Bokbad på BERGSLAGEN Litteraturseminar på Sunde Kyst- og Litteratursenter Laurdag 16.02.2013
Kvinnherad kulturfestival i samarbeid med kulturnemda på SØRAL, Norsk kulturråd, Folkeakademiet i Hordaland, Norsk forfattarsentrum, Forlaget Oktober og Forbundet KYSTEN inviterer til seminar på Sunde Kystog Litteratursenter. Program for seminar 10.00 Hanne Bramness ønsker velkomen. 10.15 Tore Friis-Olsen frå Forbundet KYSTEN snakkar om Frivillighet som forutsetning for levende immateriell kulturarv. Han tenkjer primært på å visa til aktivitetane i kystlaga og legg vekt på UNESCOs konvensjon. 11.15 Bokbad og opplesing med Mona Vetrhus (musikk v/ J. Vaage). Bademeister Anne Karin Fonneland. 12.15 Lunch. 13.00 Musikk av og ved Johannes Vaage. 13.30 Bokbad og opplesing med Jon Michelet. Bademeister Atle Hansen. 14.15 15.00 Spørsmål og samtale. Konferansier: Hanne Bramness. Seminaravgift: kr. 250,-
Tore Friis-Olsen Tore Friis-Olsen (fødd 1961) har arbeidd i Forbundet KYSTEN sidan 1999. Han er utdanna cand.mag med faga historie, etnologi, filosofi og kristendomskunnskap. Han har også arbeidd mange år i fleire frivillige miljø- og kulturvernorganisasjonar. I Forbundet KYSTEN har han jobba mykje med vaksenopplæring og kursverksemd og internasjonalt samarbeid knytta til kystkultur og maritimt kulturminnevern.
Mona Vetrhus Mona Vetrhus (fødd 1975) er oppvaksen i Uskedalen og bur i Oslo. Nokre gutar kjem ikkje heim i kveld er hennar første bok. I denne fine og særs lovande debutsamlinga kan vi lese om kva som skjer med ei jente når unge gutar rundt henne døyr. I dikta til Mona Vetrhus finst det ei lita bygd mellom sjø og bratte fjell, der ørn, hjort og viking ferdast i same natur som leikande ungar, og der gutar køyrer i fjorden. Vennskap, gryande forelsking og død er viktige tema. Vi møter ei jente som har tilbakevendande mareritt. Ho er på veg inn i si eiga verd, der gutane framleis går rundt nede på djupet, og redsla for at fleire skal forsvinna er ein del av kvardagen.
Johannes B. Vaage Johannes Bramness Vaage (fødd 1989) er musikar, låtskrivar og arrangør med Bergen som base. Gitaristen jobbar med friimprovisasjon og jazz, hiphop, rock og pop, samt norsk tradisjonsmusikk og folkemusikk frå heile verda.
Jon Michelet Jon Michelet (fødd 1944) debuterte som forfattar i 1975 med romanen Den drukner ei som henges skal. Sidan då har han gitt ut ei lang rekke romanar, krimbøker, skodespel, ei barnebok, ungdomsbøker, debattbøker og fem bøker frå VM i fotball frå 1982 til 1998 saman med Dag Solstad. I det yrkesaktive livet sitt har Michelet vore sjømann, bryggearbeidar, journalist, forlagssjef i Oktober og redaktør av Klassekampen. Han har motteke fleire prisar, m.a Språlig samlings pris og Rivertonprisen. Fleire av bøkene er filmatiserte og omsette til mange språk. I 2009 fekk Michelet Statens stipend for eldre fortjente kunstnere. Det har vore mange gode meldingar av den nye boka En sjøens helt. Skogsmatrosen. I Dagbladet sto det då boka kom: Endelig, etter 70 år, har vi fått den første store romanen om de norske krigsseilerne. Den holder mål, til overmål... et digert raust og røft Jon Michelet-dokument.
Anne Karin Fonneland Anne Karin Fonneland (fødd 1956) debuterte i 1996 med diktsamlinga Marmormjølk. Til no har ho for det meste skrive lyrikk for vaksne. Den seinaste boka hennar heiter Det er så lyst og kom ut I 2011. I tillegg har ho delteke med dikt og prosa for barn og unge i ulike antologiar. Ho arbeider som lærar ved Kvinnherad vidaregåande skule og bur på Sunde i Kvinnherad. Atle Hansen Atle Hansen (fødd 1954) er fødd i Mosterhamn og busett på Stord. Han er forfattar, journalist og songar av eigne og andre sine viser. Han har gitt ut 15 bøker og fleire plater og har i songane ofte samarbeidd med andre sunnhordlandsdiktarar. Tekstane hans er ofte knytte til sjøen. Han er oppvaksen blant sjøfolk og uteseglarar på Moster. Han har vore journalist i avisa Sunnhordand i 25 år og har fått Vinjeprisen frå Landslaget for nynorsk presse.
Omslagsbilete: Camilla Fonneland