INFORMASJONSHEFTE GRUNNSKULELÆRARUTDANNINGANE HØGSKULEN I VOLDA STUDIEA RET 2015 2016 www.hivolda.no/glu 1
2
Innhald Tid til studiar og undervising... 4 Frammøte... 4 Arbeidskrav, eksamen og progresjon i studiet... 6 Målform... 6 Kjeldetilvising... 6 Praksis... 7 Basisgrupper... 7 Ansvar for studentar i basisgruppe... 7 Ansvar for basisgruppeleiar... 7 Innhald i det første møtet mellom basisgruppeleiar og basisgruppe... 8 Innhald i utdanningssamtalar... 8 Aktuelle lover og forskrifter... 9 Vedlegg 1: Mal for utdanningssamtaler ved HVO... 10 3
I tillegg til den informasjonen du finn her, bør du også lese studieplanen for det aktuelle studiet. Tid til studiar og undervising Berre ein liten del av arbeidsveka vil vere knytt opp til obligatorisk undervising. Eit arbeidsår er på om lag 1650 timar. For studentar er dette arbeidsåret fordelt på om lag 39-40 veker. I snitt gir dette ei arbeidsveke på godt over 40 timar. Vi reknar med at studentane sjølve, og i samarbeid med medstudentar, brukar heile arbeidsvekene på ein god måte for å sikre seg best mogleg utgangspunkt for det store ansvaret som ligg i å skulle sørgje for opplæringa til born og unge. Vi tilrår at du finn nokon å arbeide saman med. Vi er sikre på at studentane lærer best gjennom å arbeide saman med andre, og utbyttet av studiet vil bli mykje betre. Basisgruppa er også meint som ein slik samarbeidsarena. Frammøte Grunnskulelærarutdanningane utdannar studentar til eit yrke som ikkje kan lærast eine og åleine gjennom å lese teori. Mykje av lærdommen må utviklast saman med andre gjennom samtaler, diskusjonar og gruppearbeid med meir. Av denne grunn er all timeplanfesta undervisingsaktivitet obligatorisk, og vi forventar at alle studentar tar dette på alvor. Merk at det å vere fysisk tilstade i seg sjølv ikkje er nok. Ein må møte førebudd og vere aktive i den undervisingsaktiviteten som føregår. Faga har faste undervisningsdagar. Ordninga med obligatorisk undervising er regulert gjennom Forskrift om studium og eksamen ved Høgskulen i Volda, Alle studentar bør orientere seg om denne forskrifta. Vi vil her kommentere spesielt 4-6. Obligatorisk frammøte/deltaking 4-6. Obligatorisk frammøte/deltaking (1) Studie- og emneplanane skal vise omfanget av og kva delar av undervisninga og andre aktivitetar som er sette som obligatorisk krav for studieprogrammet. (2) Dersom ikkje anna er bestemt i emneplanen, krev ein 80 prosent frammøte/deltaking til obligatorisk undervisning i eit emne. (3) Ved krav om obligatorisk frammøte/deltaking skal den emneansvarlege syte for at det vert ført logg over frammøtet til kvar student. (4) Studenten skal halde seg orientert om fråværet sitt. 4
(5) Ein student som av særskilde grunnar ikkje klarer å innfri det obligatoriske kravet til frammøte/deltaking, kan søkje dekanen om dispensasjon frå frammøtekravet innan rimeleg tid før undervisningsperioden er ute. Dekanen kan då påleggje studenten fagleg(-e) arbeid som erstatning. Med særskild grunn meiner vi medisinsk grunn eller velferdsgrunn. Søknaden skal vere dokumentert med attest frå lege eller annan sakkunnig. (6) Ein student som har tillitsverv i styringsordningar ved Høgskulen i Volda og Studentsamskipnaden for Sunnmøre, verv i nasjonale eller internasjonale studentorganisasjonar, eller har plikter i offentleg valde organ, kan søkje dekanen om fritak frå heile eller delar av kravet om obligatorisk frammøte. (7) Ein student som ikkje får godkjent frammøtet, misser retten til å gå opp til eksamen i emnet, og må melde seg til undervisning og vurdering på nytt ved neste ordinære emnegjennomføring. (8) Vedtak om ikkje godkjent frammøte utløyser klagerett. isk frammøte. Semesterplanen i kvart emne skal vise korleis dei obligatoriske delane fordeler seg i studieåret. Praktisering av 4-6 ved grunnskulelærarutdanninga: Emneansvarlege fører fråvær i Fronter. Studentar som trur dei kan kome i ein situasjon der fråværet vert over 20 %, bør så tidleg som mogleg i studieåret informere studieleiar og basisgruppeleiar om dette, t.d. gjennom dokumentasjon frå lege. Om frammøte ikkje er godkjent, skal emneansvarleg melde studenten av eksamen etter siste obligatoriske undervisingsaktivitet. Emneansvarleg skal varsle student, studieleiar og basisgruppeleiar om dette. Studenten kan sende søknad 1 om dispensasjon frå frammøtekravet. Desse søknadene skal stilast til dekan ved AHL. Søknad skal leverast studieleiar, anten per e-post eller i brevs form. Dekan vil ta endeleg avgjerd. Søknadene vert handsama individuelt. Det er viktig at søknader vert levert så tidleg som mogleg. Studentar tar sjølve vare på legeattestar og liknande til 1 Bruk søknadsskjemaet som ligg på www.hivolda.no/glu 5
