Vurdering av naturfarar

21.06.2019 Vurdering av naturfarar Vurdering av naturfarar på Øyrane, G.nr 91, B.nr. 183, Hellesylt, Stranda kommune Revidert utgåve Hole Geo As

1 1. Samandrag Oppdragsgjevar Tittel på rapport Øyrane AS, 6218 Hellesylt Vurdering av naturfarar på Øyrane, G.nr 91, B.nr. 183, Hellesylt, Stranda kommune Dato 21.06.2019 Oppdragsskildring Vurdere naturfarar på Øyrane, Hellesylt, Stranda kommune i samband med detaljregulering av området Oppdragsleiar Geolog Jarle Hole Utført av Hole Geo AS, Bygda 920, 6218 Hellesylt. Org.nr. 918 995 943 MVA Kvalitetskontroll Emneord Føremål Konklusjon Geolog Lars Jørgen Hole Skredfarevurdering, snøskred, flaum, stormflo, havnivåstigning, Hellesylt, Stranda kommune Avklaring om planlagd detaljregulering på Øyrane kan gjennomførast med omsyn til naturfarar Planområdet er utsett for fleire ulike naturfarar slik at det er sett ulike tryggleiksklasse på ulike område på planområdet (Figur 16) og kapittel 8. Planlagd detaljregulering for å setje opp bygningar kan gjennomførast med omsyn til naturfarar dersom utbygginga blir gjennomført etter dei tryggleikskrav som er sett i TEK17 med omsyn til naturfarar. I revidert utgåve av 21.06.2019 er det innarbeidd i rapporten dei kommentarar som er kome frå NVE i e-post av 03.06.2019 og frå Fylkesmannen i e-post av 04.06.2019.

2 2. Om oppdraget Hole Geo AS har fått oppdrag frå Øyrane AS om å vurdere eit område som er under detaljregulering med omsyn til naturfarar (Figur 1 og 2). Planen er å legge til rette område for bygging av fritidsbustader med tilhøyrande anlegg og aktivitetar. Planområdet ligg i Hellesylt sentrum på eit område som er fylt ut i sjøen for ca. 35 år sidan. Dei siste 30 åra har området vore nytta som campingplass. I samband med oppgradering av området er ca. 60 % av arealet fylt opp til ei høgd som ikkje vil bli fløymd over ved havnivåstigning og stormflo fram mot år 2090. Resten av arealet ligg på same nivå som den gamle campingplassen og kan bli fløymd over. Figur 1 Lokaliseringskart for planområde

3 Figur 2 Kart levert av oppdragsgjevar over planlagd regulering på Øyrane 3. Flaum I følgje aktsemdkart for flaum over Hellesylt sentrum ligg heile sentrum innanfor aktsemdsone for flaum (Figur 3). Aktsemdsonene for flaum blir laga automatisk med modellberekning ut frå digitale terrengmodellar. Modellane reknar ut potensielle areal som kan vere utsett for flaum. Modellane greier ikkje alltid å fange opp mindre formasjonar og høgder i terrenget slik at areal som kan bli fløymde over ikkje alltid stemmer. Ved Hellesylt renn to større elvar Bygdaelva og Langedalselva, og nokre bekkar ut i fjorden. Den bekken det er størst sannsyn for vil ramme planområdet er frå Kremmargjølet. Den endar ut i sjøen i ein kanal på nordvestsida av planområdet. Bekken kryssar fylkesveg 60 to gongar før den renn ut i kanalen. Ved flo sjø går sjøen inn i kanalen og inn i dei nedste røra der bekk kryssar fylkesveg 60. Ved flaum kan det vere potensiale for at bekken fløymer inn på planområdet (Figur 4).

