Postadresse Nærøyfjorden verneområdestyre Njøsavegen 2 6863 Leikanger Besøksadresse Fjordsenteret 5745 Aurland Kontakt Sentralbord: +47 57 64 30 00 Direkte: +47 5764 3129 fmvlpost@fylkesmannen.no www.nasjonalparkstyre.no/naroyfjorden Aurland kommune Vangen 1 5745 Aurland Sakshandsamar Anbjørg Nornes Vår ref. 2019/5756-0 432.2 Dykkar ref. Dato 14.10.2019 Dispensasjon - Nærøyfjorden landskapsvernområde - tilrettelegging av Brekkestien i Flåm - utviding av tiltaket Sender vedlagt saksprotokoll med saksframlegg frå Nærøyfjorden verneområdestyre. Informasjon om klagerett Vedtaket kan klagast inn for Miljødirektoratet av partar i saka eller andre som har rettsleg klageinteresse med ein frist på 3 veker jf. forvaltningslova 28-29. Klagen skal rettast til Miljødirektoratet, men sendast via verneområdestyret v/sekretariatet, som kan gje nærare opplysningar om klagerett og rett til å sjå saksdokument. Med helsing Noralv Distad Nærøyfjorden verneområdestyre Anbjørg Nornes verneområdeforvaltar Dokumentet er elektronisk godkjent Kopi til: SNO Aurland Fylkesmannen i Vestland Sogn og Fjordane fylkeskommune Landskapsvernområde Naturreservat Nærøyfjorden og Bleia-Storebotnen Grånosmyrane, Nordheimsdalen, Bleia
Arkivsaksnr: 2019/5756-0 Sakshandsamar: Anbjørg Nornes Dato: 11.10.2019 Utval Utvalssak Møtedato Nærøyfjorden verneområdestyre 38/19 14.10.2019 Nærøyfjorden landskapsvernområde - tilrettelegging av Brekkestien i Flåm - utviding av tiltaket Saksprotokoll i Nærøyfjorden verneområdestyre - 14.10.2019 Handsaming i møte Vedtak i samsvar med innstilling frå forvaltar. Vedtak Nærøyfjorden verneområdestyre gjev Aurland kommune løyve til å utvida tiltaket med tilrettelegging av Brekkestien i Flåm. Utvidinga gjeld tilrettelegging av eit ekstra utsiktspunkt på Råken ved Brekkefossen. Løyvet er gjeve med heimel i verneforskrifta for Nærøyfjorden landskapsvernområde og naturmangfaldlova 48 fyrste ledd og fyrste alternativ. Løyvet er gjeve med fylgjande vilkår: Tilrettelegginga skal avgrensast til punktet merkt på kartet i saksopplysningane. Tilrettelegginga inneber å legge nokre steinar på eit utsiktspunkt, og nokre steinar i nedstigninga frå turstien til utsiktspunktet. Stien frå det etablerte utsiktspunktet til nytt utsiktspunkt kan utbetrast med steinlegging av stien. Steinlegginga skal ikkje føra til utviding av eksisterande sti. Dersom det er naudsynt med sikring av utsiktspunktet, kan det setjast opp enkel sperre som markerer kanten av utsiktspunktet, t.d. med stolpar og kjetting Tiltaket må vera avtalt med grunneigarane i området før tiltaket vert sett i gang, og Aurland kommune må avtale med grunneigarane om kven som har ansvar for tilsyn og vedlikehald av tiltaket. Verneområdeforvaltar skal vera med på ferdiggodkjenning av tiltaket. www.nasjonalparkstyre.no/naroyfjorden/ Sakshandsamar Anbjørg Nornes Side 2 av 8
Innstilling frå forvaltar Nærøyfjorden verneområdestyre gjev Aurland kommune løyve til å utvida tiltaket med tilrettelegging av Brekkestien i Flåm. Utvidinga gjeld tilrettelegging av eit ekstra utsiktspunkt på Råken ved Brekkefossen. Løyvet er gjeve med heimel i verneforskrifta for Nærøyfjorden landskapsvernområde og naturmangfaldlova 48 fyrste ledd og fyrste alternativ. Løyvet er gjeve med fylgjande vilkår: Tilrettelegginga skal avgrensast til punktet merkt på kartet i saksopplysningane. Tilrettelegginga inneber å legge nokre steinar på eit utsiktspunkt, og nokre steinar i nedstigninga frå turstien til utsiktspunktet. Stien frå det etablerte utsiktspunktet til nytt utsiktspunkt kan utbetrast med steinlegging av stien. Steinlegginga skal ikkje føra til utviding av eksisterande sti. Dersom det er naudsynt med sikring av utsiktspunktet, kan det setjast opp enkel sperre som markerer kanten av utsiktspunktet, t.d. med stolpar og kjetting Tiltaket må vera avtalt med grunneigarane i området før tiltaket vert sett i gang, og Aurland kommune må avtale med grunneigarane om kven som har ansvar