eventuell søknad vert sendt inn. Dersom dispensasjon vert gitt, vil normalordninga vere at det må leverast kompensatorisk arbeid. Fråværsreglane for praksis er annleis, sjå praksisheftet. Arbeidskrav, eksamen og progresjon i studiet For å gå opp til eksamen i eit emne må alle arbeidskrav knytt til emnet vere oppfylt, og studenten må ha tilstrekkeleg frammøte i emnet. På emne som byggjer på kvarandre, må emnet under vere fullført, før studenten kan ta eksamen i emnet. Normalt må alle einaremne i eit fag vere godkjent før ein kan byrje på eit toaremne i faget. Til dømes Norsk 1A og Norsk 1B må båe vere bestått før studenten får gå opp til eksamen i Norsk 2. Sjå Forskrift om opptak, studium og eksamen ved Høgskulen i Volda, 4-7. Semesterplanar og planar i fag vil bli publiserte i Fronter. Studentane skal halde seg orientert om informasjon som vert lagt ut i Fronter. Studenten må få godkjent praksis kvart studieår for å halde fram neste studieår. Sjå meir om dette i emneplan for praksis. Målform Høgskulen i Volda har ansvar for å sikre at lærarstudentane beherskar både nynorsk og bokmål, då det er valfri målform i skulen. I fyrste studieår er det valfri målform på arbeidskrava, med unntak av norskfaget (sjå emneplan). Men vi oppmodar alle studentar om å skrive nokre arbeidskrav på nynorsk og nokre på bokmål. Det blir og arrangert eit obligatorisk kurs i profesjonsskriving på bokmål og nynorsk. Til kurset er det ein 3-timars skriftleg eksamen med stått/ikkje stått som vurdering. Sjå detaljar i emneplanen i studiehandboka. Kjeldetilvising Ved grunnskulelærarutdanningane følgjer vi APA-stilen når det gjeld kjeldetilvisingar i arbeidskrav og på eksamenar. Sjå biblioteket sine sider for meir informasjon. http://www.hivolda.no/hivolda/biblioteket/skrive-og-referere-/apa-stilen 6
Praksis I løpet av dei fire studieåra skal studenten ha gjennomført 100 dagar praksis. Praksis er fordelt med 30 dagar i kvart av dei tre fyrste åra og 10 dagar fjerde året. Gjennom dei fire studieåra skal studenten ha praksis på ulike klassesteg utdanninga kvalifiserer for. Det finst ein eigne emneplanar for praksis. Basisgrupper Studentane vil høyre til ei basisgruppe som fungerer som arbeidsgruppe i studiet, både i undervisning og praksis. Kvar basisgruppe vil ha ein rettleiar frå dei fagtilsette ved grunnskulelærarutdanningane, og ein eller to praksislærarar som har hovudansvar for praksisopplæringa. Ansvar for studentar i basisgruppe Basisgruppene er arbeidsgrupper og vil bli nytta til samarbeid i ulike samanhengar. For at gruppene skal fungere etter føremålet, er det viktig at alle partar er klar over og utfører sine delar av arbeidet. Det er viktig at dei einskilde gruppene kjem fram til sine arbeidsmåtar og rutinar, men følgjande ansvarsfordeling er felles for alle gruppene. Alle skal møte til avtalt møte. Dersom ein vert hindra, skal ein gi melding om dette på den måten gruppa har blitt einige om. Alle har ansvar for å gjere avtalt arbeid til avtalt tid. Det skal førast logg for arbeidet. Gruppemedlemmene har ansvar for å gå til basisgruppeleiaren dersom det vert problem på gruppa. Alle har ansvar for å syne ei profesjonell haldning til eventuelle problem, det vil mellom anna seie å diskutere sak og ikkje person. Ansvar for basisgruppeleiar Basisgruppeleiar skal ha oppfølgingsmøte med heile basisgruppa. Basisgruppeleiar har ansvar for å kalle inn til desse møta. Det vert tilrådd minst to møte per semester i fyrste studieår. Basisgruppeleiaren har hovudansvar for å hjelpe gruppa dersom det vert problem. Basisgruppeleiar har ansvar for å kalle inn til utdanningssamtalar ein gong i semesteret. Sjå vedlegg 1. Basisgruppeleiarane tar del på organiserte praksismøte på Høgskulen og på praksisskulen. Basisgruppeleiarane møter i årsstegsmøte for kullet. Basisgruppeleiarane møter til praksisoppfølging avtalt med praksislærar. 7
