanskje ikkje er den vanskelegaste delen i dette. KOLS-pasientar er ei pasientgruppe der det med relativt enkle tiltak vil vere mogeleg å oppnå eit betre pasientforløp enn det som ofte er tilfellet i dag. Prosjektet i seg sjølv vil i første omgang bidra til eit betre samla tilbod for denne gruppa pasientar i vår kommune og i
neste omgang i heile fylket. I neste omgang vil ein få ein mal for arbeid med pasientforløp som kan nyttast i høve til andre grupper. Dette er svært sentralt i høve til å oppnå intensjonane i samhandlingsreforma. Å få til god samhandling og god kvalitet i ei samhengande behandlingskjede føreset aktørar i helsevesenet som kjenner til kvarandre. Leiarar og fagfolk i spesialisthelsetenesta og kommunehelsetenesta må vite om kvarandre sine oppgåver og rutinar for å forstå heilskapen og derigjennom bli i stand til å samhandle og utvikle kvaliteten. Rådmannen ser behovet for å etablere ei systematisk gjensidig ordning for hospitering for sjukepleiarar og helsefagarbeidarar og tilsvarande fagpersonale. I tillegg til at dette kan gje verdifull fagleg innsikt og kompetanseutvikling, kan det ha ein positiv kulturskapande effekt. Det er ein relativt ambisiøs plan som no er lagt for felles, fylkesfemnande samhandlingsprosjekt. Det står att å sjå kva prosjekt som får tilskot og som vert igangsette i første omgang. Men etter rådmannen si vurdering er dette gode og viktige prosjekt som vil innebere ei naudsynt og god førebuing til samhandlingsreforma i Sogn og Fjordane. Sjølv om ein får midlar, kan det innvendast at det vil vere problematisk å organisere og bemanne prosjekt i dette omfanget, i tillegg til dei regionvise prosjekta som er under planlegging. Men samstundes er det ei kjensgjerning at kommunane uansett treng å finansiere felles stillingsressursar for å arbeide fram nye løysingar og møte helseforetaket, og då vil det å etablere prosjekt vere den mest realistiske måten å klare det på. Ut frå det ovannemnde, vil rådmannen tilrå at Leikanger kommune gir si tilslutning til og deltek i dei fem samhandlingsprosjekta.... Sett inn saksutredningen over denne linja