4 Figur 3 Aktsemdkart for flaum i Hellesylt sentrum Figur 4 Bekken frå Kremmargjølet der den renn ut i sjøen vest for planområdet

5 3.1 Tryggleikskrav for flaum og stormflo Akseptkriterium for flaumfare er gjeve i Byggteknisk forskrift (TEK10 og TEK17) 7-2. Tryggleikskrava er skildra og tolka i rettleiinga til forskrifta. Same tryggleikskrav gjeld både for flaum og stormflo Tryggleikskrava i TEK10 og TEK17 gjeld for nye byggverk. Krava vil og gjelde ved utvidingar og nybygg knytte til eksisterande byggverk, jf. temarettleiaren «Utbygging i fareområder» frå Direktoratet for byggkvalitet (DiBK). Byggverk der konsekvensane av flaum er særleg store skal plasserast utanfor flaumutsett område. Dette gjeld til dømes byggverk som er viktig for regional og nasjonal beredskap og krisehandtering, samt byggverk som er omfatta av storulykkeforskrifta. For byggverk i flaumutsette område skal det fastsetjast tryggleiksklasse. Kommunen må sjå til at byggverk vert plassert trygt nok i høve til dei 3 tryggleiksklassane F1 F3. I dei tilfelle der det er fare for liv skal tryggleiksklasse som for skred, jf. 7-3 nyttast. Tabell 1 Tryggleiksklasser for flaum og stormflo. Tabellen er kopiert frå veiledning til TEK17 I F1 gjeld tiltak der overfløyming har liten konsekvens. Dette gjeld byggverk med lite personopphald og små økonomiske eller andre samfunnsmessige konsekvensar, til dømes: garasje, lagerbygning med lite opphald av personar. I F2 gjeld tiltak der overfløyming har middels konsekvens. Dette omfattar dei fleste byggverk tenkt for personopphold, til dømes: Bustad, fritidsbustad og campinghytte, kontorbygning, industribygg, driftsbygning i landbruket som ikkje inngår i tryggleiksklasse F1. I F3 gjeld tiltak der overfløyming har stor konsekvens. Dette gjeld byggverk for sårbare samfunnsfunksjonar og byggverk der overfløyming kan gje stor forureining på områda kring, til dømes: Byggverk for særs sårbare grupper av innbyggjarane, t.d.. sjukeheimar og liknande. Byggverk som skal fungere i lokale beredskapssituasjonar, t.d. sjukehus, brannstasjon, politistasjon, sivilforsvarsanlegg og infrastruktur av stor samfunnsmessig betydning, for byggverk som har regional eller nasjonal betydning i beredskapssituasjonar gjelder 7-2 første ledd. Avfallsdeponi der overfløyming kan gje forureiningsfare. For deponi som er omfatta av storulukkeforskrifta gjeld 7-2 første ledd. TEK10 og TEK17 opnar for at byggverk i F1-F3 kan oppnå naudsynt tryggleik ved at det vert gjennomført sikringstiltak.

6 3.2 Vassføring i Kremmargjølet Kremmargjølet har eit areal på 0,3 km 2, og ei middel flaumvassføring på 0,5 m 3 /s. I periodar med lite nedbør er som oftast denne bekken tørr (Figur 4). 200-års flaum er rekna til 1,3m 3 /s (Tabell 2). For bekken i Kremmargjølet er det rekna eit klimapåslag på 20%. Dette er vurdert ut frå det som blir brukt for nærliggande vassdrag som Valldøla, Aureelva i Sykkylven og Bondalselva (Klimaprofil Møre og Romsdal 2017). Med 20% klimapåslag vil 200-års flaum ha ei vassføring på 1,56 m 3 /s. Gjennom fylkesveg 60 renn bekken frå Kremmargjølet øvst i eit røyr med indre diameter 1000 mm og 8,5 % fall. Utrekna med berekningsprogram for gjennomstrøyming i røyr på www.pipelife.no vil røyret gjennom fylkesvegen ha ein kapasitet på 2,8 m 3 /s. Det vil seie at dette røyret har god kapasitet til å ta unna 200-års flaum. Gjennom nedste passering av fylkesveg 60 ligg det 2 røyr, kvar med indre diameter 800 mm med helling ca. 2% (Figur 3). Her er det ein kapasitet på 1,52 m 3 /s ved fjøre sjø. Ved flo sjø der sjøen går inn i røra vil kapasiteten vere noko mindre slik at det då kan vere fare for at bekken renn over fylkesvegen og inn på den gamle campingplassen ved stormflo. Oppdragsgjevar kjenner ikkje til at dette har skjedd etter at camping-plassen blei bygd. Figur 5 Data for vassdrag 098.61 Kremmargjølet (nevina.nve.no)

