MØTEBOK Tidspunkt: Måndag 4 november 2013 kl 1800 Stad: Rauland Kraftforsyningslag Desse møtte: Halvor Fehn, Jarle Nordjordet, Tor Aage Dale, Marit Jordtveit Meldt forfall: Dorthe Huitfeldt Andre til stades på møte: Sveinung Olsnes, sekretær Helge Bitustøyl og Birger Kjelingtveit (møtet starta med sak 17/13 og desse forlot møtet etter denne handsaminga) Saker til styremøtet: Sak 13/13: Referat og meldingar Sak 14/13: Oppsummering av reinsjakt 2013, samjakt, reglar Sak 15/13: Rupejakt, årets erfaringar, evt endringar, freding Sak 16/13: Økonomi, status og planar Sak 17/13: Stadnamnprosjektet Sak 18/13: Eventuelt Me stadfestar med dette at møteboka er i samsvar med det som vart bestemt under møtet: Halvor Fehn /s/ Jarle Nordjordet/s/ Tor Aaage Dale/s/ Marit Jordtveit/s/ Rauland Fjellstyre Åmotvegen 8 3890 Vinje Telefon: 902 13 655 - E-post: rauland@fjellstyrene.no Bankkonto: 2620 27 01336
Sak 08/13: Referat og meldingar 1/13: Frå NFS: Kontingent for 2012 2/13: Inatur: Melding om prisendring 3/13: Frå Villreinutvalet: Invitasjon vårmøte 4/13: Frå HG: HG nytt 5/13: Frå Brønnøysundreg: Melding om endring av registeropplysingar 6/13: Frå Vinje kommune: Melding om vedtak, fullmakt til RF 7/13: Frå Villreinnemda: Kvotevedtak 2013 8/13: Frå Vinje kommune: Møtebok Berunuten vest 9/13: Frå Telenor: Stadfesting av mobilabonent 10/13: Frå HA 259 v/johan Vaa: tilbod om overgang i reinsjakta 11/13: Frå Birger Kjelingtveit: Stadnamnprosjektet, forslag til endring Gjennomgang ved sekretær Styret tek orienteringa til vitande Sak 14/13: Oppsummering av reinsjakt 2012, samjakt, reglar Reinsjakta er over og resultatet for RS vart 57,6 % felling mot 43 % i fjor. Tilbakemeldingane på årets ordningar har vore positive så langt. Det har i år vore samjaktavtale med Berunuten Vest. Av tilbakemeldingane på korta kan ein sjå at dette er nytta av våre jegerar då fleire dyr er felt her. Det er og tydeleg at fleire dyr er felt på Mårfjell og i området til HA 259. Det var vanskeleg å verte kvitt korta i år, men til slutt vart alt seld. Det er verd å merke seg at ordninga med at alle bruksberettiga i allmenningen kan ta med seg kort inn kanskje kan vere med å undergrave eige kortsalg. Med så stor kvote vil
det vere veldig mange rimelege kort å få kjøpt vestpå. Det har vorte seld fritt dyr kort ned i under 1000 kr før jakt og heilt ned i 500 litt uti jakta. Då seier det seg sjølv at det vil bli veldig rimeleg å kjøpe kort her og ta med seg inn framfor å betale full pris direkte frå RF. Dette er noko ein bør diskutere i styret. Når det gjeld samjakt med Ullensvang og Eidfjord så har ikkje denne ordninga vorte nytta i det heile av desse fjellstyra. Eidfjord melder at det ikkje har vore interesse medan Ullensvang ikkje har kunna nytta seg av dette grunna administrasjonskapasitet. Ullensvang understrekar at dei kan tenke seg vidareføring av dette til neste år og då vil administrere dette betre. Det har kome tilbod frå HA 259 v/johan Vaa om ståande overgang for 2-3 jegerar til ein kvar tid. Dette må då administrerast av fjellstyret. HA 259 understrekar at dette ikkje er endeleg vedteke før det har vore oppe deira styre. Med dagens kvotar og manglande interesse blant bruksberettiga bør det for neste år vere rom for å selgje eit lite tal kort til utanbygdsbuande. Dette er og etter kvart naudsynt for å betre økonomien i fjellstyret. Styret bør derfor ta stilling til dette. Gjennomgang ved sekretær. Styret ynskjer å tenke gjennom korleis ein kan organisere jakta for neste år. Vedtak for jakta 2014 vert gjort på møte i januar. Styret ser positivt på å selje eit vist tal kort til utanbygds