for tilsyn og vedlikehald av tiltaket. Verneområdeforvaltar skal vera med på ferdiggodkjenning av tiltaket. Saksopplysningar Dokument som bakgrunn for saka: Saksprotokoll 34/14 18.12.2014, Nærøyfjorden verneområdestyre. Prosjektskisse for tilrettelegging av sti til Brekkefossen Søknaden vert vurdert etter: Forskrift for Nærøyfjorden landskapsvernområde av 08.11.2002 Forvaltningsplan for Vestnorsk fjordlandskap delområde Nærøyfjorden (2007) Naturmangfaldlova av 19. juni 2009 Nærøyfjorden verneområdestyre gav Aurland kommune løyve til å gjennomføra tilretteleggingstiltak på Brekkestien og etablera rasteplass ved Brekkefossen i 2014 (saksprotokoll 34/14 2014/1097). Tilretteleggingsarbeidet starta opp i 2017, og er under sluttføring denne hausten. Stien er steinlagt frå startpunktet av stien til utsiktspunktet Råken ved Brekkefossen. Under arbeidet med utsiktspunkt og rasteplass på Råken, kom det spørsmål frå grunneigarar i området om tilrettelegging av eit utsiktspunkt til ovanfor det planlagde toppunktet. Dette punktet ligg nær buførestien som går vidare til Ljosdalen, og er eit fint fotopunkt mot Brekkefossen. Det er i dag tydleg trakk etter folk som har tatt i bruk dette utsiktspunktet. Verneområdeforvaltarane og prosjektleiar i Aurland kommune var på synfaring på tiltaket 08.10.19. Då vart det oppdaga at det under transport av stein til Brekkestien denne veka, var plassert ein storsekk og tre større steinar på dette utsiktspunktet. Aurland kommune ynskjer å legge til rette dette utsiktspunktet. Aurland kommune opplyser at grunneigarane i området er positive til tiltaket, og meiner det er god tilrettelegging for turgåarar i området. www.nasjonalparkstyre.no/naroyfjorden/ Sakshandsamar Anbjørg Nornes Side 3 av 8
Brekkestien er ein del av buførevegen og DNT-stien til Ljosdalen og Grindafletene. Frå Råken nedanfor Brekkefossen er det flott utsikt til fjorden og Flåm. Stien vert mykje bruk til tur for turistar som vitjar Flåm, og fotturistar som går DNT-stien.. På Råken, toppunktet for stien til Brekkefossen, er det planlagt å legge stein på platået, og ein benk og informasjonskilt. I starten av stien skal det setjast opp sanitæranlegg, og opplegg for handtering av boss. Aurland kommune har ansvar for sanitæranlegg og bosshandtering. Prosjektet er eit samarbeidsprosjekt mellom grunneigarar, Aurland kommune, Nærøyfjorden verdsarvpark og Nærøyfjorden verneområdestyre. Aurland kommune er tiltakshavar for prosjektet. I tillegg har fleire verksemder i Aurland vore med på delfinansiering av prosjektet. www.nasjonalparkstyre.no/naroyfjorden/ Sakshandsamar Anbjørg Nornes Side 4 av 8
Utsiktspunkt på Råken. Utklypp får Fylkesatlas www.nasjonalparkstyre.no/naroyfjorden/ Sakshandsamar Anbjørg Nornes Side 5 av 8
Utsikt mot Brekkefossen. Foto Jorunn Vallestad Lovgrunnlaget Føremålet i Nærøyfjorden landskapsvernområde er definert i verneforskrifta 2: «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruks-drift, utgjer ein vesentleg del av landskapets karakter». Alle inngrep eller tiltak som kan endre eller verke inn på landskapets art eller karakter er forbode. Steinlegging av sti og tilrettelegging av utsiktspunkt er ikkje omtalt i dispensasjonsreglane i verneforskrifta. Forvaltninga kan i særskilte høve vurdera om det er heimel til tiltak etter naturmangfaldlova 48; «Forvaltningsmyndigheten kan gjøre unntak frå et vernevedtak dersom det ikkje strider mot vernevedtakets formål og ikkje kan påvirke verneverdiene nevneverdig, eller dersom sikkerhetshensyn eller hensynet til vesentlige samfunnsinteresser gjør det nødvendig.». www.nasjonalparkstyre.no/naroyfjorden/ Sakshandsamar Anbjørg Nornes Side 6 av 8