7 Tabell 2 Vassføring i Kremmargjølet (nevina.nve.no) 3.3 Konklusjon om flaum i Kremmargjølet Det er fare for at bekken i Kremmargjølet kan fløyme over den lågaste delen av planområdet (område 1, 2 og 6 på Figur 14) ved ein 200-års flaum på grunn av at nedste røyra (Fig. 4) gjennom fylkesveg 60 ikkje vil ta unna all vassføringa. Området vil derfor ligge i tryggleikssone med årleg gjentaksintervall mindre enn1/20 og større enn 1/200. Tiltak for å heve området til tryggleikssone med årleg gjentaksintervall < 1/200 med omsyn til 200- årsflaum frå bekken i Kremmargjølet er å dimensjonere rør og kulvert gjennom fylkesvegen slik at det tek unna vatnet frå Kremmargjølet ved 200-års flaum. Alternativ er å fylle opp område 1, 2 og 6 slik at eventuelt flaumvatnet renn utanfor planområdet. 3.4 Vassføring i Bygdaelva Bygdaelva har eit areal på 152 km 2, og ei middel flaumvassføring på 114 m 3 /s. 200-års flaum er rekna til 293 m 3 /s (Tabell 3). For Bygdaelva er det rekna eit klimapåslag på 20%. Dette er vurdert ut frå det som er berekna for nærliggande vassdrag som Valldøla, Aureelva i Sykkylven og Bondalselva (Klimaprofil Møre og Romsdal 2017). Med 20% klimapåslag vil 200-års flaum ha ei vassføring på 352 m 3 /s. Bygdaelva renn ut i fjorden rett søraust for planområdet.

8 Figur 6 Bygdaelva der den renn ut i fjorden søraust for planområdet Figur 7 Oversiktskart over området rundt Øyrane. Blå strek på kartet ved Korsbrekke viser kor langt inn havet vil stå med stormflo og havnivåstigning i år 2090 Kartet er kopiert frå www.norgeskart.no

9 Ved flaum og stormflo vil Bygdaelva renne ut i fjorden ca. 500 m søraust for planområdet, og havnivå vil stå opp til Fløtehølen i Bygdaelva. Ved Korsbrekke bru er elveløpet i dag ca. 18 m breitt. Rett aust for planområdet er indre del av Sunnylvsfjorden 215 m brei. Ved stor flaum i dag brukar Bygdaelva å renne på dyrkamarka rett nordaust for Korsbrekke bru. Ved flaumsonekartlegging i Stryn (NVE 2007) er det ofte stormflo som gjer verknad på flaum nedst i vassdraget. Det er ikkje sagt noko om at det blir meir oppstuving av vatn i utlaupet i fjorden med flaum i elva samstundes med stormflo. Det er og sagt i (NVE 2007) at stormflo og flaum med store gjentaksintervall er uavhengige hendingar slik at sannsynet for at begge hendingane oppstår samstundes er svært lite. 1-års stormflo er likevel nytta som grensevilkår i utrekningane sidan ein antar at flaum i elv er kopla mot same vertilhøve som lågtrykk og pålandsvind. På flaumsonekart blir den høgste vasstand presentert for kvart gjentaksintervall, uavhengig av om det kjem av flaum eller stormflo (Figur 8). Figur 8 Skisse av flaum og stormflo i Jølstra kopiert frå NVE 2014