jegerar i 2014. Styret ynskjer og å kontakte andre SA på vestvidda for å få til samjakt mot overføring av kort. Styret noterar seg at samjakta som vart tilbode Eidfjord og Ullensvang ikkje har vorte nytta i det heile. Når det gjeld tilbodet frå HA259 ser styret det som svært positivt at ein med dette kan få tilgang for allmenningsjegerar på fast basis i dette området. Styret meiner ein bør freiste å få til ei ordning der ein slepp å ha papiravtaler. Det hadde vore ein fordel om ein kunne bruke ei SMS løysing til å administrere dette. Dersom HA259 gjev løyve til 3 jegerar kan ein SMS med datoavgrensing sendast den aktuelle jegeren der det vert opplyst at han har rett til dette. Jfr fiskekort på SMS frå Inatur. Ordninga må sjølvsagt fjellstyret stå for. Det er og ynskjeleg frå styret si side at ein tek kontakt med Rauland Jeger og Fisk for å få til ei meir ordna samjakt. Elles vert alle vedtak omkring jakta i 2014 gjort i møte i januar. Styret tek orienteringa til vitande. Sekretær skriv brev til Rauland Jeger og Fisk Samrøystes Sak 15/13: Rupejakt, årets erfaringar, evt endringar, freding
Det har i 2013 vore rjupejakt med start fom 1 oktober. Det har tidlegare vore svært avgrensa tal på jegerar med denne ordninga. I 2012 vart det seld 29 jaktkort. Til no i år er talet over 70. Det er antakeleg samansette årsaker til auka, men sannsynlegvis er hovudgrunnen at det no er freda på Berunuten Vest. Det fine veret i haust har og spela inn. Mangelen på sikre statistikkar over bestanden gjer forvaltninga vanskeleg. Det ein med sikkerheit kan slå fast er at totalbestanden på Hardangervidda er svært låg. Derfor er det svært mange som no har freda jakta. Dei seinare åra har området frå RS og ut mot Bitdal vore ein av få område med nokonlunde bra med fugl. Frå fjelloppsynet har ein i år motteke meldingar om at dette ikkje lengre er tilfelle. Små kull og svært lite fugl og sjå er fasiten i år. Det har og kome inn meldingar frå årets jegerar om at det er dårleg med fugl og at det har vore alt for stort jakttrykk. Totalt sett bør ein derfor vurdere situasjonen og avgrense jakttrykket evt frede området. Ei freding er drastisk, men sannsynlegvis rektig på dette tidspunktet. Ein skal hauste av eit produksjonsoverskot og dette ser ikkje ut til å vere tilfelle lengre. Viltlova 1 seier mellom anna: «viltet skal forvaltast slik at naturens produktivitet og artsrikdom bevarast. Innan for denne ramma kan viltproduksjonen haustast.» Dette kan ikkje lengre seiast å vere tilfelle når bestanden går ned år etter år. Naturmangfaldlova 4 til 9 omhandlar ansvaret for berekraftig bruk og forvaltning av artar. 9 omhandlar føre var prinsippet og seier mellom anna «skal ikke mangel på kunnskap brukes som begrunnelse for å utsette eller unnlate å treffe forvaltningstiltak..». Fjellstyret kan med hjemmel i Fjellova 23 avgrense «tida, måten og området for jakt og fangst». Tilråinga her vil vere «føre var» prinsippet og innføre freding av området i 2 år. Ein kan då sjå på utviklinga etter desse åra og samkøyre med den andre store tilbydaren, Berunuten Vest, som har freda tom 2015. Rauland Fjellstyre fredar rupejakta på Rauland Statsallmenning i 2014 og 2015. Vedtaket er gjort med heimel i Fjellova 23. Bakgrunnen for fredinga er viltlova 1, Naturmangfaldlova 4-9. Vedtaket er førehandsvarsla på våre nettsider innan fristen på ei veke. Vedtaket kan påklagast innan 3 veker frå kunngjering. Diskusjon omkring saka. Styret er positive til å frede, men ynskjer å frede for eit år. Etter dette vil styret ta saka opp til vurdering. Rauland Fjellstyre fredar rupejakta på Rauland Statsallmenning i 2014.
