Kulturminnedagen på BERGSLAGEN. Søndag 15. september kl 15:00-18:00 Sunde Kyst- og Litteratursenter

Transkript

1 Kulturminnedagen på BERGSLAGEN Søndag 15. september kl 15:00-18:00 Sunde Kyst- og Litteratursenter

2 Stiftinga Sunde Kyst- og Litteratursenter i samarbeid med Kulturminnedagen, Norsk kulturråd, Norsk forfattersentrum og SØRAL, inviterer til forestilling på Sunde Kyst- og Litteratursenter, Bergslagen. Program Hanne Bramness ønskjer velkommen og presenterer programmet og første gjest Cecilie Løveid les Nils Økland spelar Kaffe og kaker Hanne Bramness snakkar om Porsvikfola av Ragnvald Vaage Hildegun Riise les dikt av Ragnvald Vaage (med musikk) Kaffepause Per Olav Kaldestad introduserer og snakkar med skotske Thomas A. Clark Thomas A. Clark les Nils Økland spelar Billett: kr 100,-

3 Cecilie Løveid Cecilie Løveid (fødd1951) er forfattar, busett i Bergen. Etter å ha skrive romanar og høyrespel på 1970-talet har ho hatt eit sterkt engasjement som dramatikar og lyrikar, og har vunne fleire viktige prisar, m. a. Ibsenprisen, Aschehougprisen, Gyldendalprisen, Doblougprisen og Prix Italia. I seinare år har ho først og fremst verka som lyrikar, og er omsett til mange språk. Ein betydeleg del av diktinga hennar er ekfrasar, tekstar om bilete. Dei fem siste diktsamlingane blei gjeve ut samla under tittelen Dikt på Kolon forlag våren Cecilie Løveid er lærar på Skrivekunstakademiet i Hordaland.

4 Nils Økland Nils Økland (fødd 1961) er musikar og komponist. Han er felespelar (hardingfele, fiolin, viola d`amore) og jobbar i gråsonen mellom folkemusikk, klassisk musikk, improvisasjon og moderne musikk. Han har vore solist med ulike orkester og ensemble i mange land og hatt mange turnéar og konsertar i ulike delar av verda. Han har urframført fleire verk for solo hardingfele, men spelar mest sin eigen musikk. Han har laga musikk til dikt, teater og film. I tillegg til eigne prosjekt spelar han i trioen 1982 og rockegruppa Kaudervelsk. Han har gjeve ut mange CD-plater, m.a. Straum, Bris og 1982+BJ Cole.

5 Ragnvald Vaage Ragnvald Vaage vart fødd i 1889 på Sunde i Kvinnherad i Hordaland, og døydde i Han var diktar og bonde. Han skreiv litteratur i ulike sjangrar, ofte med eit kritisk blikk på bygdemiljø og oppvekstvilkår. I ungdomen gjekk han på folkehøgskule på Voss i etter å ha arbeidd i Bergen, rodd fiske og vore gjetargut. I 1908 kom han til Jæren og lærte jord- og hagebruk. Frå 1912 til 1914 gjekk han på Askov folkehøjskole i Danmark, og i 1913 var han i Tyskland og lærte seg språket og las Lessing, Goethe, Schiller og Heine. Han dreiv slektsgarden Våge frå I 1912 debuterte Ragvald Vaage med diktsamlinga Liv som strir, og i alt ga han ut 20 bøker. Det er særleg lyrikken og forteljingane for eller om born han vert hugsa for i ettertid. Gutane på Tedneholmen (1923) har vorte ein klassikar. Den tidlege lyrikken, men og Ættarjord (1929) og Heim frå havet (1965) syner ein diktar med stor formsans, kraft og musikalitet.

6 Hildegun Riise Hildegun Riise (fødd 1958) er skodespelar og songar. Ho har vore fast tilsett ved Det Norske Teatret sidan debuten i 1986 og har utmerka seg i musikkframsyningar så vel som i klassiske stykke og samtidsdrama. Ho har spela mange viktige filmrollar m.a. i Landstrykere, Flaggermusvinger, Søndagsengler, Himmelfall, Min misunnelige frisør og Detektor. Ho har gjort store roller også for TV, som f.eks Agnes i serien Vestavind, Suzanna Ibsen og i serien Sejer. I 1993 gav ho ut CDplata Den fattige Gud med salmar av Edvard Hoem og Henning Sommero gav ho ut diktantologien Plukke stjerner med hendene. Saman med framståande jazzmusikarar gav ho i 2006 ut CD-plata Under stjernone bygd over Olav H. Hauge sine dikt og dagboknotatar. Poesikonsertar ilag med ulike musikarar har det blitt mange av og Nils Økland har ho samarbeidd med før. Hildegun Riise er blitt tildelt både filmprisen Amanda og teaterprisen

7 Thomas A. Clark Thomas A. Clark er frå Skottland og er ein framståande figur i den engelske samtidspoesien. Han er fødd i 1944 i Greenock og bur no i fiskarlandsbyen Pittenweem i Fife. Han debuterte med Some Particulars utgitt av The Jargon Society i 1971, og har gitt ut mange diktbøker og ei rekkje små dikthefte og kort med dikt. Clark har òg vore oppteken av å utvida grensene for poesien gjennom installasjonar tilpassa ulike stader som galleri, offentlege rom eller i landskapet. Nordsjøforlaget har gitt ut to bøker med dikt av Clark, I den klare lufta (2007) og Om skog & vatn (2009), begge gjendikta av Per Olav Kaldestad. Per Olav Kaldestad Per Olav Kaldestad, fødd 1947 på Husnes. Debuterte i 1973, har skrive bøker i alle sjangrar for vaksne og born og gitt ut ei rekkje gjendiktingar, m.a. av Thomas A. Clark. Ny bok i haust: Dagen er her den dag eg vil, dikt og songar, med maleri av Rolf Monsen.

8 RØSSLYNG Skrinnlendet valde du deg til verestad, du brune armodsbarn, difor fekk du tolmodet og den seige styrken i morgongåve. Ingen veit betre enn du kva det kostar å vera til. Kulden klorar i røtene dine med negler av is, regnet og sjøroket vaskar deg med harde, ublide styvmorshender, stormane piskar deg med sveper av hagl og snødriv, men du klengjer deg fast til berget ditt og står urikkande jamvel når byrge stortre må bita i graset. Og når sommaren syng på siste verset, då byd du inn til fest. Då sveiper du det arme skrinnlandet ditt i kongeleg purpur og kallar med ljuvlege angar på humle og bie og alle slag fykande småkrek: - Kom og få nektar, kom alle og drikk av mi overflod. I tusen år har du vore læremeistaren for oss her i landet. Av deg har me lært å klora oss fast til steingrunnen vår i fimbulvintrar og borkebrødår utan å missa motet, og av deg har me lært å sveipa det nakne i kjærleiks angande kåpe og dela med andre vår armods overflod. Slepp ikkje taket i steingrunnen heretter heller. Ver læremeistaren vår i tusen år til, røsslyng. Ragnvald Vaage, i Heim frå havet