10 Figur 9 Data frå vassdrag 098.6A1, Bygdaelva (nevina.nve.no) Tabell 3 Vassføring i Bygdaelva, (nevina.nve.no) 3.5 Konklusjon om flaum i Bygdaelva Ved stormflo og havnivåstigning vil flaum i Bygdaleva renne ut i fjorden ca. 500 m innanfor planområdet. Vika utanfor planområdet er så vid i forhold til elvelaupet i Bygdaelva at eventuell oppstuving av vatn i fjorden ved planområdet vil vere minimalt Det er eit sannsyn på mindre enn 1/200 for at flaum i Bygdaelva vil gjere noko skade på planområdet. 3.6 Langedalselva Langedalselva renn ut i Sunnylvsfjorden nordvest for planområdet. Fjorden er her så open og elvestraumen går rett ut fjorden slik at dette vassdraget vil ikkje ha noko innverknad på flaumforhold på planområdet.

11 4. Havnivåstiging og stormflo Kyst- og fjordområda må i framtida førebu seg på høgare havnivå. Havnivåstiging og stormflo vil føre til at havet vil strekke seg lenger innover land enn det som er tilfelle i dag. Det betyr at område som ligg lågt og nær kysten blir meir utsett for overfløyming. Dei lågaste områda ved kysten kan bli permanent fløymde over. For Stranda kommune er det rekna ut ei havnivåstiging på 72 cm fram mot år 2090. Returnivå for stormflo er 171 cm med 20 års- gjentaksintervall, 189 cm ved 200 års- gjentaksintervall og 199 cm ved 1000 års gjentaksintervall. Desse verdiane er tekne frå DSB 2016 og inkluderer klimapåslag. For Hellesylt vil dette seie at nivå for nye bygg skal vere høgare enn 261 cm over midlare havnivå. Planlagt golvnivå for bygningar i planområdet er sett til minimum kote 270. Det er ikkje teke omsyn til eventuell oppstuving innover i fjordsystemet eller bølgjeoppskyljing Det blir heller ikkje gjort i NVE sine flaumsonekart for tilsvarande fjordsystem (NVE 2015). Ei eventuell stormflo vil fløyme utover område som ligg lågare enn fyllinga på Øyrane. Slik fyllinga ligg i dag med opne flate område rundt vil ikkje denne fyllinga ha innverknad på stormflo i nærliggande område i Hellesylt sentrum. Dominerande vindretning inst i Sunnylvsfjorden på Hellesylt er frå sørvest, det vil seie ut fjorden. På grunn av terrengforholda oppstår denne vindretninga ut fjorden når det er sørvest- til nordvestleg retning som er dominerande vindretning ved uver på kysten (Figur 10). Pålandsvind på Hellesylt er under nord- austlege vertilhøve. Dette er under vertilhøve der det er lite sannsyn for stormflo.

12 Figur 10 Fordeling av vindretning over 25 m/s under vinterforhold på Vigra (NVE 2017) Tryggleikskrava for havnivåstiging og stormflo er dei same som for flaum kapittel 3.1 4.1 Konklusjon om havnivåstiging og stormflo Med omsyn til havnivåstiging og stormflo fram mot år 2090 kan området merka 3, 4 og 5 på Figur 14 nyttast til bygningar i tryggleiksklasse F2 (golvnivå kote 270), overfløyming med meir enn 200 årsgjentaksintervall. Med heving av golvnivå til kote 281 kan området bli klassifisert for bygningar som krev tryggleiksklasse F3 med omsyn til havnivåstiging og stormflo. Område 1, 2 og 6 (Figur 14) som i dag er nivået til den gamle campingplassen ligg i dag i faresone med årleg gjentaksintervall >= 1/20 og < 1/200 med omsyn til stormflo. Ved havnivåstiging fram mot 2090 vil området bli fløymd over med gjentaksintervall mindre enn 1/20 Område 1, 2 og 6 (Figur 14) kan hevast til sone med årleg gjentaksintervall <= 1/200 og > 1/1000 ved å heve området slik at golvnivå på bygningar ligg på kote 2,70 dersom dette område skal utbyggast seinare. 5. Skred 5.1 Tryggleikskrav for skred Akseptkriterium for skredfare er gjeve i Byggteknisk forskrift (TEK10 og TEK17) 7-3. Tryggleikskrava er skildra og tolka i rettleiinga til forskrifta. Tryggleikskrava i TEK10 og TEK17 gjeld for nye byggverk. Krava vil og gjelde ved utvidingar og nybygg knytte til eksisterande byggverk, jf. temarettleiaren «Utbygging i fareområder» frå Direktoratet for byggkvalitet (DiBK). Byggverk der konsekvensane av skred er særleg stor skal plasserast utanfor skredfarleg område. Dette gjeld til dømes byggverk som er viktig for regional og nasjonal beredskap og krisehandtering, samt byggverk som er omfatta av storulykkeforskrifta. For byggverk i skredfareområde skal kommunen alltid fastsette tryggleiksklasse. Kommunen må sjå til at byggverk vert plassert trygt nok i høve til dei 3 tryggleiksklassane S1 S3. Tabell 4 Tryggleiksklasser for skred. Tabellen er kopiert frå veiledningen til TEK17