Vedtaket er gjort med heimel i Fjellova 23. Bakgrunnen for fredinga er viltlova 1, Naturmangfaldlova 4-9. Vedtaket er førehandsvarsla på våre nettsider innan fristen på ei veke. Vetaket kan påklagast innan 3 veker frå kunngjering. Samrøystes Sak 16/13: Økonomi, status og planar Fjellstyret har dei seiste åra hatt noko trong økonomi. Dette vil ikkje bli betre dersom ein ser for seg ei freding av rupejakta. Det er trong for vedlikehald av nokon av hyttene. På Saltpytt må ein ha ny inngangsdør og ordne lufting på doen. På Meinsvatn må det og til ny ytterdør. I tillegg bør ein tenke på å rive av kledningen og vindtette hytta på nytt. Fjellstyret bør sjå på måtar ein kan auke inntektene på evt redusere kostnadene. Innan for dagens drift er kostnadsnivået på eit absolutt minimum. Den store kostnaden for RF er sekretærleige hjå FH. Det er her ein eventuelt kan spare noko dersom ein går ned på tenestekjøp. Situasjonen i dag er at sekretær ikkje har nok timar til å gjere meir enn det absolutt naudsynte. For inneverande år strekk timane så vidt til. Dette betyr at styret sjølve må ta ein del av arbeidsoppgåvene dersom tenestekjøpet skal reduserast. Gjennomgang ved sekretær. Styret ser at ein har større vedlikehaldsoppgåver i åra som kjem. Inntektene vil ikkje auke monaleg ettersom ein vil få redusera inntekter ved bortfall av småviltjakt. Styret ynskjer å gå ned til minimumsnivået på kjøp av tenester frå HF. Styret vil då måtte sjå på kva for oppgåver ein kan gjere på dugnad for at sekretær skal få færre oppgåver. Dette avtalast næmare med sekretær. Styret vil og sjå på eksterne finansieringsmåtar for å få utført naudsynt vedlikehald. Det er ynskjeleg å få kartlagt nøyaktig omfang av vedlikehald og lage ein plan for dette. Sekretær gjev melding om at Rauland fjellstyre ynskjer å gå ned til minimumsnivået for tenestekjøp frå HF. Styret går over alle hyttene og set opp oversikt over vedlikehaldsomfanget og kostnader med dette ila vinter 2014.
Samrøystes Sak 17/13: Stadnamnprosjektet Framlegg frå stadnamngruppa Etter vedtak gjort i fjellstyret i sak 22/12 har Birger Kjelingtveit teke tak i arbeidet med å oppdatere/endre namn innanfor RS sine grenser. Det har vore ei arbeidsgruppe som har jobba med dette. Gruppa har kome fram til forslag til endringar som dei ynskjer å leggje fram for fjellstyret. Gjennomgang av forslag utarbeidd av stadnamngruppa. Gruppa har bestått av Jarle Nordjordet, Birger Kjelingtveit og Helge Bitustøyl. Styret går gjennom alle forslag som har kome inn. Ein er einige om at berre namn som er innanfor allmenningsgrensa skal takast med. Nokre namn er usikre og vert derfor lagt til sides i denne omgang. Ein er og einige om at hellerar ikkje skal takast med i innspelet til Statens kartverk. Styret godkjenner forslaga som er lagde fram med endringar gjort i møtet. Sekretær samanfattar og digitaliserar informasjonen og sender innspel til Statens kartverk. Samrøystes Sak 12/13: Eventuelt Det kom opp spørsmål om bestilling av ved. Styret diskutera forbruk og kven som skulle ta jobben med bestilling.
Halvor Fehn sjekkar prisar med nokre leverandørar og bestiller der det er rimelegast. Samrøystes