Bømlo kommune Detaljregulering for næring og fritidsbustadar i Langevåg, Sæverudsøy gnr. 98, bnr.5 m.fl. Plan ID: 201513 Føresegner 1 REGULERINGSFØREMÅL 1.1 Det regulerte området er vist på plankartet datert 30.10.2017. 1.2 Arealet innanfor plangrensa er regulert til følgjande føremål: BYGNINGAR OG ANLEGG (PBL. 12-5, 2.ledd nr. 1) - Fritidsbusetnad (BFR) - Annan næring (BAN) - Småbåtanlegg i sjø og vassdrag (BSB) - Småbåtanlegg i sjø og vassdrag med tilhøyrande strandsone (BBS) SAMFERDSELSANLEGG OG TEKNISK INFRASTRUKTUR (PBL. 12-5, 2. ledd nr. 2) - Veg (SV) - Køyreveg (SKV) - Annan veggrunn grøntareal (SVG) - Kai (SK) GRØNTSTRUKTUR (PBL. 12-5, 2. ledd nr. 3) - Grøntstruktur (G) - Turveg (GT) LANDBRUKS-, NATUR- OG FRILUFTSFØREMÅL (PBL 12-5, 2.ledd nr.5) - Landbruks-, natur- og friluftsformål for nødvendige tiltak for landbruk og gardstilknytt næringsverksemd basert på gardens ressursgrunnlag (L) BRUK OG VERN AV SJØ OG VASSDRAG (PBL. 12-5, 2. ledd nr. 6) - Bruk og vern av sjø og vassdrag med tilhøyrande strandsone (V) OMSYNSSONE (PBL 12-6) - Frisikt (H140) - Ras- og skredfare (H310) BESTEMMELSESOMRÅDE (PBL 12-7) Vilkår for bruk av areal, bygningar og anlegg (#1) 2 GENERELLE FØRESEGNER 2.1 Det kan vera uregistrerte fornminne i planområdet. Dersom det i samband med gravearbeid kjem fram funn eller konstruksjonar, må arbeidet straks stansast og kulturmynde få melding for ei nærare gransking på staden, jf. Kulturminnelova 8, 2.ledd. 2.2 Tiltak i sjø som fell inn under hamne- og farvasslova skal godkjennast av Karmsund Hamnevesen. Tiltak som kaiar, flytebrygger, utfyllingar, sjøleidningar m.m. krev løyve frå hamnemynde i tillegg til handsaming etter plan- og bygningslova, jfr. Hamne- og farvasslova 27. 1
Tiltakshavar pliktar å gje melding til Bergens Sjøfartsmuseum dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve områda. Eventuelle brot på desse vilkåra vil vere i strid med føresegnene i Lov av 9. juni 1978 nr. 50 om kulturminne. Fylling i sjø skal sikrast mot utrasing. 2.3 Tiltak skal prosjekterast og utførast slik at byggverk, byggegrunn og tilstøytande terreng ikkje vert utsett for fare, skade eller vesentleg ulempe som følgje av tiltaket. 2.4 Det kan etablerast nødvendige private/offentlege leidningar/røyr under bakkenivå, samt tekniske anlegg som pumpestasjon, nettstasjon, kabelskap, brannhydrant m.m. innanfor heile planområdet, uavhengig av regulert føremål. Anlegg i bakken skal dekkast til, men kan ikkje utan særskilt avtale overbyggjast med anlegg og bygningar. 2.5 For alle utbyggingsføremål er føremålsgrensa mot sjø vist som topp fylling. Fyllingsutslag/-fot er tillatt innanfor tilgrensande sjøareal. Fyllingsutforming i kanalen og mot småbåtanlegga skal vera i form av natursteinsmur frå kote -2 opp til nytt planert terrengnivå. Alle natursteinsmurar skal vera i form av lokal stein, fortrinnsvis granitt. Murar Natursteinmurar og andre tørrmurskonstruksjonar skal førast opp i samsvar med krav og tilrådingar i Statens vegvesen sine handbøker: «Statens vegvesen, Vegdirektoratet, Geoteknikk i vegbygging (Handbok V220), Vegdirektoratet, Oslo, vegleiing, Jun. 2010.» «Statens vegvesen, Vegdirektoratet, Tørrmuring og maskin (Handbok V270), Vegdirektoratet, Oslo, vegleiing, 2014.» og vera i samsvar med kravet i andre relevante handbøker, samt vera etter krava i gjeldande standardar for geotekniske konstruksjonar, pr. d.d.: «Standard Norge, Eurokode 7: Geoteknisk prosjektering. Del 1: Allmenne regler (NSEN 1997-1:2004), Standard Norge, Norsk standard (Eurokode) NSEN 1997-1:2004+NA:2008, Nov. 2004.» 