13 I S1 inngår byggverk der skred vil ha liten konsekvens. Dette kan vere byggverk der personar normalt ikkje oppheld seg. Garasjar, uthus, båtnaust, mindre brygger, lagerbygningar med lite personopphald er døme på byggverk som kan inngå i denne tryggleiksklassen. I S2 inngår byggverk der skred vil føre til middels konsekvensar. Dette kan vere byggverk der det normalt oppheld seg maksimum 25 personar, og/eller der det er middels økonomiske eller andre samfunnsmessige konsekvensar. Bustadbygg med maksimalt 10 bustadeiningar, arbeids- og publikumsbygg/brakkerigg/overnattingsstad der det normalt ikkje oppheld seg meir enn 25 personar, driftsbygningar i landbruket, parkeringshus og hamneanlegg er døme på byggverk som kan inngå i denne tryggleiksklassen. I S3 inngår byggverk der skred vil føre til store konsekvensar. Dette kan vere byggverk med fleire bu-einingar og personar enn i S2, samt til dømes skular, barnehagar, sjukeheimar og lokale beredskapsinstitusjonar. Det er og krav til tryggleik for tilhøyrande uteareal, men TEK10 og TEK17 opnar for at kommunen kan vurdere kravet til tryggleik basert på eksponeringstida for personar, tal personar som oppheld seg på utearealet med vidare. TEK10 og TEK17 opnar for at byggverk i S1-S3 kan oppnå naudsynt tryggleik ved at det vert gjennomført sikringstiltak. 5.2 Faresoner Faresonene for skred som er vist i NVE-Atlas bygger på NGI 2011 og er vist på Figur 11. I Åknes 2011 er desse grensene revidert (Figur 12). Seinare har NGI 2014 laga nye faresoner i området nedanfor Kremmargjølet. Dette bygger på Åknes 2011 og er støtta med køyring av modellen RAMMS (Figur 13). NGI 2014 har revidert faresonene frå 2011 ut frå at den bygge både på modellkøyring med RAMMS og uavhengig vurdering gjort av Åknes 2011. Hole Geo vurderer faresonene som NGI 2014 har gjort, som det som er mest gjennomarbeidd og tilrår å bruke desse framfor faresonene i NVE-Atlas. Faresonene i NGI 2014 viser at faresone med årleg sannsyn for skred <= 1/100 og > 1/1000 ligg i eit mindre område i det sør vestre hjørnet av planområdet. Vidare nord - og austover er det kartlagt faresone med årleg sannsyn for skred <= 1/1000 og > 1/5000. Resten av området ligg i faresone for skred med årleg sannsyn <= 1/5000 (Figur 13).