Etter naturmangfaldlova (nml) 7 skal prinsippa i 8-12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Stien frå Brekke til Brekkefossen og vidare til Ljosandalen er ein gamal ferdsel- og buføresti, og er eit automatisk freda kulturminne. Planlagde tiltak på stien er tilrettelegging for turgåarar på stien til Brekkefossen. Stien er mykje brukt og ber preg av stor slitasje. Den fyrste delen av stien fyl ikkje buførevegen slik den gjekk tidlegare, men er lagt om til ein sti rett opp gjennom skogen. Øvste del av stien opp til Brekkefossen fyl den gamle traseen. Det er gjennomført tiltak med steinlegging for å hindre erosjon i landskapet, og for at stien skal vera eit godt tilbod for turgåing i nær avstand til Flåm. Tiltaket er eit mindre fysisk inngrep, og vil i liten grad endra landskapet. Ved å styra ferdsla på stien, unngår ein unødig slitasje på naturen langs stien. Bygging av steintrapper og steinlegging er etter kvart vorte vanleg i verneområde for å få betre tilrettelegging for besøkjande. Forvaltar vurderer steinlegging og tilrettelegging av utsiktspunkt som godt tiltak for å ta vare på naturverdiane og samtidig legge til rette for gode opplevingar for besøkjande i området. Forvaltar meiner vilkåra er oppfylt for å vurdera saka med heimel i naturmangfaldlova 48 fyrste ledd og fyrste alternativ er oppfylt. Det er god kunnskap om området gjennom arbeidet med forvaltningsplan for Nærøyfjorden, synfaring i området og planlegging av fyrste del av prosjektet. Representant frå kulturavdelinga hjå Sogn og Fjordane Fylkeskommune har vore på synfaring på stien i startfasen av prosjektet og hadde ikkje merknader til tiltaka av omsyn til automatisk freda kulturminne, men ber tiltakshavar ta omsyn til nyare tids kulturminne som steingardar og grinder. Det er ikkje kjente førekomstar av trua eller sårbare naturtypar eller artar i området (Naturbase 11.10.2019). Kunnskapsgrunnlaget jf. naturmangfaldlova 8 er vurderdert som godt for å vurdera saka, og før-var-prinsippet jf. 9 er difor ikkje vektlagt i saka. Det må vurderast kva verknad tiltaket vil få på den samla belastninga på økosystemet jf. nml. 10. Flåm er ein viktig innfallsport til Nærøyfjorden landskapsvernområde og Vestnorsk fjordlandskap delområde Nærøyfjorden. Flåm er ein av stadane i verdsarvområdet med størst turisttrafikk. Tilrettelegging med tursti i dette området vil difor vera bra for å styra ferdsla, og gje gjestene ein flott moglegheit til å oppleva verneområdet og verdsarvområdet på ein god måte, og som er til liten skade for verneverdiane. Tilrettelegging av Brekkestien er lagt inn i besøksstrategien for Nærøyfjorden som no er ute på høyring. Det nye utsiktspunktet ligg nær turstien, og vert rekna som del av Råken. Dette vil vera eit flott utsiktspunkt og fotopunkt mot Brekkefossen. Tilretteleggingstiltaket er avgrensa til det som er naudsynt av omsyn til naturmiljøet. Tiltaket er vurdert til i liten grad å gje auka belastning på naturmiljøet. Bruk av stein i tilrettelegging av stiar er det gode erfaringar med i andre verneområde, og det er vurdert som ein miljøforsvarleg metode jf. naturmangfaldlova 12. Det meste av steinen er henta i området og frå eit steinuttak rett i utkanten av verneområdet. God tilrettelegging av stien slik at turgåarar vel å gå på stien og ikkje i terrenget utanfor, vil ta vare på naturen og verneverdiane i området jf. nml. 12. Med god tilpassing av steinen i terrenget, vurderer forvaltar at tiltak ikkje vil vera i strid med verneføremålet. www.nasjonalparkstyre.no/naroyfjorden/ Sakshandsamar Anbjørg Nornes Side 7 av 8
For å koma til det nye utsiktspunktet må folk gå gjennom ei grind og eit lite stykke oppover stien. Det kan vera ei ulempe for grunneigarar med beitedyr i området dersom grinda ikkje vert lukka. For å unngå problem med beitedyr, bør det lagast eit gjerdeklyv eller automatisk lukking av grinda. Nml. 11 er vurdert til ikkje å vera relevant i denne saka. På bakgrunn av vurderingane etter verneforskrifta og naturmangfaldlova 8 12, meiner forvaltar det kan gjevast løyve til tilrettelegging av utsiktspunktet med heimel i verneforskrifta og naturmangfaldlova 48 fyrste ledd og fyrste alternativ. www.nasjonalparkstyre.no/naroyfjorden/ Sakshandsamar Anbjørg Nornes Side 8 av 8