2.6 Det kan etablerast utkraging og dekke av tre på natursteinsmurane. 2.7 Alle utbyggingsføremål skal ha planeringshøgd på minimum kote +1,5. Golvhøgd og tekniske installasjonar må liggje på minimum kote +2,3. Fasaden kan senkast under dette nivået mot sjø- /kainivå. 3 BYGNINGAR OG ANLEGG 3.1 FRITIDSBUSTADAR (BFR 1-3) BFR1: BFR2: BFR3: inntil 3 bygg inntil 3 bygg inntil 3 bygg Innanfor områda BFR1, BFR2 og BFR3 kan det byggjast fritidsbustadar som frittliggjande bygningar eller i rekkje. Det kan byggjast inntil 3 bygg innanfor kvart av dei 3 områda. Kvar fritidsbustad skal ha minst 2 parkeringsplassar. BFR1 skal ha parkering innanfor område BAN2. BFR2 skal ha parkering innanfor føremålet. BFR3 skal ha parkering innanfor føremålet eller innanfor BBS og/eller SVG1. 2
Fritidsbustadane skal ha eit maritimt preg. Det kan etablerast trapper og bryggekonstruksjonar innanfor føremålet. Maks bruksareal per fritidsbustad er 110 m 2 BRA. Kvart bygg kan ha maks to etasjar. Maks mønehøgd er 8,2 meter målt frå planert terreng. Fritidsbustadane skal ha saltak, med takvinkel mellom 35 og 45 grader. Føremålsområda har regulert byggegrense som vist i plankart. Der byggegrensa ikkje er synleg går den i føremålslinja. Ubygde deler kan mellom anna nyttast til tilplanting, gjerde, støttemurar og liknande. 3.1.1 Fritidsbustad BFR1 Innanfor føremålet kan det etablerast eit grillhus på maks 25 m 2 BYA. Bygget skal ha maks ein etasje, og ha maks mønehøgd 3,5 meter over terreng. Grillhuset skal ha tilnærma flatt tak. Golvhøgd og tekniske installasjonar må liggje på minimum kote +2,3. Det kan etablerast flytebryggekonstruksjonar innanfor føremålet. 3.2 ANNAN NÆRING (BAN1-2) Innanfor føremålet kan det etablerast næringsretta tiltak, og det kan byggast følgjande: Bygningar, parkeringsplassar, køyreveg, snuplass, teknisk utstyr m.m. Det kan berre etablerast støysvake næringar i områda, i form av representasjon, bevertning, overnatting m.m. Maksimalt tillatt bygd areal er 50 % BYA innanfor kvart av dei to områda. Fylling i sjø, bryggekonstruksjonar, murar, trapper, gangvegar, terrengplanering og kaifront kan etablerast uavhengig av byggegrenser, og skal ikkje inngå i utnyttingsgrad. Føremålsområda har regulert byggegrense som vist i plankart. Der denne ikkje er synleg går den i føremålslinja. Det skal etablerast minimum 4 parkeringsplassar samla for BAN1 og BAN2. Ubygde delar kan mellom anna nyttast til tilplanting, gjerde, støttemurar etc. Det skal i søknad om tiltak utarbeidast ein situasjonsplan som syner tilkomst, parkering, plassering/høgde/utforming av bygg og anlegg. Situasjonsplanen skal også visa korleis den ubygde delen av arealet skal planerast og utnyttast. Situasjonsplanen skal vidare vise utfylling og avslutning mot sjø og eventuelle murar/skjeringar. Det skal utarbeidast terrengsnitt som syner eksisterande og nytt terreng. 3.2.1 Annan næring BAN1 Innanfor føremålet kan det etablerast ein næringstilknytt fritidsbustad. Bygget skal ha likt uttrykk som næringsbygget på BAN2. Det kan etablerast bryggekonstruksjon innanfor føremålet. 3