14 Figur 11 Skredfaresoner på Hellesylt kopiert frå NGI 2011 Figur 12 Faresoner for skred kopiert frå Åknes 2011

15 Figur 13 Faresone for skred og resultat frå køyring av modellen RAMMS. Kopiert frå NGI 2014 5.3 Konklusjon om skred Ut frå den kartlegging av skredfare som er utført av NVE vil det i ein liten del av planområdet i sørvestre hjørne kunne byggast bygningar som krev tryggleiksklasse S1. Vidare nordover i planområdet kan byggast bygningar som krev tryggleiksklasse S2 og resten i tryggleiksklasse S3 (Figur 12 og 13). Med omsyn til skred kan planområdet med nye bygningar byggast ut etter akseptkriteria for skred i TEK17. NGI har skissert ein plan for skredvoll (Figur 14) der skredgrensene blir trekt bakover dersom denne vollen blir bygd.

16 Figur 14 Skisse over planlagd skredvoll og endring byggegrense med omsyn til skred (Kopi frå presentasjon av Otnes, T, kartlagt av NGI) 6. Sekundærverknad av store fjellskred Planområdet ligg i oppskyllingsona for skred frå Åkneset både med skredvolum 18 mill m 3 og 54 mill m 3. Fjellskred med skredvolum 54 mill m 3 har eit sannsyn på < 1/1000 og med skredvolum 18 mill m 3 eit sannsyn > 1/1000. I følgje TEK17 7-4 kan det gjerast unntak med omsyn til sekundærverknad av flodbølgje som er årsaka av fjellskred. 7-4 i byggteknisk forskrift (TEK17) lyder som følgjer: «Sikkerhet mot skred. Unntak for flodbølge som skyldes fjellskred (1) For byggverk som ikke omfattes av 7-3 første ledd kan det likevel tillates utbygging i områder med fare for flodbølger som skyldes fjellskred, der alle følgende vilkår er oppfylt: a) konsekvensene av byggerestriksjoner er alvorlige og utbygging er av avgjørende samfunnsmessig betydning, b) personsikkerheten er ivaretatt ved et forsvarlig beredskapssystem som er basert på sanntids overvåking, varsling og evakuering, og det er foretatt en særskilt vurdering av om det skal være restriksjoner for oppføring av byggverk som er vanskelige å evakuere. Varslingstiden skal ikke være kortere enn 72 timer og evakueringstiden skal være på maksimum 12 timer, c) det finnes ikke andre alternative, hensiktsmessige og sikre byggearealer,

17 d) fysiske sikringstiltak mot sekundære virkninger av fjellskred er utredet, og e) utbyggingen er avklart i regional plan, kommuneplanens arealdel eller reguleringsplan (områderegulering), herunder gjennom konsekvensutredning. (2) Mindre tilbygging, påbygging eller underbygging av eksisterende byggverk kan tillates uten krav om plan etter første ledd bokstav e og dispensasjon etter plan- og bygningsloven kapittel 19, så fremt utvidelsen ikke medfører økt fare for skade på liv og helse» 6.1 Konklusjon om sekundærverknad av store fjellskred Hole Geo AS vurderer teknisk forskrift (TEK17) 7-4 slik at planområdet stettar dei krav som er sett med omsyn til tryggleik og alternativ plassering av prosjektet. Planlagd detaljregulering kan gjennomførast med omsyn til sekundærverknad av fjellskred frå Åkneset. 7. Grunnforhold Heile sentrumsområdet på Hellesylt ligg under marin grense slik at der kan vere potensiale for kvikkleire. Det er ikkje kartlagt kvikkleire i området, og det var heller ikkje observert kvikkleire under synfaring. NGU (Figur 14) har kartlagt elve- og bekkeavsetjing for heile området. Heile planområdet ligg på fylling som var utfylt først på 80-talet. PaGeCo v/ siv. ing. Svein Parr har utført grunnundersøking av området i 2017 og konkludert med området trygt kan brukast som tomtegrunn til planlagd bygningsmasse. Figur 15 Lausmassekart for området rundt Hellesylt 7.1 Konklusjon om grunnforhold Ut frå dei undersøkingar PaGeCo v/ siv. ing. Svein Parr har utført kan grunnen trygt brukast som tomtegrunn til planlagd bygningsmasse.