Innhald i det første møtet mellom basisgruppeleiar og basisgruppe Bli kjende Opne for spørsmål om årsplanen og organiseringa av studieåret. Snakke om vurderingsformer og arbeidsformer Snakke om arbeid i basisgruppe: o Ei profesjonell arbeidsgruppe ein viktig læringsarena. Døme på kva ein arbeider med og korleis ein kan arbeide. Samarbeid o Kva er deltakarane sitt ansvar? Kva er basisgrupperettleiaren sitt ansvar? Knyte basisgruppene til praksis og snakke litt om praksis: Basisgruppa skal vere saman i praksis gjennom heile året, difor er det vanskeleg å løyse opp gruppa. Opplegg rundt praksis Kva er ein praksislærar? Orientere om kvalitetssystemet for studiekvalitet ved Høgskulen i Volda Forklare kva utdanningssamtalar er, og bli einige om når desse samtalane skal gjennomførast. Basisgruppeleiarane kallar inn til individuelle utdanningssamtalar haust og vår Kvar ein finn informasjon: o Fronter hovudinformasjonskjelde o E-post o Sørvistorget, studieleiar, praksiskonsulent, faglærarar o www.hivolda.no/glu Innhald i utdanningssamtalar I tillegg til dei sentrale føringane for utdanningssamtalar ved HVO legg vi ved grunnskulelærarutdanningane følgjande føringar for utdanningssamtalen: Alle studentar skal ha ei individuell 2 utdanningssamtale med sin basisgruppeleiar i løpet av kvart semester. Studentane møter til oppsette samtaler. Om studentar ikkje møter, skal studieleiar ha melding. Studieleiar vil då kalle inn studenten til samtale. I utdanningssamtalen vert det lagt vekt på følgjande punkt: Studere ved Høgskulen i Volda o Informasjon og informasjonskanalar o Studentmiljø og klassemiljø o Trivsel o Organisering av studiet (basisgrupper, seminargrupper, plenum) o Frammøte/fråvær Praksis 2 I andre og tredje studieår kan gruppesamtaler vere aktuelt, men om student eller basisgruppeleiar vil det, skal samtalen vere individuell. 8
Studenten sitt fagval og fagleg progresjon Om å vere student o Frammøte o Arbeidsmåtar og arbeidsforhold o Nettetikk (Facebook, blogg m.m.) o Kvifor vil eg bli lærar? o Kontakt med faglærarar Vegen vidare Andre aktuelle saker Vi føreset at både studentar og faglærarar førebur seg til samtalen. Sjå elles vedlegg 1 for innhald i utdanningssamtalene seinare i løpet. Aktuelle lover og forskrifter Sentrale lover, forskrifter og ordningar studentar bør orientere seg i, er samla på denne nettsida: hivolda.no/regelverk 9
Vedlegg 1: Mal for utdanningssamtaler ved HVO Framlegg til tema og spørsmål ein kan diskutere i utdanningssamtale. Ved spørsmål utdanningsrettleiar ikkje kan svare på, viser ein vidare til aktuelle fagpersonar, studiekonsulent eller studierettleiar i studieadministrasjonen. Generelt Korleis opplever studenten studiesituasjonen? Er det ting i emneplan/undervisingsopplegg som er uklare? Faglege mål diskusjon av læringsutbytte individuelle mål ut over studieplanen arbeidsmåtar i faget fristar i studiet kva ønskjer studenten med utdanninga kva vil ein jobbe med seinare Fordjupingsområde Har studenten spesielle faglege interesser, noko ein ønskjer å fordjupe seg meir i? Tema for prosjektarbeid, semesteroppgåver eller frie oppgåver i studiet Valemne, spesialisering, litteratur, osb. Individuelle tilretteleggingar? Opplyse studenten om kvar dei skal sende seg om særordningar til eksamen og anna, ut frå handlingsplanen for inkluderande læringsmiljø. Må undervisinga leggjast særleg til rette på nokon måte Planlegging av utdanningsløp Studenten skal søke å planlegge studieløpet sitt så langt som råd, men ein må ikkje legge plan for alle åra i studiet. Ein kan kome tilbake til ting seinare/neste semester. Innpassingar Progresjon Planlegg ein avbrekk/permisjonar? Vil ein måtte studere på deltid ein periode? Valmodular/opphald andre stader Når vil ein/kan ein legge inn utanlandsopphald/opphald ved annan institusjon Kva valmodular vil ein ta når? Praksis Vidare studium etter fullført grad/utdanning 10