BRA skal ikkje overstige 110 m 2. Bygget kan ha maks to etasjar. Maks mønehøgd er 8,2 meter målt frå planert terreng. Bygget skal ha saltak, med takvinkel mellom 35 og 45 grader. Parkering til området skal etablerast innanfor BAN2. 3.2.2 Annan næring BAN2 Innanfor føresmålet kan det etablerast eitt næringsbygg på maks to etasjar, og maks mønehøgde på 9 meter. Bygget skal ha maks 200 m 2 BYA. Bygget skal ha saltak, med takvinkel mellom 35 og 45 grader. Innanfor føremålet kan det etablerast inntil 5 sovekabinar på maks 12 m 2 BYA for kvar eining. Maks mønehøgd skal vera 3 meter over golvnivå. Sovekabinane kan etablerast på pålar, for best mogleg terrengtilpassing. Det kan etablerast vatn og avløp i sovekabinane. Sovekabinane skal ha tilnærma flatt tak. Dei kan ha trappetilkomst, og blir ikkje universelt tilrettelagt. Ved etablering av sovekabinar på pålar kan maks takhøgd vera 6 meter over gjennomsnittleg terrengnivå. Innanfor føremålet kan det etablerast eit grillhus på maks 40 m 2 BYA. Bygget skal vera på ein etasje, ha tilnærma flatt tak og maks mønehøgd 3,5 meter over planert terreng. Parkering for BAN1 og BAN2 skal etablerast innanfor føremålet. 3.3 SMÅBÅTANLEGG I SJØ OG VASSDRAG (BSB) Småbåtanlegget er tilknytt næringsverksemda, og skal nyttast av områda BAN1 og BAN2. Eigarform er privat. Det er tillatt å etablera utriggarar festa i land innanfor BAN2. Det kan etablerast flytebrygge innanfor føremålet. 3.4 SMÅBÅTANLEGG I SJØ OG VASSDRAG MED TILHØYRANDE STRANDSONE (BBS) Innanfor føremålet kan det etablerast ei flytebrygge med landgang. Flytebrygga kan vera maks 24 meter lang og 3 meter brei med utriggarar. Ved full utbygging på BFR2 eller BFR3 skal det vera minimum 3 båtplassar på kvar side av flytebrygga. Båtplassane mot søraust skal nyttast av fritidsbygga innanfor BFR3. Båtplassane mot nordvest skal nyttast av fritidsbygga innanfor BFR2. Det kan etablerast murfront mot sjøen for å sikre stabil fundamentering av flytebrygga i land. Forankring av flytebrygga er tillatt etablert i tilgrensande føremål. 4 SAMFERDSELSANLEGG OG TEKNISK INFRASTRUKTUR 4.1 VEG (SV) Eksisterande vegsituasjon er vidareført slik den går i området. Vegen har eigarstatus offentleg. 4.2 KØYREVEG (SKV) SKV er privat tilkomstveg til alle utbyggingsføremål innanfor planområdet. Vegen er regulert med totalt 4,5 meter (4 meter vegbreidde og 0,25 meter skulder på kvar side). Mindre justeringar/endringar i horisontal- og vertikalplanet kan tillatast når detaljplanlegginga gjer dette føremålstenleg og forsvarleg tryggleiksmessig. Det kan etablerast bom på køyrevegen. 4.3 OMRÅDE FOR ANNAN VEGGRUNN GRØNTAREAL (SVG1-4) Området omfattar fylling, skjering, grøfter, murar, stabiliserande tiltak og liknande tilknytt veg og køyreveg. Området skal nyttast til tiltak knytt til drift og vedlikehald av tilstøytande veggrunn. Framføring av teknisk infrastruktur er tillatt. 4
4.3.1 Område for annan veggrunn grøntareal SVG1 og SVG4 Mindre avvik i skråningsutslag vil kunne skje som følgje av uventa tilhøve som t.d. grunnforhold eller manglar i kartgrunnlag. Dette kan medføre at areal som er planlagt disponert til vegføremål vil fråvika noko frå det som går fram av føremålsgrensene i plankartet. Areal som ikkje vert disponert til køyreveg er føresett nytta som tilgrensande LNF-føremål. 4.4 KAI (SK) Det kan etablerast henteplass for renovasjon innanfor føremålet. Det kan etablerast konstruksjon knytt til bom innanfor føremåla. Innanfor SVG1 kan det gjennomførast skredsikringstiltak. Det kan etablerast ein enkel kai med natursteinsmur i front. Kaihøgde kan vera maks kote +2. Eigarform er privat. Kaien skal nyttast av næringsverksemda. 