18 8. Konklusjon Planområdet er utsett for fleire ulike naturfarar slik at det er sett ulike faresoner på ulike delar av planområdet (Figur 16). Figur 16 Inndeling i ulike tryggleikssoner på planområdet. Område 1, 2 og 6 er den gamle campingplassen. Grøn strek viser grense for sannsyn for skred <= 1/100 og blå strek <= 1/1000 Område 1 Faresone med årleg sannsyn <= 1/100 og > 1/1000 for skred, og <= 1/20 og > 1/200 for flaum og stormflo. Område 2 Faresone med årleg sannsyn <= 1/1000 og > 1/5000 for skred, og <= 1/20 og > 1/200 for flaum og stormflo slik området ligg i dag. Ved å heve grunnen slik at golvnivå på bygningar ligg på minimum kote 270 vil området kunne tilfredsstille krav til tryggleiksklasse S2 og F2. Område 3 Faresone med årleg sannsyn <= 1/1000 og > 1/5000 for skred, og <= 1/200 og > 1/1000 for flaum og stormflo. Her kan byggast bygningar som krev tryggleiksklasse S2 og F2 under føresetnad av at golvnivå på bygningar blir lagt på minimum kote 2,70.

19 Område 4 Faresone med årleg sannsyn <= 1/5000 for skred, og <= 1/200 og > 1/1000 for flaum og stormflo. Her kan byggast bygningar som krev tryggleiksklasse S3 og F2 under føresetnad av at golvnivå på bygningar blir lagt på minimum kote 2,70. Faresone for flaum og stormflo <= 1/200 og > 1/1000 er dimensjonerande. Område 5 Faresone med årleg sannsyn <= 1/5000 for skred, og <= 1/200 og > 1/1000 for flaum og stormflo. Her kan byggast bygningar som krev tryggleiksklasse S3 og F2 under føresetnad av at golvnivå på bygningar blir lagt på minimum kote 2,70. Faresone for flaum og stormflo <= 1/200 og > 1/1000 er dimensjonerande. Område 6 Faresone med årleg sannsyn <= 1/5000 for skred, og <= 1/20 og > 1/200 for flaum og stormflo slik området ligg i dag. Ved å heve grunnen slik at golvnivå på bygningar blir lagt på minimum kote 2,70. vil det kunne byggast bygningar som krev tryggleiksklasse S3 og F2. Planområdet kan nyttast til den bruk som er godkjent i dei ulike tryggleiksklassene for naturfarar i TEK17 og slik det er vist på Figur 16. 9. Referanse DSB, 2016. Havnivåstigning og stormflo. Samfunnsikkerhet i kommunal planlegging. Rettleiar frå Direktoratet for Samfunnsikkerhet og Beredskap Klimaprofil Møre og Romsdal, 2017. https://cms.met.no/site/2/klimaservicesenteret/klimaprofiler/klimaprofil-møre-ogromsdal/_attachment/12032?_ts=15dcb1b2fb3 NGI 2011. Hellesylt sentrum, reguleringsplan. Vurdering av skredfare. Rapport 20100388-00-4-R NGI 2014. Hellesylt sentrum; forprosjektering av sikringstiltak ved Kræmmargjølet. Dokumentnr.: 20140357-01-R NVE 2007. Flaumsonekart. Delprosjekt Stryn. Rapport 1/2007 NVE 2014. Flaumsonekart. Delprosjekt Førde. Rapport 61/2014 NVE 2015. Flaumsonekart. Delprosjekt Øystese. Rapport 84/2015 Parr, S. 2017. Øyrane Hellesylt, Stranda kommune vurdering av stabilitet på tomtegrunn. Rapport Otnes, T. Frå faresonekart til plan Gode og dårlege døme RAMMS Manual Ver 1.4.1. Det sveitsiske institutt for snø- og snøskredforskning (WSL-SLF), Davos Dorf, Sveits Åknes 2011. Skredfarevurdering på Hellesylt Stranda kommune. Rapport 07 2011