5 GRØNTSTRUKTUR 5.1 GRØNTSTRUKTUR (G1-4) Mindre tiltak for å sikra tilgrensande turveg, som til dømes lyspunkt, kan etablerast innanfor føremålet. Området kan tilplantast. 5.1.1 Grøntstruktur G1 og G3 Innanfor føremålet kan det etablerast mindre murar i tilknyting til turvegen, samt opprydding og god estetisk utforming av området. Eventuelle murar skal utformast i steinmateriale. Det er tillatt å sette opp gjerde innanfor føremålet. 5.1.2 Grøntstruktur G2 og G4 Eksisterande utfyllingar kan oppgraderast med natursteinsmurar for å få ein estetisk fin avslutning mot sjøen. 5.2 TURVEG (GT1-2) Turvegen er ein vidareføring av eksisterande veg i området, og får ikkje krav om universell utforming. Turvegen har privat eigarform. Vegen vil vera open for ålmenta. 5.2.1 Turveg GT1 Det er regulert inn turveg med 3 meter breidde. Eksisterande murar i kanalløpet kan vedlikehaldast og oppgraderast. 5.2.2 Turveg GT2 Eksisterande konstruksjonar er regulert som turveg. Konstruksjonane kan vedlikehaldast og oppgraderast. 6 LANDBRUKS-, NATUR- OG FRILUFTSFORMÅL 6.1 LANDBRUKS-, NATUR- OG FRITIDSFØREMÅL (L1-3) 5
Området kan nyttast for tiltak til landbruk og gardstilknytt næringsverksemd basert på garden sitt ressursgrunnlag. 6.1.1 Landbruks-, natur- og friluftsformål L1 og L2 Innanfor L1 og L2 kan det gjennomførast skredsikringstiltak. 7 BRUK OG VERN AV SJØ OG VASSDRAG MED TILHØYRANDE STRANDSONE (V) Innanfor føremålet er det høve til å etablere fyllingsutslag og fyllingsfot frå planeringsområda tilhøyrande utbyggingsføremåla. Innanfor føremålet er det høve til å etablera forankring for flytebrygger. Innanfor føremålet er det høve til å gjera naudsynte tiltak for å sikra god tilflott til kaien. Deler av eksisterande konstruksjon i kanalen skal fjernast for å sikra tilkomst for småbåtar gjennom området. Deler av eksisterande konstruksjonar ved utløpet sør i planområdet skal fjernast for å sikra hovudtilkomst for båtar inn til pollen. 8 OMSYNSSONER 8.1 FRISIKTSONE (H140) Sona for fri sikt skal vere fri for fysiske og visuelle hindringar høgare enn 0,5m over tilstøytande vegars plan. 8.2 RAS- OG SKREDFARE (H310) Det kan ikkje gis løyve for nybygg innanfor omsynssona før det er gjennomført naudsynt skredsikring. 8.3 FRILUFTSLIV (H530) Innanfor omsynssona skal friluftskvalitetane takast i vare, spesielt knytt til opning av pollen for småbåtar. 9 BESTEMMELSESOMRÅDE (# 1) Innanfor bestemmelsesområdet kan det etablerast brukonstruksjon for gåande. Brua må ivareta tilkomst til øya i den vestre delen av planområdet, og samstundes ivareta passasje gjennom kanalen for mindre båtar. Brua kan utformast som svingbru eller som ein fast konstruksjon. I søknad om tiltak vil bruutforminga verta avklart. 10 REKKEFØLGEKRAV 10.1 VA-plan må utarbeidast og godkjennast av BVA før anleggsstart. 10.2 Avkøyrsel frå o_sv1 til SKV1 skal detaljplanleggjast og godkjennast av Statens vegvesen, før utbygging. 10.3 Før bygging på BFR1 skal kjøreveg SKV1 til området vera ferdigstilt. 10.4 Før bygging på BFR1 og BAN1 skal det etablerast brukonstruksjon innanfor bestemmelsesområde #1. 10.4 Ved sprenging innanfor omsynssone H310 må det gjerast geologiske vurderingar knytt til bergstabilitet og behov for sikring i eventuelle utsprengte skjeringar. Vurderingane må gjerast av firma med bergteknisk kompetanse. Stord, 30.10.2017 6